ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵙ ⵜⵓⴳⵜⵜ, ⴳ ⵢⴰⵜ ⵜⵖⵉⵎⵉⵜ ⵜⵓⵣⵔⵉⴼⵜ ⵉⵙⵏⵎⴰⵍⴰ ⵜⵜ ⴰⵙⵙ ⵏ ⵓⴽⵕⴰⵙ, ⴰⵙⵖⵏⵓ ⵏ ⵓⵙⵍⴳⵏ ⵓⵟⵟⵓⵏ 73.24 ⵙ ⵓⵙⵏⴼⵍ ⴷ ⵓⵙⵎⴰⴷ ⵏ ⵉⴱⴹⵉⵢⵏ ⵏ ⵜⵎⵜⵜⴰⵡⵉⵏ 74 ⴷ 75 ⵙⴳ ⵓⵙⵍⴳⵏ ⵓⵟⵟⵓⵏ 38.15 ⵉⵥⵍⵉⵏ ⵙ ⵓⵙⵏⵎⴰⵍⴰ ⴰⵏⵣⵔⴰⴼ.
ⴳ ⵓⵙⵎⵏⵉⴷ ⵏⵏⵙ ⵏ ⵓⵙⵖⵏⵓ ⵏ ⵓⵙⵍⴳⵏ, ⵉⵙⴷⴷⵉⴷ ⵓⵎⴰⵡⵙⴰⵙ ⵏ ⵜⵣⵔⴼⵜ, ⵄⴱⵍⵍⴰⵟⵉⴼ ⵡⴰⵀⴱⵉ, ⵎⴰⵙ ⴷ ⴰⵙⵖⵏⵓ ⴰⴷ ⵉⵡⴰⵜⵜⵙ ⴰⵏⵏⵓⵕⵥⵎ ⵏ ⵜⵣⵎⵔⵜ ⵏ ⵡⴰⵍⴰⵙ ⵏ ⵜⵖⵜⴰⵙⵉⵏ ⴷ ⵉⴼⴼⵖⵏ ⵙⴳ ⵜⵙⵏⴱⴹⴰⵢⵉⵏ ⵜⵉⵎⵣⵡⵓⵔⴰ ⵜⵉⵏⵙⴱⴰⴱⵉⵏ ⴷ ⵜⵙⵏⴱⴹⴰⵢⵉⵏ ⵜⵉⵎⵣⵡⵓⵔⴰ ⵜⵉⵎⵙⵙⵓⴳⴰⵔ ⵎⵏⵉⴷ ⵏ ⵜⵣⵓⵏⵉ ⵜⴰⵎⵥⵍⴰⵢⵜ ⴳ ⵜⵏⴱⴹⴰⵢⵜ ⵜⴰⵏⵙⴱⴰⴱⵜ ⴷ ⵜⵣⵓⵏⵉ ⵜⴰⵎⵥⵍⴰⵢⵜ ⴳ ⵜⵏⴱⴹⴰⵢⵜ ⵜⴰⵎⵙⵙⵓⴳⵓⵔⵜ ⵉⴹⴼⵕⵏ ⵉ ⵜⵙⵏⴱⴹⴰⵢⵜ ⵏ ⵡⴰⵍⴰⵙ ⵜⵓⵏⵣⵉⵍⵜ.
ⵉⵙⵙⵉⵙⴼⵉⵡ ⵎⴰⵙⵙ ⵡⴰⵀⴱⵉ ⵎⴰⵙ ⴷ ⴰⴹⵕⵉⵚ ⴰⴷ ⵓⵣⵔⵉⴼ ⴰⵎⴰⵢⵏⵓ ⵉⵡⴰⵜⵜⵙⵏ ⴰⵙⵉⴷⵙ ⵏ ⵜⵏⴱⴹⴰⵢⵜ ⵜⴰⵎⵥⵍⴰⵢⵜ ⵙⴳ ⵜⵏⵎⵓⵔⴰ ⴷ ⵉⵏⵎⵓⵔⵉⵏ, ⵙ ⵓⵏⵏⵓⵕⵥⵎ ⵏ ⵜⵣⵎⵔⵜ ⵏ ⵡⴰⵍⴰⵙ ⵏ ⵉⴱⴹⵉⵢⵏ ⵏ ⵜⵙⵏⴱⴹⴰⵢⵉⵏ ⵜⵉⵎⵣⵡⵓⵔⴰ ⵜⵉⵏⵙⴱⴰⴱⵉⵏ ⴷ ⵉⴱⴹⵉⵢⵏ ⵏ ⵜⵙⵏⴱⴹⴰⵢⵉⵏ ⵜⵉⵎⵣⵡⵓⵔⴰ ⵜⵉⵎⵙⵙⵓⴳⴰⵔ ⵎⵏⵉⴷ ⵏ ⵜⵣⵓⵏⵉ ⵜⴰⵎⵥⵍⴰⵢⵜ ⴳ ⵜⵏⴱⴹⴰⵢⵜ ⵜⴰⵏⵙⴱⴰⴱⵜ ⴷ ⵜⵣⵓⵏⵉ ⵜⴰⵎⵥⵍⴰⵢⵜ ⴳ ⵜⵏⴱⴹⴰⵢⵜ ⵜⴰⵎⵙⵙⵓⴳⵓⵔⵜ ⵉⴹⴼⵕⵏ ⵉ ⵜⵙⵏⴱⴹⴰⵢⵜ ⵏ ⵡⴰⵍⴰⵙ ⵜⵓⵏⵣⵉⵍⵜ.
