ⵎⴰⵏ ⵉⵎⴰⵍ ⵉⵍⵍⴰⵏ ⴷⴰⵔ ⵉⵎⵙⵙⵓⴼⵖⵏ ⵏ ⵜⵖⵓⵔⵉⵡⵉⵏ ⵜⵉⵎⴰⵣⵉⵖⵉⵏ ?

ⴰⵙⴳⴳⵯⴰⵙ ⴰⴷ ⴰⵡⴷ ⵏⵜⵜⴰ ⵔⴰⴷ ⵉ ⵥ ⵕ ⵓⵙⵙⵓⴼⵖ ⵏ ⵜⵓⴳⵜⵜ ⵉⵎⵣⵔⴰⵡⵏ ⴷ ⵜⵎⵣⵔⴰⵡⵉⵏ ⵏ ⵜⵣⵓⵏⵉ ⵏ ⵜⵖⵓⵔⵉⵡⵉⵏ ⵜⵉⵎⴰⵣⵉⵖⵉⵏ ⴳ ⵓⵙⵏⴰⵃ ⵢⴰ ⵏ ⵜⵙⴷⴰⵡⵉⵏ ⴳ ⵍⵎⵖⵔⵉⴱ ⴰⴳⴰⴷⵉⵔ, ⴼⴰⵙ, ⵡⵓⵊⴷⴰ. ⵎⴰⴷ ⴰⵖ ⵉⵜⵜⴰⵊⵉⵏ ⴰⴷ ⵏⵙⵔⵙ ⴰⵙⵇⵙⵉ ⴰⴷ : ⵎⴰⵏ ⵉⵎⴰⵍ ⵉⵍⵍⴰⵏ ⴷⴰⵔ ⵉⵎⵙⵙⵓⴼⵖⵏ ⴰⴷ ? ⴷ ⵎⴰⴷ ⵉⴳⴰⵏ ⴰⵙⵡⵓⵍ ⵏⵏⵙⵏ ?

ⵜⵙⵙⵏⵜⴰ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵜⵙⴷⴰⵡⵉⵜ ⵏ ⵉⴱⵏ ⵣⵓⵀⵔ ⴳ ⵓⴳⴰⴷⵉⵔ ⴰⵙⴳⴳⵯⴰⵙ ⵏ ⵜⵖⵓⵔⵉ 2007/2006 ⵍⵍⵉⵖ ⵉⵔⵣⵎ ⵍⵎⴰⵙⵜⵔ ⵉⴷⴼⴰⵔ ⵜⵉⴷ  ⵍⵎⴰⵙⵜⵔ ⵏ ⴼⴰⵙ ⴷ ⵔⴱⴰ ⵟ ⴰ ⴼⴰⴷ ⴰⴷ ⵜ ⵕⵥⵎ ⵜⵣⵓⵏⵉ ⵍⵍⵉ ⴰⴷ ⵍⵍⵉ ⵉⴳⴰⵏ ⵖⴰⵔ ⴰⵙⴰⴽⴰ, ⵎⴰⵢⴰⴷ  ⵢⵓⵛⴽⴰ ⴰⴷ  ⵙ ⵜⵖⵏⵙⴰ ⵏ ⵓⵎⵓⵙⵙⵓ ⴰⵎⴰⵣⵉⵖ ⴷ ⵜⵓⵔⴰⵢⵜ ⵏ ⵉⵙⵍⵎⴰⴷⵏ ⴷ ⵉⵎⵣⵔⴰⵡⵏ ⵍⵍⵉ ⵢⵓⵙⵉⵏ ⴰⵏⵣⴳⵓⵎ ⴷ ⵓⵙⴰⴼⵓ ⵎⵎⴰⵖⵏ  ⵅⴼ ⵜⵎⴰⵣⵉⵖⵜ ⴰⴷ ⵜⵉⵍⵉ, ⵎⴰⵢⴰⴷ ⵉⴳⴰ ⵢⴰⵜ ⵜⵢⴰⴼⵓⵜ ⴷ ⵢⴰⵏ ⵡⴰⵜⵉⴳ ⵉ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵙⵍⴰⵡⴰⵏ ⴰⴽⴽⵯ ⵍⵍⵉⵖ ⴰ ⵣⵣⵔⴰⵢⵏ ⴰⵙⵎⵓⵜⵜⴳ ⵏ 3 ⴰⵔ 5 ⵉⵙⴳⴳⵯⴰⵙⵏ ⵎⴰⴷ ⵉⵜⵜⴰⵡⵙⵏ ⵉ ⵉⵎⵙⵙⵓⴼⵖⵏ ⴰⴷ ⵉⵍⵉⵏ ⴳ ⵓⵙⵡⵉⵔ ⵙⵍⴰⵡⴰⵏ ⴰⴽⴽⵯⵍⵍⵉⵖ ⴳⴰⵏ ⵉⵙⵍⵎⴰⴷⵏ ⴷⴰ ⵉⵜⵜⴰⵡⵣⵏ ⵅⴼ ⵓⵙⵎⵓⵜⴳ ⴰⴷ ⵡⵉⵍⵍⵉ  ⴷⴰⵔ ⵜⵉⵔⵎⵉⵜ ⴷ ⵉⵙⵏⵓⴱⴱⵓⵛⵏ ⴷⴰⵔ ⵜⴰⵣⴷⴰⵢⵜ ⵙ  ⵜⵓⵜⵍⴰⵢⵜ ⴷ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴳ ⴽⵔⴰ ⵉⴳⴰ ⵜⵜ ⵉⴳⵔ. ⵎⴰⵢⴰⴷ ⵉⴳⴰ ⵜⴰⵏⴳⴷⴰ ⴷ ⵡⴰⵜⵉⴳ ⵎⵇⵇⵓⵔⵏ ⵉ ⵜⵎⴰⵣⵉⵖⵜ, ⵎⴰⵛⵛ ⴰⵎⵓⴽⵔⵉⵙ ⴰⴷ ⵜ ⵉⴳⴰⵏ ⵍⵍⵉⵖ ⵓⵔ ⵍⵍⵉⵏ ⵜⵜ ⵜⵓⵡⵀⴰⵍⵉⵏ ⵏ ⵜⵓⵡⵡⵔⵉ ⴷⴰⵔ ⵉⵎⵙⵙⵓⴼⵖⵏ ⴰⴷ ⵍⵍⵉ ⴷⴰⵔ ⵜⵓⴳⴳⵉⵡⵉⵏ ⵏ ⵜⵓⵔⴰⴳⵜⵓⵍⴰ ⵍⵎⴰⵙⵜⵔ ⵙⵍⴰⵡⴰⵏ ⴰⴽⴽ ⵍⵍⵉⵖ ⴰ ⵙⴽⴰⵔⵏ ⴰⵙⵏⴰⵃⵢⵓ ⴳⵔ ⴰⵙⵏ ⴷ ⵡⵉⵍⵍⵉ ⴷⴰⵔ ⵜⵓⴳⴳⵉⵡⵉⵏ ⴳ ⵉⵙⴰⴽⴰⵜⵏ ⵢⴰ ⴹⵏⵉ .

