ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵉⵙⵏⵓⴱⴳ ⵓⵅⴰⵜⴰⵔ ⴰⴽⴰⵟⴰⵍⵓⵏⵉ ⵓⵔⵢⵓⵍ ⵊⵓⵏⴽⵉⵔⴰⵙ ⴷ ⵓⵎⴰⵔⵉ ⵉⵣⵔⵉⵏ ⴰⵎⵙⵙⵉⵡⵍ ⵓⵏⵚⵉⴱ ⴳ ⵓⴱⵕⵍⴰⵎⴰⵏ ⵏ ⵚⴱⴰⵏⵢⴰ ⵅⵡⴰⵏ ⵜⴰⵔⴷⴰ ⴳ ⵜⴰⴷⴷⴰⵔⵜ ⵏⵏⵙ ⴰⴽⴰⴱⴰⵕ ⵏ ⵓⴳⵔⴰⵡ ⴰⵎⴰⴹⵍⴰⵏ ⴰⵎⴰⵣⵉⵖ ⵖ ⵉⵍⵍⴰ ⵓⵎⵖⴰⵔ ⵕⴰⵛⵉⴷ ⵕⴰⵅⴰ ⴷ ⵜⵏⵙⵙⵉⵅⴼⵜ ⵏ ⵡⴰⵢⵢⴰⵡ ⵏ ⵍⵎⵖⵔⵉⴱ ⴰⵎⵉⵏⴰ ⴱⵏⵛⵛⵉⵅ ⴷ ⵜⵏⵙⵙⵉⵅⴼⵜ ⵏ ⵜⵎⵙⵎⵓⵏⵜ ⵏ ⵜⵎⵟⵟⵓⴹⵜ ⵜⴰⵏⵙⵙⵉⵅⴼⵜ ⵜⴰⵎⴰⵔⵉⵜ ⵖ ⵚⴱⴰⵏⵢⴰ ⴷ ⴽⴰⵟⴰⵍⵓⵏⵢⴰ ⵙⴰⵍⵡⴰ ⵖⵔⴱⵉ.
ⴳ ⵓⵏⵎⵓⵇⵇⴰⵔ ⴰⴷ, ⵉⵍⵍⴰ ⵓⵎⴹⴰⴽⴰⵕ ⴼ ⵉⵎⵔⵙⵡⵉⵏ ⵣⴷⵉⵏⵉⵏ ⴷ ⵜⵎⵙⴰⵔⵜ ⵜⴰⵎⴰⵣⵉⵖⵜ ⴳ ⵜⵍⵍⴰ ⵜⵎⴰⵙⴰⵢⵜ ⵏ ⵚⴱⴰⵏⵢⴰ ⴼ ⵓⵙⵎⵔⵙ ⵏ ⵉⴳⴰⵣⵏ ⵉⴽⵉⵎⴰⵡⵉⵏ ⴳ ⵜⵎⴰⵖⵜ ⵏ ⵔⵔⵉⴼ, ⴷ ⵓⵙⵙⵍⵎⴷ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵉ ⵜⴰⵔⵡⴰ ⵏ ⵉⵎⵔⵉⴱⵉⵢⵏ ⵏ ⴱⵕⵕⴰ ⴳ ⵜⵙⴳⴰ ⵏ ⴽⴰⵟⴰⵍⵓⵏⵢⴰ.
ⵉⵙⵎⴰⵢⵏⵓ ⵕⴰⵛⵉⴷ ⵕⴰⵅⴰ ⴰⵎⵖⴰⵔ ⵏ ⵓⴳⵔⴰⵡ ⴰⵎⴰⴹⵍⴰⵏ ⴰⵎⴰⵣⵉⵖ ⵜⵉⵡⵉⵣⵉ ⵏ ⵓⵎⴰⴷⴰⵏ ⴰⵎⴰⵣⵉⵖ ⴰⴽⴷ ⵓⵎⴰⴷⴰⵏ ⵏ ⴽⴰⵟⴰⵍⵓⵏⵢⴰ ⴷ ⵓⵙⵙⵀⵔⵛ ⵏ ⵉⵎⵉⵥⵏ ⴷ ⵉⵚⵕⵓⴹⵏ ⵉⵙⵔⵜⴰⵏⵏ ⵎⴳⴰⵍ ⵏ ⵉⵅⴰⵜⴰⵔⵏ ⵉⴽⴰⵟⴰⵍⵓⵏⵉⵢⵏ.
ⵉⵙⴰⵡⵍ ⵎⴰⵙⵙ ⵕⴰⵅⴰ ⴼ ⵓⵏⴰⵔⵓⵣ ⵏⵏⵙ ⴰⴷ ⵜⵙⴱⵉⴷⴷ ⵜⵏⴱⴰⴹⵜ ⵜⴰⵚⴱⵍⵢⵓⵏⵉⵜ ⵉⵚⵕⵓⴹⵏ ⵏⵏⵙ ⵎⴳⴰⵍ ⵏ ⵉⵅⴰⵜⴰⵔⵏ ⵉⵙⵔⵜⴰⵏⵏ ⵉⴽⴰⵟⴰⵍⵓⵏⵉⵢⵏ.
ⵉⵙⴰⵡⵍ ⵓⵅⴰⵜⴰⵔ ⴰⴽⴰⵟⴰⵍⵓⵏⵉ ⴼ ⵜⵉⵔⵎⵉⵜ ⵏⵏⵙ ⴳ ⵓⵙⵎⵏⵉⴷ ⵏ ⵜⵎⵙⴰⵔⵉⵏ ⴼ ⵓⵎⵣⵔⵓⵢ ⵏ ⵉⵎⴰⵣⵉⵖⵏ ⵉ ⵉⵎⵖⵔⵉⴱⵉⵢⵏ ⵍⵍⴰⵏⵉⵏ ⴳ ⵓⵖⵣⵓ, ⵖⵎⴽ ⵍⵍⵉ ⵉⵙⴰⵡⵍ ⴼ ⵜⵉⵔⵎⵉⵜ ⵏ ⵓⵙⵙⵍⵎⴷ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵉ ⵜⴰⵣⵣⴰⵏⵉⵏ ⴳ ⵜⵉⵏⵎⴰⵍ ⵜⵉⴳⴷⵓⴷⴰⵏⵉⵏ, ⵢⵉⵏⵉ ⵎⴰⵙ ⴷ ⵉⵇⵇⴰⵏ ⴰⴷ ⵢⵉⵍⵉ ⵓⵙⴷⵓⵙ ⵏ ⵜⵉⵔⵎⵉⵜ ⴰⴷ ⵙ ⵜⵡⵉⵙⵉ ⵏ ⵜⵎⵙⵎⵓⵏⵉⵏ ⵜⵉⵎⴰⵣⵉⵖⵉⵏ.
