ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵔⴰⴷ ⵉⵙⴱⵔⵔⴽ ⵓⵙⵉⵏⴰⵏ ⵏ ⵓⵙⵎⴷⵉ ⵎⵓⵃⵎⵎⴰⴷ ⵡⵉⵙ ⵙⵎⵎⵓⵙ ⴷ ⵓⵙⵏⵙⵓ ⵏ ⵃⴰⵎⵣⴰ ⴳ ⵜⵖⵔⵎⵜ ⵏ ⵓⴳⵯⵍⵎⵉⵎ ⵓⵙⵙⴰⵏ ⵏ 14 ⴷ 15 ⴱⵕⴰⵢⵕ 2025 ⵜⵉⵍⴰⵍ ⵏ ⵓⵙⴳⵔⴰⵡ ⴰⵏⵎⵏⴰⴹ ⵡⵉⵙ ⴽⵕⴰⴹ ⵏ ⵜⵎⴳⵓⵔⴰ ⵜⵉⴷⵍⵙⴰⵏⵉⵏ ⵏ ⵓⴳⵯⵍⵎⵉⵎ ⵡⴰⴷ ⵏⵓⵏ, ⴷⴷⵓ ⵜⵎⴰⵜⴰⵔⵜ: * ⵉⴱⴰⵢⵏⵓⵜⵏ ⵉⵏⴼⴳⴰⵏⵏ ⵉⵎⴰⴷⴷⴰⵔⵏ ⴳ ⵓⵎⴷⴰ ⵏ ⵡⴰⴷ ⵏⵓⵏ : ⴰⵎⵣⵔⵓⵢ, ⵜⵉⵎⴽⵜⵉⵜ ⴷ ⵜⵎⵍⴷⴰ ⵏ ⵜⴳⵎⵉ*.
ⵜⵡⴰⵜⵜⵙ ⵜⵙⵓⵜⵍⵜ ⵜⵉⵙ ⴽⵕⴰⴹⵜ ⵏ ⵓⵙⴳⵔⴰ ⴰⵏⵎⵏⴰⴹ ⵏ ⵜⵎⴳⵓⵔⴰ ⵜⵉⴷⵍⵙⴰⵏⵉⵏ ⴳ ⵜⵎⵏⴰⴹⵜ ⵏ ⵓⴳⵯⵍⵎⵉⵎ ⵡⴰⴷ ⵏⵓⵏ, ⵏⵏⴰ ⵜⵙⵏⵎⵉⵍⴰ ⵜⵎⵙⵎⵓⵏⵜ ⵏ ⴱⵓⵢⵣⴰⴽⴰⵔⵏ ⵉ ⵜⴳⵎⵉ ⴷ ⵜⴷⵍⵙⴰ ⵙ ⵜⴷⵔⴰⵡⵜ ⴷ ⵜⵎⴰⵡⴰⵙⵜ ⵏ ⵜⵄⵄⵓⵔⵎⴰ ⴷ ⵜⴷⵍⵙⴰ ⴷ ⵓⵏⵢⴰⵍⴽⴰⵎ – ⵉⴳⵔ ⵏ ⵜⴷⵍⵙⴰ ⴷ ⵙ ⵓⵎⵢⴰⵡⴰⵙ ⴷ ⵜⵎⵀⵍⴰ ⵜⴰⵙⴳⴰⵡⴰⵏⵜ ⵏ ⵜⵎⴰⵡⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ ⴰⵎⵣⵡⴰⵔⵓ ⴷ ⵜⵓⵏⵏⵓⵏⵜ ⴳ ⵓⴳⵯⵍⵎⵉⵎ ⴷ ⵜⵎⵀⵍⴰ ⵜⴰⵏⵎⵏⴰⴹⵜ ⵏ ⵜⵎⴰⵡⴰⵙⵜ ⵏ ⵜⴷⵍⵙⴰ ⴳ ⵜⵎⵏⴰⴹⵜ ⵏ ⵓⴳⵯⵍⵎⵉⵎ ⵡⴰⴷ ⵏⵓⵏ; ⴰⵏⵏⵓⵕⵥⵎ ⵏ ⵓⵎⴹⴰⴽⴰⵕ ⴰⴳⴷⵓⴷⴰⵏ ⴷ ⵓⵎⴰⵙⴰⵢ ⴳⵔ ⵉⵎⴳⴳⴰⵢⵏ ⴰⴽⴽⵯ ⴷ ⵡⵉⴷ ⵜⵜ ⵢⵉⵡⵉⵏ ⴳ ⵡⴰⵢⴷⴰ ⴳ ⵜⵎⵏⴰⴹⵜ ⵅⴼ ⵉⵏⵎⴰⵔⵏ ⵉⵜⵜⵓⵣⵎⵎⴰⵎⵏ ⴳ ⵓⵙⵡⵉⵔ ⵏ ⵓⵙⵎⵓⵏ ⵏ ⵡⴰⵢⴷⴰ ⴰⴷ ⴳ ⵜⵎⵏⴰⴹⵜ, ⴷ ⵜⵣⵔⴰⵡⵜ ⵏ ⵉⵙⴰⴷⴰⴼⵏ ⵉⵜⵜⵓⵣⵎⴰⵔⵏ ⵉ ⵓⵙⵏⴼⵍ ⵏ ⵡⴰⵢⴷⴰ ⴰⴷ ⵙ ⵡⴰⴳⵍⴰ ⴰⴽⵎⴰⵎ, ⴷ ⵉⵎⴰⵙⵙⵏ ⵏ ⵓⵙⵡⵓⴷⴷⵓ ⵏⵏⵙ ⴷ ⵓⵙⵉⵜⴳ ⵏⵏⵙ ⴰⴼⴰⴷ ⴰⴷ ⵉⴽⵛⵎ ⴳ ⵉⵏⵙⵎⵓⵙⵙⴰ ⵏ ⵜⵙⵖⴰⵍⵜ ⵏ ⵜⴳⵎⵉ ⴳ ⵜⵎⵏⴰⴹⵜ, ⵎⴽⵍⵍⵉ ⵜⵡⴰⵜⵜⵙ ⵜⵙⵓⵜⵍⵜ ⴰⴷ ⴰⵙⴷⵓⵙ ⵏ ⵜⵣⵎⵎⴰⵔ ⵏ ⵉⵏⴽⵛⴰⵎⵏ ⴳ ⵎⴰⴷ ⵉⵥⵍⵉⵏ ⵙ ⵓⵙⵉⴷⴼ ⵏ ⵡⴰⵢⴷⴰ ⴰⵔⴽⵎⴰⵎ ⵏ ⵓⴳⵯⵍⵎⵉⵎ ⵡⴰⴷ ⵏⵓⵏ ⴳ ⵉⵖⴰⵡⴰⵙⵏ ⵏ ⵜⴳⵎⵉ, ⴷ ⵉⵎⴰⵙⵙⵏ ⵏ ⵓⵙⴳⴷⵣ ⵏ ⵡⴰⵢⴷⴰ ⴰⴷⵍⵙⴰⵏ, ⴷ ⵓⵙⵣⵎⵔ ⵏⵏⵙⵏ ⵙⴳ ⵉⵎⴰⵙⵙⵏ ⴷ ⵉⵎⵉⴽⴰⵏⵉⵣⵎⵏ ⵏ ⵓⵙⵖⴰⵏ ⵏ ⵜⴻⵜⵉⴽⵏⵓⵍⵓⵊⵉⵜ ⴷ ⵉⵎⴰⵙⵙⵏ ⵏ ⵓⵙⵏⵖⵎⵙ ⴷ ⵜⵓⵎⴰⵢⵉⵏ ⵜⵉⵎⵓⵟⵟⵓⵏⵉⵏ ⴷ ⵉⵙⵎⵔⵙⵏ ⵏ ⵜⵖⵉⵙⵜ ⵜⴰⵙⵎⴳⵓⵔⵜ ⴳ ⵓⴼⵔⴰⴳ ⴷ ⵓⵙⵉⵜⴳ ⵏ ⵡⴰⵢⴷⴰ ⴰⴷⵍⵙⴰⵏ ⴷ ⵓⵔⴽⵎⴰⵎ ⴳ ⵓⵎⴷⴰ ⵏ ⵡⴰⴷ ⵏⵓⵏ.
