ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵓⵔ ⵉⵜⵜⵓⵏⵜⴰⵍ ⵅⴼ ⵢⴰⵏ ⴰⵏⵙⴰ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ, ⵙ ⵡⴰⵢⴷⴰ ⵏⵏⵙ ⵢⴰⵜⵜⵓⵢⵏ ⴷ ⵜⵎⴰⴳⵉⵜ ⵏⵏⵙ ⵜⵓⵙⵍⵉⵎⵜ ⵉⴷⵓⵙⵏ, ⴰⵎ ⵢⴰⵏ ⵙⴳ ⵉⵡⴰⵏⴽⵏ ⵉⵣⴷⵉⵏ ⵙ ⵢⵉⵎⴰⵏ ⴷ ⵓⵎⵣⵔⵓⵢ ⴰⴽⴷ ⵙⵉⵏ ⵉⴼⵓⵥⴰⵕ ⵉⵎⴰⵖⵓⴷⵏ. ⵜⵉⵙⵉⵜ ⵏ ⵓⵣⴷⴷⵓⵢ ⴰⴷ ⵓⵙⵍⵉⴳ ⴷ ⴰⵎⵔⴰⵔⴰ ⴰⵙⵓⵍⴰⵏ ⵏⴳⵔ ⵙⵉⵏ ⵉⴳⴷⵓⴷⵏ ⴰⵙⴰⵄⵓⴷⵉ ⴷ ⵓⵎⵖⵔⵉⴱⵉ, ⵙⵍⴰⵡⴰⵏ ⴰⴽⴽⵯ ⵙⴳ ⵜⵏⵓⴼⴰ ⴷ ⵉⵙⵏⴰⵔⴰⵜⵏ ⵏ ⵍⵄⵓⵎⵕⴰ ⴷ ⵍⵃⵉⵊⵊ ⴷⴰ ⵉⴷⴷⵜⵔⵏ ⵢⴰⵏ ⵓⴱⵓⵖⵍⵓ ⴰⵙⵓⵍⴰⵏ ⵉⵜⵜⴳⴳⵏ ⵜⴰⴳⵍⴷⵉⵜ ⴳ ⵓⵙⵎⵉⵍ ⵏ ⵉⵡⴰⵏⴽⵏ ⵉⵎⵣⵡⵓⵔⴰ ⴳ ⵓⵎⴰⴹⴰⵍ ⴳ ⵓⵙⵡⵉⵔ ⵏ ⵜⵏⵓⴼⴰ ⴷⴰ ⵜⵙⵙⵏⴽⴰⴷ ⵉ ⵉⵏⵔⵣⴰⴼ ⵏⵏⵙ ⵙⴳ ⵍⵃⵊⵊⴰⵊ ⴷ ⵉⵎⵣⵣⴰⵖⵏ.
