ⵉⵎⴹⴰⴽⴰⵕⵏ ⵊⴰⵔ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴷ ⵓⵙⵉⵏⴰⴳ ⴰⴳⵍⴷⴰⵏ ⴼ ⵓⵙⵉⴷⴼ ⵏ ⵜⵎⴰⵣⵉⵖⵜ ⴳ ⵜⵡⵡⵓⵔⵉⵡⵉⵏ ⵏ ⵓⵙⵇⵇⵉⵎ

ⵉⵙⵏⵎⴰⵍⴰ ⵓⵏⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⵎⴰⵙⵙ ⵏⵏⵄⵎⴰ ⵎⵉⵢⵢⴰⵕⴰ ⴰⵙⵙ ⵏ 25 ⵉⴱⵔⵉⵔ 2022 ⵜⵉⵖⵉⵎⵉⵜ ⵏ ⵜⵡⵡⵓⵔⵉ ⴰⴽⴷ ⵎⴰⵙⵙ ⵃⵎⴰⴷ ⴱⵓⴽⵓⵙ ⴰⵏⴱⴷⴰⴷ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵅⴼ ⵉⵙⵓⵊⴰⴷⵏ ⵏ ⵓⵙⵇⵇⵉⵎ ⵉ ⵓⵙⵎⵀⵍ ⵏ ⵓⴼⵔⵉⵙ ⴰⵎⴰⴷⴷⵓⴷ ⵏ ⵜⵎⴰⵣⵉⵖⵜ ⴷ ⵓⵙⵉⴷⴼ ⵏⵏⵙ ⴳ ⵜⵡⵡⵓⵔⵉⵡⵉⵏ  ⴷ ⵜⵖⵉⵎⵉⵜⵉⵏ ⵜⵉⴳⴷⵓⴷⴰⵏⵉⵏ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⵙ ⵎⴰⴷ ⵉⵍⵍⴰⵏ ⴳ ⵓⵎⵏⵏⵉ 32 ⵏ ⵓⵙⵍⴳⵏ ⴰⵎⴰⴷⴷⴰⵙ 26.16 ⵉⵣⴷⵉⵏ ⴷ ⵜⴼⵔⴽⵉⵡⵉⵏ ⵏ ⵓⵙⵎⵀⵍ ⵏ ⵓⴼⵔⵉⵙ ⴰⵎⴰⴷⴷⵓⴷ ⵏ ⵜⵎⴰⵣⵉⵖⵜ ⴷ ⵜⵎⴰⵎⴽⵉⵏ ⵏ ⵓⵙⵉⴷⴼ ⵏⵏⵙ ⴳ ⵉⴳⵔⴰⵏ ⵏ ⵓⵙⵙⵍⵎⴷ ⴷ ⵜⵓⴷⵔⵜ ⵜⴰⵎⴰⵜⴰⵢⵜ.

ⴳ ⵓⵏⵎⵓⵇⵇⴰⵔ ⴰⴷ, ⵉⵍⵍⴰ ⵓⵙⵓⵜⴳ ⵏ ⵜⵣⴷⴰⵢⵉⵏ ⵏ ⵓⵎⵢⴰⵡⴰⵙ ⵣⵉⵍⵏⵉⵏ ⵙⵎⵓⵏⵏⵉⵏ ⵊⴰⵔ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴷ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⵍⵍⵉⵖ ⴱⴷⴷⵏ ⴳ ⵓⵅⵎⵎⴻⵎ ⴳ ⵉⴼⵔⴷⴰⵙ ⵏ ⵜⵎⴰⴳⵉⵜ ⵜⴰⵏⴰⵎⵓⵔⵜ ⴷ ⵓⵙⵎⵖⵔ ⵏ ⴽⵓ ⵜⵓⵜⵍⴰⵢⵉⵏ ⴷ ⵉⵡⵏⵏⵉⵜⵏ ⵉⵙⵏⵉⵍⵙⵏ ⴷ ⴽⵓ ⵓⴷⵎⴰⵡⴰⵏ ⵏ ⵜⴷⵍⵙⴰ ⵜⴰⵎⵖⵔⵉⴱⵉⵜ ⵙ ⵎⴰⴷ ⵉⵍⵍⴰⵏ ⴷ ⵜⵙⵔⵜⵉⵜ ⵜⴰⴳⵍⴷⴰⵏⵜ ⵉⵥⵉⵍⵏ ⵙⴳ ⵉⵏⴰⵡ ⴰⴳⵍⴷⴰⵏ ⴰⵎⵣⵔⴰⵢ ⴰⵎⴰⵜⵜⵓⵢ ⵏ 17 ⴽⵟⵓⴱⵕ 2001 ⴳ ⵓⵊⴷⵉⵔ.

