ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵖⵓⵔ ⵍⵎⵖⵔⵉⴱ, ⵙ ⵓⵎⵣⵔⵓⵢ ⵏⵏⵙ ⵉⴷⵔⴰⵏ ⴷ ⵜⴷⵍⵙⴰ ⵏⵏⵙ ⵜⵓⵙⵍⵉⵎⵜ ⵉⴷⵓⵙⵏ, ⵢⴰⵏ ⵓⵣⴷⴷⵓⵢ ⴰⵏⵉⵎⴰⵏ ⵓⵙⵍⵉⴳ ⴷ ⵙⵉⵏ ⵉⴼⵓⵥⴰⵕ ⵉⵎⴰⵖⵓⴷⵏ. ⴰⴽⴷ ⴽⵓ ⵉⵎⵉⵔ ⵏ ⵍⵃⵉⵊⵊ ⴷ ⵍⵄⵓⵎⵔⴰ, ⴷⴰ ⵜⵜⴰⵜⵜⵓⵢⵏ ⵉⵎⴰⴳⴳⵓⵎⵏ ⵃⵎⴰ ⴰⴷ ⴰⵡⴹⵏ ⵢⴰⵜ ⵜⵉⵔⵎⵉⵜ ⵜⴰⵎⵥⵍⴰⵢⵜ ⵉ ⵉⵏⵔⵣⴰⴼ ⵏ ⵕⵕⵃⵎⴰⵏ. ⴳ ⵓⵙⴰⵜⵉ ⴰⴷ, ⵜⴳⴰ ⵜⴳⵍⴷⵉⵜ ⵜⴰⵄⵕⴰⴱⵜ ⵜⴰⵙⴰⵄⵓⴷⵉⵜ ⵜⴰⵎⵣⵡⴰⵔⵓⵜ ⵙ ⵜⵣⵎⵎⴰⵔ ⵏⵏⵙ ⵜⵎⵙⵏⴼⵍⴰⵍ ⴳ ⵓⵙⴱⵓⵖⵍⵓ ⵏ ⵜⵏⵓⴼⴰ ⵏ ⵍⵃⵉⵊⵊ ⴷ ⵍⵄⵓⵎⵔⴰ. ⵜⴷⵡⵍ ⵢⴰⵏ ⵓⵎⴷⵢⴰ ⴰⵎⴰⴹⵍⴰⵏ ⴳ ⵜⵏⵓⴼⴰ ⵏ ⵉⵏⵔⵣⴰⴼ ⴷ ⵉⵎⵣⵣⴰⵖⵏ.
ⵜⴰⵣⵣⵉⴳⵣⵜ ⵜⵓⵙⵍⵉⴳⵜ ⴳ ⵜⵏⵓⴼⴰ ⵏ ⵍⵃⵉⵊⵊ ⴷ ⵍⵄⵓⵎⵔⴰ
ⴳ ⵓⵙⴳⴳⵯⴰⵙ ⵏ 2024, ⵢⴰⵜ ⵜⴰⵜⵜⵓⵢⵜ ⵜⵓⵙⵍⵉⴳⵜ ⴳ ⵡⵓⵟⵟⵓⵏ ⵏ ⵉⵏⵔⵣⴰⴼ ⵏ ⵙⵏⴰⵜ ⵜⵖⵔⵎⵉⵏ ⵜⵉⴼⵓⵥⴰⵕⵉⵏ, ⵉⴷⴷⵖ ⵉⵣⵔⵉ ⵡⵓⵟⵟⵓⵏ ⵏ ⵍⵃⵊⵊⴰⵊ ⴷ ⵉⵎⵣⵣⴰⵖⵏ 18 ⵏ ⵎⵍⵢⵓⵏ ⵏ ⵓⵏⵔⵣⵓⴼ, ⵜⵉⵙⵉⵜ ⵜⵓⵙⵔⵉⴷⵜ ⵏ ⵜⵣⵎⵎⴰⵔ ⵏ ⵜⴳⵍⴷⵉⵜ ⴳ ⵓⵙⵙⵉⵔⵉⵡ ⵏ ⵜⵏⵓⴼⴰ ⵏⵏⵙ ⴷ ⵓⴹⴰⴽⴰⵍ ⵏ ⵓⵙⵀⵡⵏ ⵏ ⵓⵍⴽⴰⵎ ⵏ ⵙⵉⵏ ⵉⴼⵓⵥⴰⵕ ⵉⵎⴰⵖⵓⴷⵏ. ⵜⴰⵎⵔⵏⵉⵡⵜ ⴰⴷ ⴷⴰ ⵜⵎⵎⴰⵍ ⵉⵙⵓⵊⴷⵏ ⵉⵎⵓⴼⴰⵢⵏ ⴷ ⵜⵓⵚⴽⵉⵡⵜ ⵜⴰⵏⴰⴷⴷⴰⵡⵜ ⵢⴰⵜⵜⵓⵢⵏ ⴷⴰ ⵜⴳⴳ ⵜⴳⵍⴷⵉⵜ ⵉ ⵜⵏⴰⴼⵓⵜ ⵏ ⵉⵏⴱⴳⵉⵡⵏ ⵏ ⵕⵕⵃⵎⴰⵏ ⴳ ⵓⵙⴳⴳⵯⴰⵙ ⴰⴽⴽⵯ.
ⴳ ⵉⵎⵉⵔ ⵏ ⵍⵃⵉⵊⵊ 1445 ⴰⵀⵉⵊⵔⵉ/ 2024 ⴰⵎⵉⵍⴰⴷⵉ, ⵜⵉⵡⴹ ⵜⵎⴰⵡⴰⵙⵜ ⵏ ⵍⵃⵉⵊⵊ ⴷ ⵍⵄⵓⵎⵔⴰ ⵉⵙⵓⵔⴼⵏ ⵓⵙⵍⵉⴳⵏ ⴳ ⵜⵏⴽⴷⴰ ⵏ ⵜⵏⵓⴼⴰ. ⵙ ⵓⵎⴷⵢⴰ, ⴰⵙⵙⵉⵔⵉⵡ ⵏ ⵓⵖⴰⵡⴰⵙ ⵏ “ⵍⵃⵉⵊⵊ ⵓⵙⵔⵉⴷ” ⴰⴼⴰⴷ ⴰⴷ ⵢⴰⵡⴹ 126 ⵏ ⵓⵡⴰⵏⴽ, ⵙ ⵢⴰⵜ ⵜⵎⵔⵏⵉⵡⵜ ⵉⵍⴽⵎⵏ 88% ⵉⵖ ⵜ ⵏⵙⵎⵣⴰⵣⴰⵍ ⴰⴽⴷ ⵉⵎⵉⵔ ⵉⵣⵔⵉⵏ, ⵉⵙⵏⴽⴷ ⵜⵉⵏⵓⴼⴰ ⵏⵏⵙ ⵉ ⵓⴳⴳⴰⵔ ⵏ 50.000 ⵏ ⵍⵃⴰⵊⵊ ⵙⴳ 90 ⵏ ⵓⵡⴰⵏⴽ. ⵎⴽⵍⵍⵉ ⵉⵍⵍⴰ ⵓⵙⵙⵏⵜⵉ ⵏ ⵜⴰⴷⵍⵉⵡⵉⵏ ⵜⵉⵎⵣⵉⵣⵡⴰⵔⵉⵏ ⵙ ⵢⴰⵏ ⵡⴰⵜⵉⴳ ⵉⵙⵙⵏⵜⵉⵏ ⵙⴳ 11.000 ⵏ ⵓⵔⵢⴰⵍ ⴰⵙⴰⵄⵓⴷⵉ, ⵢⵉⵡⴹⵏ ⴰⵙⵓⵊⴷ ⴰⵎⵓⵟⵟⵓⵏ ⵢⴰⵜⵜⵓⵢⵏ ⵙ ⵢⴰⵏ ⵓⵙⵖⵍ ⵏ 99,9% ⵏ ⵜⴰⴷⴰⴱⵓⵜ ⵜⴰⵍⵉⴽⵟⵕⵓⵏⵉⵜ, ⴰⵢⵍⵍⵉ ⵉⵙⴷⵓⵙⵏ ⵜⴰⵎⴰⴼⴰⵡⵜ ⴷ ⵜⴷⵔⵙⵉ ⵏ ⵜⵎⵇⵕⴰⴹ.