ⵜⵉⵙⴽⵔⴰⵡⵉⵏ ⵜⵓⵙⵍⵉⴳⵉⵏ ⴳ ⵉⵎⵉⵔ ⵏ 2024
ⵉⴳⴰ ⵓⵙⴳⴳⵯⴰⵙ ⵏ 2024 ⵢⴰⵜ ⵜⵎⵏⵢⵢⵔⵜ ⵜⵉⵎⵥⵍⵉⵜ, ⵉⴷⴷⵖ ⵓⵟⵟⵓⵏ ⵏ ⵉⵏⵔⵣⴰⴼ ⵏ ⵙⵏⴰⵜ ⵜⵖⵔⵎⵉⵏ ⵜⵉⴼⵓⵥⴰⵕⵉⵏ (ⵎⴰⴽⴽⴰ ⵜⴰⵎⵣⵔⴰⴽⵜ ⴷ ⵍⵎⴰⴷⵉⵏⴰ ⵉⵥⵥⵏⵥⵕⵏ) ⵉⵣⵔⵉ 18 ⵏ ⵉⴷ ⵎⵍⵢⵓⵏ ⵏ ⵓⵏⵔⵣⵓⴼ, ⴰⵢⵍⵍⵉ ⵉⵎⵎⴰⵍⵏ ⵜⵉⵣⵎⵎⴰⵔ ⵜⵉⴽⵙⵡⴰⵜⵉⵏ ⵏ ⵙⵙⴰⵄⵓⴷⵉⴰ ⴳ ⵓⵙⵙⵉⵔⵉⵡ ⵏ ⵜⵏⵓⴼⴰ ⵏⵏⵙ ⴷ ⵉⵙⵏⴰⵔⴰⵜⵏ ⵏⵏⵙ ⴷ ⵓⵙⵖⵓⴷⵓ ⵏ ⵜⵉⵔⵎⵉⵜ ⵏ ⵉⵎⵙⵙⵉⴳⴳⵉⵜⵏ. ⴳ ⵉⵎⵉⵔ ⵏ ⵍⵃⵉⵊⵊ ⵏ 2024 ⵜⴰⵣⵣⵉⴳⵣⵜ ⵉⴼⴰⵡⵏ, ⵜⴰⵎⵇⵔⴰⵏⵜ ⵏⵏⵙ ⴰⵙⵙⵉⵔⵉⵡ ⵏ ⵓⵖⴰⵡⴰⵙ “ⵍⵃⵉⵊⵊ ⵓⵙⵔⵉⴷ” ⵃⵎⴰ ⴰⴷ ⵢⴰⵡⴹ 126 ⵏ ⵓⵡⴰⵏⴽ, ⵙ ⵜⵎⵔⵏⵉⵡⵜ ⵉⵍⴽⵎⵏ 88% ⵉⵖ ⵜ ⵏⵙⵎⵣⴰⵣⴰⵍ ⴰⴽⴷ ⵉⵎⵉⵔ ⵉⵣⵔⵉⵏ, ⴰⵢⵍⵍⵉ ⵉⵡⵛⴰⵏ ⵉ ⵓⴳⴳⴰⵔ ⵏ 50 ⵏ ⵢⵉⴼⴹ ⵏ ⵍⵃⴰⵊⵊ ⵙⴳ 90 ⵏ ⵓⵡⴰⵏⴽ ⴰⵙⵓⵍⴼ ⵏ ⵉⴳⴳⵉⵜ ⵏ ⵉⵙⵓⵎⴰⴷⵏ ⵏⵏⵙⵏ ⵙ ⵜⴱⵔⵉⴷⵜ ⵉⵀⵡⵏ ⵉⴼⵙⵙⵓⵙⵏ, ⵎⴽⵍⵍⵉ ⵜⵜⵓⵙⵏⴽⴰⴷⵏⵜ ⵜⴰⴷⵍⵉⵡⵉⵏ ⵜⵉⴷⵎⵙⴰⵏⵉⵏ ⵜⵉⵎⵣⵉⵣⵡⴰⵔⵉⵏ ⵙ ⵢⴰⵏ ⵡⴰⵜⵉⴳ ⵉⵙⵙⵏⵜⵉⵏ ⵙⴳ 11 ⵏ ⵢⵉⴼⴹ ⵏ ⵓⵔⵢⴰⵍ ⴰⵙⴰⵄⵓⴷⵉ, ⵉⵜⵜⵏⴰⵍⵏ ⵙ ⵢⴰⵜ ⵜⴰⴷⴰⴱⵓⵜ ⵜⴰⵍⵉⴽⵟⵕⵓⵏⵉⵜ ⵉⵍⴽⵎⵏ 99,9%, ⴰⵢⵍⵍⵉ ⵉⵙⴷⵓⵙⵏ ⵜⴰⵎⴰⴼⴰⵡⵜ ⴷ ⵓⵙⵀⵡⵏ ⵏ ⵡⴰⴷⴰⴼ ⵙ ⵜⵏⵓⴼⴰ ⴷ ⵉⵙⵏⴰⵔⴰⵜⵏ.
