ⵎⴰⴷⵖⵉⵙ ⵓⵎⴰⴷⵉ ⴰⵎⵖⵏⴰⵙ ⴰⵍⵉⴱⵉ ⵉⵍⴰⵏ ⵖ ⵓⵙⵡⵉⵔ ⵏ ⵜⵎⵔⵙⵍⵜ

ⵓⵔ ⵏⵙⵙⵉⴳⵜ ⵉⵖ ⵏⴻⵏⵏⴰ ⵎⴰⵙ ⴷ ⴰⵎⵖⵏⴰⵙ ⴰⵎⴰⵣⵉⵖ ⴰⵎⵇⵇⵔⴰⵏ ⴰⵎⵔⵣⵓ ⵎⴰⴷⵖⵉⵙ ⵓⵎⴰⴷⵉ ⴷ ⴰⵔⵢⴰⵣ ⵉⴳⴰⴷⴷⴰⵏ ⴷ ⵜⵎⵔⵙⵍⵜ. ⵢⴰⵏ ⵉⴼⴽⴰⵏ ⴽⵉⴳⴰⵏ ⵏ ⵜⵏⵓⴼⴰ ⵜⵉⵅⴰⵜⴰⵔⵉⵏ ⵉ ⵜⵓⵜⵍⴰⵢⵜ ⴷ ⵜⴷⵍⵙⴰ ⵜⴰⵎⴰⵣⵉⵖⵜ ⵣⵖ ⵜⵄⵓⵔⵎⴰ ⵏⵏⵙ ⵜⴰⵎⵏⵣⵓⵜ.

ⵎⴰⴷⵖⵉⵙ ⵓⵎⴰⴷⵉ ⴷ ⴰⵙⵍⵎⴰⴷ ⴰⵎⵙⴷⴰⵡ ⵏ ⵜⵙⵏⴰⵎⵓⵏⵜ ⴳ ⴽⴰⵏⴰⴹⴰ, ⵉⵍⵎⴷ ⴳ ⵙⵜⴰⵏⴼⵓⵕⴹ ⴽⴰⵍⵉⴼⵓⵕⵏⵢⴰ ⴳ ⵎⵉⵔⵉⴽⴰⵏ ⴷ ⵊⵓⵙⵢⵓ ⴰⵢⵢⴰⵡ ⵏ ⵚⵚⵓⵕⴱⵓⵏ ⴳ ⴱⴰⵔⵉⵣ, ⵉⵙⵙⵏ ⵎⵏⵏⴰⵡⵜ ⵜⵓⵜⵍⴰⵢⵉⵏ ⴰⵔ ⵜⵏⵜ ⵉⵙⵙⵎⵔⴰⵙ ⵙ ⵓⵖⵓⴷⵓ ⵉⵙⵎⴷⵏ, ⵜⴰⵎⵣⵡⴰⵔⵓⵜ ⵏⵏⵙⵏⵜ, ⵜⵓⵜⵍⴰⵢⵜ ⵏⵏⵙ ⵜⴰⵢⵎⵎⴰⵜ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ, ⵉⵙⵙⵏ ⴰⵡⴷ ⵜⴰⵄⵕⴰⴱⵜ ⴷ ⵜⵏⴳⵍⵉⵣⵜ ⴷ ⵜⴰⵟⴰⵍⵢⴰⵏⵉⵜ ⴷ ⵜⴼⵕⴰⵏⵙⵉⵙⵜ. ⵎⴽⵍⵍⵉ ⵉⵙⴱⴷⴷ ⵜⴰⵎⵙⵙⵓⵔⵜ ⵏ ⵓⵙⵓⵖⵍ ⴳⵉⵙ ⵓⴳⴳⴰⵔ ⵏ 30 ⵏ ⵓⵎⵙⵡⵓⵔⵉ, ⵖⵉⵍⴰⴷ ⴰⵔ ⵉⵙⵡⵓⵔⵉ ⵅⴼ ⵓⵙⵓⴼⵖ ⴷ ⵓⴼⴰⵔⵙ ⵏ ⵜⵙⴼⵉⴼⵉⵏ ⵜⵓⵏⵜⵉⵎⵉⵏ. ⵜⵉⴷ ⵜⵉⵡⵓⵔⵉⵡⵉⵏ ⵏⵏⵙ ⵍⵍⵉ ⵉⴼⴽⴰ ⵉ ⵜⵎⴰⵣⵉⵖⵜ ⵓⴽⵍⴰⵍⵏⵜ ⴰⵙⵏⵉⵎⵎⵔ ⴷ ⵓⵙⵉⵜⴳ ⴷ ⵓⵣⵔⴰⴽ.