ⵢⵓⵎⴰ ⵓⵖⴰⵡⴰⵙ ⵏ ⵡⴰⵙⵙ ⴰⴷ ⵙⴳ ⵓⵙⴳⵔⴰⵡ ⵙⵏⴰⵜ ⵜⵙⴰⵡⵔⵉⵏ ⵏ ⵓⵙⵎⵓⵜⵜⴳ ⵉ ⵜⵏⵍⵎⴰⴷⵉⵏ ⴷ ⵉⵏⵍⵎⴰⴷⵏ ⵏ ⵓⵙⵉⵏⴰⵏ ⵏ ⵓⵙⵎⴷⵉ ⵏ ⵎⵓⵃⵎⵎⴰⴷ ⵡⵉⵙ ⵙⵎⵎⵓⵙ ⴳ ⵓⴳⵯⵍⵎⵉⵎ, ⵜⴰⵎⵣⵡⴰⵔⵓⵜ ⵅⴼ: ⴰⵢⴷⴰ ⴰⴷⵍⵙⴰⵏ ⴰⵔⴽⵎⴰⵎ ⴳ ⵜⵎⵏⴰⴹⵜ ⴷ ⵜⵎⵍⴷⴰ ⵏ ⵓⴼⵔⴰⴳ ⴷ ⵓⵙⵉⵜⴳ ⴳ ⴷⴷⵓ ⵏ ⵓⵎⴰⵍⵓ ⵏ ⵜⴳⵔⴰⵡⵍⴰ ⵜⴰⵎⵓⵟⵟⵓⵏⵜ’’. ⵔⴰⴷ ⵜⵜ ⵉⵙⵙⵓⵜⵉ ⵓⵙⵍⵎⴰⴷ ⵍⵃⴰⵙⴰⵏ ⵜⵉⴽⴱⴰⴷⴰⵕ, ⴷ ⵜⵙⴰⵡⵔⵜ ⵜⵉⵙ ⵙⵏⴰⵜ ⵅⴼ: ‘’ ⵉⵎⴰⵙⵙⵏ ⵏ ⵓⵙⵉⴷⴼ ⵏ ⵡⴰⵢⴷⴰ ⴰⴷⵍⵙⴰⵏ ⴰⵔⴽⵎⴰⵎ ⴳ ⵜⵙⵔⵜⴰⵢ ⵏ ⵜⴳⵎⵉ ⵜⴰⴷⵖⵔⴰⵏⵜ’’. ⵔⴰⴷ ⵜⵜ ⵉⵙⵙⵓⵜⵉ ⵓⵙⵍⵎⴰⴷ ⵢⴰⵃⵢⴰ ⵍⵡⵣⴳⴰⵏⵉ.