ⵎⵇⵇⴰⵔ ⵕⵥⵎⵏ ⵜⴰⴳⴳⵓⵔⵜ ⵏ ⵓⵙⵍⵎⴷ ⴳ ⵓⴷⵎ ⵏ ⵉⵎⵙⵙⵉⴼⵖⵏ ⴰⴷ ⵙⵓⵍ ⵓⴽⴰⵏ ⴳⵉⵙ ⴰⵡⴷ ⵏⵜⵜⴰ ⵜⵉⴱⴱⴰⵢⴹⴰⵔⵉⵏ ⵍⵍⵉⵖ ⵉⵍⵍⴰ ⵓⵣⵔⴼ ⴷⴰⵔ ⴽⵓ ⵎⴰ ⴷⴰⵔ ⵜⵓⴳⴳⴰ ⴰⴷ  ⵉⵣⵎⵎⵉⵎ ⴳ ⵓⵙⴰⴽⴰ ⵏ ⵜⵎⴰⵣⵉⵖⵜ ⵓⵔ ⴷⴰⵔⵙ ⴽⵔⴰ ⵏ ⵜⵣⴷⴰⵢⵜ ⵙ ⵜⵓⵜⵍⴰⵢⵜ ⴰⴷ, ⴰⵎⵓⴽⵔⵉⵙ ⵢⴰⴹⵏⵉ ⵍⵍⵉⵖ ⵓⵔ ⴰ ⵜⵜⴰⵙⵉ ⵜⵎⴰⵡⴰⵙⵜ ⴰⴱⵍⴰ ⵎⴰⴷ ⵉⴷⵔⵓⵙⵏ ⴳ ⵡⴰⵎⵎⴰⵙ ⵏ ⵓⵙⴳⵎⵉ ⵜⵉⵣⵉ ⵍⵍⵉⵖ ⴰ ⵜⵔⴰⵔⴰ ⵜⵎⴰⵡⴰⵙⵜ ⴰⵎⵏⵜⵉⵍ ⵏ ⵓⴳⵓⴼ ⵏ ⵓⵙⵙⵍⵎⴷ ⵏ ⵜⵎⴰⵣⵉⵖⵜ ⵉ ⵉⵎⵙⵙⵓⴳⴰⵔ ⵍⵍⵉ ⵉⴷⵔⵓⵙⵏ ⴳ ⵓⵎⵏⵉⴷ ⵍⵍⵉⵖ ⴰ ⵙⵙⵓⴼⵓⵖⵏ ⵜⵓⴳⵜⵜ ⵉⵎⵣⵔⴰⵡⵏ ⴽⵓ ⴰⵙⴳⴳⵯⴰⵙ. ⴷ ⵉⵖ ⵓⵔ ⵉⵍⵍⴰ ⵓⵙⵙⵍⵎⴷ ⵏ ⵜⵎⴰⵣⵉⵖⵜ ⴳ ⵓⴼⵓⵙ ⵏ ⵉⵎⵙⵙⵓⴼⵖⵏ ⴰⴷ ⵍⵍⵉ ⴷⴰⵔ ⴰⴼⵔⴰⴽ ⵙ ⵓⵙⴰⴽⴰ ⴰⴷ  ⵎⴰ ⵔⴰⴷ ⵢⴰⵙⵉ ⵜⴰⵎⴰⵙⴰⵢⵜ ⴰⴷ ?

