ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵉⵙⵙⵔⵖⴷ ⵎⴰⵙⵙ ⵄⴰⴱⴷⵍⵃⴰⵎⵉⴷ ⴷⴷⴱⵉⴱⴰ, ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵏ ⵜⴰⵎⵓⵏⵜ ⵜⴰⵏⴰⵎⵓⵔⵜ ⵜⴰⵎⵙⵉⴽⵓⴷⵜ ⴳ ⵍⵉⴱⵢⴰ, ⵉ ⵉⵎⴰⵣⵉⵖⵏ ⵏ ⵍⵉⴱⵢⴰ ⵙ ⵜⵎⵍⴷⴰ ⵏ ⵓⵙⴳⴳⵯⴰⵙ ⴰⵎⴰⵣⵉⵖ ⴰⵎⴰⵢⵏⵓ , ⵢⵉⵏⵉ ⴳ ⵜⵉⵔⵔⴰ ⵏⵏⵙ ⴳ ⵓⵎⵓⵟⵟⵓⵏ ⵏⵏⵙ ⵉⵣⵍⵉⵏ: “ⴰⴷ ⵉⵍⵉⵏ ⴰⵢⵜⵎⴰⵜⵏⵖ ⵉⵎⴰⵣⵉⵖⵏ ⵖ ⴽⵔⴰⵢⴳⴰⵜ ⴰⵙⴳⴳⵯⴰⵙ ⴳ ⵓⴼⵓⵍⴽⵉ ⵙ ⵜⵎⵍⴷⴰ ⵏ ⵓⵙⴳⴳⵯⴰⵙ ⴰⵎⴰⵣⵉⵖ ⴰⵎⴰⵢⵏⵓ”.
ⵢⵉⵏⵉ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵜⴰⵎⵙⵉⴽⵓⴷⵜ ⴳ ⵍⵉⴱⵢⴰ ⵎⴰⵙ ⴷ ⵉⵇⵇⴰⵏ ⴰⴷ ⵉⵍⵉⵏⵜ ⴽⵉⴳⴰⵏ ⵏ ⵜⵓⴳⴳⴰⵙ ⵃⵎⴰ ⴰⴷ ⵏⵏⵙⵏ ⵜⴰⵎⴰⴳⵉⵜ ⵏⵏⵖ ⵜⴰⵍⵉⴱⵉⵜ ⵍⵍⵉ ⴰⵖ ⵉⵙⵎⵓⵏⵏ ⵏⵎⵙⵓⵔⵓⴼ ⴷⵉⴷⵙ, ⵢⵉⵏⵉ ⵎⴰⵙ ⴷ ⵉⵇⵇⴰⵏ ⴰⴷ ⵙⵙⵏⵏ ⵉⵍⵉⴱⵉⵢⵏ ⵎⴰⵕⵕⴰ ⴽⴰ ⵜⵎⴰⵙⴰⵔⵜ ⴷ ⵜⵎⵍⵙⵉⵜ ⴷ ⵜⵉⵔⵎⵜ ⴷ ⵜⵥⵓⵕⵉ ⵜⴰⵇⴱⵓⵔⵜ ⴳ ⴽⵓ ⵜⵉⵙⴳⴳⵉⵡⵉⵏ.
ⵉⵙⵎⴷ ⵎⴰⵙⵙ ⴷⴷⴱⵉⴱⴰ ⴰⵡⴰⵍ ⵏⵏⵙ ⵢⵉⵏⵉ ⵎⴰⵙ ⵜⵜⵓⵙⴽⴰⵔ ⵜⵎⴰⴳⵉⵜ ⵏ ⵍⵉⴱⵢⴰ ⵙ ⵜⵎⵏⵏⴰⵡⵜ ⵉⵥⵉⵍⵏ ⵉⵍⵍⴰⵏ ⴳ ⴽⵓ ⵜⴰⴷⵍⵙⵉⵡⵉⵏ ⵏⵏⵙ, ⴰⵢⵍⵍⵉ ⵉⴳⴰⵏ ⵜⴰⵖⴰⵡⵙⴰ ⵉⴷⵔⵙⵓⵏ ⴳ ⵓⵎⴰⴹⴰⵍ.
