ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵉⵙⴽⵔ ⵓⵏⵎⵀⴰⵍ ⴰⵎⴰⵜⴰⵢ ⵏ ⵜⵏⴼⵔⵓⵜ ⵜⴰⵏⴰⵎⵓⵔⵜ ⴷ ⵓⵎⴰⵜⵔ ⵏ ⵡⴰⴽⴰⴽ ⴰⵏⴰⵎⵓⵔ, ⵄⴱⴷⵍⵍⴰⵟⵉⴼ ⵃⴰⵎⵎⵓⵛⵉ, ⴰⵙⵙ ⴰⴷ ⵏ ⵓⵙⵉⵏⴰⵙ ⴳ ⵕⵕⴱⴰⵟ, ⵉⵎⴹⴰⴽⴰⵕⵏ ⴷ ⵓⴳⵏⵙⴰⵙ ⴰⵎⴰⵜⴰⵢ ⵏ ⵉⵏⵏⵖⵎⵙⵏ ⴳ ⵜⴳⵍⴷⵉⵜ ⵏ ⵚⵚⴱⵍⵢⵓⵏ, ⵓⵅⵉⵏⵢⵓ ⴱⵉⵔⵢⵉⵔⵓ ⴱⵍⴰⵏⴽⵓ, ⵏⵏⴰ ⵖⵉⵍⴰ ⴷ ⵉⵙⴽⵔⵏ ⵢⴰⵏ ⵓⵔⵣⴰⴼ ⵉ ⵍⵎⵖⵔⵉⴱ ⵉⵎⵓⵏ ⴷ ⴷ ⵢⴰⵏ ⵓⴽⴰⴱⴰⵕ ⴰⵏⴼⵔⵓ ⴰⵅⴰⵜⴰⵔ.
ⵉⴱⴷⵔ ⵓⵙⵉⵡⴹ ⵏ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵓⵎⴰⵜⵔ ⵏ ⵡⴰⴽⴰⵍ ⴰⵏⴰⵎⵓⵔ ⵎⴰⵙ ⴷ ⴰⵏⵎⵓⵇⵇⴰⵔ ⴰⴷ, ⵉⴽⵛⵎ ⴳ ⵓⵎⵏⴰⴹ ⵏ ⵜⵙⵎⵓⵏⴰⵢ ⵜⵉⵙⵉⵏⵔⴰⵏⵉⵏ ⴳⵔ ⵉⵎⴰⵙⴰⵢⵏ ⵏ ⵉⵎⴰⵙⵙⵏ ⵉⵏⴼⵔⵓⵜⵏ ⴷ ⵉⵏⵏⵖⵎⵙⵏ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵏⴰⵔⴰⴳⵜ ⵏⵏⵙ ⵏ ⵢⵉⵥⵥⵍⴹ ⵚⵚⴱⵍⵢⵓⵏ, ⴰⴼⴰⴷ ⴰⴷ ⵢⵉⵍⵉ ⵓⵎⵔⴰⵔⴰ ⵅⴼ ⵜⴱⵔⵉⴷⵉⵏ ⴷ ⵉⵎⴰⵙⵙⵏ ⵏ ⵓⵙⴱⵓⵖⵍⵓ ⵏ ⵓⵎⵢⴰⵡⴰⵙ ⵉⵛⵛⴰⵔⵏ ⴳⵔ ⵜⵎⵉⵣⴰⵔ ⴰⴷ ⴳ ⵢⵉⴳⵔⴰⵏ ⴰⴽⴽⵯ ⵉⵏⴼⵔⵓⵜⵏ.
ⵉⵙⵎⴷ ⵓⵖⴱⴰⴽⵓ ⵢⴰⴽⵙⵓⵍⵏ, ⵎⴰⵙ ⴷ ⴰⵏⵎⵓⵇⵇⴰⵔ ⴰⴷ ⵉⴳⴰ ⵢⴰⵏ ⵓⵣⵎⵣⵣⵓ ⴰⵎⴰⵢⵏⵓ ⵏ ⵓⵙⵜⴰⵍ ⵏ ⵜⵢⴰⴼⵓⵜ ⴷ ⵓⵙⵡⵉⵔ ⵏ ⵓⵎⵢⴰⵡⴰⵙ ⴰⵏⴼⵔⵓ ⵉⵥⵉⵍⵏ ⴳⵔ ⵜⴰⵙⴳⵉⵡⵉⵏ ⴰⴷ, ⴷ ⵓⵙⴼⵙⵔ ⵏ ⵉⵙⵏⵜⴰⵍⵏ ⴰⴽⴽⵯ ⵖⵓⵔ ⵜⴰⵡⵉⵜ ⵉⵛⵛⴰⵔⵏ, ⴷ ⵓⵍⴰ ⵜⵉⴹⴰⴼ ⴷ ⵓⵎⵏⴰⴷ ⵏ ⵉⵎⵉⵣⵉⵢⵏ ⴰⴽⴽⵯ ⴷ ⵉⵏⴰⵥⴰⵕⵏ ⴷ ⵜⴱⵔⵉⴷⵉⵏ ⵏ ⵓⵎⵏⵙⵍⴰ ⵏⵏⵙⵏ ⵙⴳ ⵜⴰⵏⵏⴰⵢⵜ ⵉⵛⵛⴰⵔⵏ.
ⵉⴼⴼⵖ ⵓⵙⵉⵡⴹ ⵎⴰⵙ ⴷ ⴰⵏⵎⵓⵇⵇⴰⵔ ⴰⴷ, ⴰⵔ ⵉⵎⵎⴰⵍ ⵜⵉⴽⴽⵍⵉⵜ ⵢⴰⴹⵏ, ⵜⵉⵏⴷⵉ ⵉⵅⴰⵜⵔⵏ ⴷ ⵓⵙⵡⵉⵔ ⵉⵣⵣⵓⴳⴰⵣⵏ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ ⴳⵔ ⵉⵎⴰⵙⵙⵏ ⵉⵏⴼⵔⵓⵜⵏ ⴳⵔ ⵜⴳⵍⴷⵉⵜⵉⵏ ⵜⴰⵎⵖⵔⵉⴱⵉⵜ ⴷ ⵜⵚⴱⵍⵢⵓⵏⵜ, ⵏⵏⴰ ⵉⵙⵙⵏⵜⵉⵏ ⵙⴳ ⵜⴷⵔⵓⵜ ⵏ ⵜⵓⵛⵛⵕⴽⴰ ⵜⴰⵙⵜⵕⴰⵜⵉⵊⵉⵜ ⵏⵏⴰ ⵉⵙⵎⵓⵏⵏ ⴳⵔ ⵜⵎⵉⵣⴰⵔ ⴰⴷ.
ⴰⵙⵓⵖⵍ: ⵄⴱⴷⵍⵡⴰⵃⴷ ⴱⵓⵜⴱⴰⵖⴰ