ⵜⵉⵙⵏⵜⴰⵢ ⵜⵉⵎⵙⵏⴼⵍⵓⵍⵉⵏ ⵉ ⵓⵙⴷⵓⵙ ⵏ ⵜⵉⵔⵎⵉⵜ ⵜⴰⵏⵉⵎⴰⵏⵜ
ⵙⴳ ⵜⵓⴳⴳⴰⵙ ⵉⵡⴰⵜⵜⵙⵏ ⴰⵙⴱⵓⵖⵍⵓ ⵏ ⵜⵉⵔⵎⵉⵜ ⵏ ⵉⵏⵔⵣⴰⴼ, ⵜⴱⴷⴷ ⵜⵎⴰⵡⴰⵙⵜ ⵅⴼ ⵓⵙⵖⵓⴷⵓ ⵏ ⵜⵉⵔⵎⵉⵜ ⵏ ⵓⵔⴳⴰⴱ ⵏ ⵓⴳⵍⴳⵓⵍ ⴰⵎⴰⵖⵓⴷ, ⵉⴷⴷⵖ ⵢⴰⵜⵜⵓⵢ ⵓⵟⵟⵓⵏ ⵏ ⵉⵏⵔⵣⴰⴼ ⵉⴽⵓⵢⴰⵙⵙⵏ ⵙ 48.000 ⵏ ⵓⵏⵔⵣⵓⴼ, ⵢⵉⵡⴹ ⵓⵟⵟⵓⵏ ⴰⵎⴳⵔⴰⵡ ⵏ ⵉⵏⵎⵓⵇⵇⴰⵔⵏ 9,4 ⵏ ⵉⴷ ⵎⵍⵢⵓⵏ ⵏ ⵓⵏⵎⵓⵇⵇⴰⵔ ⴳ ⵓⵙⴳⴳⵯⴰⵙ ⵏ 2024. ⵉⵜⵜⵡⴰⴳⴳ ⵓⵙⴷⵓⵙ ⵏ ⵜⵉⵔⵎⵉⵜ ⴰⴷ ⵙ ⵓⵙⵎⵔⵙ ⵏ ⵜⵉⵜⵉⵇⵏⵉⵢⵉⵏ ⵜⵉⵎⴰⵢⵏⵓⵜⵉⵏ ⵏ ⵓⵙⴼⵔⴽ ⴷ ⵉⴷ ⵜⴰⵔⴰⵏⵥⴰⵕ ⵉ ⵓⴼⵔⴰⴳ ⵏⵏⵙⵏ ⵙⴳ ⵉⵥⵏⵥⴰⵕⵏ ⵏ ⵜⴰⴼⵓⴽⵜ, ⴰⵢⵍⵍⵉ ⵉⵎⵎⴰⵍⵏ ⵜⴰⵏⵏⴰⵢⵜ ⵏ ⵜⴳⵍⴷⵉⵜ ⵉ ⵓⵙⵖⵓⴷⵓ ⵏ ⵜⵉⵔⵎⵉⵜ ⵏ ⵉⵏⴱⴳⵉⵡⵏ.
ⵜⴰⵙⵏⵜⴰⵢⵜ “ ⴰⴱⵔⵉⴷ ⵏ ⵎⴰⴽⴽⴰ”
ⵢⴰⵜ ⵙⴳ ⵜⵙⴽⵔⴰⵡⵉⵏ ⵜⵉⵅⴰⵜⴰⵔⵉⵏ ⴷⴰ ⵜⴳⴳ ⵜⴳⵍⴷⵉⵜ ⴷ ⴰⵙⵙⵉⵔⵉⵡ ⵏ ⵜⵙⵏⵜⴰⵢⵜ “ⴰⴱⵔⵉⴷ ⵏ ⵎⴰⴽⴽⴰ”, ⵍⵍⵉⴳ ⵜⴽⵛⵎ ⵜⴳⵍⴷⵉⵜ ⵏ ⵍⵎⵖⵔⵉⴱ ⴰⵎ ⵢⴰⵏ ⵙⴳ ⵜⴰⵎ ⵏ ⵉⵡⴰⵏⴽⵏ ⵉⵎⴷⵔⴰⵡⵏ. ⵜⵉⵡⵙ ⵜⵙⵏⵜⴰⵢⵜ ⴳ ⵓⵙⵉⴷⵔⵓⵙ ⵏ ⵡⴰⴽⵓⴷ ⵏ ⵜⵎⴳⴳⴰ ⵏ ⵓⵎⵓⴷⴷⵓ ⵙⴳ 120 ⵏ ⵜⵓⵙⴷⵉⴷⵜ ⴰⵔ 15 ⵏ ⵜⵓⵙⴷⵉⴷⵜ, ⴰⵢⵍⵍⵉ ⵉⴳⴳⵏ ⴳ ⵓⵎⵓⴷⴷⵓ ⵢⴰⵜ ⵜⵉⵔⵎⵉⵜ ⵉⵀⵡⵏ ⵉ ⵉⵎⵣⵣⴰⵖⵏ ⵉⵎⵖⵔⴰⴱⵉⵢⵏ ⵙⴳ ⵜⵡⴰⴷⴰ ⵏⵏⵙⵏ ⴰⵔ ⴰⵡⴰⴹ ⵏⵏⵙ ⵉ ⵉⴽⴰⵍⵉⵡⵏ ⵉⴼⵓⵥⴰⵕⵏ.
