ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵉⵙⵎⵓⵏ ⴷ ⵓⵙⵙⵉⴷⵔ ⵏ ⵓⴽⵜⵜⴰⵢ ⵡⵉⵙⵙ ⵜⵥⴰ ⵉ ⵜⵎⵜⵜⴰⵏⵜ ⵏ ⵓⵏⴰⵥⵓⵕ ⴰⵎⴰⵣⵉⵖ ⵄⵎⵎⵓⵔⵉ ⵎⴱⴰⵔⴽ, ⵜⵓⴳⴳⵜ ⵏ ⵉⵎⵔⵣⴰ, ⴷ ⵉⵙⵍⵎⴰⴷⵏ, ⴷ ⵉⵏⵖⵎⴰⵙⵏ, ⴷ ⵉⵏⴰⵥⵓⵕⵏ, ⴰⵙⵙ ⴰ, ⵃⵎⴰ ⴰⴷ ⵎⵔⴰⵔⴰⵏ ⴰⵡⴰⵍ ⴳ ⵢⴰⵜ ⵜⵉⵏⴰⵡⵜ ⵅⴼ « ⵜⵔⵓⴱⴱⴰ ⵏ ⵓⵥⴰⵡⴰⵏ ⵜⵉⵎⵖⵔⴰⴱⵉⵢⵉⵏ » ⴳ ⵓⵙⴰⵢⵔⵓⵔ ⴰⴷⵍⵙⴰⵏ ⴰⴳⴷⴰⵍ.
ⴳ ⵜⵉⵏⴰⵡⵜ ⴰⴷ ⵉⵙⵏⵎⴰⵍⴰ ⵓⵙⴳⵔⴰⵡ ⴰⵙⴳⴰⵡⴰⵏ ⵏ ⵜⵏⵖⵎⴰⵙⵜ ⴷ ⵓⵙⵏⵖⵎⵙ ⵉⵏⵣⴳⴳⴰⵏⵏ ⴰⵢⵜ ⵎⵍⵍⵓⵍ ⵙ ⵜⴷⵔⴰⵡⵜ ⴷ ⵜⴰⵡⵊⴰ ⵏ ⵄⵎⵎⵓⵔⵉ, ⵜⵜⵓⴼⴽⴰⵏ ⵜ ⴽⵉⴳⴰⵏ ⵏ ⵜⵓⴳⴳⴰ ⴷ ⵜⴳⵓⵔⵉⵡⵉⵏ ⵅⴼ ⵓⵏⴰⵥⵓⵔ ⵄⵎⵎⵓⵔⵉ, ⵉⵎⴽⵉⵏⵏⴰ ⵉⵜⵜⵓⵎⵔⴰⵔⴰ ⵡⴰⵡⴰⵍ ⵅⴼ ⵓⵎⵣⵔⵓⵢ ⵜⵣⵍⵉⵜ ⴷ ⵓⵥⴰⵡⴰⵏ ⴰⵎⴰⵣⵉⵖ ⴷ ⵜⵥⵓⵕⵉ ⵜⴰⵎⴰⵣⵉⵖⵜ ⵙ ⵓⵎⴰⵜⴰ.
ⵉⵎⴽⵉⵏⵏⴰ ⴷ ⵓⵡⵉⵏ ⵉⵙⵍⵎⴰⴷⵏ ⵜⵉⴳⵓⵔⵉⵡⵉⵏ ⵏⵙⵏ ⵅⴼ, ⵜⴼⵉⴽⴽⴰⵛ ⴷ ⵓⵎⵓⴽⵔⵉⵙ ⵉⵜⵜⵉⴷⵉⵔ ⵓⵥⴰⵡⴰⵏ ⴰⵎⴰⵣⵉⵖ, ⴷ ⵉⵎⴰⵍ ⵏⵏⵙ, ⴷ ⵙⴰ ⵉⵍⴰⵇ ⴰⴷ ⵉⵜⵜⵓⴳ ⵃⵎⴰ ⴰⴷ ⵜⵙⵙⵓⴷⵓ ⵜⵥⵓⵕⵉ ⵜⴰⵎⴰⵣⵉⵖⵜ ⵙ ⴷⴰⵜ.
ⴰⴷ ⵏⵙⵙⴽⵜⵉ ⵎⴰⵙ ⴷ ⵉⴳⵍⵍⵉⵏ ⵏ ⵓⵏⴰⵥⵓⵕ ⵄⵎⵎⵓⵔⵉ ⵎⴱⴰⵔⴽ ⵉⴳⴰ ⵢⴰⵏ ⵙ ⴳ ⵉⵏⴰⵥⵓⵕⵏ ⵉⵅⴰⵜⴰⵔⵏ ⵢⵓⵙⵉⵏ ⴰⵏⵣⵡⵓⵎ ⵏ ⵜⵎⴰⵣⵉⵖⵜ ⵉⵏⵏⴰⵖ ⴰⴷ ⵜⵉⵜ ⵉⵙⵙⵉⵡⴹ ⵉ ⵓⵎⴰⴹⴰⵍ ⵙ ⵓⵥⴰⵡⴰⵏ ⴰⵜⵔⴰⵔ, ⴰⵢⵍⵍⵉⵖ ⵜ ⵜⵓⵡⵉ ⵜⵎⵜⵜⴰⵏⵜ ⴰⵙⵙ ⵏ 01 ⴼⴱⵔⴰⵢⵔ 2965 ⵉⵎⵙⴰⵙⴰⵏ ⴷ 14 ⴼⴱⵔⴰⵢⵔ 2015 ⵉⵣⵔⵉ ⴷ ⵜⴰⵢⵔⵉ ⴳ ⵡⴰⵙⵙ ⴰⴷ ⵉⵏⴰⵍⵏ ⵜⴰⴼⵓⴳⵍⴰ ⵜⴰⵎⴰⴹⵍⴰⵏⵜ ⵏ ⵜⴰⵢⵔⵉ, ⴷ ⵡⴰⵢⴷⴰ ⵏⵏⵙ ⴰⵥⵓⵕⴰⵏ ⴷ ⵓⵏⵣⵡⵓⵎ ⵏ ⵜⵥⵓⵕⵉ ⵉ ⵜⵎⵖⴰⵔⵜ ⵏⵏⵙ ⵜⴰⵏⴰⵥⵓⵕⵜ ⵥⵓⵕⴰ ⵜⴰⵏⵉⵔⵜ ⴷ ⵢⵉⵡⵉⵙ, ⵓⵍⴰ ⴰⵢⴷⵓⴷ ⵏⵏⵙ ⵜ ⵉⵙⵙⵉⴷⵉⵔⵏ, ⴰⵔ ⵜⵜⵉⵏⵉⵏ ⵉⵎⵣⵡⵓⵔⴰ « ⵓⵏⵏⴰ ⵉⵜⵜⵢⴰⴱⴷⴰⵔⵏ ⵣⵓⵏ ⵓⵔ ⵉⵎⵎⵓⵜ ».
ⵢⵓⵙⴼ ⴰⵣⵓⵔⴽⵉ