ⵎⴰⴷ ⵉⵥⵍⵉⵏ ⵙ ⵜⵉⵍⴰⵍ ⵏ ⵡⴰⵙⵙ ⵡⵉⵙ ⵙⵉⵏ ⵔⴰⴷ ⵉⵥⵕ ⴰⵙⵏⵎⴰⵍⴰ ⵏ ⵢⴰⵜ ⵜⵉⵏⴰⵡⵜ ⵜⴰⵏⴰⵎⵓⵔⵜ ⵅⴼ **ⵉⴱⴰⵢⵏⵓⵜⵏ ⵉⵏⴼⴳⴰⵏⵏ ⵉⵎⴰⴷⴷⴰⵔⵏ ⴳ ⵓⵎⴷⴰ ⵏ ⵡⴰⴷ ⵏⵓⵏ … ⵉⴷⵉⵔⵏ ⵏ ⵓⵙⵉⵜⴳ ⴷ ⵓⴼⵔⴰⴳ ⴳ ⴷⴷⵓ ⵏ ⵓⵎⴰⵍⵓ ⵏ ⵜⵎⴳⵓⵔⴰ ⵜⵉⴷⵍⵙⴰⵏⵉⵏ ⴷ ⵜⴳⵔⴰⵡⵍⴰ ⵜⴰⵎⵓⵟⵟⵓⵏⵜ**, ⵙ ⵜⴷⵔⴰⵡⵜ ⵏ ⵢⴰⵜ ⵜⵓⴼⵔⵉⵏⵜ ⵏ ⵉⵙⵍⵎⴰⴷⵏ ⴷ ⵉⵎⵔⵣⵓⵜⵏ ⵉⵎⵥⵍⴰⵢⵏ ⴷ ⵡⵉⴷ ⵜⵜ ⵢⵉⵡⵉⵏ ⴳ ⵡⴰⵢⴷⴰ ⴷ ⵓⵎⵣⵔⵓⵢ ⴷ ⵜⴷⵍⵙⴰ, ⵔⴰⴷ ⵙⵙⵓⵜⵍⵏⵜ ⵜⵉⵍⴰⵍ ⵏ ⵜⵉⵏⴰⵡⵜ ⵅⴼ ⵓⵎⴹⴰⴽⴰⵕ ⵏ ⵢⴰⵜ ⵜⴳⵔⵓⵎⵎⴰ ⵏ ⵉⴳⵊⴷⴰ : ⵜⴰⴽⵛⵛⵓⵎⵜ ⵜⴰⵎⵣⵡⴰⵔⵓⵜ ⵅⴼ: ⵜⵉⵎⴰⵢⵏⵓⵜⵉⵏ ⵏ ⵓⵣⵣⵔⴰⴼ ⴰⵎⵖⵔⴰⴱⵉ ⴳ ⵢⵉⴳⵔ ⵏ ⵓⴼⵔⴰⴳ ⴷ ⵜⵙⴰⵖⵓⵍⵜ ⵏ ⵓⴱⵓⵔⵣ ⵉ ⵉⴱⴰⵢⵏⵓⵜⵏ ⵉⵏⴼⴳⴰⵏⵏ ⵉⵎⴰⴷⴷⴰⵔⵏ; ⵜⴰⴽⵛⵛⵓⵎⵜ ⵜⵉⵙ ⵙⵏⴰⵜ ⵅⴼ: ⴰⵏⵎⵓⴳⴳⴰⵔ ⵏ ⵟⴰⵏⵟⴰⵏ : ⴰⵢⴷⴰ ⴰⵔⴽⵎⴰⵎ ⵙⴳ ⵓⴷⵖⵔⴰⵏ ⵖⵔ ⵓⵖⵣⵓⵔⴰⵏ; ⵜⴰⴽⵛⵛⵓⵎⵜ ⵜⵉⵙ ⴽⵕⴰⴹⵜ ⵅⴼ: ⴰⵎⵣⴰⵖ ⵅⴼ ⵜⵙⵜⵕⴰⵜⵉⵊⵉⵜ ⵜⴰⵏⴰⵎⵓⵔⵜ ⵏ ⵓⵙⵉⵜⴳ ⵏ ⵉⴱⴰⵢⵏⵓⵜⵏ ⵉⵏⴼⴳⴰⵏⵏ ⵉⵎⴰⴷⴷⴰⵔⵏ ⴷ ⵜⴽⵛⵛⵓⵎⵜ ⵜⵉⵙ ⴽⴽⵓⵥⵜ ⵅⴼ ⵜⵓⴷⵔⵜ ⵜⴰⵏⵣⵔⵓⴼⵜ ⵙⴳ ⵓⵙⵕⵥⵎ ⵏ ⴽⵔⴰ ⵏ ⵜⵉⵔⴰⵔⵉⵏ ⵜⵉⵖⵔⴼⴰⵏⵉⵏ.