ⵜⵉⵡⵓⵔⵉⵡⵉⵏ ⵏ ⵓⵎⵔⵣⵓ ⴰⵎⴰⵣⵉⵖ ⴰⵎⵇⵇⵔⴰⵏ ⵎⴰⴷⵖⵉⵙ ⵓⵎⴰⴷⵉ ⵉ ⵜⵎⴰⵣⵉⵖⵜ

ⵉⴳⴰ ⵎⴰⴷⵖⵉⵙ ⵓⵎⴰⴷⵉ ⵢⴰⵏ ⵣⵖ ⵉⵎⵔⵣⵓⵜⵏ ⴳ ⵓⵙⴽⴽⵉⵏ ⴰⵎⴰⵣⵉⵖ ⴰⵙⵙ ⴰⴷ, ⴷⴰⵔⵙ ⵜⵓⴳⵜⵜ ⵏ ⵜⵥⵕⵉⴳⵉⵏ ⴷ ⵉⴷⵍⵉⵙⵏ ⴷ ⵉⵎⴰⴳⵔⴰⴷⵏ ⵅⴼ ⵜⵎⴰⵣⵉⵖⵜ, ⵎⴽⵍⵍⵉ ⵉⵙⴽⵔ ⴰⵣⵣⵔⴰⵢ ⵉ ⵜⵓⴳⵜⵜ ⵏ ⵡⴰⵔⵔⴰⵜⵏ ⵉⵎⵣⵔⴰⵢ, ⵉⵡⴰⵍⴰ ⴰⵙⵓⵖⵍ ⵏ ⴽⵉⴳⴰⵏ ⵏ ⵉⵔⵣⵣⵓⵜⵏ ⵏ ⵉⵎⵏⵜⴰⵢⵏ ⵉⴱⵕⵕⴰⵏⵏ ⵙ ⵜⵎⴰⵣⵉⵖⵜ, ⵎⴽⵍⵍⵉ ⵉⴷⵔⴰ ⵖ ⴽⵉⴳⴰⵏ ⵏ ⵉⵎⵓⵙⵙⵓⵜⵓⵏ ⵉⴷⵍⵙⴰⵏⵏ ⴷ ⵜⵉⵏⴰⵡⵉⵏ ⵜⵉⵡⵏⴳⵉⵎⵉⵏ ⵅⴼ ⵜⵎⴰⵣⵉⵖⵜ ⴳ ⴽⵉⴳⴰⵏ ⵏ ⵜⵎⵉⵣⴰⵔ, ⵎⴽⵍⵍⵉ ⴷⵉⴷⵙ ⵙⴽⵔⵏⵜ ⵜⵓⴳⵜⵜ ⵏ ⵜⴱⴰⴷⵓⵜⵉⵏ ⵜⵉⴱⵕⵕⴰⵏⵉⵏ ⵉⵎⵙⴰⵡⴰⵍⵏ ⵅⴼ ⵓⵙⵏⵜⵍ ⵏ ⵜⵎⴰⵣⵉⵖⵜ.