ⵉⵙⵙⵎⵜⵔ ⵎⴰⵙ ⴷ ⴰⵙⵏⴰⵎ ⵏ ⵉⵙⴱⴷⴰⴷⵏ ⵏ ⵜⵎⵜⵜⴰⵡⵉⵏ 74 ⴷ 75 ⵙⴳ ⵓⵙⵍⴳⵏ ⵏ ⵓⵙⵏⵎⴰⵍⴰ ⴰⵎⴰⴷⴷⴰⵙ ⵔⴰⴷ ⵢⴰⵊⵊ ⵜⴰⴳⵔⵓⵎⵎⴰ ⵏ ⵉⵎⵙⵡⵓⵔⵉⵢⵏ ⴰⴷ ⵣⵎⵔⵏ ⴰⴷ ⴰⴷⴼⵏ ⵜⴰⵏⴱⴹⴰⵢⵜ ⵜⴰⵎⵥⵍⴰⵢⵜ ⴳ ⵜⵙⵓⵏⴰⴹ ⵜⵉⵏⵣⵔⴰⴼⵉⵏ ⴳ ⵜⵙⵏⴱⴹⴰⵢⵉⵏ ⵏ ⵡⴰⵍⴰⵙ ⵏⵏⴰ ⵖ ⵓⵔ ⵍⵍⵉⵏⵜ ⵜⵙⵏⴱⴹⴰⵢⵉⵏ ⵜⵉⵎⵥⵍⴰⵢⵉⵏ ⵙ ⵓⵏⵏⵓⵕⵥⵎ ⵏ ⵜⵥⵍⴰⵢⵜ ⵜⴰⵎⵓⵔⴰⵏⵜ ⵉ ⵜⵣⵓⵏⴰ ⵜⵉⵎⵥⵍⴰⵢⵉⵏ ⴳ ⵜⵙⵓⵏⴰⴹ ⵏ ⵜⵙⵏⴱⴹⴰⵢⵉⵏ ⴰⴷ ⵏ ⵡⴰⵍⴰⵙ, ⴰⵢⵍⵍⵉ ⵔⴰⴷ ⵢⴰⵡⵙ ⴳ ⵓⵙⵙⵉⴼⵙⵓⵙ ⵏ ⵓⵥⴰⵥⵓ ⵏ ⵓⵎⵙⵡⵓⵔⵉ ⵙ ⵓⵙⵙⵉⵏⴼ ⵏⵏⵙ ⵉⴷⵔⵉⵎⵏ ⵏ ⵡⴰⵙⵙⴰⵢ ⵖⵔ ⵜⵙⵏⴱⴹⴰⵢⵉⵏ ⵏⵏⴰ ⴰⵙ ⵢⴰⴳⴳⵓⴳⵏ ⵅⴼ ⵓⵙⵖⵉⵎ ⵏ ⵜⵣⴷⴷⵓⵖⵜ ⵏⵏⵙ ⴳ ⵓⴳⴰⵏⵉ ⵏ ⵓⵙⵎⴰⵜⴰ ⵏ ⵜⵙⵏⴱⴹⴰⵢⵉⵏ ⵜⵉⵎⵥⵍⴰⵢⵉⵏ ⴳ ⵜⵙⴳⴳⵉⵡⵉⵏ ⴰⴽⴽⵯ ⵏ ⵜⴳⵍⴷⵉⵜ.
ⵔⴰⴷ ⵉⵙⵣⵎⵔ ⵓⵙⵏⴰⵎ ⴰⴷ ⴰⴷ ⵢⵉⵡⴹ ⵢⴰⵏ ⵡⴰⵏⴰⵡ ⵙⴳ ⵓⵍⵖⴷⵓⴷⵉ ⵅⴼ ⵜⴽⴰⵕⴹⴰ ⵜⴰⵏⵣⵔⴰⴼⵜ ⵏ ⵜⴳⵍⴷⵉⵜ, ⵙⴳ ⵓⵙⵢⴰⴼⴰ ⴰⵎⵓⴼⴰⵢ ⵏ ⵜⵓⵚⴽⵉⵡⵉⵏ ⵜⵉⵏⴰⴷⴷⴰⵡⵉⵏ ⵏ ⵜⵙⵏⴱⴹⴰⵢⵉⵏ ⴷ ⵓⵙⵎⵙⵙⵓ ⵉⵎⵉⵖⵉⵙ ⵏ ⵉⵙⵓⴳⴰⵎ ⵉⵏⴼⴳⴰⵏⵏ ⴷ ⵉⵍⵓⵊⵉⵙⵜⵉⵢⵏ.
ⴰⵙⵓⵖⵍ: ⵄⴱⴷⵍⵡⴰⵃⴷ ⴱⵓⵜⴱⴰⵖⴰ
