ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵉⵏⵏⴰ ⵛⴰⴽⵉⴱ ⴱⵏⵎⵓⵙⴰ, ⴰⵎⴰⵡⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵙⵍⵎⴷ ⴰⵎⵏⵣⵓ ⴷ ⵜⵓⵏⵏⵓⵏⵜ, ⵎⴰⵙ ⵉⵙⵎⵏⵉⴷ ⵍⵎⵖⵔⵉⴱ ⴰⵙⴷⴰⵡ ⵏ ⵓⵙⵏⵎⴰⵍⴰ ⴷ ⵓⵙⵏⵓⴱⴳ ⵏ ⵓⵖⵔⵔⴰⴼ ⵏ ⵓⵎⴰⴹⴰⵍ ⵏ ⵓⵙⴳⴳⵯⴰⵙ 2030, ⵙ ⵜⵖⴰⵔⴰⵙⵜ ⵉⵛⵛⴰⵔⵏ ⴷ ⵚⴱⴰⵏⵢⴰ ⴷ ⵍⴱⵓⵔⵜⵓⵖⴰⵍ.
ⵉⵍⵍⴰ ⵓⵏⵖⵎⵉⵙ ⴰⴷ ⵍⵍⵉⵖ ⵉⵖⵔⴰ ⵓⵎⴰⵡⵙⴰⵙ ⴳ ⵜⵖⵔⵉⵏ ⵏ ⵜⴱⵔⴰⵜ ⵏ ⵓⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴳ ⵜⴼⵓⴳⵍⴰ ⵏ ⵜⵉⴽⴽⵉ ⵏ ⵜⵙⵎⵖⵓⵔⵜ ⵏ ⵜⴰⵎⵓⵏⵜ ⵜⴰⴼⵔⵉⵇⵉⵜ ⵉ ⵜⵓⵡⵊⵊⴰ ⵏ ⵓⴹⴰⵕ ⵉ ⵜⵣⵡⵉⵔⵉ ⴳ ⵜⵓⵏⵏⵓⵏⵜ ⵏ ⵓⵙⴳⴳⵯⴰⵙ 2022.
ⵉⵏⵏⴰ ⵎⴰⵙ ⵔⴰⴷ ⵓⵙⵏⵎⴰⵍⴰ ⴰⴷ ⵉⵛⵛⴰⵔⵏ ⴰⵎⵣⵡⴰⵔⵓ ⴳ ⵓⵎⵣⵔⵓⵢ ⵏ ⵜⵓⵡⵊⵊⴰ ⵏ ⵓⴹⴰⵕ, ⵔⴰⴷ ⵉⴳ ⵜⴰⵎⴰⵜⴰⵔⵜ ⵊⴰⵔ ⵉⴼⵔⵉⵇⵢⴰ ⴷ ⵓⵕⵓⴱⴱⴰ, ⵊⴰⵔ ⵉⵥⵥⵍⵎⴹ ⵏ ⵢⵉⵍ ⵓⵎⵍⵉⵍ ⴰⵏⴰⵎⵎⴰⵙ ⴷ ⵉⴼⴼⵓⵙ ⵏⵏⵙ, ⵊⴰⵔ ⵉⴼⵔⵉⵇⵢⴰ ⴷ ⵓⵎⴰⴹⴰⵍ ⵏ ⵡⴰⵄⵕⴰⴱⵏ ⴷ ⵓⵙⴰⵢⵔⵓⵔ ⵓⵕⵓ-ⴰⵏⴰⵎⵎⴰⵙ.
ⵉⵙⴷⴷⵉⴷ ⵓⴳⵍⵍⵉⴷ ⴳ ⵜⴱⵔⴰⵜ ⵎⴰⵙ ⵔⴰⴷ ⵉⴳ ⵓⵙⵏⵎⴰⵍⴰ ⴰⴷ ⵉⵛⵛⴰⵔⵏ ⴰⵙⵎⵓⵏ ⵏ ⵡⴰⵎⵎⴰⴽⵏ ⵏ ⵜⴰⵎⴰⵓⵏⵜ ⴼ ⵜⵖⴰⵡⵙⵉⵡⵉⵏ ⵥⵉⵍⵏⵉⵏ ⵜⴻⵟⵟⴰⴼ ⴽⵔⴰⵢⴳⴰⵜ ⵜⴰⵙⴳⴰ, ⵉⴳ ⵓⵍⴰ ⵉⵏⵉⴳⵉ ⴼ ⵜⴰⵎⵓⵏⵜ ⵏ ⵜⵓⴳⴳⴰⵙ ⵥⵉⵍⵏⵉⵏ ⴷ ⵓⵙⵏⴼⵍⵓⵍ ⴷ ⵓⵙⵎⴰⴷ ⵏ ⵜⵎⵓⵣⴰⵢⵉⵏ ⴷ ⵜⵥⴹⴰⵕⵉⵏ.