ⵎⴰⴷⵖⵉⵙ ⵓⵎⴰⴷⵉ ⴰⵎⵙⴱⴷⴷⵉ ⵏ ⵜⵎⵔⵙⵍⵜ ⵏ ⵜⴰⵡⴰⵍⵜ ⵉ ⵜⵓⵙⵙⵏⴰ ⵜⴰⵎⴰⵣⵉⵖⵜ

ⵉⵙⴽⵔ ⵎⴰⴷⵖⵉⵙ ⵓⵎⴰⴷⵉ ⵜⵉⵎⵔⵙⵍⵜ ⵏ ⵜⴰⵡⴰⵍⵜ ⵜⴰⴷⵍⵙⴰⵏⵜ, ⴷⴰ ⵉⵣⴷⵉⵏ ⵙ ⵜⵙⴽⵍⴰ ⴷ ⵜⵓⵙⵙⵏⴰ ⴷ ⵜⵥⵓⵕⵉ ⵜⴰⵎⴰⵣⵉⵖⵜ, ⵜⵙⵙⵓⴼⵖ ⴽⵉⴳⴰⵏ ⵏ ⵉⴷⵍⵉⵙⵏ ⴷ ⵜⵥⵕⵉⴳⵉⵏ, ⵎⴽⵍⵍⵉ ⵉⵙⴱⴷⴷ ⴰⵏⵙⴰ ⴰⵍⵉⴽⵟⵕⵓⵏⵉ ⵏ ‘’ⵜⴰⵡⴰⵍⵜ’’ ⵍⵍⵉ ⵜⵜ ⵢⵉⵡⵉⵏ ⴳ ⵓⵙⴽⴽⵉⵏ ⴰⴷⵍⵙⴰⵏ ⴰⵎⴰⵣⵉⵖ.

ⵎ ⵡⴰⵏⵙⴰ ‘’ⵜⴰⵎⴰⵜⴰⵔⵜ’’ ⵍⵍⵉ ⵉⴳⴰⵏ ⵢⴰⵏ ⵡⴰⵏⵙⴰ ⴳ ⵜⵡⵉⵍⴰ ⵏ ⵓⵙⴰⵎⵓ ⵉⵥⵍⵉⵏ ⵙ ⴽⵓ ⵎⴰ ⴰⴷ ⵉⴳⴰⵏ ⴰⵎⴰⵣⵉⵖ.

ⵎⴰⴷⵖⵉⵙ ⵓⵎⴰⴷⵉ ⴰⵏⵎⴰⵎⴽ ⴰⵎⵙⴽⴰⵔ ⵏ ⵜⵙⵏⵙⵉ ⵏ ⵓⵎⴰⵡⴰⵍ ⴰⵎⴰⵣⵉⵖ ⴳ ⵉⵜⵉⵍⵉⴼⵓⵏⵏ ⵉⵎⵉⵖⵉⵙⵏ

ⵉⵙⴽⵔ ⵓⵎⵔⵣⵓ ⴰⵎⴰⵣⵉⵖ ⵎⴰⴷⵖⵉⵙ ⵓⵎⴰⴷⵉ ⵎⵏⵏⴰⵡⵜ ⵏ ⵜⵙⵏⵙⵉⵡⵉⵏ ⵜⵉⵎⴰⵣⵉⵖⵉⵏ ⵉ ⵉⵜⵉⵍⵉⴼⵓⵏⵏ ⵉⵎⵉⵖⵉⵙⵏ ⵙ ⵜⵓⴳⴳⵯⴰⵙ ⵏⵏⵙ ⴳ ⵜⵉⵣⵡⵉⵔⵉ ⵏⵏⵙⵏⵜ, ⴰⵎⴰⵡⴰⵍ ⵜⴰⵎⴰⵣⵉⵖⵜ – ⵜⴰⵄⵕⴰⴱⵜ ⴷ ⵓⵎⴰⵡⴰⵍ ⵜⴰⴼⵕⴰⵏⵙⵉⵙⵜ – ⵜⴰⵎⴰⵣⵉⵖⵜ. ⴷⵉⴳⵙ ⵓⴳⴳⴰⵔ ⵏ 70 ⵏ ⵢⵉⴼⴹ ⵏ ⵜⴳⵓⵔⵉ. ⵉⴳ ⵜⵉⵙⵏⵙⵉ ⵜⴰⵎⴰⵣⵉⵖⵜ ⵜⴰⵎⵣⵡⴰⵔⵓⵜ ⵏ ⵉⵜⵉⵍⵉⴼⵓⵏⵏ ⵉⵎⵉⵖⵉⵙⵏ ⴳ ⵡⴰⵏⴰⵡ ⴰⴷ.

