ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵙⴳ ⵜⵉⵥⵕⵉⴳⵉⵏ ⵏ ⵜⵎⵔⵙⵍⵜ ⵏ ⴰⵕⵛⵉⴼ ⵏ ⵍⵎⵖⵔⵉⴱ, ⵉⴼⴼⵓⵖ ⴷ ⵜⵉⴳⴰⵔⵉⵡⵉⵏ ⴰⴷ ⵢⴰⵏ ⵓⴷⵍⵉⵙ ⴰⵎⴰⵢⵏⵓ ⴼ ⵜⵔⴰⴱⴱⵓⵜ ⵏ ⵓⵥⴰⵡⴰⵏ ⵓⵙⵎⴰⵏ. ⴰⵣⵡⵍ ⵏⵏⵙ: ⵜⴰⵔⴰⴱⴱⵓⵜ ⵏ ⵓⵙⵎⴰⵏ, ⵓⵎⵉⵏ…ⴰⵡⴰⵍ ⵏ ⵜⵓⵍⴰⴼⵜ. ⵙ ⵜⵉⵔⵔⴰ ⵏ ⵓⴼⵓⵙ ⵏ ⵓⵏⴰⵥⵓⵕ ⴷ ⵓⵎⵔⵣⵓ ⴱⵍⵄⵉⴷ ⵍⵄⴽⴽⴰⴼ ⵍⵍⵉ ⵉⴳⴰⵏ ⵢⴰⵏ ⴳ ⵡⵉⵍⵍⵉ ⵙⴽⵔⵏⵉⵏ ⵜⴰⵔⴰⴱⴱⵓⵜ ⴰⴷ ⵏ ⵓⵥⴰⵡⴰⵏ.
ⵉⵙⵎⵓⵏ ⵓⴷⵍⵉⵙ ⴰⴷ ⴰⵎⴰⵢⵏⵓ ⵎⴰⴷ ⵉⴳⴰⵏ 182 ⵏ ⵜⵙⵏⴰ, ⵢⵉⵡⵉ ⴷ ⴳⵉⵙ ⵓⵎⴰⵔⴰ ⵏⵏⵙ ⵜⵉⵔⵎⵉⵜ ⵏⵏⵙ ⵍⵍⵉ ⵉⴷⴷⵔ ⴷ ⵜⵔⴰⴱⴱⵓⵜ ⴰⴷ, ⴰⵛⴽⵓ ⴳⵉⵙ ⵜⵓⴳⵜ ⵏ ⵜⵓⵍⴰⴼⵉⵏ ⵍⵍⵉ ⵢⵓⵎⵥ ⵏⵜⵜⴰⵏ ⵏⵉⵜ ⵙⴳ ⴰⵙⴳⴳⵯⴰⵙ ⵏ 1974.
ⵉⵜⵜⵓⵙⵙⴰⵏ ⵎⴰⵙ ⵉⴳⴰ ⵓⵎⴰⵔⴰ ⵏ ⵓⴷⵍⵉⵙ ⴰⴷ ⵎⴰⵙⵙ ⴱⵍⵄⵉⴷ ⵍⵄⴽⴽⴰⴼ ⴷ ⴰⵎⵔⵣⵓ ⴳ ⵎⴰⴷ ⵉⵣⵔⵉⵏ ⴳ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ, ⴷ ⵓⵙⵍⵎⴰⴷ ⵏ ⵓⵥⴰⵡⴰⵏ ⴳ ⵓⵙⵉⵏⴰⴳ ⴰⵎⴰⵜⵜⵓⵢ ⵏ ⵜⵥⵓⵕⵉ ⵏ ⵓⵎⵣⴳⵓⵏ ⴷ ⵓⵙⵎⵓⵙⵙⵓ ⴰⴷⵍⵙⴰⵏ, ⵉⴳ ⵖⵉⵍⴰⴷ ⴰⵙⵍⵎⴰⴷ ⵏ ⵜⵉⵔⵔⴰ ⵏ ⵓⵥⴰⵡⴰⵏ ⴷ ⵍⵀⴰⵔⵎⵓⵏⵢⴰ ⴳ ⵓⵙⵉⵏⴰⴳ ⴰⵏⴰⵎⵓⵔ ⵉ ⵓⵥⴰⵡⴰⵏ ⴷ ⵍⴽⴰⵕⵉⴳⵔⴰⴼⵉ ⴳ ⵜⵖⵔⵎⵜ ⵏ ⵕⵕⴱⴰⵟ.
