ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵉⵜⵜⵓⵙⴽⴰⵔ ⵓⵙⵎⵏⵉⴷ ⵏ ⵓⵏⵎⵓⴳⴳⴰⵔ « ⵉⵡⴰ » ⵜⵓⵥⵥⵓⵎⵜ ⵏ ⵓⵙⵖⵉⵎ ⵏ ⵜⵎⴰⵡⴰⵙⵜ ⵏ ⵜⴷⵍⵙⴰ ⴰⵙⵙ ⵏ ⵓⵙⵉⵎⵡⴰⵙ 02 ⵛⵓⵜⴰⵏⴱⵉⵔ, ⴷ ⵉⴳⴰ ⵢⴰⵏ ⵓⵙⵏⴼⴰⵔ ⵉⵖⴰⵎⴰ ⴳ ⵓⵣⵎⵣ ⵏ ⵓⵃⵉⵢⵢⵍ ⵣⵖ ⵓⴳⴳⴰⵔ ⵏ ⵓⵙⴳⴳⵯⴰⵙ, ⴷ ⵓⵏⵎⵓⴳⴳⴰⵔ ⵊⵊⵓⵏ ⵓⵔ ⵉⵜⵜⵓⵙⴽⴰⵔⵏ, ⵢⵉⵡⵉ ⵜⵜ ⴳ ⵜⴷⵍⵙⴰ ⵜⴰⴷⵖⵔⴰⵏⵜ ⴷ ⵜⵎⴰⵣⵉⵖⵜ, ⴷ ⵔⴰⴷ ⵢⵉⵍⵉ ⵏⴳⵔ 07 ⴷ 08 ⴽⵟⵓⴱⵕ ⴳ ⵓⴳⴰⴷⵉⵔ ⵏ ⵍⴰⴼⵉⴽⵟⵓⵕⵢⴰ ⴳⵕⴰⵏⴷⵉ.
ⵉⴽⵕⴰⵎ ⴱⵓⵍⵉⵎ, ⴰⴽⵕⴰⴼ ⴱⴰⵏⴷ, ⴰⵎⵉⵏ ⴽ, ⴱⴰⵍⵓⵎⴰ ⴽⵓⵍⵓⵎⴱ, ⵏⵉⵄⵉⵎⴰ ⵎⵓⵟⴰⵕ ⴷ ⵜⴳⵔⵓⵎⵎⴰ ⵏ ⵡⴰⵙⵙⴰⵖⵏ ⵔⴰⴷ ⴷⵔⵓⵏ ⴳ ⵜⵎⵙⴰⵔⵜ ⴰⴷ, ⵏⵏⴰ ⵉⴳⴰⵏ ⴰⵡⵜⵜⴰⵙ ⵏⵏⵙ ⴰⵣⵓⵣⵣⵔ ⵏ ⵜⴷⵍⵙⴰ ⵜⴰⵎⴰⵣⵉⵖⵜ, ⴷ ⵓⵙⴷⵓⵙ ⵏ ⵜⵣⴷⴰⵢⵜ ⵏⵏⵙ ⵙ ⵜⴷⵍⵙⴰ ⵜⴰⵜⵔⴰⵔⵜ, ⵜⵉⵡⵉ ⵜⵙⵎⵎⴰⵍⵜ ⵏ ⵓⵏⵎⵓⴳⴳⴰⵔ ⵏ ⵓⵥⴰⵡⴰⵏ ⵜⴰⵢⵏⵉⵜ ⴰⴽⴷ ⵉⵏⴰⵥⵓⵕⵏ » ⵉⵇⵇⴰⵏ ⴷ ⴰⴷ ⵜⴻⵜⵜⵡⴰⴼⴰⵏ » ⵙ ⵎⴽⵍⵍⵉ ⵙ ⵜ ⵉⵏⵏⴰ ⵓⵎⵙⴽⴰⵔ ⵏⵏⵙ, ⴱⵓⵕⵅⴰ ⵕⴰⵎⵓⵏ ⴼⵉⴳⴰ.
ⴳ ⵜⵙⴳⴰ ⵏⵏⵙ, ⴰⵔ ⵜⵥⵕⵕⴰ ⵜⵎⴰⵡⴰⵙⵜ ⵏ ⵜⴷⵍⵙⴰ, ⵉⵍⵉⵏⴰ ⴼⵉⵕⵏⴰⵏⴷⵉⵣ ⵜⵕⵉⴼⵉⵏⵢⵓ, ⵎⴰⵙ ⵉⴳⴰ ⵓⵏⵎⵓⴳⴳⴰⵔ « ⵉⵡⴰ » ⴰⵙⵏⴼⴰⵔ ⴰⴼⴰⵍⴽⴰⵢ » ⵔⴰⴷ ⵉⵙⵙⵓⵜⵍ ⵉ ⵜⵓⴳⵜⵜ ⵏ ⵓⴷⵎⴰⵡⵏ ⵉⵥⵓⵕⴰⵏⵏ ⴷ ⵉⴷⵍⵙⴰⵏⵏ, ⴷ ⵉⵜⵜⵓⵙⵏⴼⵍⴰⵍ ⴱⴰⵀⵔⴰ, ⴰⵛⴽⵓ ⵉⴳⴰ ⴰⵎⵓⵙⵙⵓ ⵏⵏⴰ ⵊⵊⵓ ⵓⵔ ⵉⵍⵍⵉⵏ ⴳ ⵜⵙⴳⴳⵉⵡⵉⵏ ⴰⴽⴽⵯ ⵏ ⵚⴱⴰⵏⵢⴰ.