ⴰⵙⴷⵓⵙ ⵏ ⵜⵉⵔⵎⵉⵜ ⵜⴰⵏⵉⵎⴰⵏⵜ ⵏ ⵉⵏⵔⵣⴰⴼ
ⵙⴳ ⵜⵙⵜⵔⴰⵜⵉⵊⵉⵜ ⵏ ⵜⴳⵍⴷⵉⵜ ⴰⵙⵖⵓⴷⵓ ⵏ ⵜⵉⵔⵎⵉⵜ ⵏ ⵍⵎⵓⵄⵜⴰⵎⵉⵔⵉⵏ ⴷ ⵉⵏⵔⵣⴰⴼ, ⵉⴷⴷⵖ ⵉⴷⴷⵔ ⵓⵔⴳⴰⴱ ⵏ ⵓⴳⵍⴳⵓⵍ ⴰⵎⴰⵖⵓⴷ ⵢⴰⵜ ⵜⵣⵣⵉⴳⵣⵜ ⵜⵓⵙⵍⵉⴳⵜ, ⵎⵉⵏⵣⵉ ⵢⴰⵜⵜⵓⵢ ⵓⵟⵟⵓⵏ ⵏ ⵉⵏⵔⵣⴰⴼ ⵉⴽⵓⵢⴰⵙⵙⵏ ⴰⵔ 48 ⵏ ⵢⵉⴼⴹ ⵏ ⵓⵏⵔⵣⵓⴼ, ⴰⴽⴷ ⴰⵣⵎⵎⴻⵎ ⵏ 9,4 ⵏ ⵉⴷ ⵎⵍⵢⵓⵏ ⵏ ⵓⵏⵎⵓⵇⵇⴰⵔ ⴳ ⵓⵙⴳⴳⵯⴰⵙ ⵏ 2024, ⴷ ⵓⵙⵉⴷⴼ ⵏ ⵜⵉⵜⵉⵇⵏⵉⵢⵉⵏ ⵜⵉⵎⵣⵣⵉⴳⵣⵉⵏ ⵉ ⵓⵙⵖⵓⴷⵓ ⵏ ⵜⵉⵔⵎⵉⵜ ⵏ ⵉⵏⵔⵣⴰⴼ, ⴳ ⵉⵍⵍⴰ ⵓⵙⵎⵔⵙ ⵏ ⵉⴷ ⵜⴰⵔⴰⵏⵥⴰⵕ ⵉⵜⵜⵓⵙⵏⴼⵍⴰⵍⵏ ⵉ ⵓⴼⵔⴰⴳ ⵏⵏⵙⵏ ⵙⴳ ⵉⵥⵏⵥⴰⵕⵏ ⵏ ⵜⴰⴼⵓⴽⵜ ⵉⴳⴳⵓⵜⵏ, ⵙ ⵓⵎⵙⴰⵙⴰ ⴰⴽⴷ ⵜⴰⵏⵏⴰⵢⵜ ⵏ ⵜⴳⵍⴷⵉⵜ ⵉⵡⴰⵜⵜⵙⵏ ⴰⵙⵓⵊⴷ ⵏ ⵢⴰⵜ ⵜⵡⵏⵏⴰⴹⵜ ⵏ ⵜⵏⴼⵔⵓⵜ ⴷ ⵓⵙⵓⵏⴼⵓ ⵉ ⵉⵏⴱⴳⵉⵡⵏ ⵏ ⵕⵕⵃⵎⴰⵏ.