ⴳ ⵓⵎⵏⵉⴷ ⴰⴷ, ⵉⵙⵓⵜⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⵜⴰⵡⵡⵓⵔⵉ ⵍⵍⵉ ⵉⵙⴽⴰⵔ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴳ ⵓⵙⵎⵖⵔ ⵏ ⵓⵎⵎⵉⵥⵏ ⵜⵜⵓⵙⴽⴰⵔⵉⵏ ⵉ ⵚⴰⵃⴰ ⵏ ⵜⵓⵜⵍⴰⵢⵜ ⴷ ⵜⴷⵍⵙⴰ ⵜⴰⵎⴰⵣⵉⵖⵜ ⴳⴰⵏⵉⵏ ⵡⵉⵏ ⵉⵎⵖⵔⵉⴱⵉⵢⵏ ⴰⴽⴽⵯ, ⵙⵍⴰⵡⴰⵏ ⴰⴽⴽⵯ ⵎⴰⴷ ⵉⵜⵜⵓⵙⴽⴰⵔⵏ ⴳ ⵉⴳⵔⴰⵏ ⵏ ⵓⵙⵙⵍⵎⴷ ⴷ ⵓⵙⵏⵖⵎⵙ ⴳ ⴽⵓ ⵉⴳⵔⴰⵏ ⵏ ⵜⵓⴷⵔⵜ ⵜⴰⵎⴰⵜⴰⵢⵜ, ⵓⵎⵎⵉⵥⵏ ⴰⴷ ⵍⵍⵉ ⵉⵙⴷⵓⵙ ⵓⴷⵓⵙⵜⵓⵔ ⵏ ⵜⴳⵍⴷⵉⵜ ⵏ 2011 ⴷ ⵓⵙⵍⴳⵏ ⴰⵎⴰⴷⴷⴰⵙ ⵉⵜⵜⵓⵙⴽⴰⵔⵏ ⵃⵎⴰ ⴰⴷ ⵢⵉⵍⵉ ⵓⴷⵖⴰⵔ ⵉⵥⵉⵍⵏ ⴷⴰⵔ ⵜⵓⵜⵍⴰⵢⵜ ⵜⵓⵏⵚⵉⴱⵜ ⵏ ⵜⵎⴰⵣⵉⵔⵜ.

ⵉⵙⴰⵡⵍ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵓⵍⴰ ⵓⵖⴰⵡⴰⵙ ⴰⵙⵜⵔⴰⵜⵉⵊⵉ ⵍⵍⵉ ⵉⵙⵓⵊⴰⴷ ⵓⵙⵇⵇⵉⵎ ⵉ 2022-2027 ⵉⴱⴷⵔⵏ ⴰⵙⵉⴷⴼ ⵏ ⵜⵎⴰⵣⵉⵖⵜ ⴳ ⵜⵖⵉⵎⵉⵜⵉⵏ ⵜⵉⴳⴷⵓⴷⴰⵏⵉⵏ ⵏ ⵓⵙⵇⵇⵉⵎ, ⵉⵙⴰⵡⵍ ⵓⵍⴰ ⴼ ⵜⵡⵡⵓⵔⵉ ⵉⵛⵛⴰⵔⵏ ⵉⵍⵍⴰⵏ ⴰⴽⴷ ⴰⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴷ ⵜⵉⵍⴰⵍⵜ ⵏⵏⵙ ⴳ ⵓⵙⵏⴰⵍ ⵏ ⵓⵙⵇⵇⵉⵎ ⵙ ⵜⵎⵢⴰⵇⵇⴰⵏⵜ ⵏ ⵓⵎⵢⴰⵡⴰⵙ ⵍⵍⵉ ⵔⴰⴷ ⵣⵎⵎⵉⵎⵏ ⵙⵏⴰⵜ ⵜⵎⵔⵙⴰⵍ ⵖ ⵎⴰ ⵏⵏ ⵓⵔ ⵢⴰⴳⴳⵓⴳⵏ, ⵖⵎⴽ ⴰⵏⵏ ⵓⵍⴰ ⴰⵙⵏⵎⴰⵍⴰ ⵏ ⵜⵉⵏⴰⵡⵜ ⴼ “ⵓⵙⵎⵀⵍ ⵏ ⵓⵖⴰⵡⴰⵙ ⵏ ⵓⵙⵎⵔⵙ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ, ⵜⵓⵜⵍⴰⵢⵜ ⵜⴰⵎⴰⴷⴷⵓⴷⵜ, ⴳ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ”, ⵍⵍⵉ ⵔⴰⴷ ⵉⵙⵎⵏⵉⴷ ⵜⵉⵎⵙⴽⴰⵔ ⵥⵉⵍⵏⵉⵏ ⴷ ⵜⵉⵏ ⵓⵎⵣⴰⵣⴰⵍ ⵏ ⵓⵙⵎⵔⵙ ⵏ ⵜⵓⵜⵍⴰⵢⵉⵏ ⵜⵉⵙⵏⵔⴰⵏⵉⵏ ⴳ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ.

