ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵙ ⵓⵣⵣⴳⵉⵔ ⵏ ⵜⴰⵔⴰⵜⵉⵏ ⴰⵜⵜⵓⵢⵏⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ, ⴰⵎⴰⵡⴰⵢ ⴰⵏⴰⴼⵍⵍⴰ ⴷ ⵓⵏⵙⵙⵉⵅⴼ ⵏ ⵜⵔⵙⴰⵍ ⵜⵉⵎⴰⵜⴰⵢⵉⵏ ⵏ ⵉⵎⵏⵖⵉ ⵏ ⵜⴰⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ, ⵜⴻⵜⵜⵓⵙⴽⴰⵔ ⴰⵙⵙ ⵏ ⵓⴽⵕⴰⵙ 05 ⵎⴰⵕⵚ ⴳ ⵜⵙⵉⵍⴰ ⵜⴰⵎⴰⴹⵓⵜ ⵜⴰⵎⵣⵡⴰⵔⵓⵜ ⴳ ⵙⵍⴰ, ⵉⵎⵓⵙⵙⵓⵜⵏ ⵏ ⵓⵙⵏⴱⴳⵉ ⵏ ⵜⵙⵓⴼⵖⵜ ⵜⴰⵎⵣⵡⴰⵔⵓⵜ ⵏ ⵚⴹⵉⵚⵜ ⵜⴰⵢⵍⴰⵍⵉⵏ ⵜⵉⵎⵏⵖⵉⵜⵉⵏ ⵙⴳ ⵡⴰⵏⴰⵡ ⵏ ⴰⴱⴰⵟⵛⵉ AH-64E
ⵜⵜⵓⵙⴽⴰⵔⵏ ⵉⵎⵓⵙⵙⵓⵜⵏ ⴰⴷ ⵙ ⵜⵉⵍⵉⵜ ⵏ ⵎⴰⵙⵙ ⵄⴱⵍⵍⴰⵟⵉⴼ ⵍⵓⴷⵢⵉ, ⴰⵎⴰⵡⵙⴰⵙ ⴰⵎⴰⵍⴰⵍ ⵖⵔ ⵓⵏⵙⵙⵉⵅⴼ ⵉⵜⵜⵓⵙⵎⴰⴳⴰⵍⵏ ⵙ ⵜⵎⵙⵙⵓⴳⵓⵔⵜ ⵏ ⵓⵎⵣⴰⵖ ⴰⵏⴰⵎⵓⵔ, ⴷ ⵎⴰⵙⵙ ⵕⵉⵢⴰⴹ ⵎⵣⵣⵓⵔ, ⴰⵎⴰⵡⵙⴰⵙ, ⴰⵎⴰⵡⵙⴰⵙ ⵏ ⵜⵎⴳⵓⵔⵉ ⴷ ⵓⵙⵖⵏⵣⵉ, ⴷ ⵎⴰⵙⵙ ⴼⴰⵡⵣⵉ ⵍⵇⵊⵄ, ⴰⵎⴰⵡⵙⴰⵙ ⴰⵎⴰⵍⴰⵍ ⵖⵔ ⵓⵎⴰⵡⵙⴰⵙ ⵏ ⵜⴷⵎⵙⴰ ⴷ ⵜⵥⵕⴼⵜ ⵉⵜⵜⵓⵙⵎⴰⴳⴰⵍⵏ ⵙ ⵜⵎⵙⴰⵙⵜⵍⵜ, ⴷ ⵜⵔⴰⴱⴱⵓⵜ ⵜⴰⵎⵣⵡⴰⵔⵓⵜ ⵎⵓⵃⴰⵎⵎⴰⴷ ⴱⵕⵉⴹ, ⴰⵎⴳⴳⵉⵡⵙ ⴰⵎⴰⵜⴰⵢ ⵏ ⵜⴰⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ ⴷ ⵓⵎⴰⵡⴰⵢ ⵏ ⵜⵙⴳⴰ ⵏ ⵢⵉⴼⴼⵓⵙ, ⴷ ⵜⵔⴰⴱⴱⵓⵜ ⵜⴰⵎⵣⵡⴰⵔⵓⵜ ⵎⵓⵃⵎⵎⴰⴷ ⵃⴰⵕⵎⵓ, ⴰⵎⴰⵡⴰⵢ ⵏ ⵜⵊⴹⵕⵎⵜ ⵜⴰⵏⴰⵎⵓⵔⵜ, ⴷ ⵜⵔⴰⴱⴱⵓⵜ ⵜⴰⵎⴰⴹⵓⵜ ⵎⵓⵃⵎⵎⴰⴷ ⴳⴷⵉⵃ, ⴰⵎⴳⴳⵉⵡⵙ ⵏ ⵜⴰⴳⴳⴰⵍⵉⵏ ⵜⵉⴳⵍⴷⴰⵏⵉⵏ ⵜⵉⵎⵓⴹⴰ, ⴷ ⵢⴰⵏ ⵓⴽⴰⴱⴰⵕ ⵙⴳ ⵎⵉⵔⵉⴽⴰⵏ ⵖⵓⵔ ⴰⵙⵡⵉⵔ ⵢⴰⵜⵜⵓⵢⵏ ⵙ ⵜⵏⵙⵙⵉⵅⴼⵜ ⵏ ⵓⵊⵉⵏⵉⵕⴰⵍ ⵎⴰⵢⴽⵍ ⵍⴰⵏⴳⵍⵉ, ⴰⵎⴰⵡⴰⵢ ⵏ ⵜⵏⴰⵔⴰ ⵜⴰⵙⵔⴷⴰⵙⵜ ⵜⴰⵎⵉⵔⵉⴽⴰⵏⵉⵜ ⴳ ⵜⴼⵔⵉⵇⵜ (ⴰⴼⵕⵉⴽⵓⵎ), ⴷ ⵎⴰⵙⵙⴰ ⵉⵎⵉ ⴽⵓⵜⵕⵓⵏⴰ, ⵉⴱⴷⴷⵏ ⵅⴼ ⵜⵡⵓⵔⵉⵡⵉⵏ ⵏ ⵜⵎⵙⵇⴰⴷⵜ ⵏ ⵎⵉⵔⵉⴽⴰⵏ ⴳ ⵍⵎⵖⵔⵉⴱ.
ⵜⴷⴷⴰ ⴷ ⵜⵎⵀⵍⵜ ⴰⴷ ⵏ ⵜⵎⵙⴰⵖⵜ ⵏ ⵜⴰⵢⵍⴰⵍⵉⵏ ⵏ ⴰⴱⴰⵟⵛⵉ ⴳ ⵓⴷⴰⵜⵉ ⵏ ⵜⴰⵔⴰⵜⵉⵏ ⴰⵜⵜⵓⵢⵏⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⵎⴰⵡⴰⵢ ⴰⵏⴰⴼⵍⵍⴰ ⴷ ⵓⵏⵙⵙⵉⵅⴼ ⵏ ⵜⵔⵙⴰⵍ ⵜⵉⵎⴰⵜⴰⵢⵉⵏ ⵏ ⵉⵎⵏⵖⵉ ⵏ ⵜⴰⴳⴳⴰⵍⵉⵏ ⵜⵉⵏⴰⴼⵉⵏ ⵜⵉⴳⵍⴷⴰⵏⵉⵏ, ⵉⵡⴰⵜⵜⵙⵏ ⴰⵙⵜⵔⴰⵔ ⵏ ⵜⴰⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ.
ⴰⵔ ⵉⵎⵎⴰⵍ ⵓⵖⴰⵡⴰⵙ ⴰⵙⵡⵉⵔ ⵏ ⵓⵎⵢⴰⵡⴰⵙ ⴷ ⵓⴷⵔⴰⵡ ⴰⵙⵜⵕⴰⵜⵉⵊⵉ ⴳⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵎⵉⵔⵉⴽⴰⵏ ⴳ ⵢⵉⴳⵔⴰⵏ ⵏ ⵜⵏⴼⵔⵓⵜ ⴷ ⵓⵎⵣⴰⵖ, ⵙ ⵎⴽⵍⵍⵉ ⵙ ⴰⵔ ⵉⵜⵜⴰⵡⵙ ⴳ ⵓⵙⴷⵓⵙ ⵏ ⵜⵣⵎⵎⴰⵔ ⵜⵉⵏⵎⵣⴰⵖⵉⵏ ⵏ ⵜⴰⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ.
ⵄⴱⴷⵍⵡⴰⵃⴷ ⴱⵓⵜⴱⴰⵖⴰ
