ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⴱⵔⵉⴽⵙ ⴰⵣⴳⵣⵍ ⵏ ⵉⵙⴽⴽⵉⵍⵏ ⵉⵎⵣⵡⵓⵔⴰ ⵙ ⵜⵍⴰⵜⵉⵏⵉⵜ BRICS ⵏⵏⴰ ⵉⴳⴰⵏ ⴰⵙⵙⴰⵖⵏ ⵏ ⵉⵡⴰⵏⴽⵏ ⵏⵏⴰ ⵎⵉ ⵜⵣⴼⴼ (ⵉⵖⴰⵡⵍ) ⵜⵎⵔⵏⵉⵡⵜ ⵜⴰⴷⵎⵙⴰⵏⵜ ⴳ ⵓⵎⴰⴹⴰⵍ, ⵖ ⵜⵍⵍⴰ: ⵍⴱⵕⴰⵣⵉⵍ, ⵔⵓⵙⵢⴰ, ⵍⵀⵏⴷ, ⵛⵛⵉⵏⵡⴰ, ⴷ ⵢⵉⴼⴼⵓⵙ ⵏ ⵉⴼⵔⵉⵇⵢⴰ.
ⵉⵜⵜⵓⵙⴽⴰⵔ ⵓⴳⵔⴰⵡ ⴰⵎⵣⵡⴰⵔⵓ ⴳⵔ ⵉⵏⵙⵙⵉⵅⴼⵏ ⵏ ⴽⴽⵓⵥ ⵉⵡⴰⵏⴽⵏ ⵉⵏⴱⴷⴰⴷⵏ ⴳ ⵉⴽⴰⵜⵉⵔⴰⵏⴱⵓⵔⴳ Iekaterinbourg ⴳ ⵔⵓⵙⵢⴰ ⴳ ⵢⵓⵏⵢⵓ 2009, ⴱⵔⵔⵃⵏ ⴳⵉⵙ ⵙ ⵓⵙⴱⴷⴷⵉ ⵏ ⵢⴰⵏ ⵓⵏⴳⵔⴰⵡ ⴰⵎⴰⴹⵍⴰⵏ ⵙ ⵙⵉⵏ ⵉⴳⵊⴷⴰ. ⵉⵜⵜⵓⵙⴽⴰⵔ ⵓⵏⵎⵓⵇⵇⴰⵔ ⴰⵎⵣⵡⴰⵔⵓ ⴳ ⵓⵙⵡⵉⵔ ⴰⵎⴰⵜⴰⵢ ⵏ ⵉⵏⵎⵖⵓⵔⵏ ⵏ ⵉⵡⴰⵏⴽⵏ ⵏ « ⴱⵔⵉⴽⵙ » ⴳ ⵢⵓⵍⵢⵓⵣ 2008, ⴳ ⵜⴳⵣⵉⵔⵜ ⵏ ⵀⵓⴽⴰⵢⵓ ⵜⴰⵊⴰⴱⵓⵏⵉⵜ, ⵍⵍⵉⵖ ⵎⵓⵏⵏ ⴰⴽⵓⴷ ⴰⵏⵏ ⴳ ⵢⴰⵏ ⵓⴳⵔⴰⵡ « ⵜⴰⵎ ⵉⵅⴰⵜⴰⵔⵏ ».
ⵉⴷⵔⴰ ⴳ ⵓⴳⵔⴰⵡ ⴰⴷ ⵏ ⴱⵔⵉⴽⵙ, ⴰⵏⵙⵙⵉⵅⴼ ⵏ ⵔⵓⵙⵢⴰ « ⴼⵍⴰⴷⵉⵎⵉⵔ ⴱⵓⵜⵉⵏ » ⴷ ⵓⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵏ ⵛⵛⵉⵏⵡⴰ ⵜⴰⵖⵔⴼⴰⵏⵜ (ⵜⴰⵎⴷⵏⴰⵏⵜ) ⵊⵉⵏ ⵜⴰⵡ, ⴷ ⵓⵏⵙⵙⵉⵅⴼ ⵏ ⵉⵎⴰⵡⴰⵙⵏ ⵏ ⵍⵀⵏⴷ ⵎⴰⵏⵎⵓⵀⴰⵏ ⵙⵉⵏⴳ, ⴷ ⵓⵏⵙⵙⵉⵅⴼ ⵏ ⵍⴱⵕⴰⵣⵉⵍ ⵍⵡⵉⵙ ⵉⵏⴰⵙⵢⵓ ⵍⵓⵍⴰ ⴷⴰ ⵙⵉⵍⴱⴰ. ⵎⵙⴰⵙⴰⵏ ⵉⵏⵙⵙⵉⵅⴼⵏ ⵏ ⵉⵡⴰⵏⴽⵏ ⵅⴼ ⵓⴹⴼⵓⵕ ⵏ ⵓⵣⴷⴷⵓⵢ ⴳ ⵜⵎⵙⴰⵔⵉⵏ ⵜⵉⴷⵎⵙⴰⵏⵉⵏ ⵜⵉⵎⴰⴹⵍⴰⵏⵉⵏ ⵜⵉⴷⵖⵢⴰⵏⵉⵏ, ⵖ ⵉⵍⵍⴰ ⵓⵎⵢⴰⵡⴰⵙ ⴳ ⵢⵉⴳⵔ ⴰⵥⵕⴼⴰⵏ ⴼ ⵓⴼⵙⵙⴰⵢ ⵏ ⵜⵎⵙⴰⵍⴰⵢⵜ ⵜⴰⵎⵙⴰⴷⵓⵔⵜ.
ⵄⴱⴷⵍⵡⴰⵃⵉⴷ ⴱⵓⵜⴱⴰⵖⴰ – ⴰⴳⵯⵍⵎⵉⵎ