ⴳ ⵜⵎⵔⴰ ⵏ ⵜⵉⵍⴰⵍ ⵏ ⵜⵉⵏⴰⵡⵜ ⵜⴰⵏⴰⵎⵓⵔⵜ, ⵔⴰⴷ ⵉⵜⵜⵓⵙⴽⴰⵔ ⵓⵙⵏⵎⴰⵍⴰ ⵏ ⵢⴰⵏ ⵓⵙⴼⵙⵔ ⵏ ⵜⵥⵕⵉⴳⵉⵏ ⵏ ⵜⵎⵙⵎⵓⵏⵜ ⵏ ⴱⵓⵢⵣⴰⴽⴰⵔⵏ ⵉ ⵜⴳⵎⵉ ⴷ ⵜⴷⵍⵙⴰ, ⴷ ⵓⵙⴼⵙⵔ ⵏ ⵡⴰⵢⴷⴰ ⴰⴷⵍⵙⴰⵏ ⴰⵔⴽⵎⴰⵎ ⴳ ⵜⵎⵏⴰⴹⵜ ⵏ ⵓⴳⵯⵍⵎⵉⵎ ⵡⴰⴷ ⵏⵓⵏ, ⵔⴰⴷ ⵢⵓⵎⵓ ⵉⴼⴰⵔⵙⵏ ⵉⵎⵙⵏⴼⵍⵓⵍⵏ ⴳ ⵜⴰⵣⵣⵓⵍⵉⵏ ⴷ ⵜⵏⵉⴹⵉ ⵏⵏⴰ ⵙ ⵜⴻⵜⵜⵡⴰⵙⵙⵏ ⵜⵙⴳⴰ, ⵎⴽⵍⵍⵉ ⵔⴰⴷ ⵉⵜⵜⵓⵙⴽⴰⵔ ⵓⵙⵎⵖⵔ ⵏ ⵉⴱⴰⵢⵏⵓⵜⵏ ⵉⵏⴼⴳⴰⵏⵏ ⵉⵎⴰⴷⴷⴰⵔⵏ ⴳ ⵜⵙⴳⴰ ⵙ ⵓⵙⵉⵜⴳ ⵏ ⵜⵓⴳⴳⴰⵙ ⵏⵏⵙ ⵉⵜⵜⵓⴼⴽⴰⵏ ⵉ ⵉⴼⵔⴰⴳ ⵏ ⵜⴰⵢⵙⵉ ⵜⴰⴷⵍⵙⴰⵏⵜ ⴷ ⵜⵏⴰⵥⵓⵕⵜ ⴳ ⵜⵎⵏⴰⴹⵜ.
