ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵜⵓⴼⴰ ⵜⵔⴰⴱⴱⵓⵜ ⵜⴰⴳⵔⴰⵖⵍⴰⵏⵜ ⵏ ⵓⵔⵣⵣⵓ ⵙ ⵜⵏⴰⵔⴰ ⵏ ⵓⵙⵉⵏⴰⴳ ⴰⵏⴰⵎⵓⵔ ⵏ ⵜⵎⴰⵙⵙⴰⵏⵉⵏ ⵏ ⵉⴷⵔⵉⵣⵏ ⴷ ⵡⴰⵢⴷⴰ ⴳ ⵕⵕⴱⴰⵟ ⴳ ⵍⵎⵖⵔⵉⴱ, ⴷ ⵓⵙⵉⵏⴰⴳ ⵏ ⵟⵟⴰⵍⵢⴰⵏ ⵉ ⵜⵎⴰⵙⵙⴰⵏⵉⵏ ⵏ ⵡⴰⵢⴷⴰ ⴰⴷⵙⵍⴰⵏ, ⴰⵙⵇⵇⵉⵎ ⴰⵏⴰⵎⵓⵔ ⵏ ⵉⵔⵣⵣⵓⵜⵏ, ⴷ ⵜⵙⴷⴰⵡⵉⵜ ⵏ ⴽⴰⵎⴱⵔⵉⴷⵊ, ⵓⴷⴷⵉⵙ ⴰⵏⴼⵍⴰⵃ ⵉⴳⴰⵏ ⴰⵎⵣⵡⴰⵔⵓ ⵍⵍⵉ ⵉⵍⵍⴰⵏ ⴳ 3400 ⴰⵔ 2900 ⵏ ⵓⵙⴳⴳⵯⴰⵙ ⴷⴰⵜ ⵏ ⵜⵍⴰⵍⵉⵜ ⵏ ⵍⵎⴰⵙⵉⵃ, ⴳ ⵓⵙⵓⵏ ⵏ ⵡⴰⵙⵉⴼ ⵏ ⴱⵀⵜ ⵜⴰⵎⴰ ⵏ ⵜⵖⵔⵎⵜ ⵏ ⵍⵅⵎⵉⵙⴰⵜ ⴳ ⵍⵎⵖⵔⵉⴱ, ⵉⴳ ⵓⴷⴷⵉⵙ ⴰⵇⴱⵓⵔ ⴷ ⵓⵎⵇⵔⴰⵏ ⵉⵜⵜⵡⴰⴼⴰⵏ ⴳ ⵉⴼⵔⵉⵇⵢⴰ ⴳ ⴱⵕⵕⴰ ⵏ ⵡⴰⵙⵉⴼ ⵏ ⵏⵏⵉⵍ.
ⴰⵔ ⵉⵎⵎⴰⵍ ⵓⴷⵖⴰⵔ ⴰⴷ ⴰⴷⵔⵣⴰⵏ ⴰⵅⴰⵜⴰⵔ ⵜⴰⵣⵣⵉⴳⵣⵜ ⵏ ⵡⴰⵎⵓⵏ ⴳ ⵜⵙⴳⴰ ⵏ ⵢⵉⵍ ⵓⵎⵍⵉⵍ ⴰⵏⴰⵎⴰⵎⵙ ⴷ ⵉⵥⵥⵍⵎⴹ ⵏ ⵉⴼⵔⵉⵇⵢⴰ, ⵢⵉⵍⵉ ⵓⵣⵓⵣⵣⵔ ⵏ ⵉⵔⵣⵣⵓⵜⵏ ⴰⴷ ⴳ ⵜⵙⵖⵓⵏⵜ ⵜⵉⵏⴳⵍⵉⵣⵜ ⵍⵍⵉ ⴱⴰⵀⵔⴰ ⵉⵜⵜⵓⵙⵙⴰⵏⵏ: Antiquity.
ⴳ ⵓⴷⵖⴰⵔ ⵏ ⵡⴰⵙⵉⴼ ⵏ ⴳⵀⵜ, ⴰⵔ ⵎⵎⴰⵍⴰⵏ ⵉⵔⵣⵣⵓⵜⵏ ⵉⴷⵔⵣⴰⵏⵏ ⵜⵉⵍⵉⵜ ⵏ ⵢⴰⵏ ⵓⴷⴷⵉⵙ ⴰⵏⵃⵍⴰⵃ ⵉⴳⴰⵏ ⴰⵅⴰⵜⴰⵔ ⵍⵍⵉ ⵉⵍⴽⵎⵏ ⵎⵔⴰⵡ ⵏ ⵀⵉⴽⵟⴰⵕ, ⵉⵔⵡⴰⵙ ⵏⵉⵜ ⵜⵉⵖⵔⵎⵜ ⵏ ⵟⴰⵕⵡⴰⴹⴰ ⵙⴳ ⵓⵣⵎⵣ ⴰⴱⵕⵓⵏⵥⵉ ⴰⵎⵣⵡⴰⵔⵓ. ⵏⵏⴰⵏ ⵉⵎⵔⵣⵓⵜⵏ ⵎⴰⵙ ⵢⴰⴽⴽⴰ ⵓⴷⵖⴰⵔ ⵉⵜⵜⵡⴰⴼⴰⵏ ⴰⵙⵎⴰⵇⵇⵍ ⴰⵎⴰⵢⵏⵓ ⴼ ⵓⵣⴷⴷⵓⵖ ⵏ ⵍⵎⵖⵔⵉⴱ ⴰⵅⴰⵜⴰⵔ ⴳ ⵓⴼⴹⴳⴳⵯⴰⵙ ⵡⵉⵙ ⴽⴽⵓⵥ ⴷ ⵡⵉⵙ ⴽⵕⴰⴹ ⴷⴰⵜ ⵏ ⵜⵍⴰⵍⵉⵜ ⵏ ⵍⵎⴰⵙⵉⵃ, ⴰⵢⵍⵍⵉ ⵉⵙⵙⴷⵓⵙⵏ ⴰⵔⵎⴰⵙ ⵏⵏⵖ ⵉ ⵜⵉⵍⴰⵍⵜ ⵜⵓⴷⴷⵉⵔⵜ ⵍⵍⵉ ⵜⵙⴽⴰⵔ ⵜⵙⴳⴰ ⴰⴷ ⴳ ⵓⵎⵣⵔⵓⵢ ⵏ ⵢⵉⵍ ⵓⵎⵍⵉⵍ ⴰⵏⴰⵎⵎⴰⵙ.
ⴰⵙⵓⵖⵍ: ⵕ.ⵏⴰⵊⵉⴱ