ⴰⵔ ⵜⵜⵉⵎⵖⵓⵔ  ⵜⴰⵙⵙⴰⵙⵜ ⴳ ⵓⵎⵏⵉⴷ ⵏ ⵉⵎⵙⵙⵓⴼⵖⵏ ⴰⴷ ⵍⵍⵉⵖ ⴷⵔⵓⵙⵏ ⵉⵙⴰⴽⴰⵜⵏ ⵍⵍⵉ ⵢⴰⴽⴽⴰⵏ ⵜⴰⵡⵀⴰⵍⵜ ⵉ ⵡⵉⵍⵍⵉ ⴷⴰⵔ ⵜⵓⴳⴳⴰ ⵏ ⵜⵓⵔⴰⴳⵜ ⵏ ⵜⵎⴰⵣⵉⵖⵜ ⴰⴷ ⴳⵉⵙ ⵣⵎⵎⵉⵎⵏ, ⴷ ⵍⵍⵉⵖ ⵉⵏⵖⵓⴱⴰ ⵓⵎⵓⵔⵙ ⵍⵍⵉ ⴷ ⵉⵎⵛⵓⵛⴽⴰⵏ ⴷ ⵓⵙⴰⴽⴰ ⴰⴷ ⵉⵖ ⵓⵔ ⵏⴻⵏⵏⴰ ⵉⴳⵔ ⵏ ⵓⵙⵙⵍⵎⴷ ⴷ ⵓⵙⵏⵎⴰⵍⴰ ⵎⴰⴷ ⵉⵜⵜⴰⵊⵉⵏ ⵉⵎⵣⵔⴰⵡⵏ ⴰⴷ ⴰⵎⵥⵏ ⵜⴰⵖⴰⵔⴰⵙⵜ ⵏ ⵜⵔⵔⴰⵡⵜ ⴷ ⵉⵏⵇⵇⵓⵎⴰ ⴷ  ⴰⵔ ⵙⵡⵉⵏⴳⵉⵎⵏ ⴰⴷ ⵙⵙⵏⵜⵉⵏ ⵜⵉⵖⵔⵉ ⴳ ⵜⵣⵓⵏⵉ ⵢⴰ ⴹⵏⵉ, ⵎⴰⵢⴰⴷ ⴰⵔ ⵉⵜⵜⴰⵡⵙ ⵓⵍⴰ ⴰⴷ ⵢⵉⵍⵉ  ⴳⴰⵔ ⴰⵙⵡⵉⵏⴳⵎ ⴷⴰⵔ ⵉⵎⵣⵔⴰⵡⵏ ⵉⵎⴰⵢⵏⵓⵜⵏ ⵍⵍⵉ ⵉⵔⴰⵏ ⴰⴷ ⵜⵣⵎⵎⵉⵎⵏ ⴳ ⵜⵣⵓⵏⵉ.

ⴳ ⵜⴳⵉⵔⴰ ⵉⵥⴹⵕ ⴰⴷ ⵏⴻⵏⵏⴰ ⵎⴰⵙⴷ ⵉⵎⴰⵍ ⵏ ⵉⵎⵙⵙⵓⴼⵖⵏ ⴰⴷ ⴷⴰⵔⵙ ⵜⴰⵣⴷⴰⵢⵜ ⴷ ⵓⵣⵔⴼ ⵏ ⵓⵙⵏⵎⴰⵍⴰ ⵏ ⵜⵎⴰⵣⵉⵖⵜ ⵍⵍⵉⵖ ⵔⴰⴷ ⵜⵏⵏⵓⵕⵥⵎ ⵜⵎⴰⵣⵉⵖⵜ ⵜⵉⴳⴳⵓⵔⴰ ⵏⵏⵙ ⵅⴼ ⵉⴳⵔⴰⵏ ⴰⴽⴽⵯ ⵏ ⵜⵓⴷⵔⵜ ⴰ ⴼⴰⴷ  ⴰⴷ ⵉⵍⵉ ⵏ ⵜⵜ ⵜⵓⵡⵀⴰⵍⵉⵏ ⵏ ⵜⵓⵡⵡⵔⵉ. ⵉⵇⵇⴰⵏ ⴰⵖ ⴰⴷ ⵓⴽⴰⵏ ⵙⵓⵍ ⵏⵜⵜⵇⵇⵍ  10 ⴰⵔ 15 ⵓⵙⴳⴳⵯⴰⵙ ⴰ ⴼⴰⴷ ⴰⴷ ⵏ ⵥⵕ ⵜⴰⵢⴰⴼⵓⵜ ⵏ ⵓⵣⵔⴼ ⴰⴷ.