ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⴳ ⵜⵙⵉⵔⵉⵜ ⴰⴷ, ⴰⴷ ⵏⴳ ⵜⴰⵎⵙⵙⵓⵎⴰⵏⵜ ⴱⴰⵔ ⴰ ⵏⵙⵙⵉⴽⵎ ⵜⴰⵡⵏⴳⵉⵎⵜ ⵏⵖ ⴳ ⵜⵖⴰⵡⵙⴰ ⵅⴼ ⵓⵔ ⴷⵊⵉⵏ ⵢⵓⵔⵉ ⴰⵡⴷ ⵢⴰⵏ.ⴰ ⵏⴳ ⵜⴰⵎⵙⵙⵓⵎⴰⵏⵜ ⴱⴰⵔ ⴰ ⵏⵙⴽⵔ ⴰⴳⴷⵔⵓⵔ ⵅⴼ ⵜⵔⴱⴱⴰⵄ ⵙⵓⵙⵎⵏⵉⵏ, ⵓⵔ ⵉⵔⵉⵏ ⵜⵉⵏⴱⴱⴰⴹ, ⴰⴼⵉⵏ ⵜⵜ ⵜⵉⵎⵙoⴷⴰⵔ ⴳ ⵉⴼⵙⵜⵉ.ⴰⵢⴰⴷ ⴰⵖ ⵉⵜⴰⴷⵊⴰⵏ ⴰ ⵏⵙⵔⵙ ⵉⵙⵇⵙⵉⵜⵏ ⴰⴷ ; ⵎⴰⵏⵉ ⵣⴳ ⴷ هⴽⴽⴰ ⵉⴼⵙⵜⵉ ⵢⴰ ? ⵎⴰⵅ ⴰⵍⵍⵉⴳ ⵓⵔ ⵔⵉⵏⵜ ⵜⵔⴱⴰⵄ ⴰⴷ, ⴰⴷ ⴰⵎⵓⵏ ⵜⵜ ⴳ ⵉⵙⵇⵇⵓⵎⴰ ⵏ ⵜⵏⴱⴰⴹⵜ. ⵎⴰⵅ ⴰⵍⵍⵉⴳ ⵔⵔⴰⵏ ⵜⵜ ⵜⴰⵃⵎⴰⴷⵊⵓⵜ ⵡⴰⴳⴳⵓ ⵏⵙⵏ ⵜⵜ ⴹⵔ ? ⵉⵙ ⴷ ⵙⵜⵉⴷⵜ ⵜⴰⵏⵓⵖⵉ (ⵍⵎⵓⵜ) ⴰⴳ ⵜⴳⴰⵏⵏⴰⵢ ⵡⵏ ⵉⵙⵓⵙⵎⵏ ⵎⵖⴰⵔ ⵜⵜ ⵜⴱⵔⵉ ⵜⵃⵍⵍⴰⵙⵜ ⵏ ⵉⵏⴱⴷⴰⴷⵏ ?
ⵜⴰⵎⵎⴰⵏ ⵉⵙⵇⵙⵉⵜⵏ ⴰⴷ, ⴰⴷ ⵖⵣⵉⵏ ⵉⵅⴱⴰ ⴳ ⵉⴼⵙⵜⵉ ⵏ ⵜⵔⵓⴱⴱⴰ ⴰⴷ ; ⵎⵛⵜⴰ ⴰⴳ ⵜⵜⵉⵏⵉⵏ ⴳ ⵓⵇⵔⵔⵓ ⵏⵙ ⵉⵙ ⴷ ⴰⵖⵔⵓⵙ ⴰⵢⴷ ⵢⵓⴷⵊⴰⵏ ⴽⵉⴳⴰⵏ ⵎⵉⴷⴷⵏ ⴰⴷ ⵙⵓⵙⵎⵏ, ⵇⵇⵏ ⵉⵎⴰⵡⵏ ⵏⵙⵏ, ⵉⵎⵉⵍ ⵉⴼⵙⵜⵉ ⴰⴳ ⵓⴼⴰⵏ ⵜⵜ ⵜⵔⴱⴰo ⴰⴷ ⵜⴰⵙⵙⴰⵙⵜ ⵏⵙⵏ ⵜⵜ.
