ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵉⵍⵍⴰ ⵓⵙⵎⵍ ⵏ ⵜⵏⴰⵥⵓⵕⵜ ⵜⴰⵎⵖⵔⵉⴱⵉⵜ ⵎⴰⵙⵙⴰ ⵍⴰⵟⵉⴼⴰ ⴰⵃⵕⴰⵕ ⵜⴰⵏⵎⵀⴰⵍⵜ ⵏ ⵓⵙⵉⵏⴰⴳ ⴰⵎⴰⵜⵜⵓⵢ ⵏ ⵜⵥⵓⵕⵉ ⵏ ⵓⵎⵣⴳⵓⵏ ⴷ ⵓⵙⵎⵓⵙⵙⵓ ⴰⴷⵍⵙⴰⵏ, ⴳ ⵓⴷⵖⴰⵔ ⵏ ⵎⴰⵙⵙ ⵕⴰⵛⵉⴷ ⵎⵓⵏⵜⴰⵚⵉⵔ ⵉⵍⵍⴰⵏ ⴳ ⵜⵎⴰⵙⴰⵢⵜ ⴰⴷ ⵙⴳ 2018.
ⵢⵉⵏⵉ ⵎⴰⵙⵙ ⵎⵓⵚⵟⴰⴼⴰ ⴱⴰⵢⵜⴰⵙ ⴰⵎⴰⵡⵙⴰⵙ ⴰⵎⵙⵙⵡⵉⵍ ⵙ ⵉⵙⵎ ⵏ ⵜⵏⴱⴰⴹⵜ ⴳ ⵜⵉⵏⵏⴰⵡⵜ ⵜⴰⵏⵖⵎⴰⵙⵜ ⴷⴼⴼⵉⵔ ⵏ ⵜⵙⵎⵓⵏⵉ ⵏ ⴰⵙⵙ ⵏ ⵓⴽⵡⴰⵙ ⴰⵙⵖⵣⵏ ⵏ ⵉⵙⵎⵍⵏ ⴳ ⵜⵣⵣⵓⵍⵉⵏ ⴰⵜⵜⵓⵢⵏⵉⵏ, ⵢⵉⵍⵉ ⴳⵉⵙⵏ ⵓⵙⵎⵍ ⵏ ⵜⵏⴰⵥⵓⵕⵜ ⵍⴰⵟⵉⴼⴰ ⴰⵃⵔⴰⵔ ⴷ ⵜⵏⵎⵀⴰⵍⵜ ⵏ ⵓⵙⵉⵏⴰⴳ ⵏ ⵜⵥⵓⵕⵉ ⵏ ⵓⵎⵣⴳⵓⵏ ⴷ ⵓⵙⵎⵓⵙⵙⵓ ⴰⴷⵍⵙⴰⵏ ⵍⵍⵉ ⵉⵍⵍⴰⵏ ⴳ ⵕⵕⴱⴰⵟ.
ⵜⵖⵔⴰ ⵍⴰⵟⵉⴼⴰ ⴰⵃⵕⴰⵕ ⴳ ⵓⵙⵉⵏⴰⴳ ⴰⴳ ⴳ ⵓⵙⴳⴳⵯⴰⵙ ⵏ 1995, ⵜⵙⵙⵏⵜⵉ ⵉⵍⵎⵎⴰ ⵜⴰⵡⵡⵓⵔⵉ ⵏⵏⵙ ⴳ ⵉⴱⵔⴷⴰⵏ ⵏ ⵜⵥⵓⵕⵉ ⵍⵍⵉⵖ ⵜⴷⵔⵓ ⴳ ⵍⵉⴳⴰⵏ ⵏ ⵜⵡⵡⵓⵔⵉⵡⵉⵏ ⵏ ⵜⵍⵉⴼⵉⵣⵢⵓⵏ ⴷ ⵓⵎⵣⴳⵓⵏ, ⵜⴳ ⵓⵍⴰ ⵜⴰⵙⵍⵎⴰⴷⵜ ⴳ ⵓⵙⵉⵏⴰⴳ ⴰⴷ ⵏⵉⵜ.