ⵜⵙⵎⴷ ⵜⵕⵀⵉⴼⵉⵏⵢⵓ: » ⵏⵔⴰ ⴰⴷ ⵏⵙⵔⵙ ⵎⵍⵉⵍⵢⴰ ⴳ ⵜⵉⵣⵡⵉⵔⵉ ⵏ ⵜⵎⵙⴰⵔⵜ ⴰⴷ » ⴷ ⵜⵍⴰⵍⵉⵜ ⵏ ⵓⵏⵎⵓⴳⴳⴰⵔ ⵉⵡⴰ ⵉⵙⵜⴰⵡⵀⵎⵎⴰ ⴰⵙⴽⴽⵉ ⵏ ⵜⵉⴼⴰⵡⵜ ⵅⴼ ⵜⴰⵢⵙⵉ ⵜⴰⵎⴰⵣⵉⵖⵜ ⵙ ⵎⴽⵍⵍⵉ ⵙ ⵜⵏⵏⴰ : « ⵔⴰⴷ ⵉⵙⵙⴷⵓⵙ ⵉⵙⵉⵙⵏ ⴳ ⵉⵙⵡⵉⵔⵏ ⴰⵏⴰⵎⵓⵔ ⴷ ⵓⴳⵔⴰⵖⵍⴰⵏ ⵙ ⵓⵎⵢⴰⵏⴰⵡ ⴰⴷⵍⵙⴰⵏ ⵉⵍⵍⴰⵏ ⴳ ⵜⵖⵔⵎⵜ ⵏ ⵎⵍⵉⵍⵢⴰ » ⴷ ⵉⵜⵜⵓⵔⴷⴰ ⴰⴷ ⵉⵙⵙⵉⵙⴼⵉⵡ ⵓⵏⵎⵓⴳⴳⴰⵔ ⵜⵉⵖⵎⵔⵉⵏ ⵜⵉⵎⴰⵢⵏⵓⵜⵉⵏ ⵏ ⵜⴷⵍⵙⴰ ⵜⴰⵎⴰⵣⵉⵖⵜ.
ⵙ ⵓⵢⴰ ⵏⵏ, ⵔⴰⴷ ⵜⵉⵍⵉ ⴳ ⴽⵓ ⵜⵉⵍⴰⵍⵜ ⵢⴰⵏ ⵓⴼⵔⴷⵉⵙ ⴰⵏⴰⵎⵓⵔ ⴷ ⵓⴷⵖⵔⴰⵏ, ⴰⵛⴽⵓ ⵉⴳⴰ ⵢⴰⵜ ⵜⵎⵙⴰⵔⵜ ⴰⴳⵜⵉⵙⵖⴰⵏ, ⵙ ⵜⵎⵔⵏⵉⵡⵜ ⵏ ⵜⵉⵍⵉⵜ ⵏ ⵜⴳⵔⵓⵎⵎⴰ ⵎⵇⵇⵓⵔⵏ ⵏ ⵉⵎⵥⴰⵡⴰⵏⵏ ⵓⵍⴰ ⴷ ⵙⵙⵉⵏⵉⵎⴰ ⴷ ⵜⵙⴽⵍⴰ ⴷ ⵜⵥⵓⵕⵉ.
ⴰⵔ ⵉⵙⵙⵉⵙⴼⵉⵡ ⵓⵏⵎⵀⴰⵍ ⵏ ⵓⵏⵎⵓⴳⴳⴰⵔ, ⴰⵏⵅⵉⵍ ⴽⴰⵙⵜⵕⵓ, ⵎⴰⵙ ⴷ ⵜⵉⵙⵓⵜⴰⵍ ⵏ ⵉⵙⴰⵔⵓⵜⵏ ⴷ ⵜⵙⴽⵍⴰ ⵔⴰⴷ ⵜⴻⵜⵜⵓⵙⴽⴰⵔⵏⵜ ⴳ ⵜⵏⵓⴼⴰ ⵏ ⵜⵙⴷⴰⵡⵉⵜ, ⵙ ⵜⵎⵔⵏⵉⵡⵜ ⵉ ⵓⵙⵏⵎⵉⵍⵉ ⵏ ⵜⵙⵇⵇⴰⵢⵎⵓⵜⵉⵏ ⴷ ⵜⵉⵍⴰⵍ ⵜⵉⴷⵍⵙⴰⵏⵉⵏ ⵢⴰⴹⵏ, ⴷ ⵜⵙⵓⵜⵍⵉⵏ ⴳ ⵜⵓⵜⵍⴰⵢⵜ ⴷ ⵜⴷⵍⵙⴰ ⵜⴰⵎⴰⵣⵉⵖⵜ, ⴳ ⵜⴰⵎⴰ ⵏ ⵓⵙⵏⵎⵉⵍⵉ ⵏ ⵉⵎⵓⵙⵙⵓⵜⵏ ⵏ ⵓⵙⴳⵔⴰⵡ ⵏ ⵙⵙⵉⵏⵉⵎⴰ ⴳ ⵜⵓⵚⴽⵉⵡⵉⵏ ⵏⵏⵙ ⵜⵉⵣⴰⵢⴽⵓⵜⵉⵏ.
ⵓⵢⴰ ⵏⵏ ⵙ ⵓⵣⴷⴰⵢ ⴷ ⵜⵎⵙⵓⵍⵜ ⵜⴰⵙⴱⵍⵢⵓⵏⵉⵜ filmin ⴰⴼⴰⴷ ⴰⴷ ⵣⵎⵔⵏ ⴰⴷ ⴰⵎⵥⵏ ⵜⴰⴳⵔⵓⵎⵎⴰ ⵏ ⵜⴰⵙⴼⵉⴼⵉⵏ ⵏ ⵙⵙⵉⵏⵉⵎⴰ ⵜⴰⵎⴰⵣⵉⵖⵜ ⵙ ⵜⵡⵉⵙⵉ ⵏ iwa fest.
ⵜⵙⴷⴷⵉⴷ ⵜⵏⵎⴰⵙⴰⵢⵜ ⵏ ⵜⵎⴰⵍⵍⴰⵢⵜ ⴳ ⵜⵖⵎⵔⵜ, ⵊⵍⵓⵕⵢⴰ ⵕⵓⵅⴰⵙ, ⵎⴰⵙ ⴷ ⴰⵏⵎⵓⴳⴳⴰⵔ ⴰⴷ ⵔⴰⴷ ⵉⴳ ⵜⴰⵎⵙⴰⵔⵜ ⵏⵏⴰ ⵔⴰⴷ ⴷ ⵢⴰⵡⵉ ⴽⵉⴳⴰⵏ ⵏ ⵉⵎⴰⵍⵍⴰⵢⵏ, ⵎⴽⵍⵍⵉ ⵜⵙⵎⴰⵍ ⵎⴰⵙ ⵔⴰⴷ ⵢⵉⵍⵉ ⵓⴼⴰⵔⵙ ⵏ ⵢⴰⵏ ⵓⵙⴰⵔⵓ ⵉ ⵓⵏⵎⵓⴳⴳⴰⵔ ⴰⴷ, ⴷ ⵔⴰⴷ ⵉⵜⵜⵓⴼⵙⴰⵔ ⴳ ⵜⵓⵏⵖⵉⵍⵜ ⵏ ⵓⵙⴳⴳⵯⴰⵙ ⴷ ⵉⴷⴷⴰⵏ.
ⵜⴻⵜⵜⵓⵣⵎⴰⵔ ⵖⵉⵍⴰ ⴷ ⵜⵎⵙⵉⵖⵜ ⵏ ⵜⵏⴼⵓⵍⵉⵏ ⵙⴳ ⵡⴰⵏⵙⴰ ⴰⵍⵉⴽⵟⵕⵓⵏⵉ ⵉⵥⵍⵉⵏ ⵙ ⵓⵏⵎⵓⴳⴳⴰⵔ (www·iwafest.com) ⵉ ⵙⵉⵏ ⵡⵓⵙⵙⴰⵏ ⵙ ⵡⴰⵜⵉⴳ ⵏ 22 ⵢⵓⵕⵓ, ⴰⵜⵉⴳ ⵏ ⴽⵓ ⴰⵙⵙ 12 ⵢⵓⵕⵓ, ⴷ ⵏⵜⵜⴰⵜ ⵜⴰⴱⵔⵉⴷⵜ ⵜⴰⵎⵢⵉⵡⵏⵜ ⵉ ⵜⵎⵙⵉⵖⵜ ⵏ ⵜⵏⴼⵓⵍⵉⵏ.
ⵢⵓⵔⴰ ⵜ: ⵄⴱⴷⵍⵡⴰⵃⵉⴷ ⴱⵓⵜⴱⴰⵖⴰ.