ⵜⵉⵎⵣⴳⵓⵔⴰ ⴳ ⵜⵔⵓⴱⴱⴰ ⵢⴰ, ⵙⵔⵙⵉⵏⵜ ⵉⵎⵔⵉⴳⵏ ⵥⴹⵉⵏ ⵜⵜ ⵜⵉⵏⵓⵍⵉⵏ ⵉⴼⵙⵜⵉ ⵅⴼ ⵉⴷⵓⵔⴰⵔ, ⵢⵉⵜⵙ ⴰⵎⵓⵏ ⵜⵜ ⴳ ⵡⵉⵙ ⵉⴱⵔⵔⵃⵏ ⵙ ⵓⵙⴱⴱⵓⵇⵉ ⵏ ⵜⵏⴱⴱⴰⴹ ⵉⴳⴳⵉⵔ ⴰⵙⵏ ⵜⵜ ⵉⴼⵙⵜⵉ ⵙ ⵜⵓⵛⵛⵏⵜ ⵉⵎⴷⴷⵓⴽⴰⵍ/ⵉⵏⴷⵍⵉⴱⵏ, ⴷ ⵜⵔⵓⴱⴱⴰ ⴷ ⵉⴳⵎⴰⵏ ⴳ ⵉⵔⵡⴰⵙⵏ ⵏ ⵜⵏⴱⴱⴰⴹ ⵙⵙⴳⵎⵉⵏⵜ ⵉⴼⵙⵜⵉ ⵏⵙⵏ ⵜⵜ ⵅⴼ ⵜⵏⴷⵍⵉⴱⵜ ⵉ ⵜⴷⴱⴰⵍⵉⵏ ⵏ ⵍⵎⵅⵣⵏ ⴷ ⵉⴽⴰⴱⴰⵔ, ⵃⵎⴰ ⴰⴷ ⵜⵏ ⴷ ⴷⴼⵓⵔⵏ ⵜⵜ ⵜⵔⵓⴱⴱⴰ ⵉⵄⵔⵔⵉⵎⵏ ⵎⵉ ⵢⴱⴰⵣⵏ ⵡⴰⴷⴷⵓⵔ , ⵄⵏⵇⵏ ⵜⵜ ⴰⴷ ⵖⵡⴷⵏ ⵜⵜ ⵜⵓⵜⵔⴰⵡⵉⵏ ⵏⵙⵏ ⵜⵜ ⵜⵉⵙⵏⴱⴰⴹ, ⵎⵛ ⵏⵙⵙⵏ ⵉⵙ ⵉⵙⴱⴰⵇⵇⵉ ⵉⴼⵙⵜⵉ ⵓⵍⴰⵡⵏ ⵉ ⵢⵙⴱⴱⴰⴱⵏ ⵉⴽⴰⴱⴰⵔ, ⴰⵔ ⵓⵔⵣⵣⵓⵏ ⴰⴷ ⵙⴽⴽⵔ ⵜⵉⵔⴱⴰo ⴰ ⵣⴳ ⵉⴼⵙⵜⵉ, ⴳⵉⵏ ⵜⵜ ⵉⴷⵔⵔⴰⵙⵏ ⴳⵔ ⴰⵙⵏ ⵜⵜ ⴷ ⵜⵙⵏⴱⴱⴰⴹ, ⵎⵖⴰⵔ ⵍⵍⴰⵏ ⵢⵉⵜⵙ ⵍⵍⴰ ⵜⵜ ⵔⴰⵊⴰⵏ ⵜⵜ, ⴰⴷ ⵓⵛⵉⵏ ⵉⵏⴱⴱⴰⴹⵏ ⴱⵓⵏⵓ, ⵣⵡⵉⵖⵏ ⵜⵜ ⵓⴷⵎⴰⵡⵏ ⴹⵔ ⵜⵙⵏⴱⴰⴹ ⵏ ⵜⵎⴰⵣⵉⵔⵜ, ⵉⵎⵉⵍ ⴰⵔⴰⵊⴰ ⵏ ⵜⵔⴱⵉⵄⵜ ⴰⴷ ⵜⴰⵏⴳⴳⴰⵔⵓⵜ ⵓⵔ ⵉⵏⵏⵉ ⴰⴷ ⵢⵉⴼ ⵡⵉⵏ ⵓⵎⴽⵙⴰ ⵉⵣⴳⴰⵔ (ⵉⵣⴳⴰⵔⵏ) ⵉⵜⴳⴰⵏⵏⴰⵢⵏ ⴰⵜⵜ ⴱⴹⵓ ⵜⵉⵟ ⵉ ⵎⵎⵓⵀⵓ, ⵉⴷⴷⵖ ⵓⵔ ⵉⵏⵏⵉ ⴰⴷ ⵉⴱⴹⵓ ⵎⵓⵎⵎⵓ ⵜⵏⴱⴱⴰⴹ ⵎⵛ ⵓⵔ ⵜⵜ ⴽⴽⵉⵏ ⵉⴼⴰⵍⵉⵡⵏ .