ⵎⴰⴷⵖⵉⵙ ⵓⵎⴰⴷⵉ ⴰⴳⵎⴰⵎ ⴰⵎⵙⴱⴷⴷⵉ ⵏ ⵜⴱⴰⴷⵓⵜ ‘’ⵉⴱⵕⴰⵕⵏ’’ ⵜⴰⵎⴰⵣⵉⵖⵜ

ⵢⵉⵡⵙ ⵓⵎⵖⵏⴰⵙ ⴰⵎⴰⵣⵉⵖ ⴰⵎⵇⵇⵔⴰⵏ ⵎⴰⴷⵖⵉⵙ ⵓⵎⴰⴷⵉ ⵙ ⵜⵡⵉⵍⴰ ⵜⴰⴷⵙⵍⴰⵏⵜ ⵉⵕⵡⵉⵏ ⴳ ⵓⵙⴱⴷⴷⵉ ⵏ ⵜⴱⴰⴷⵓⵜ ‘’ⵉⴱⵕⴰⵕⵏ’’ ⵜⴰⵎⵙⴰⵢⵔⴰⵔⵜ ⵜⴰⵎⴰⵣⵉⵖⵜ ⴷⴰ ⵉⵣⵓⵣⵣⵔⵏ ⵉⵖⴰⵡⴰⵙⵏ ⵏⵏⵙ ⵙⴳ ⵍⵉⴱⵢⴰ, ⵢⵉⵡⵙ ⵙ ⵜⴷⵔⴰⵡⵜ ⵉⵕⵡⵉⵏ ⴳ ⵓⵙⵓⵍⴼ ⴷ ⵓⵙⵎⴰⵔ ⵏ ⵜⵓⴳⵜⵜ ⵏ ⵉⵖⴰⵡⴰⵙⵏ, ⵎⴽⵍⵍⵉ ⵉⴱⴷⴷ ⵙ ⵢⵉⵅⴼ ⵏⵏⵙ ⴳ ⵓⵙⵎⵏⵉⴷ ⵏ ⵜⵓⴳⵜⵜ ⵏ ⵉⵖⴰⵡⴰⵙⵏ ⵉⵎⴰⵣⵉⵖⵏ ⵉⵎⵡⵜⵜⴰⵙⵏ, ⵜⵣⵓⵣⵣⵔ ⵜⵏ ⵜⴱⴰⴷⵓⵜ, ⵎⴽⵍⵍⵉ ⵙⵏⵣⵡⵉⵏⵜ ⵜⵓⴳⵜⵜ ⵏ ⵜⴱⴰⴷⵓⵜⵉⵏ ⵜⵉⴱⵕⵕⴰⵏⵉⵏ ⵜⵉⵡⵓⵔⵉⵡⵉⵏ ⵏⵏⵙ.

