ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵜⵙⴷⴷⵉⴷ ⵜⵎⴰⵡⵙⴰⵙⵜ ⵜⴰⵎⴰⵔⵉⵜ ⵖⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵎⵓⵜⵜⵉ ⴰⵎⵓⵟⵟⵓⵏ ⴷ ⵓⵎⵓⴽⵏ ⵏ ⵜⵎⵙⵙⵓⴳⵓⵔⵜ, ⵖⵉⵜⴰ ⵎⵣⵣⵓⵔ ⵎⴰⵙ ⴷ ⵜⴰⵏⴽⵔⴰ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴷ ⵜⴰⵎⴰⵙⴰⵢⵜ ⵜⴰⵏⴰⵎⵓⵔⵜ ⵜⴰⴳⵔⴰⵡⴰⵏⵜ, ⵍⵍⵉⵖ ⵜⴳⴰ ⵢⴰⵏ ⵓⴼⵔⴷⵉⵙ ⴰⵥⵖⵓⵕ ⵣⵖ ⵉⴼⵔⴷⵉⵙⵏ ⵏ ⵜⵎⴰⴳⵉⵜ ⵜⴰⵏⴰⵎⵓⵔⵜ.
ⵜⵙⵙⵉⵙⴼⵉⵡ ⵜⵎⴰⵡⴰⵙⵜ ⴳ ⵓⵙⴼⵙⵔ ⵏ ⵜⵎⵔⴰⵔⵓⵜ ⵏⵏⵙ ⵅⴼ ⵓⵙⵇⵙⵉ ⴰⵎⵉⵡⴰⵏ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⵅⴼ ⵡⴰⴷⴷⴰⴷ ⵏ ⵜⵎⴰⵣⵉⵖⵜ ⴹⴰⵕⵜ ⵏ ⵢⴰⵏ ⴷ ⵎⵔⴰⵡ ⵏ ⵓⵙⴳⴳⵯⴰⵙ ⵅⴼ ⵓⴷⵙⵜⴰⵔ ⵏⵏⵙ ⴰⵎ ⵜⵓⵜⵍⴰⵢⵜ ⵜⴰⵎⴰⴷⴷⵓⴷⵜ, ⵜⵙⵎⵏⵉⴷ ⵜ ⵜⵔⴰⴱⴱⵓⵜ ⵜⴰⴷⵔⴰⵡⵉⵢⵜ ⵎⴰⵙ ⴷ ⵜⴰⵏⴱⴰⴹⵜ ⵜⵙⴽⵔ ⵜⵓⴳⵜⵜ ⵏ ⵉⵙⵡⵓⴷⴷⵓⵜⵏ ⵙ ⵓⵙⵣⴷⴰⵢ ⴰⴽⴷ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ, ⵍⵍⵉⵖ ⵉⵜⵜⵓⴼⴽⴰ ⵉ ⵜⵓⴳⵜⵜ ⵏ ⵜⵏⵓⴼⴰ ⵜⵉⴳⴷⵓⴷⴰⵏⵉⵏ ⴳ ⴽⵉⴳⴰⵏ ⵏ ⵜⵙⴳⴳⵉⵡⵉⵏ ⵎⴰⴷ ⵉⴳⴰⵏ 300 ⵏ ⵓⵎⴰⵡⴰⵙ ⵉⵙⴰⵡⴰⵍⵏ ⵙ ⵜⵎⴰⵣⵉⵖⵜ, ⵎⴰⴷ ⵉⴳⴰⵏ 100 ⵉ ⴽⵓ ⵜⴰⵏⵜⴰⵍⴰ (ⵜⴰⵔⵉⴼⵉⵜ, ⵜⴰⵛⵍⵃⵉⵜ, ⵜⴰⵎⴰⵣⵉⵖⵜ).
ⵜⵙⵎⴰⵜⵔ ⵙ ⵎⴰⴷ ⴷ ⵉⵎⴰⵡⴰⵙⵏ ⴰⵏⵏ, ⵔⴰⴷ ⴰⵙⵏ ⵜⴻⵜⵜⵓⴼⴽⴰ ⵜⵡⵓⵔⵉ ⵏ ⵓⵙⵡⴰⵍⴰ ⴷ ⵓⵏⵢⴰⵍⴽⴰⵎ ⴰⴽⴷ ⵉⵏⵎⵓⵔⵉⵢⵏ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴰⵢⵍⵍⵉ ⵔⴰⴷ ⵉⵙⵓⴳⵔ ⵜⴰⵏⴳⴰⴷⴷⴰⵢⵜ ⵙ ⵡⴰⴷⴰⴼ ⵏ ⵜⵏⵓⴼⴰ ⵜⵉⴳⴷⵓⴷⴰⵏⵉⵏ ⵙ ⵜⵎⴰⵏⵣⴰⵍⵜ.
ⵜⴱⴷⵔ ⵎⵣⵣⵓⵔ ⵎⴰⵙ ⴷ ⵜⴰⵎⴰⵡⴰⵙⵜ ⵏ ⵜⵣⵔⴼⵜ ⵜⵙⵡⵓⵔⵉ 100 ⵏ ⵜⵎⴰⵡⴰⵙⵜ ⴷ ⵓⵎⴰⵡⴰⵙ ⵉⵏⴰⵎⵓⵏⵏ, ⵉⴳ ⵓⵙⵉⵡⵍ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵜⴰⴼⴰⴷⴰ ⵏⵏⵙ. ⵜⵙⵙⴽⵎⴹ ⵎⴰⵙ ⴹⴼⵕⵏ ⵖⵉⵍⴰ ⴷ ⴰⵙⵎⵓⵜⵜⴳ ⵓⵥⵍⴰⵢ ⴷ ⵜⴰⵏⵏⴰⵏⵉⵏ ⴳ ⵓⴱⴰⵔⴰⵣ ⴷⴰⵜ ⵏ ⵡⴰⴷⴰⴼ ⵙ ⵜⵙⵏⴱⴹⴰⵢⵉⵏ ⵉⵍⵍⴰⵏ ⴳ ⵜⵙⴳⴳⵉⵡⵉⵏ ⵏ ⵓⴷⵔⴰⵔ ⴷ ⵓⴼⴰⵔⴰ.
ⴰⵙⵓⵊⴷ: ⵄⴰⴱⴷⵍⵡⴰⵃⵉⴷ ⴱⵓⵜⴱⴰⵖⴰ
