ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵉⵜⵜⵔ ⵓⵙⵇⵇⵉⵎ ⴰⵏⴰⴼⵍⵍⴰ ⵉ ⵓⵙⴳⵎⵉ ⴷ ⵓⵙⵎⵓⵜⵜⴳ ⴰⴷ ⵜⵜⵓⵖⵔⵉⵏⵜ ⵙⵏⴰⵜ ⵜⵓⵜⵍⴰⵢⵉⵏ ⵜⴰⵎⴰⵣⵉⵖⵜ ⴷ ⵜⴰⵄⵕⴰⴱⵜ ⴳ ⵜⵉⵏⵎⴰⵍ ⴹⴼⴰⵕⵏⵉⵏ ⵜⵉⵎⵢⴰⵣⴰⵏⵉⵏ ⵏ ⴱⵕⵕⴰ ⴳ ⵓⴳⵯⵏⵙ ⵏ ⵍⵎⵖⵔⵉⴱ.
ⵢⵉⵏⵉ ⵓⵙⵇⵇⵉⵎ ⴰⴷ ⴳ ⵢⴰⵜ ⵜⴰⵏⵏⴰⵢⵜ ⵏⵏⵙ ⵎⴰⵙ ⴷ ⵉⵇⵇⴰⵏ ⴰⴷ ⵢⵉⵍⵉ ⵓⵙⵙⵍⵎⴷ ⵏ ⵙⵏⴰⵜ ⵜⵓⵜⵍⴰⵢⵉⵏ ⵜⴰⵄⵕⴰⴱⵜ ⴷ ⵜⵎⴰⵣⵉⵖⵜ ⵉ ⴽⵓ ⵉⵏⵍⵎⴰⴷⵏ ⵉⵎⵖⵔⵉⴱⵉⵢⵏ ⴹⴼⵕⵏⵉⵏ ⵜⵉⵖⵔⵉ ⵏⵏⵙⵏ ⴳ ⵜⵉⵏⵎⴰⵍ ⴰⴷ ⴹⴼⵕⵏⵉⵏ ⵜⵎⵉⵣⴰⵔ ⵏ ⴱⵕⵕⴰ.
ⵜⵓⵛⴽⴰ ⴷ ⵜⵙⵓⵎⵔⵜ ⴰⴷ ⵖ ⵜⴰⵏⵏⴰⵢⵜ ⵍⵍⵉ ⵉⴼⴽⴰ ⵓⵙⵇⵇⵉⵎ ⵍⵍⵉ ⵉⵙⵙⵉⵅⴼ ⵄⵓⵎⴰⵔ ⵄⴰⵣⵣⵉⵎⴰⵏ ⴼ ⵓⵙⵏⴼⴰⵔ ⵏ ⵓⵙⵍⴳⵏ ⵓⵟⵟⵓⵏ 21.59 ⴼ ⵓⵙⵙⵍⵎⴷ ⴰⵏⵎⵍⴰⵏ, ⵢⵉⵏⵉ ⵎⴰⵙ ⴷ ⵉⵇⵇⴰⵏ ⵎⴰⵢⴰ ⵏⵏ ⵙ ⵜⵓⵎⴰⵢⵉⵏ ⵏ ⵓⴷⵓⵙⵜⵓⵔ ⵏ ⵍⵎⵖⵔⵉⴱ ⴷ ⵓⵎⵙⴰⵙⴰ ⴷ ⵉⵎⵇⵏⵏ ⵉⴳⵔⴰⵖⵍⴰⵏⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵉⵣⵔⴼⴰⵏ ⵏ ⵡⴰⵣⵣⴰⵏ ⵍⵍⵉ ⵉⵙⵙⵖⵣⵏ ⵍⵎⵖⵔⵉⴱ, ⵖⵎⴽ ⴰⵏⵏ ⵓⵍⴰ ⵜⵓⵎⴰⵢⵉⵏ ⵏ ⵓⵙⵍⴳⵏ ⴰⵙⴰⵜⵉ ⵓⵟⵟⵓⵏ 51.17. ⵉⴳ ⵡⴰⵡⵜⵜⴰⵙ ⴰⴷ ⵙⵙⵏⵏ ⵉⵏⵍⵎⴰⴷⵏ ⵉⵎⵖⵔⵉⴱⵉⵢⵏ ⴰⵎⵣⵔⵓⵢ ⵏ ⵜⵎⴰⵣⵉⵔⵜ ⵏⵏⵙⵏ ⴷ ⵜⴷⵍⵙⴰ ⵏⵏⵙ ⴷ ⵜⵎⴰⴳⵉⵜ ⵏⵏⵙⵏ ⵜⴰⵏⴰⵎⵓⵔⵜ.