ⵜⵉⵔⵎⵉⵜ ⵏ ⵓⵍⴰⵡⴰⵢ ⵏ ⵙⵉⵏ ⵉⴼⵓⵥⴰⵕ: ⵜⴰⵔⵙⵍⵜ ⵏ ⵡⴰⵙⵙⴰⵢ ⵓⴷⵔⵉⴼ ⵏ ⵓⵙⵓⵏⴼⵓ
ⵉⴷⴷⵔ ⵓⵍⴰⵡⴰⵢ ⵓⴷⵔⵉⴼ ⵏ ⵙⵉⵏ ⵉⴼⵓⵥⴰⵕ ⵢⴰⵜ ⵜⵣⵣⵉⴳⵣⵜ ⵉⴼⴰⵡⵏ, ⵉⴷⴷⵖ ⵢⴰⵜⵜⵓⵢ ⵓⵟⵟⵓⵏ ⵏ ⵉⵎⵙⵙⵓⴷⵓⵜⵏ ⵏⵏⵙ ⵙ 7 ⵏ ⵉⴷ ⵎⵍⵢⵓⵏ ⵏ ⵓⵎⵙⵙⵓⴷⵓ ⴳ ⴽⵟⵓⴱⵕ 2024, ⵙ ⵢⴰⵜ ⵜⵎⵔⵏⵉⵡⵜ ⵉⵣⵔⵉⵏ 111% ⵉⵖ ⵜ ⵏⵙⵎⵣⴰⵣⴰⵍ ⴷ ⵓⵙⴳⴳⵯⴰⵙ ⵉⵣⵔⵉⵏ. ⵎⴽⵍⵍⵉ ⵉⵍⵍⴰ ⵓⵙⴳⵎⴹ ⵏ ⵜⵎⵢⴰⵇⵇⴰⵏⵉⵏ ⵜⵉⵎⴰⵢⵏⵓⵜⵉⵏ ⵉⵜⵜⴳⴳⵏ ⴰⵙⵀⵡⵏ ⵏ ⵡⴰⵙⵙⴰⵢ ⵓⵙⵔⵉⴷ ⵏ ⵜⵙⵓⴼⵔⵉⵏ ⵙ ⵡⴰⵏⵙⴰⵜⵏ ⵏ ⵜⵣⴷⵓⵖⵜ ⵏ ⵍⵃⵊⵊⴰⵊ, ⴰⵢⵍⵍⵉ ⵉⵎⵎⴰⵍⵏ ⴰⵙⵓⵖⵏ ⵏ ⵜⴳⵍⴷⵉⵜ ⵙ ⵓⵙⴱⵓⵖⵍⵓ ⵏ ⵉⵎⴰⵙⵙⵏ ⵏ ⵡⴰⵙⵙⴰⵢ ⵉ ⵜⵏⴰⴼⵓⵜ ⵏ ⵉⵏⴱⴳⵉⵡⵏ ⵏ ⵕⵕⵃⵎⴰⵏ.