ⵉⴼⵙⵜⵉ ⴰⴳ ⵜⴰⴷⵊⴰⵏ, ⵢⵉⵜⵙ ⵏ ⵜⵉⴽⴽⴰⵍ, ⵉⵏⴱⴱⴰⴹⵏ ⴰⴷ ⴰⵡⵖⵏ ⵉ ⵡⵢⴷⴷⴰ ⵡⵉⵙ ⵙⵓⵙⵎⵏⵉⵏ, ⵎⵉ ⵏⵏⴰⵏ ⵉⵙ ⵎⵎⵓⵜⵏ, ⴰⵔ ⴰⵙⵏ ⵉⵙⵙⵓⴼⵓⴼ ⵉⵖⵉⵔ, ⵢⴰⵙⵙ ⴰⵙⵏ ⵜⵉⵙⴷⵎⴰⵔ. ⵓⵔ ⴷ ⵉⵙ ⵏⵔⴰ ⴰ ⵏⵉⵏⵉ, ⵣⴳ ⵓⵢⴰ, ⵉⵙ ⵉⵍⴰ ⵉ ⵜⵔⴱⴰⵄ ⴰⴷ, ⴰⴷ ⵙⵅⵙⵉⵏ ⵜⵜ ⵉⵙⴼⴹⵡⵏ ⵉⴼⵙⵜⵉ ⵏⵙⵏ ⵜⵜ ⴰⵎⵓⵏ ⵜⵜ ⴳ ⵜⵎⵓⵍⵍⴰⵙ ⵏ ⵜⵏⴱⴱⴰⴹ, ⵎⴰⵛⴰ ⴰⴷ ⵉⴳ ⵉⴼⵙⵜⵉ ⵉⵜⵀⵡⴰⵍ ⵜⴰⵡⵏⴳⵉⵎⵜ ⵉⵏⴱⴱⴰⴹⵏ, ⵉⴳ ⵉⵏⵣⵣⵉⴹⵏ ⵉ ⵜⵢⵓⴳⴰ ⵏ ⵍⵅⵣⵏ ⴷ ⵉⴽⴰⴱⴰⵔ ? ⵎⵛ ⵏⵙⵙⵏ ⵉⵙ ⵉⵡⵛⴰ ⵓⵎⵣⵔⵓⵢ ⵜⵉⵎⵉⵜⴰⵔ ⵉⵙ ⴽⴽⴰⵏ ⵜⵜ ⴽⵉⴳⴰⵏ ⵏ ⵜⵔⴱⴰⵄ ⵉⴳⵔⴰⵏ ⴰⵃⵛⵍⴰⴼ ⵉ ⵢⴼⵟⵉⵡⵊⵏ ⵉⴼⵙⵜⵉ, ⵜⵏⵀⴰⵔⵔⴰ ⵜⵖⵡⴰⵖⵜ ⵉⵙⴽⵡⵏⵏⵉⵏ ⵉⵥⵓⵔⴰⵏ ⵏ ⵜⵏⴱⴱⴰⴹ, ⵜⴱⴱⵉ ⴷⴱⵔⵜ ⵉⵎⴰⵙⴰⵢⵏ ⵙ ⵓⵢⵏ ⵙ ⵍⵍⴰⵏ. ⵎⴰⵛⴰ ⵉⵙ ⵜⵖⵉⵢ ⵜⵃⴷⴷⵉⵇⵜ ⵏ ⵜⵔⵓⴱⴱⴰ ⵢⴰ ⵅⴼ ⵏⵙⴰⵡⴰⵍ ⴳ ⵎⵔⵔⵓⴽ ⴰⴷ ⵜⵙⵍⵎⵓⵎⵥ ⵉⵙⵔⴰⴳ ⵉⵣⵉⵣⴰⵡⵏ ⵏ ⵜⵏⴱⴱⴰⴹ, ⵙⵙⵉⴼⵜ ⴰⴷ ⴰⵢ ⵜⵏ ⵢⵓⴷⵊⴰⵏ ⴰⴷ ⴰⴼⵏ ⵜⵜ ⴳ ⵉⴼⵙⵜⵉ ⴰⵙⴰⴼⴰⵔ, ⵣⵎⵓⵎⵎⵉⵏ ⵜⵜ ⵉ ⵢⵎⵣⴷⴰⵖ ⴰⴷ ⵄⵔⵇⵏ ⴰⵢⵍⵍⵉ ⵙ ⵓⴼⴰⵏ ⵉ ⵜⵏⴱⴱⴰⴹ, ⵃⵎⴰ ⴰⴷ ⵢⴰⴼ ⵉⴼⵙⵜⵉ ⵉⵎⵏⴰⵢⵏ ⵏⵙ ⴳ ⵡⵏ ⵓⵔ ⵉⵖⵉⵢⵏ ⴰⴷ ⵉⵔⴰⵔ ⴰⴼⵓⵙ ⵉ ⵍⵎⵅⵣⵏ, ⴰⵔ ⵜⵔⴰⵊⴰⵏ ⵜⵜ ⴰⵜⵏ ⴰⵡⴷⵏ ⵜⵜ ⵉⵍⴰⵏ ⵏⵙⵏ ⵜⵜ ⴳ ⵜⴰⵎⵓⵜ ⴷ ⵡⴰⵡⴰⵍ , ⴰⵎ ⵓⵢⵍⵍⵉ ⵙ ⵢⵉⵡⴷ ⵡⵉⵙ ⵢⵣⵔⵉⵏ, ⵙⵓⵎⴰⵜⴰ ⵡⵉⵙ ⵎⵉ ⴰⵔ ⵉⵇⵇⴰⵣ ⵉⴼⵙⵜⵉ ⵏⵙⵏ ⵉⵅⴱⴰ ⴳ ⵜⵙⵏⴱⴰⴹ ⴷ ⵉⴽⴰⴱⴰⵔ. ⵢⴰⵙⴷ ⴰ ⵏⴽⵜⵉ ⵉⵙ ⵓⵔ ⵉⵍⵍⵉ ⴽⵔⴰ ⴳ ⵡⵉⵙ ⵉⵜⵜⵓⵙⴽⵛⵎⵏ ⵉ ⵜⵓⵔⴰⵔⵉⵏ ⵉⵙⴱⴱⴰⴱⵏ, ⴰⵀⴰ ⵉⴳⵔ ⵙⴱⵉⴱ ⴰⴷ ⵉⵙⵙⵉⵍⵉ ⵉⵎⴷⴷⵓⴽⴰⵍ/ⵉⵏⴷⵍⵉⴱⵏ ⵏⵙ ⵣⴳ ⵓⵖⴰⵔⴱⵓ ⵉⴼⵙⵜⵉ, ⵉⴷⴷⵖ ⵓⵛⴰⵏ ⵡⵓⵙⵙⴰⵏ ⵜⵉⵎⵉⵜⴰⵔ ⵙ ⵉⵖⵉⵢ ⵉⴼⵙⵜⵉ ⴰⴷ ⵜⵜ ⴰⵡⵉ
ⵏ ⵉⴱⵔⴷⴰⵏ ⵏ ⵜⵓⵍⵓⴳⵀⵜ ⴷ ⵜⵙⴱⴱⴰⴱⵜ, ⵢⴳⴳⵉⵔ ⴰⵙ ⵓⴱⵔⴰⵙ, ⴰⵢⵏ ⴰⵙ ⵓⵔ ⵏⴳⵀⵉⵢ ⴰ ⵏⵙⵔⵙ ⵜⵉⴳⴳⵓⵊⵍⴰ ⵏⵏⴳⵀ ⴳ ⵉⴼⴰⵙⵙⵏ ⵉ ⵡⵏ ⴷ ⵢⵉⵡⵉ ⵡⴰⴹⵓ, ⵎⵖⴰⵔ ⵉⴳⴰ ⵣⴳ ⵡⵉⵙ ⵎⵉ ⵢⵜⵜⵔⵥⴰ ⵉⴼⵙⵜⵉ ⵉⵙⵍⵍⵉⵡⵏ, ⵉⵎⵏⵓ ⵡⴰⵡⴰⵍ ⵏⵖ ⴰⴷⴷⴰⵢ ⵏⴻⵏⵣⵖ ⵉⵎⴰⵙⴰⵢⵏ ⵉⵎⴳⵓⵍⵍⵉⵏ ⴹⵔ ⵜⵎⵏⴰⵟ ⵉⵙⴱⴱⴰⴱⵏ, ⴷⴰⵜ ⵉ ⵎⵉ ⴰⵔ ⵉⵜⵜⵔⵥⴰ ⵉⴼⵙⵜⵉ ⵏⵙⵏ ⵜⵉⵙⴷⵎⴰⵔ ⵉ ⵜⵓⵔⴰⵔⵉⵏ ⵏ ⵍⵎⵅⵣⵏ.
