ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵙ ⵡⴰⵡⴰⵍ ⵏ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵜⵙⴱⴱⵔⴽ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⴰⵙⵏⴰ, ⴰⵙⵙ ⴰⴷ ⵏ ⵓⵙⵉⵎⵡⴰⵙ ⴳ ⵜⴳⴰⴷⵉⵔⵜ ⵏ ⵜⵏⴳⴱⵉⵡⵜ ⴳ ⵕⵕⴱⴰⵟ, ⵉⵃⵏⵊⵉⵔⵏ ⵉⵎⴰⵇⴷⵉⵙⵉⵢⵏ ⵉⴷⵔⴰⵏ ⴳ ⵜⵙⵓⵜⵍⵜ ⵜⵉⵙ 14 ⵏ ⵜⵎⵔⵙⵉⵡⵜ ⵏ ⵓⵏⴱⴷⵓ ⵏⵏⴰ ⵜⵙⵏⵎⴰⵍⴰ ⵜⵙⵏⵓⵔⴰⵢⵜ ⴱⴰⵢⵜ ⵎⴰⵍ ⴰⵍⵇⵓⴷⵙ.
ⴰⵔ ⵜⵎⵎⴰⵍ ⵜⵎⵔⵙⵉⵡⵜ, ⵏⵏⴰ ⵉⵜⵜⵏⵎⴰⵍⴰⵏ ⴷⴷⵓ ⵢⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵓⴳⵍⵍⵉⴷ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ, ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵍⵇⵓⵓⴷⵙ, ⴷ ⵙ ⵜⵙⵏⵜⴰⵢⵜ ⵏ ⵜⵙⵏⵓⵔⴰⵢⵜ ⴱⴰⵢⵜ ⵍⵎⴰⵍ ⵍⵇⵓⴷⵙ, ⵉⵡⵉⵣ ⵉⵥⵍⵉⵏ ⵏⵏⴰ ⵢⴰⴽⴽⴰ ⴱⴰⴱ ⵏ ⵡⴰⴷⵓⵔ, ⴰⴷ ⵜ ⵉⴼⵔⴳ ⵕⴱⴱⵉ, ⵉ ⵜⵖⵔⵎⵜ ⵜⴰⴼⵓⵥⴰⵕⵜ ⴷ ⵉⵎⵣⴷⴰⵖⵏ ⵏⵏⵙ.
ⵜⵓⵛⴽⴰ ⴷ ⵜⵙⵏⵜⴰⵢⵜ ⴰⴷ, ⴰⴷ ⵜⵙⴷⵓⵙ ⵜⴰⵡⵓⵔⵉ ⵏ ⵜⵙⵏⵓⵔⴰⵢⵜ ⵏ ⴱⴰⵢⵜ ⵎⴰⵍ ⵍⵇⵓⴷⵙ, ⵏⵏⴰ ⴷ ⴷⴰⵔ ⴰⵡⵜⵜⴰⵙ ⵏ ⵡⴰⵏⵏⴰⵍ ⵏ ⵜⵖⵔⵎⵜ ⵏ ⵍⵇⵓⴷⵙ ⴰⴳⵔⵔⴰⵎ ⴷ ⵉⵎⵣⴷⴰⵖⵏ ⵏⵏⵙ, ⵙⴳ ⵉⵙⵏⴼⴰⵔⵏ ⵉⵎⵢⴰⵏⵏⴰⵡⵏ ⵖⵓⵔ ⵜⵓⵙⵓⵔⵜ ⵉⴼⴰⵡⵏ ⵅⴼ ⵉⵎⴰⵇⴷⵉⵙⵉⵢⵏ, ⵙⵍⴰⵡⴰⵏ ⴰⴽⴽⵯ ⴳⵉⵙⵏ ⵜⵉⵎⵖⴰⵔⵉⵏ ⴷ ⵉⵃⵏⵊⵉⵔⵏ ⴷ ⵉⵡⴷⴰⵏ ⵉⵍⵍⴰⵏ ⴳ ⵡⴰⴷⴷⴰⴷ ⵉⵎⵔⴰⵏ.