ⴰⵙⴱⵓⵖⵍⵓ ⵏ ⵡⴰⵏⵙⴰⵜⵏ ⵉⵎⵣⵔⴰⵢⵏ ⴷ ⵉⴷⵍⵙⴰⵏⵏ
ⵓⵔ ⵜⴻⵜⵜⵓ ⵜⴳⵍⴷⵉⵜ ⵜⵉⵏⴷⵉ ⵏ ⵓⵙⴱⵓⵖⵍⵓ ⵏ ⵜⵉⵔⵎⵉⵜ ⵜⴰⴷⵍⵙⴰⵏⵜ ⵏ ⵉⵏⴱⴳⵉⵡⵏ ⵏ ⵕⵕⵃⵎⴰⵏ, ⵉⴷⴷⵖ ⵉⵜⵜⵡⴰⴳⴳ ⵓⵙⵖⵔⵜ ⵏ ⵓⴳⴳⴰⵔ ⵏ 40 ⵏ ⵡⴰⵏⵙⴰ ⴰⵎⵣⵔⴰⵢ ⴳ ⵎⴰⴽⴽⴰ ⴷ ⵍⵎⴰⴷⵉⵏⴰ, ⴳ ⵍⵍⴰⵏ ⵡⴰⵏⵙⴰⵜⵏ ⵏ ⵡⴰⵣⵣⴰⵖⵏ ⴷ ⵜⵎⵣⴳⵉⴷⵉⵡⵉⵏ ⵜⵉⵎⵣⵔⴰⵢⵉⵏ. ⵣⵔⵉⵏⵜ ⵜⵣⵎⵎⴰⵔ ⴰⴷ ⵉⵡⵜⵜⴰⵙⵏ ⵏ ⵓⵙⴳⴳⵯⴰⵙ ⵏ 2023 ⵙ ⵓⵙⵖⵍ ⵏ 43%, ⴰⵢⵍⵍⵉ ⵉⵎⵎⴰⵍⵏ ⴰⵙⵓⵖⵏ ⵏ ⵜⴳⵍⴷⵉⵜ ⵙ ⵓⴼⵔⴰⴳ ⵏ ⵡⴰⵢⴷⴰ ⵓⵙⵍⵉⵎ ⴷ ⵜⵏⴽⴷⴰ ⵏ ⵢⴰⵜ ⵜⵉⵔⵎⵉⵜ ⵜⵓⵙⵍⵉⴷⵜ ⵉ ⵉⵏⵔⵣⴰⴼ.
ⴰⵎⵙⴳⵔⴰ
ⵜⵉⵙⴽⵔⴰⵡⵉⵏ ⴰⴷ ⵓⵔ ⴷ ⵓⵙⵉⵏⵜ ⵙ ⵡⴰⴼⵓⵍ, ⴳⴰⵏⵜ ⵜⴰⵢⴰⴼⵓⵜ ⵏ ⵢⴰⵜ ⵜⴰⵏⵏⴰⵢⵜ ⵜⴰⵙⵜⵔⴰⵜⵉⵊⵉⵜ ⴷ ⵜⵣⵎⵎⴰⵔ ⵜⵉⵙⵓⵍⴰⵏⵉⵏ ⵉⵡⴰⵜⵜⵙⵏ ⵉⴳⴳⵉⵜ ⵏ ⵍⵃⵉⵊⵊ ⴷ ⵍⵄⵓⵎⵔⴰ ⵢⴰⵜ ⵜⵉⵔⵎⵉⵜ ⵜⴰⵏⵉⵎⴰⵏⵜ ⴷ ⵜⴷⵍⵙⴰⵏⵜ ⵜⴰⵖⵣⵓⵔⴰⵏⵜ. ⵙ ⵉⵙⴱⵓⵖⵍⵓⵜⵏ ⴰⴷ, ⵜⴹⴼⵕ ⵜⴳⵍⴷⵉⵜ ⵜⴰⵄⵕⴰⴱⵜ ⵜⴰⵙⴰⵄⵓⴷⵉⵜ ⴳ ⵜⵏⴽⴷⴰ ⵏ ⵢⴰⵏ ⵓⵎⴷⵢⴰ ⴰⵎⴰⴹⵍⴰⵏ ⵡⵉⵏ ⵓⴹⴼⴰⵕ ⴳ ⵜⵏⴰⴼⵓⵜ ⵏ ⵉⵏⴱⴳⵉⵡⵏ ⵏ ⵕⵕⵃⵎⴰⵏ, ⴰⵢⵍⵍⵉ ⵉⵎⵎⴰⵍⵏ ⵜⴰⴷⵔⵓⵜ ⵏ ⵉⵙⵖⵡⴰⵏ ⵏⵏⵙ ⵉⵣⴷⵉⵏ ⴷ ⵜⴱⵔⴰⵜ ⵜⴰⵏⴼⴳⴰⵏⵜ ⴷ ⵜⵎⵙⵖⴰⵏⵜ.