ⵜⴰⵙⵏⵜⴰⵢⵜ “ⴰⴱⵔⵉⴷ ⵏ ⵎⴰⴽⴽⴰ”
ⵜⴳⴰ ⵜⴳⵍⴷⵉⵜ ⵏ ⵍⵎⵖⵔⵉⴱ ⵙⴳ ⵜⴰⵎ ⵏ ⵉⵡⴰⵏⴽⵏ ⵉⵙⴱⵖⵔⵏ ⵙⴳ ⵓⵙⵙⵉⵔⵉⵡ ⵏ ⵜⵙⵏⵜⴰⵢⵜ “ⴰⴱⵔⵉⴷ ⵏ ⵎⴰⴽⴽⴰ”, ⵏⵏⴰ ⵉⴳⴰⵏ ⵢⴰⵏ ⵓⵎⴷⵢⴰ ⴰⵎⵓⴼⴰⵢ ⵏ ⵓⵙⵀⵡⵏ ⵏ ⵜⵎⴳⴳⴰ ⵏ ⵓⵎⵓⴷⴷⵓ, ⵉⴷⴷⵖ ⵙ ⵜⵙⵏⵜⴰⵢⵜ ⴰⴷ, ⵉⴽⵔⵉ ⵡⴰⴽⵓⴷ ⵏ ⵜⵎⴳⴳⴰ ⵙⴳ 120 ⵏ ⵜⵓⵙⴷⵉⴷⵜ ⴰⵔ 15 ⵏ ⵜⵓⵙⴷⵉⴷⵜ, ⴰⵢⵍⵍⵉ ⵉⴳⴳⵏ ⴳ ⵓⵎⵓⴷⴷⵓ ⵢⴰⵜ ⵜⵉⵔⵎⵉⵜ ⵉⵀⵡⵏ ⵉ ⵉⵎⵣⵣⴰⵖⵏ ⵉⵎⵖⵔⴰⴱⵉⵢⵏ ⵙⴳ ⵜⵡⴰⴷⴰ ⵏⵏⵙⵏ ⴰⵔ ⴰⵡⴰⴹ ⵏⵏⵙⵏ ⵉ ⵉⴽⴰⵍⵉⵡⵏ ⵉⴼⵓⵥⴰⵕⵏ.
ⴰⵙⵙⴰⵢ ⵓⴷⵔⵉⴼ ⵏ ⵓⵙⵓⵏⴼⵓ: ⵜⵉⵔⵎⵉⵜ ⵏ ⵓⵍⴰⵡⴰⵢ ⵏ ⵙⵉⵏ ⵉⴼⵓⵥⴰⵕ
ⵉⴳⴰ ⵓⵍⴰⵡⴰⵢ ⵓⴷⵔⵉⴼ ⵏ ⵙⵉⵏ ⵉⴼⵓⵥⴰⵕ ⵢⴰⵜ ⵙⴳ ⵜⵔⵙⴰⵍ ⵜⵉⴽⵙⵡⴰⵜⵉⵏ ⵉ ⵓⵙⴱⵓⵖⵍⵓ ⵏ ⵡⴰⵙⵙⴰⵢ, ⵉⴷⴷⵖ ⵢⴰⵜⵜⵓⵢ ⵓⵟⵟⵓⵏ ⵏ ⵉⵎⵙⵙⵓⴷⵓⵜⵏ ⵏⵏⵙ ⵙ 7 ⵏ ⵉⴷ ⵎⵍⵢⵓⵏ ⵏ ⵓⵎⵙⵙⵓⴷⵓ ⴳ ⴽⵟⵓⴱⵕ 2024, ⵙ ⵢⴰⵜ ⵜⵎⵔⵏⵉⵡⵜ ⵉⵣⵔⵉⵏ 111% ⵉⵖ ⵜ ⵏⵙⵎⵣⴰⵣⴰⵍ ⴷ ⵓⵙⴳⴳⵯⴰⵙ ⵉⵣⵔⵉⵏ. ⵜⴰⵣⵣⵉⴳⵣⵜ ⴰⴷ ⵜⵎⵓⵏ ⴰⴽⴷ ⵜⵙⵏⵙⵉ ⵏ ⵓⴷⴳⵉ ⵏ ⵓⵏⵔⵣⴰⴼ ⴷⴰ ⵢⵉⵡⴹⵏ 93%, ⴰⵡⴷ ⴰⵙⴳⵎⴹ ⵏ ⵜⵎⵢⴰⵇⵇⴰⵏⵉⵏ ⵜⵉⵎⴰⵢⵏⵓⵜⵉⵏ ⵉⵜⵜⴳⴳⵏ ⴰⴹⴰⴽⴰⵍ ⵏ ⵡⴰⵙⵙⴰⵢ ⵓⵙⵔⵉⴷ ⵏ ⵜⵙⵓⴼⵔⵉⵏ ⵙ ⵡⴰⵏⵙⴰⵜⵏ ⵏ ⵜⵣⴷⵓⵖⵜ ⵏ ⵍⵃⵊⵊⴰⵊ, ⴰⵢⵍⵍⵉ ⵉⵎⵎⴰⵍⵏ ⴰⵙⵓⵖⵏ ⵏ ⵜⴳⵍⴷⵉⵜ ⵙ ⵜⵏⴽⴷⴰ ⵏ ⵜⵏⵓⴼⴰ ⵉⵙⵎⴷⵏ ⵉ ⵉⵏⴱⴳⵉⵡⵏ ⵏ ⵕⵕⵃⵎⴰⵏ.
ⴰⵔⴰⵢ ⵏ ⵡⴰⵢⴷⴰ ⴰⴷⵍⵙⴰⵏ ⴷ ⵓⵎⵣⵔⴰⵢ
ⵜⴱⴷⴷ ⵜⴳⵍⴷⵉⵜ ⵅⴼ ⵓⵙⴱⵓⵖⵍⵓ ⵏ ⵜⵉⵔⵎⵉⵜ ⵜⴰⴷⵍⵙⴰⵏⵜ ⵏ ⵉⵏⵔⵣⴰⴼ ⵙ ⵓⵙⵖⵔⵜ ⵏ ⵓⴳⴳⴰⵔ ⵏ 40 ⵏ ⵡⴰⵏⵙⴰ ⴰⵎⵣⵔⴰⵢ ⴳ ⵎⴰⴽⴽⴰ ⴷ ⵍⵎⴰⴷⵉⵏⴰ, ⴷⵉⴳⵙⵏ ⴰⵏⵙⴰⵜⵏ ⵏ ⵡⴰⵣⵣⴰⵖⵏ ⴷ ⵜⵎⵣⴳⵉⴷⵉⵡⵉⵏ ⵜⵉⵎⵣⵔⴰⵢⵉⵏ. ⵣⵔⵉⵏⵜ ⵜⵣⵎⵎⴰⵔ ⴰⴷ ⵉⵡⵜⵜⴰⵙⵏ ⵏ ⵓⵙⴳⴳⵯⴰⵙ ⵏ 2023 ⵙ ⵓⵙⵖⵍ ⵏ 43%, ⴰⵢⵍⵍⵉ ⵉⵎⵎⴰⵍⵏ ⵜⴰⵡⵉⵜ ⵜⴰⵅⴰⵜⴰⵔⵜ ⵏ ⵜⴳⵍⴷⵉⵜ ⴳ ⵓⴼⵔⴰⴳ ⵏ ⵡⴰⵢⴷⴰ ⵓⵙⵍⵉⵎ ⴷ ⵓⵙⴷⵓⵙ ⵏ ⵓⵎⵏⴰⴷ ⴰⴷⵍⵙⴰⵏ ⴷ ⵓⵏⵉⵎⴰⵏ ⵏ ⵉⵏⵔⵣⴰⴼ.