ⵎⴰⴷⵖⵉⵙ ⵓⵎⴰⴷⵉ ⴰⴳⵎⴰⵎ ⴰⵎⵙⴱⴷⴷⵉ ⵏ ⵓⵏⵣⵡⴰⵢ ⴰⵎⴰⵣⵉⵖ ‘’ⴰⵡⴰⵍ’’ ⴳ ⵍⵉⴱⵢⴰ

ⵙ ⵜⵡⵓⵔⵉ ⵏ ⵓⵎⵖⵏⴰⵙ ⴰⵎⴰⵣⵉⵖ ⴰⵎⵇⵇⵔⴰⵏ ⵎⴰⴷⵖⵉⵙ ⵓⵎⴰⴷⵉ ⵜⴽⵜⴰⵔ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵉⴼⴰⵍⴰⵏ ⵏ ⵍⵉⴱⵢⴰ ⵙ ⵓⵏⵣⵡⴰⵢ ⴰⵡⴰⵍ, ⵍⵍⵉ ⵖ ⵢⵉⵡⵙ ⴰⴷ ⵜ ⵉⵙⴽⵔ ⵙ ⵜⵡⵉⵍⴰ ⵉⵕⵡⵉⵏ. ⴹⴰⵕⵜ ⵉⵜⵜⵓⴳⴷⴰⵍ ⴳ ⵓⵏⵣⵡⴰⵢ ⴰⵍⵉⴱⵉ ⴰⴷ ⵜⴻⵜⵜⵓⴼⵙⴰⵔ ⵡⴰⵅⵅⴰ ⵖⴰⵙ ⵢⴰⵜ ⵜⴳⵓⵔⵉ ⵙ ⵜⵎⴰⵣⵉⵖⵜ, ⵉⴽⴽⴰ ⵜⵜ ⵉⵏⵏ ⵉⴳⴰ ⴰⴱⴽⴽⴰⴹ ⵏⵏⴰ ⵅⴼ ⵜⵜⵎⵔⵔⴰⵜⵏ ⵉⵙⵍⴳⵏⵏ ⵏ ⵓⴷⵉⴽⵜⴰⵜⵓⵔ ⵍⵇⴷⴷⴰⴼⵉ.

ⵎⴰⴷⵖⵉⵙ ⵓⵎⴰⴷⵉ ⴰⵎⵙⴽⴰⵔ ⵏ ⵉⵖⴰⵡⴰⵙⵏ ⵏ ⵓⵙⵍⵎⴷ ⵏ ⵜⵎⴰⵣⵉⵖⵜ ⴳ ⵍⵉⴱⵢⴰ

ⵢⵉⵡⵙ ⵓⵎⵖⵏⴰⵙ ⴰⵎⴰⵣⵉⵖ ⴰⵎⵇⵇⵔⴰⵏ ⵎⴰⴷⵖⵉⵙ ⵓⵎⴰⴷⵉ ⵙ ⵢⴰⵜ ⵜⴷⵔⴰⵡⵜ ⵜⴰⵅⴰⵜⴰⵔⵜ ⴷ ⵜⵎⵕⵡⵉⵜ ⴳ ⵜⵏⵖⵔⵓⴼⵜ ⵏ ⵉⵖⴰⵡⴰⵙⵏ ⵏ ⵓⵍⵎⵎⵓⴷ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵏⵏⴰ ⵉⵜⵜⵓⵍⵎⴰⴷⵏ ⵖⵉⵍⴰ ⴳ ⵜⵉⵏⵎⴰⵍ ⵏ ⵜⵙⴳⴳⵉⵡⵉⵏ ⵏⵏⵉ ⵖ ⴰⵔ ⵙⴰⵡⴰⵍⵏ ⵉⵎⵣⴷⴰⵖⵏ ⵏⵏⵙⵏⵜ ⵙ ⵜⵎⴰⵣⵉⵖⵜ.

ⵎⴰⴷⵖⵉⵙ ⵓⵎⴰⴷⵉ ⴰⵎⵙⴽⴰⵔ ⵏ ⵜⵓⴳⵜⵜ ⵏ ⵡⴰⵍⴱⵓⵎⵏ ⵏ ⵜⵣⵍⴰⵜⵉⵏ ⵜⵉⵎⴰⵣⵉⵖⵉⵏ ⵉⵉⵎⵥⵢⴰⵏⵏ

ⵉⵙⴽⵔ ⵓⵎⵔⵣⵓ ⴰⵎⴰⵣⵉⵖ ⵎⴰⴷⵖⵉⵙ ⵓⵎⴰⴷⵉ ⵛⵉⴳⴰⵏ ⵏ ⵡⴰⵍⴱⵓⵎⵏ ⵏ ⵜⵣⵍⴰⵜⵉⵏ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ, ⴳⴰⵏⵜ ⵉ ⵉⵎⵥⵢⴰⵏⵏ, ⵓⵎⴰⵏ ⵡⴰⵍⴱⵓⵎⵏ ⴰⴷ ⵜⵉⵣⵍⴰⵜⵉⵏ ⴷ ⵜⵓⵔⴰⵔⵉⵏ ⵜⵉⵙⴳⵎⴰⵏⵉⵏ ⵉⵥⵍⵉⵏ ⵙ ⵡⴰⵣⵣⴰⵏ.