ⴰⴷ ⵏⵙⵙⵎⵜⵔ ⵎⴰⵙ ⴷ ⴰⵙⴳⵔⴰⵡ ⴰⵏⵎⵏⴰⴹ ⵏ ⵜⵎⴳⵓⵔⴰ ⵜⵉⵥⵓⵕⴰⵏⵉⵏ ⴳ ⵜⵎⵏⴰⴹⵜ ⵏ ⵓⴳⵯⵍⵎⵉⵎ ⵡⴰⴷ ⵏⵓⵏ; ⵉⵎⵙⴰⵙ ⴳ ⵉⵡⵜⵜⴰⵙⵏ ⵏⵏⵙ ⴷ ⵜⴽⴰⵢⵍⴰⵍⵜ ⵏⵏⵙ ⴷ ⵓⵖⴰⵡⴰⵙ ⵏ ⵜⵡⵓⵔⵉ ⵏ ⵜⵎⴰⵡⴰⵙⵜ ⵏ ⵉⵄⵔⵔⵉⵎⵏ ⴷ ⵜⴷⵍⵙⴰ ⴷ ⵓⵏⵢⴰⵍⴽⴰⵎ (ⵉⴳⵔ ⵏ ⵜⴷⵍⵙⴰ) ⴳ ⵓⴳⵣⵣⵓⵎ ⵉⵥⵍⵉⵏ ⵙ ⵓⵙⵉⵜⴳ ⴷ ⵓⵙⵙⵔⵇⴱ ⵏ ⵜⵎⴳⵓⵔⴰ ⵜⵉⴷⵍⵙⴰⵏⵉⵏ ⵙ ⵡⴰⵏⴰⵡⵏ ⵏⵏⵙ ⴰⴽⴽⵯ, ⵎⴽⵍⵍⵉ ⵉⵎⵙⴰⵙⴰ ⴷ ⵉⵙⴱⴷⴰⴷⵏ ⵏ ⵓⵣⵓⵔⵜ ⴰⵏⴳⵎⵓ ⴰⵎⴰⵢⵏⵓ ⴳ ⵜⵙⴳⴰ ⵏⵏⵙ ⵜⴰⴷⵍⵙⴰⵏⵜ. ⵎⴽⵍⵍⵉ ⵉⴳⴰ ⵓⵖⴰⵡⴰⵙ ⴰⴷ ⴰⵡⴷ ⴰⵣⴷⴰⵡ ⵏ ⵜⴳⵔⵓⵎⵎⴰ ⵏ ⵉⵎⵓⵙⵙⵓⵜⵏ ⵏⵏⴰ ⵜⵙⵏⵎⴰⵍⴰ ‘’ ⵜⵎⵙⵎⵓⵏⵜ ⵏ ⴱⵓⵢⵣⴰⴽⴰⵔⵏ ⵉ ⵜⴳⵎⵉ ⴷ ⵜⴷⵍⵙⴰ’’ ⵙ ⵜⵏⴰⵍⵉⵜ ⵏ ⵜⵎⴰⵡⴰⵙⵜ ⵏ ⵜⴷⵍⵙⴰ, ⵙⵍⴰⵡⴰⵏ ⴰⴽⴽⵯ ⵉⵏⵎⵓⵇⵇⴰⵔⵏ ⵉⵏⵎⵏⴰⴹⵏ ⵏ ⵜⴷⵍⵙⴰ ⵜⴰⵎⴰⵣⵉⵖⵜ ⴷ ⵜⵃⵙⵙⴰⵏⵉⵜ, ⴷ ⵜⵓⵏⵖⵉⵍⵜ ⵜⴰⵎⵣⵡⴰⵔⵓⵜ ⴷ ⵜⵉⵙ ⵙⵏⴰⵜ ⵏ ⵓⵙⴳⵔⴰⵡ ⴰⵏⵎⵏⴰⴹ ⵏ ⵜⵎⴳⵓⵔⴰ ⵜⵉⴷⵍⵙⴰⵏⵉⵏ ⴳ ⵜⵎⵏⴰⴹⵜ ⵏ ⵡⴰⴷ ⵏⵓⵏ, ⵏⵏⴰ ⵉⵡⴰⵜⵜⵙⵏ ⴰⴷ ⵜⴱⴷⴷ ⵅⴼ ⵜⵉⵏⴷⵉ ⵏ ⵡⴰⵢⴷⴰ ⴰⴷ ⴷ ⵡⴰⵏⵙⴰ ⵏⵏⵙ ⴷ ⵜⵎⵍⴰⵍⵜ ⵏⵏⵙ ⴳ ⵓⵥⵟⵟⴰ ⴰⴷⵍⵙⴰⵏ ⴷ ⵓⵏⴰⵎⵓⵏ ⴳ ⵜⵙⴳⴰ ⵏ ⵡⴰⴷ ⵏⵓⵏ.