ⴳ ⵓⵎⴳⴳⴰⵔⵓ, ⵜⵉⵙⴽⵔⴰⵡⵉⵏ ⴰⴷ ⵓⵔ ⴷ ⵓⵙⵉⵏⵜ ⵙ ⵡⴰⴼⵓⵍ, ⴳⴰⵏⵜ ⵢⴰⵏ ⵓⵢⴰⴼⵓ ⵏ ⵢⴰⵜ ⵜⴰⵏⵏⴰⵢⵜ ⵜⴰⵙⵜⵔⴰⵜⵉⵊⵉⵜ ⴷ ⵜⵣⵎⵎⴰⵔ ⵜⵉⵙⵓⵍⴰⵏⵉⵏ ⵉⵡⴰⵜⵜⵙⵏ ⵉⴳⴳⵉⵜ ⵏ ⵍⵄⵓⵎⵔⴰ ⴷ ⵍⵃⵉⵊⵊ ⵢⴰⵜ ⵜⵉⵔⵎⵉⵜ ⵜⴰⵏⵉⵎⴰⵏⵜ ⴷ ⵜⴷⵍⵙⴰⵏⵜ ⵜⴰⵖⵣⵓⵔⴰⵏⵜ. ⵉⴷⴷⵖ ⵜⴰⴳⵍⴷⵉⵜ ⵜⴰⵄⵕⴰⴱⵜ ⵜⴰⵙⴰⵄⵓⴷⵉⵜ, ⵙ ⵜⵓⴳⴳⴰⵙ ⵏⵏⵙ ⴷ ⵉⵙⵓⴼⵓⵜⵏ ⵏⵏⵙ ⴷ ⵉⵙⵉⵣⵡⵉⵔⵏ ⵏⵏⵙ, ⴷⴰ ⵜⵙⵙⵏⴽⴰⴷ ⵢⴰⵏ ⵓⵎⴷⵢⴰ ⴰⵎⴰⴹⵍⴰⵏ ⵡⵉⵏ ⵓⴹⴼⴰⵕ ⴳ ⵜⵏⴰⴼⵓⵜ ⵏ ⵍⵉⵙⵍⴰⵎ ⴷ ⵉⵎⵓⵙⵍⵎⵏ, ⵜⵙⴷⴷⵉⴷ ⵅⴼ ⵓⵙⵓⵖⵏ ⵏⵏⵙ ⵉⵣⴷⵉⵏ ⴷ ⵜⴱⵔⴰⵜ ⵜⴰⵏⴼⴳⴰⵏⵜ ⴷ ⵜⵎⵙⵖⴰⵏⵜ.
ⵙ ⵢⵉⵙⵎ ⵏ ⵜⵎⴰⵣⵉⵔⵜ ⵉⵏⵓ, ⴷⴰ ⵙⵉⵎⵖⵓⵔⵖ ⵙ ⵓⵎⵢⴰⵡⴰⵙ ⵉⴷⵓⵙⵏ ⴰⴽⴷ ⴰⵢⵜⵎⴰⵜⵏⵖ ⴳ ⵍⵎⵖⵔⵉⴱ, ⵍⵍⵉ ⴷⵉⵜⵏⵖ ⵉⵜⵜⴰⵎⵓⵏ ⵉⵎⴰⵏ ⴰⴷ ⴷ ⵜⴰⵏⵏⴰⵢⵜ ⴰⴷ ⴳ ⵓⵙⴷⵓⵙ ⵏ ⵉⵣⴰⵍⵉⵡⵏ ⵏ ⵍⵉⵙⵍⴰⵎ ⴷ ⵜⵏⴰⴼⵓⵜ ⵏ ⵜⵎⵜⵜⵉ ⵜⵓⵙⵍⵉⵎⵜ.
*ⴰⵎⵙⵇⴰⴷ ⵏ ⵜⴳⵍⴷⵉⵜ ⵜⴰⵄⵕⴰⴱⵜ ⵜⴰⵙⴰⵄⵓⴷⵉⵜ ⵖⴰⵔ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ
