ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⵎⵏⵓⴽⴰⵍⵜ ⵍⴰⵍⵍⴰ ⴰⵙⵎⴰ, ⵜⴰⵎⵔⵉⵙⵜ ⵜⴰⵎⵖⵍⴰⵍⵜ ⵣⴷⴰⵜ ⵏ ⵉⵔⴱⴰⵏ ⵉⴹⵕⴹⴰⵕ

ⴷⴰ ⵜⵙⴼⵓⴳⵍⵓ ⵜⵡⵊⴰ ⵜⴰⴳⵍⴷⴰⵏⵜ ⴷ ⵓⵎⴰⴷⴰⵏ ⴰⵎⵖⵔⵉⴱⵉ, ⴰⵙⵙ ⵏ ⵓⵙⵉⵎⵡⴰⵙ ⵙ ⵓⴽⵜⵜⵓⵢ ⵏ ⵜⵍⴰⵍⵉⵜ ⵏ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⵎⵏⵓⴽⴰⵍⵜ ⵍⴰⵍⵍⴰ ⴰⵙⵎⴰ, ⵜⴳ ⴰⵣⵎⵓⵣⵣⵓ ⵉ ⵓⵙⴱⵏⵏⴷ ⵏ ⵓⵍⵜⴰⵖ ⴰⵎⵖⵍⴰⵍ ⵏ ⵜⴰⵜⵜⴰⵢⵜ ⵜⴰⴳⵍⴷⵓⵏⵜ ⵍⴰⵍⵍⴰ ⴰⵙⵎⴰ ⴳ ⵜⵙⵏⵜⴰⵢⵉⵏ ⵥⵍⵉⵏⵉⵏ ⵖⵓⵔ ⴰⴼⵔⵉⵙ ⴰⵏⴰⵎⵓⵏ, ⵙ ⴷⴷⵓ ⵜⵉⴼⴰⵡⵜ ⵏ ⵓⴼⵔⴰⴳ ⵉⵥⵍⵉⵏ ⵏⵏⴰ ⴱⴷⴷⴰ ⵜⴼⴽⴰ ⵍⴰⵍ ⵏ ⵜⴰⵜⵜⵓⵢⵜ ⵉ ⵉⵙⵎⵉⵍⵏ (الفئات) ⵉⵏⴰⵎⵓⵏⵏ ⴱⴰⵀⵔⴰ ⵉⵙⵖⴰⵡⵙⴰⵏ ⴷ ⵉⵔⵜⵓⵜⵎⵏ, ⵙⵍⴰⵡⴰⵏ ⴰⴽⴽⵯ ⵉⴷ ⴱⵓ ⵡⴰⵙⵙⴰⵔⵏ ⵥⵍⵉⵏⵉⵏ.

ⵎⴽⵍⵍⵉ ⵜⵎⵢⴰⵔ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⵎⵏⵓⴽⴰⵍⵜ ⵍⴰⵍⵍⴰ ⴰⵙⵎⴰ, ⵙⴳ ⵜⴰⵎⵥⵉ ⵏⵏⵙ, ⴰⵍⵜⴰⵖ ⴰⵎⵢⴰⴳⴰⵏ ⴳ ⵜⵡⵓⵔⵉ ⵜⴰⵏⴰⵎⵓⵏⵜ ⵏ ⵓⴼⵓⵍⴽⵉ ⵙ ⵓⵎⵙⴰⵙⴰ ⴷ ⵢⴰⵜ ⵜⴰⵏⵏⴰⵢⵜ ⵉⴱⴷⴷⵏ ⵅⴼ ⵓⵙⴽⴰⵔ ⵙ ⵜⵉⵏⴷⵉⵜⵉⵏ ⵜⵉⵏⴰⵎⵓⵔⵉⵏ ⴷ ⵜⵡⵉⵣⵉ ⴷ ⵢⵉⵔⵉ ⵅⴼ ⵡⴰⵏⵏⴰⵍ ⵏ ⵉⵙⵎⵉⵍⵏ ⵉⵏⴰⵎⵓⵏⵏ ⵉⵔⵜⵓⵜⵎⵏ ⵥⵍⵉⵏⵉⵏ, ⵙⵍⴰⵡⴰⵏ ⴰⴽⴽⵯ ⵉⵔⴱⴰⵏ ⵉⴹⵕⴹⴰⵕ ⵉⵥⵉⵥⴰⵏ, ⴰⵛⴽⵓ ⵜⴳⴰ ⵜⵙⵙⵉⵅⴼ ⵍⴰⵍ ⵏ ⵜⴰⵜⵜⵓⵢⵜ ⵜⵉⵎⵔⵙⵍⵜ ⵏ ⵍⴰⵍⵍⴰ ⴰⵙⵎⴰ ⵉ ⵉⵔⴱⴰⵏ ⴷ ⵉⵄⵔⵔⵉⵎⵏ ⵉⴹⵕⴹⴰⵕ.

ⵜⴳⴰ ⵜⵎⵔⵙⵍⵜ ⵏ ⵍⴰⵍⵍⴰ ⴰⵙⵎⴰ ⵉ ⵉⵔⴱⴰⵏ ⴷ ⵉⵄⵔⵔⵉⵎⵏ ⵉⴹⵕⴹⴰⵕ, ⴰⵎⵎⴰⵙ ⴰⵙⴰⵖⵓⵍ ⴰⵎⵣⵡⴰⵔ ⴳ ⵍⵎⵖⵔⵉⴱ, ⴷⴰ ⵜⵙⵙⵓⵊⴰⴷ ⵙⴳ ⵜⵎⵔⴰⵡⵉⵏ ⵏ ⵉⵙⴳⴳⵯⴰⵙⵏ, ⵢⴰⵏ ⵓⵙⵍⵎⴷ ⴰⵎⵥⵍⴰⵢ ⵉ ⵉⵔⴱⴰⵏ ⵉⴹⵕⴹⴰⵕ, ⵙ ⵜⵖⴰⵔⴰⵙⵜ ⵏ ⵓⵙⵓⵊⴷ ⵏ ⵓⵙⵍⵎⴷ ⵉⴱⴷⴷⵏ ⵅⴼ ⵓⵖⴰⵡⴰⵙ ⵏ ⵓⵙⵍⵎⴷ ⴰⵎⵏⵣⵓ ⴷ ⵓⵙⵉⵏⴰⵏ, ⴷ ⵓⴹⴼⵓⵕ ⴰⵜⵉⵇⵏⵉ ⵉⴱⵓⵖⵍⴰⵏ ⵉ ⵉⵏⵍⵎⴰⴷⵏ ⵏ ⵜⵎⵔⵙⵍⵜ, ⵙⴳ ⵜⵎⴰⵜⵜⵉⵡⵉⵏ ⵜⵉⵎⵙⵏⵉⵊⵊⵉⵜⵉⵏ ⵏⵏⴰ ⵉⵙⵙⵔⵅⵓⵏ ⴰⵙⵉⴷⴼ ⴷ ⵡⵓⴼⵓⵖ ⵙⴳ ⵓⵡⵍⵉⵡⵍ.

ⵙ ⵓⵎⵙⴰⵙⴰ ⴷ ⵜⵉⵏⴷⵉⵜⵉⵏ ⴰⴷ ⵏⵏⴰ ⴱⴷⴷⴰ ⵉⵍⵍⴰⵏ ⴷⴰⵔ ⵍⴰⵍ ⵏ ⵜⴰⵜⵜⵓⵢⵜ, ⵓⵔ ⵊⵊⵓ ⵜⴱⴱⵉ ⴰⵙⵎⵏⵉⴷ ⵏ ⵡⴰⵏⵏⴰⵍ ⵏⵏⵙ ⴰⵎⴰⵏⴰⵡ ⵉ ⵜⵎⵔⵙⵍⵜ, ⵙⴳ ⵢⵉⵔⵉ ⵏ ⵍⴰⵍ ⵏ ⵜⴰⵜⵜⵓⵢⵜ ⴳ ⵓⴹⴼⵓⵕ ⵏ ⵉⵙⴽⴽⵉⵏⵏ ⵏⵏⵙ ⴷ ⵓⵙⵎⵏⵉⴷ ⵏ ⵡⴰⵏⴰⵡⵏ ⴰⴽⴽⵯ ⵉⵎⵏⵏⴰⵡⵏ ⵏ ⵡⴰⵏⵏⴰⵍ ⵉ ⵉⵔⴱⴰⵏ ⴷ ⵉⵄⵔⵔⵉⵎⵏ ⵉⴹⵕⴹⴰⵕ ⴷ ⵉⵥⵉⵥⴰⵏ ⴷ ⵢⵉⵡⵉⵣ ⵓⴷⵎⴰⵡⴰⵏ ⵅⴼ ⵓⵙⵓⵏⴼⵓ ⵏⵏⵙ ⴷ ⵜⴰⵎⴰ ⵏ ⵜⵉⵍⵉⵜ ⴳ ⵉⵎⵓⵙⵙⵓⵜⵏ ⵥⵍⵉⵏⵉⵏ ⵉⵜⵜⵏⵎⴰⵍⴰⵏ ⴳ ⵓⵙⵡⵉⵔ ⵏ ⵜⵎⵔⵙⵍⵜ.

ⵙ ⵓⵢⴰ, ⴷⴰ ⴱⴷⴷⴰ ⵜⴻⵜⵜⵓⵥⵓⵥ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⵎⵏⵓⴽⴰⵍⵜ ⵍⴰⵍⵍⴰ ⴰⵙⵎⴰ, ⵅⴼ ⵜⵏⵙⵙⵉⵅⴼⵜ ⵏ ⵜⴼⵓⴳⵍⴰ ⵏ ⵜⴳⵉⵔⴰ ⵏ ⵓⵙⴳⴳⵯⴰⵙ ⴰⵣⵔⴰⵡⴰⵏ ⴳ ⵜⵎⵔⵙⵍⵜ ⴰⴷ, ⴷⴰ ⵜⴰⵟⵟⴰ ⵍⴰⵍ ⵏ ⵜⴰⵜⵜⵓⵢⵜ ⵜⵉⵙⵎⵖⵓⵔⵉⵏ ⵏ ⵓⵙⵎⵖⵔ ⵅⴼ ⵉⵏⵍⵎⴰⴷⵏ ⵎⵓⵔⵙⵏⵉⵏ ⴷ ⴰⵔ ⵜⵥⵕⵕⴰ ⵍⴰⵍ ⵏ ⵜⴰⵜⵜⵓⵢⵜ ⵉⴼⴰⵔⵙⵏ ⵏ ⵜⵏⵍⵎⴰⴷⵉⵏ ⴷ ⵉⵏⵍⵎⴰⴷⵏ ⵏ ⵜⵎⵔⵙⵍⵜ ⵙⴳ ⵜⴼⵉⵍⵉⵏ ⴷ ⵉⵙⵏⴼⵍⵓⵍⵏ ⵏ ⵓⴼⵓⵙ.

ⵙ ⵜⵉⵔⵉⵜ ⵏⵏⵙ ⴳ ⵓⴹⴼⵓⵕ ⵏ ⵉⵎⵙⵓⴼⵖⵏ ⵏⵏⵙ, ⵜⵙⴳⵎⴹ ⵜⵎⵔⵙⵍⵜ ⵏ ⵍⴰⵍⵍⴰ ⴰⵙⵎⴰ ⵉ ⵉⵔⴱⴰⵏ ⴷ ⵉⵄⵔⵔⵉⵎⵏ ⵉⴹⵕⴹⴰⵕ ⴷ ⵉⵥⵉⵥⴰⵏ ⴳ 2017 ⵜⴰⵎⵢⴰⵇⵇⴰⵏⵜ ⴷ ⵜⵖⵉⵡⴰⵏⵜ ⵏ ⵜⵎⴰⵙⵙⴰⵏⵉⵏ ⴳ ⵕⵕⴱⴰⵟ, ⴷ ⵜⵙⴷⴰⵡⵉⵜ ⵓⵕⵓ- ⵜⴰⵏⴰⵎⵎⴰⵙⵜ ⴳ ⴼⴰⵙ, ⴰⴼⴰⴷ ⴰⴷ ⵢⵉⵍⵉ ⵓⵙⵀⵡⵏ ⵏ ⵡⴰⴷⴰⴼ ⵏ ⵉⵏⵍⵎⴰⴷⵏ ⵏ ⵜⵎⵔⵙⵍⵜ ⵙ ⵓⵙⵍⵎⴷ ⴰⵎⵙⴷⴰⵡ.

ⵎⴽⵍⵍⵉ ⵜⵙⵙⵉⵅⴼ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⵍⵉⴷⵜ ⵜⴰⵎⵏⵓⴽⴰⵍⵜ ⵍⴰⵍⵍⴰ ⴰⵙⵎⴰ, ⴳ ⵓⵙⴳⵏⴰⴼ ⵏ ⵜⵥⵍⴰⵢⵉⵏ ⴳ ⵕⵕⴱⴰⵟ, ⴳ 17 ⴽⵟⵓⴱⵕ 2022 ⵜⴰⴼⵓⴳⵍⴰ ⵏ ⵓⵏⵏⵓⵕⵥⵎ ⵏ ⵜⵎⵀⵍⵜ ⵏ ⵓⵏⴽⴽⵍ ⵏ ⵓⵎⵥⵥⵓⵖ ⴳ ⵜⴰⴳⵓⵜ ⵏ ⵢⵉⴼⵔⵉⵇⵢⴰ, ⴳ ⵓⵙⴰⵜⵉ ⵏ ⵓⵖⴰⵡⴰⵙ « ⴰⴷ ⵏⵙⵙⴼⵍⴷ ».

ⴳ 26 ⵉⴱⵔⵉⵔ ⴳ ⵓⵙⴳⴳⵯⴰⴷ ⵉⵣⵔⵉⵏ, ⵜⵙⵙⵉⵅⴼ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⵎⵏⵓⴽⴰⵍⵜ ⵍⴰⵍⵍⴰ ⴰⵙⵎⴰ, ⴳ ⵓⵙⴳⵏⴰⴼ ⵏ ⵜⵢⵎⵎⴰⵜ ⴷ ⵓⵔⴱⴰ « ⵄⴱⴷⵕⵕⴰⵃⵉⵎ ⵍⵀⵔⵓⵛⵉ » ⴳ ⵡⴰⵏⴼⴰ, ⵜⴰⴼⵓⴳⵍⴰ ⵏ ⵓⵏⵏⵓⵕⵥⵎ ⵏ ⵓⵖⴰⵡⴰⵙ ⴰⵏⴰⵎⵓⵔ ⵉ ⵓⵣⵣⵔⴰⵢ ⴰⵎⵏⵣⵓ ⴷ ⵡⴰⵙⴰⵢ ⵏ ⵉⴹⵕⴹⴰⵕ ⵃⵔⴰ ⵍⵓⵍⵏⵉⵏ.

ⴳ 26 ⵢⵓⵏⵢⵓ 2023, ⵜⴱⴷⴷ ⵍⴰⵍ ⵏ ⵜⴰⵜⵜⵓⵢⵜ ⴳ ⵟⴰⵏⵊⴰ, ⵅⴼ ⵓⵕⵥⵥⵓⵎ ⵏ ⵡⴰⵎⵎⴰⵙ ⵍⴰⵍⵍⴰ ⴰⵙⵎⴰ ⵏ ⵉⵔⴱⴰⵏ ⵉⴹⵕⴹⴰⵕ, ⴷ ⵓⵙⵙⵉⵅⴼ ⵏ ⵜⴼⵓⴳⵍⴰ ⵏ ⵜⴳⵉⵔⴰ ⵏ ⵓⵙⴳⴳⵯⴰⵙ ⴰⵣⵔⴰⵡⴰⵏ 2022 ⴳ ⵜⵎⵔⵙⵍⵜ.

ⵙ ⵎⴽⴰⴷ, ⴷⴰ ⵜⵜⵖⴰⵎⴰⵏⵜ ⵜⵓⴳⴳⴰⵙ ⴷⴰ ⵏⵏ ⵜⴻⵜⵜⴳⴳⴰ ⵍⴰⵍ ⵏ ⵜⴰⵜⵜⵓⵢⵜ ⵍⴰⵍⵍⴰ ⴰⵙⵎⴰ ⵜⴰⵎⵙⵙⵉⵍⵉⵜ ⵜⴰⴷⵙⵍⴰⵏⵜ ⵏ ⵜⵏⴽⵔⴰ ⵙ ⵓⵏⴰⴳⵔⴰⵡ ⴰⵏⴰⵎⵓⵏ ⴷ ⵓⵣⵓⵣⵣⵔ ⵏ ⵜⴷⵍⵙⴰ ⵏ ⵜⵡⵉⵣⵉ ⵏⵏⴰ ⴳ ⵜⴻⵜⵜⴰⴳⵎⵏⵜ ⵜⵔⵙⴰⵍ ⵏⵏⵙ ⵙⴳ ⵜⴱⴰⵖⵓⵔⵜ ⵏ ⵜⴷⵍⵙⴰ ⵜⴰⵎⴱⵔⵉⴱⵉⵜ ⵜⴰⵕⵚⵍⵉⵜ.

ⴰⵙⵓⵖⵍ: ⵄⴱⴷⵍⵡⴰⵃⴷ ⴱⵓⵜⴱⴰⵖⴰ