ⴳ ⵓⵎⵏⵉⴷ ⵏⵏⵙ, ⵉⵙⵓⵜⴳ ⵎⴰⵙⵙ ⴰⵏⴱⴷⴰⴷ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵜⵉⵔⴰⵜ ⵉⴷⵓⵙⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵓⴱⴰⵔⴰⵣ ⵏ ⵓⵙⵎⵖⵔ ⵏ ⵜⵓⵜⵍⴰⵢⵜ ⴷ ⵜⴷⵍⵙⴰ ⵜⴰⵎⴰⵣⵉⵖⵜ, ⵖⵎⴽ ⵍⵍⵉ ⵉⵙⵓⵜⴳ ⴰⵖⴰⵡⴰⵙ ⵍⵍⵉ ⵉⵙⵓⵊⴰⴷ ⵓⵙⵇⵇⵉⵎ ⵃⵎⴰ ⴰⴷ ⵢⵉⵍⵉ ⵓⵙⵎⵀⵍ ⵏ ⵓⴼⵔⵉⵙ ⴰⵎⴰⴷⴷⵓⴷ ⵏ ⵜⵎⴰⵣⵉⵖⵜ ⴳ ⵜⵖⵉⵎⵉⵜⵉⵏ ⵜⵉⴳⴷⵓⴷⴰⵏⵉⵏ ⵏ ⵓⵙⵇⵇⵉⵎ ⴷ ⵉⵏⴳⵎⴰⵎⵏ ⵏⵏⵙ.

ⵢⵉⵏⵉ ⵎⴰⵙⵙ ⵃⵎⴰⴷ ⴱⵓⴽⵓⵙ ⴰⵏⴱⴷⴰⴷ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵎⴰⵙ ⵢⵓⵊⴰⴷ ⵓⵙⵉⵏⴰⴳ ⴰⴷ ⵉⴹⴼⵕ ⴰⵙⵇⵇⵉⵎ ⴳ ⵓⵎⵏⵉⴷ ⵏ ⵓⵙⴽⵔ ⵏ ⵓⵖⴰⵡⴰⵙ ⴰⴷ ⵙ ⵎⴰⴷ ⵉⵙⴳⵓⴷⵉ ⵖ ⵜⵎⵓⵣⴰⵢⵜ ⵉⵣⴷⵉⵏ ⴷ ⵓⵙⵎⵖⵔ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⴽⵓ ⵉⴳⵔⴰⵏ ⵏ ⵜⵓⴷⵔⵜ ⵜⴰⵎⴰⵜⴰⵢⵜ, ⵖⵎⴽ ⵍⵍⵉ ⵉⵙⴰⵡⵍ ⴼ ⵡⴰⵜⵉⴳ ⵉⵍⵍⴰⵏ ⴷⴰⵔ ⵓⵙⵓⵖⵍ ⴰⴷⵖⵢⴰⵏ ⴷ ⵓⵎⴰⵔⴰⵢ ⴷ ⵓⵙⵓⵊⴷ ⵏ ⵉⵎⴰⵡⴰⵍⵏ ⵥⵍⵉⵏⵉⵏ.