ⵢⵉⵡⴹ ⵓⵟⵟⵓⵏ ⴰⵎⵙⵎⵓⵏ ⵏ ⵉⵎⵙⴱⵖⵔⵏ ⵙⴳ ⵓⵖⴰⵡⴰⵙ ⵏ ⵜⵎⵔⵙⵉⵡⵉⵏ ⵏ ⵓⵏⴱⴷⵓ ⵏ ⵜⵙⵏⵓⵔⴰⵢⵜ ⴱⴰⵢⵜ ⵎⴰⵍ ⵍⵇⵓⴷⵙ ⵣⵖ ⵓⵙⵙⵏⵜⵉ ⵏⵏⵙ ⴰⵔ 2008, ⵏⵏⴰ ⵢⵉⵡⴹⵏ ⴰⵙⴳⴳⵯⴰⵙ ⴰⴷ ⴳ ⵜⵙⵓⵜⵍⵜ ⵏⵏⵙ ⵜⵉⵙ 14, ⴰⵢⵍⵍⵉ ⵉⴳⴰⵏ 700 ⵏ ⵓⴼⵔⵓⵅ ⵙⴳ ⵡⵓⵙⵓⵏⵏ ⴰⴽⴽⵯ ⵏ ⵜⵖⵔⵎⵜ ⵜⴰⴼⵓⵥⴰⵕⵜ, ⴷⴰ ⴷⵉⴷⵙⵏ ⵉⵜⵜⵎⵓⵏ 70 ⵏ ⵓⵎⵙⵙⴰⴳⵓⵔ (ⴰⵙⴰⵜⵉ), ⵔⵣⴼⵏ ⴰⴽⴽⵯ ⵜⵉⵎⵏⴰⴹⵉⵏ ⵏ ⵜⴳⵍⴷⵉⵜ ⴱⴷⴷⵏ ⵅⴼ ⵜⴷⵓⵙⵉ ⵏ ⵓⵎⵢⴰⵡⴰⵙ ⵏ ⵉⵎⵖⵔⴰⴱⵉⵢⵏ ⴷ ⵉⴼⵣⵍⵚⵟⵉⵏⵉⵢⵏ.
ⵙ ⵎⴽⵍⵍⵉ ⴱⴷⴷⴰ ⵙ ⴰⵔ ⵣⵣⵔⴰⵢⵏⵜ ⵜⵙⵓⵜⴰⵍ ⵣⵔⵉⵏⵉⵏ, ⵉⵙⴱⵖⵔ ⴳ ⵜⵙⵓⵜⵍⵜ ⴰⴷ ⵏ ⵜⵎⵔⵙⵉⵡⵜ, ⵏⵏⴰ ⵢⵓⵙⵉⵏ ⵜⴰⵎⴰⵜⴰⵔⵜ « ⵜⴰⵡⴰⴷⴰ ⵜⴰⵣⴳⵣⴰⵡⵜ » ⴷ ⵉⵜⵜⵓⵙⵙⵓⴷⵙⵏ ⴳⵔ 10 ⴰⵔ 26 ⵖⵓⵛⵜ, ⵉⵃⵏⵊⵉⵔⵏ ⵉⵎⴰⵇⴷⵉⵙⵉⵢⵏ (ⵜⵉⵡⵜⵎⵉⵏ ⴷ ⵉⵡⵜⵎⴰⵏ) ⵏⵏⴰ ⴷ ⴷⴰⵔ ⴰⵡⵜⴰⵢ ⴳⵔ 11 ⴰⵔ 14 ⵏ ⵓⵙⴳⴳⵯⴰⵙ, ⵏⵏⴰ ⴷ ⵜⵜⵎⵓⵏⵏ ⵉⵎⵙⵙⵓⴳⴰⵔ (ⵉⵙⵓⵜⴰⵢ) ⵙⴳ ⵜⵖⵔⵎⵜ ⵜⴰⴼⵓⵥⴰⵕⵜ.
ⵙ ⵜⵎⵍⴷⴰ ⴰⴷ, ⵜⵓⵎⵥ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⵎⵏⵓⴽⴰⵍⵜ ⵍⴰⵍⵍⴰ ⵃⴰⵙⵏⴰ ⵢⴰⵜ ⵜⵡⵍⴰⴼⵜ ⵏ ⵓⴽⵜⵜⵓⵢ ⴷ ⵉⴼⵔⵅⴰⵏ ⵉⵎⴰⵇⴷⵉⵙⵉⵢⵏ ⵉⴷⵔⴰⵏ ⴳ ⵜⵎⵔⵙⵉⵡⵜ ⴷ ⵉⵙⵓⵜⴰⵢ ⵏⵏⵙⵏ.
ⵄⴱⴷⵍⵡⴰⵃⵉⴷ ⴱⵓⵜⴱⴰⵖⴰ – ⴰⴳⵯⵍⵎⵉⵎ