ⵎⴰⴷⵖⵉⵙ ⵓⵎⴰⴷⵉ ⴰⵎⵙⴱⴷⴷⵉ ⵏ ⵜⵉⵏⵎⵍ ⵓⵟⴰⵡⴰ ⵉ ⵜⵎⴰⵣⵉⵖⵜ ⴳ ⴽⴰⵏⴰⴹⴰ

ⴳ ⵢⴰⵏ ⵓⵏⵎⵓⵇⵇⴰⵔ ⴰⴷⵍⵙⴰⵏ ⴳ ⵓⵜⴰⵡⴰ ⴳ ⴽⴰⵏⴰⴹⴰ, ⵉⵙⵎⵏⵉⴷ ⵎⴰⴷⵖⵉⵙ ⵓⵎⴰⴷⵉ ⴰⵏⵏⵓⵕⵥⵎ ⵏ ⵜⵉⵏⵎⵍ ⴳ ⴽⴰⵏⴰⴹⴰ, ⵉ ⵓⵍⵎⵎⵓⴷ ⵏ ⵜⵎⴰⵣⵉⵖⵜ ⵉ ⵜⴰⵔⵡⴰ ⵏ ⵉⵎⴰⵣⵉⵖⵏ ⵖ ⴽⴰⵏⴰⴹⴰ ⴷⴰ ⵖ ⵏⵉⵜ ⵉⵣⴷⵖ ⴰⵡⴷ ⵏⵜⵜⴰ. ⵉⵙⵏⵎⴽⵜⴰⵜⵏ ⴷⴰ ⵉⴼⴽⴰ ⴳ ⵜⵉⵣⵡⵉⵔⵉ, ⵎⵍⴰⵏ ⵎⴰⵙ ⵓⴷⴼⵏ ⵜⵓⴳⵜⵜ ⵏ ⵉⵏⵍⵎⴰⴷⵏ ⵜⵉⵏⵎⵍ, ⵖ ⵍⵍⴰⵏ 8 ⵏ ⵓⵏⵍⵎⴰⴷ ⵙⴳ ⵓⵥⵓⵕ ⴰⵍⵉⴱⵉ, 17 ⵙⴳ ⵍⵇⴱⴰⵢⵍ, ⵢⴰⵏ ⵓⵏⵍⵎⴰⴷ ⵣⵉ ⵜⵓⵏⵙ.