ⵣⴳ ⵜⵙⴳⴰ ⴹⵏⵉⵏ, ⵉⵍⴰ ⵓⵔ ⵏⵣⵉⵣⵣⵉⵍ ⵓⴳⴰⵔ ⵡⴰⵔⴰⴼ ⴰⵖ ⵉⵍⵍⴰⵏ ⴳ ⵉⴼⴰⵙⵙⵏ, ⵓⵍⴰ ⴰⵡⴷ ⵏⵙⴼⴹ ⵉⴽⵎⵣⵉⵡⵏ ⵉ ⵜⵔⵓⴱⴱⴰ ⵣⴳ ⵓⴳⴷⵓⴷ ⵏⵖ, ⴰⵛⴽⵓ ⵍⵍⴰⵏ ⵡⵉⵙ ⵉⵎⵎⵓⵜⵏ ⴰⵀⴰ ⵣⵔⵉⵏⴷ ⵜⵉⴳⴳⵡⵜ ⴳ ⵉⵎⵉⵣⴰⵔ ⵏⵙⵏ, ⵉⴱⴱⴰⵇⵉ ⵉⴼⵙⵜⵉ ⵏⵙⵏ ⵙ ⵉⵎⵖⴰⵏ ⵏ ⵜⵓⴳⴷⵓⵜ ⴷ ⵉⵎⴰⵍ ⵉⵖⵓⴷⴰⵏ ⵉ ⵜⵎⴰⵣⵉⵔⵜ, ⴰⵔ ⵏⵜⴳⴹⴷ ⴰⵡⴰⵍ ⴰⴷ, ⴰⴷ ⵜⵜ ⵉⵙⵎⵎⵓⵖⵉ ⵉ ⵛⴰ (ⴽⵔⴰ), ⵉⵙⵏⵓⵏⴼ ⴰⵜⵔⵙ ⵏ ⵡⵉⵢⴰⴹ, ⵙⵓⵎⴰⵜⴰ ⵢⵉⵜⵙ ⴳ ⵜⵔⵓⴱⴱⴰ ⴷ ⵉⵡⵉⵏ ⵉⵥⵓⵔⴰⵏ ⵏⵙⵏ ⵜⵜ ⵣⴳ ⵜⵉⵜⵉ (ⵜⵖⴰⵏⵙⴰ) ⵅⴼ ⵜⵎⴰⴳⵉⵜ ⴷ ⵜⵖⴰⵔⵎⴰ ⵜⴰⵎⴰⵣⵉⵖⵜ, ⵓⵔ ⵉⵏⵏⵉ ⴰⴷ ⵢⴰⵙ ⵡⴰⵡⴰⵍ ⵖⵉⴼⵙ ⵎⵛ ⵓⵔ ⵏⵙⵙⵉⵖ ⵉ ⵓⵎⵣⴷⵓⴷⵊ ⵖⴰⵙ ⵉⵙⵎⵓⵏ ⵉⵛⴷⵔⴰⵏ ⵉⵙⵓⴼⴹⵜ ⵣⴳ ⵉⴼⵙⵜⵉ ⴰⵇⵓⵔⴰⵔ ⵖⵔ ⵜⵡⵓⵔⵉ ⵉⴼⵙⵜⵉ ⵖⴰ ⵢⵔⵥⵉⵏ ⵜⵉⴼⵓⵍⵉⵏ ⵉⴱⵔⵔⵃ ⵙ ⵜⵍⴰⵍⵉⵜ ⵏⵙ ⴳ ⵓⵙⴰⵢⵙ ⵏ ⵜⵖⴰⵏⵙⴰ. ⴰⵢⴰⴷ ⴰⵖⴰⵖ ⵢⴰⴷⵊⵏ ⴰ ⵏⵔⴰⵔ ⴰⵙⵎⵓⵇⵍ ⴳ ⵓⵎⵣⵔⵓⵢ, ⵏⴰⴼⵏ ⵉⵙ ⴷ ⵉⵡⵉⵏ ⵜⵜ ⵜⵔⴱⴰⵄ ⴰⴷ, ⴰⵥⵓⵔ ⵣⴳ ⵉⵎⴰⵣⵉⵖⵏ ⵉⴷⵓⵔⴰⵔ, ⵉⴱⴱⵉⵏ ⵉⴱⵔⴷⴰⵏ ⵅⴼ ⵍⵎⵅⵣⵏ ⵎⵛⵜⵉⴷⴰ ⴰⵢⴰ, ⵓⵔ ⵉⵙⵙⵉⵏ ⵖⴰⵙ ⴰⴷ ⵔⵔⵓⵏ ⵏⵖⴷ ⵜⵡⴰⵔⵔⵓⵏ, ⵓⵍⴰ ⵉⵙⵉⵏ ⵎⴰⵢⴷ ⵉⴳⴰⵏ ⵜⴰⵎⵓⵏⵜ ⵏ ⵉⵎⵣⴷⴰⴳⵀ/ⵉⵎⴰⴷⴰⵏ ⴷ ⵍⵎⵅⵣⵏ, ⴰⵎ ⵓⵢⵍⵍⵉ ⵙ ⵜⵜ ⵙⵔⵓⵙⴰⵏ ⵜⵜ ⵢⵉⵜⵙ ⵏ ⵜⵔⵓⴱⴱⴰ ⴰⵙⵙⴰ, ⵜⵏⵣⵖⴰⵖ ⵉⵎⵊⵊⴰⵏ ⵖⵔⵙ ⴰⵎⵣⵔⵓⵢ ⵏ ⵉⵎⴰⵣⵉⵖⵏ ⴷ ⵜⵓⴳⴳⴰⵡⵉⵏ ⴷ ⵓⵙⵡⵏⴳⵎ ⴷ ⴰⵡⴷ ⵉⵣⵓⴳⵍⴰ ⴷ ⵜⵎⵃⴰⴷⵣⵉⵏ ⵏⵙ, ⵉⴷⴷⵖ ⵏⵙⴰⵡⵍ ⵅⴼ ⵜⵎⵓⴳⴳⵓⵜ ⵏⵙ ⴳ ⵓⵙⵡⵏⴳⵎ ⵏ ⵜⵔⵓⴱⴱⴰ ⵙⵓⵙⵎⵏⵉⵏ, ⵉⵍⴰ ⴰⴷ ⵏⵖⵡⴷ ⴳ ⵉⵎⴰⵍ ⴷ ⵉⵙⴽⴽⵉⵏ ⵓⵃⴷⵊⵎ ⴷ ⵓⵃⵎⵓⵣⵣⴰ ⵉ ⵡⵓⴼⵓⵖ ⵖⵔ ⵎⴰⵢⵜ ⵢⵉⴼⵏ. ⵉⵙⴽⴽⵉⵏ ⵉⵎⴰⵢⵏⵓⵜⵏ ⵉⵣⵔⵔⵉⵏ ⵜⵉⵎⵙⵎⵓⵏⵉⵏ ⴷ ⵉⴽⴰⴱⴰⵔ, ⴰⵔ ⵏⵜⵜⵉⵏⵉ ⴰⴷ ⵣⴷⵉⵏ ⵜⵜ ⵜⴰⵡⵓⵔⵉ ⵏⵙⵏ ⵜⵜ ⴷ ⵜⵓⵜⵔⴰⵡⵉⵏ ⵉⵎⴰⴷⴰⵏ. ⴽⵉⴳⴰⵏ ⵉⵙⵇⵙⵉⵜⵏ ⴰⴳ ⵜⵜ ⴰⴷⵔ ⴷⵉⴳ ⵏⵖ ⴰⴷⴷⴰⵢ ⵏⵉⵔⵉ ⴰⴷ ⵏⵙⵎⵔⴰⵔ ⴰⵡⴰⵍ ⵅⴼ ⵜⵔⴱⴰⵄ ⵙⵓⵙⵎⵏⵉⵏ ⴳ ⵓⵎⵓⵙⵙⵓ ⴰⴷⵍⵙⴰⵏ ⴰⵎⴰⵣⵉⵖ ⵣⴹⵓⵙ ⵉⵍⵓⵍ ⴰⵔ ⴰⵙⵙⴰ.
ⵙⴰⵄⵉⴷ ⴱⴰⵊⵊⵉ
