ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵉⵎⵎⵓⵜ ⴰⵙⵙ ⵏ ⵓⵙⵉⵎⵡⴰⵙ 17 ⴷⵓⵊⴰⵏⴱⵉⵔ ⵓⵏⴰⵥⵓⵕ ⴰⵎⴰⵣⵉⵖ ⵃⵎⴰⴷ ⴱⵉⵣⵎⴰⵡⵏ ⴷⴼⴼⵉⵔ ⵎⴰⴷ ⵉⵜⵜⴰⴹⵏ ⵜⵉⴳⴰⵔⵉⵡⵉⵏ ⴰⴷ, ⵢⵉⵍⵉ ⴳ ⵢⴰⵏ ⵓⵙⴳⵏⴰⴼ ⵓⵙⵍⵉⴳ ⴱ ⵓⴳⴰⴷⵉⵔ
ⵉⴳⴰ ⵕⵕⴰⵢⵙ ⵃⵎⴰⴷ ⴱⵉⵣⵎⴰⵡⵏ ⵢⴰⵏ ⴳ ⵉⵏⴱⴷⴰⴷⵏ ⵏ ⵜⵥⵓⵕⵉ ⵏ ⵕⵕⵡⴰⵢⵙ ⴷ ⵢⴰⵏ ⵉⵏⴰⵥⵓⵕⵏ ⵉⵅⴰⵜⴰⵔⵏ ⴼⴽⴰⵏⵉⵏ ⵊⵉⴳⴰⵏ ⵉ ⵜⵥⵓⵕⵉ ⴷ ⵜⴷⵍⵙⴰ ⴷ ⵓⵥⴰⵇⴰⵏ ⴰⵎⴰⵣⵉⵖ ⵙⴳ ⴽⵉⴳⴰⵏ ⵏ ⵉⵙⴳⴳⵯⴰⵙⵏ.
ⵉⵍⵓⵍ ⵕⵕⴰⵢⵙ ⵃⵎⴰⴷ ⴱⵉⵣⵎⴰⵡⵏ ⴳ ⵓⵙⴳⴳⵯⴰⵙ ⵏ 1948 ⴷ ⵓⴷⵡⵡⴰⵔ ⵏ ⵜⵉⵎⵣⵖⵡⵉⵏ ⵉⴹⴼⵕⵏ ⵉ ⵜⵇⴱⵉⵍⵜ ⵏ ⴰⵢⵜ ⴰⵎⵔ ⴳ ⵉⵃⴰⵃⴰⵏ. ⵍⵍⵉⵖ ⵉⵎⵎⵓⵜ ⴱⴰⴱⴰⵙ, ⵉⵙⵡⵓⵔⵉ ⴳ ⵢⵉⴳⵔ ⵏ ⵜⴱⵏⵏⴰⵢⵜ ⵖⵎⴽ ⵍⵍⵉ ⵉⵙⵡⵓⵔⵉ ⴳ ⵢⵉⴳⵔ ⵏ ⵜⴳⵎⵔⵜ ⵜⴰⵢⵍⴰⵏⵜ. ⵖⴽⵍ ⵍⵍⵉ ⵉⴽⵛⵉⵎ ⴰⵙⴰⵢⵙ ⵏ ⵓⵥⴰⵡⴰⵏ ⴷ ⵉⵎⵓⵔⵉⴳ ⴷⴼⴼⵉⵔ ⵎⴰⴷ ⵜ ⵉⵙⵙⵓⵙⵎ, ⵙⵍⴰⵡⵏ ⴰⴽⴽⵯ ⵍⵍⵉⵖ ⵉⵎⵏⴰⵇⵇⴰⵔ ⴷ ⵕⵕⴰⵢⵙ ⴰⵍⴱⵏⵙⵉⵔ ⴳ ⵢⴰⵏ ⵉⵡⵉⵣ ⴳ ⴰⵢⵜ ⴰⵎⵔ ⴳ 1968.