ⵎⴰⴷⵖⵉⵙ ⵓⵎⴰⴷⵉ ⴰⵏⵙⵎⴰⵔ ⴷ ⵓⵎⵙⵎⵏⵉⴷ ⵏ ⵏ ⵓⵖⴰⵡⴰⵙ ‘’ⵉⵥⵓⵕⴰⵏ ⵏ ⵜⵎⴰⵣⵉⵖⵜ’’ ⴳ ⵍⵢⵓⵜⵓⴱ

ⵉⵡⴰⵍⴰ ⵓⵎⵖⵏⴰⵙ ⴰⵎⴰⵣⵉⵖ ⵎⴰⴷⵖⵉⵙ ⵓⵎⴰⴷⵉ ⴰⵙⵎⴰⵔ ⴷ ⵓⵙⵎⵏⵉⴷ ⵏ ⵓⵖⴰⵡⴰⵙ ⵏ ‘’ⵉⵥⵓⵕⴰⵏ ⵏ ⵜⵎⴰⵣⵉⵖⵜ’’ ⴳ ⵍⵢⵓⵜⵓⴱ, ⵉⴳ ⵢⴰⵏ ⵓⵖⴰⵡⴰⵙ ⵏⵏⴰ ⵖ ⵢⵓⵔⵎ ⵓⵎⵖⵏⴰⵙ ⴰⴷ ⵉⵙⴼⵙⵉ ⴰⵎⴰⵡⴰⵍ ⵏ ⵜⵎⴰⵣⵉⵖⵜ ⴰⵏⴱⵖⵓⵔ, ⵉⵔⴰ ⴰⴷ ⴳⵉⵙ ⵉⵙⵉⵙⴼⵉⵡ ⵜⴰⵎⵓⵏⵜ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵙ ⵡⴰⵢⵢⴰⵡⵏ ⵏⵏⵙ ⴳⴳⵓⵜⵏⵉⵏ, ⵙ ⵓⴱⴷⴰⵔ ⵏ ⵏ ⵉⵥⵓⵕⴰⵏ ⵏ ⵜⴳⵓⵔⵉⵡⵉⵏ ⵜⵉⵎⴰⵣⵉⵖⵉⵏ ⴷ ⵓⵏⴰⵎⴽ ⵏⵏⵙⵏⵜ ⵙ ⵜⵡⵉⵙⵉ ⵙ ⵉⵙⵓⵖⴰⵍ ⵉⵎⵉⵔⴰⵢⵏ, ⴷ ⵓⵙⵎⵏⵉⴷ ⴰⵡⴷ ⵏ ⵜⵉⵏⴷⴰⵔ ⴷ ⵜⵎⵙⵉⵔⵉⵏ ⵢⴰⴹⵏ ⵉ ⵓⵙⵍⵎⴷ ⵏ ⵜⵎⴰⵣⵉⵖⵜ.

ⵎⴰⴷⵖⵉⵙ ⵓⵎⴰⴷⵉ ⴰⵎⵙⴽⴰⵔ ⵏ ⵜⵉⵔⴰⵔⵜ ⵏ ⵙⴽⵕⴰⴱⵍ ⵜⴰⵎⴰⵣⵉⵖⵜ

ⵉⵙⴽⵔ ⵓⵎⵔⵣⵓ ⴰⵎⴰⵣⵉⵖ ⵎⴰⴷⵖⵉⵙ ⵓⵎⴰⴷⵉ ⵜⵓⵏⵖⵉⵍⵜ ⵜⴰⵎⴰⵣⵉⵖⵜ ⵙ ⵉⵙⴽⴽⵉⵍⵏ ⵏ ⵜⴼⵉⵏⴰⵖ ⵉ ⵜⵉⵔⴰⵔⵜ ⵏ ⵓⵍⵎⵎⵓⴷ ⵉⵜⵜⵡⴰⵙⵙⴰⵏⵏ ⵙ ⵙⴽⵕⴰⴱⵍ ⵉ ⵓⵙⵍⵎⴷ ⵏ ⵜⵓⵜⵍⴰⵢⵜ, ⵉⵙⴽⵔ ⴰⵙⵎⵏⵉⴷ ⵏ ⵛⴰ ⵏ ⵜⵓⵏⵖⵉⵍⵉⵏ ⵅⴼ ⴽⵔⴰ ⵏ ⵜⵎⵙⵎⵓⵏⵉⵏ ⵜⵉⵙⴳⵎⴰⵏⵉⵏ ⵜⵉⵎⴰⵣⵉⵖⵉⵏ ⴷ ⵜⵉⵏⵎⴰⵍ ⵜⵉⵎⴰⵥⵢⴰⵏⵉⵏ, ⵎⴽⵍⵍⵉ ⵜⵖⵜⵙ ⵜⵎⵔⵙⵍⵜ ⵏ ⵜⴰⵡⴰⵍⵜ ⴰⴷ ⵜⵏⵜ ⵜⴱⴹⵓ ⵅⴼ ⵜⵎⵙⵎⵓⵏⵉⵏ ⵜⵉⵙⴳⵎⴰⵎⵉⵏ ⵉⴼⴽⴰⵏ ⴰⵜⵉⴳ ⵉ ⵉⵎⵥⵢⴰⵏⵏ.

ⵄⴰⴱⵍⵡⴰⵃⵉⴷ ⴱⵓⵜⴱⴰⵖⴰ