ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵉⴳⴰ ⴰⵖ ⴰⴷⴷⵓⵔ ⵏⴽⴽⵯⵏⵉ ⴰⵢⵜ ⵓⵙⵇⵇⵉⵎ ⴰⴳⵔⴰⵡⴰⵏ ⴷ ⵡⴰⵎⵓⵏ ⴰⵎⴰⴷⴰⵏ ⴷ ⵉⵎⵣⴷⴰⵖ ⴰⴽⴽⵯ ⵏ ⵜⵖⵊⵊⵉⵊⵜ ⴰⴷ ⴽⵯⵏ ⵏⵙⵏⵉⵎⵎⵔ ⴽⵉⴳⴰⵏ ⵅⴼ ⵜⵡⵡⵓⵔⵉ ⵏⵏⵓⵏ ⵏⵏⴰ ⵜⵙⴽⵔⵎ ⵉ ⵜⴳⵔⴰⵡⵜ ⴷ ⵉⵎⵣⴷⴰⵖ ⵏ ⵜⵖⵊⵊⵉⵊⵜ, ⵍⵍⵉⵖ ⵜⴳⴰⵎ ⴰⴷⴷⵓⵔ ⵉ ⵜⵡⵡⵓⵔⵉⵡⵉⵏ ⴷ ⵓⵎⵢⴰⵡⴰⵙ ⵏⵏⴰ ⵉⵍⵍⴰⵏ ⴳⵔⴰⵜⵏⵖ ⴰⴼⴰⴷ ⴰⴷ ⵜⴰⵡⵙⵎ ⴳ ⵉⵙⵏⴼⴰⵕⵏ ⵏ ⵓⵙⴳⵎⵉ ⴷ ⵜⵏⴼⵍⵉⵜ ⵏ ⵜⴳⵔⴰⵡⵜ ⵏⵏⵖ .
ⴰⵙⵏⴼⴰⵕ ⵏ ⵜⵓⵙⵖⴰ ⵏ ⴽⵕⴰⴹ ⵡⴰⵙⵙⴰⵢⵏ ⵉ ⵜⴳⵔⴰⵡⵜ ⵍⵍⵉⵖ ⵜⵓⵙⵉ ⵜⵎⵙⵎⵓⵏⵜ ⵜⴰⵎⴰⵙⴰⵢⵜ ⵏ ⵉⴼⵔⵔⵓⵜⵏ ⵏⵏⵙ ⴰⴽⴽⵯ ⵉⴳⴰ ⵢⴰⵏ ⵓⵎⴷⵢⴰ ⵏ ⵓⵎⵢⴰⵡⴰⵙ ⵉⴷⵓⵙⵏ ⵜⴻⵜⵜⵓⵙⴽⴰⵔ ⴰⵡⴷ ⵢⴰⵜ ⵜⵡⵡⵓⵔⵉ ⵏ ⵜⵉⴽⴽⵉ ⵏ ⵡⴰⵙⵙⴰⵢ ⴰⴷⵓⵙⴰⵏ , ⵎⴰⵢⴰⴷ ⴰⴽⴽⵯ ⴰⴷ ⵉⵎⵎⴰⵍⴰⵏ ⵜⴰⵡⵡⵓⵔⵉ ⴷ ⵜⵡⵉⵙⵉ ⵉⴷⵓⵙⵏ ⵏⵏⴰ ⵜⵙⴽⴰⵔⵎ ⵉ ⵜⵎⴰⵣⵉⵔⵜ ⵏⵏⵓⵏ ⴷ ⵜⴳⵔⴰⵡⵜ ⵏⵏⵓⵏ ⴰⴼⴰⴷ ⴰⴷ ⵜⵙⵎⴰⵜⵜⵉ ⵉⵎⵓⴽⵔⵉⵙⵏ ⵏ ⵜⵏⴼⵍⵉⵜ ⵏⵏⴰ ⵔⴰⴷ ⵢⵉⵍⵉ .
ⵉⴳ ⴰⵖ ⴰⴷⴷⵓⵔ ⵙ ⵜⵎⵍⴷⴰ ⴰⴷ ⴰⴷ ⴽⵯⵏ ⴱⴰⵀⵔⴰ ⵏⵙⵙⵉⵎⵖⵓⵔ ⴼ ⵜⵡⵡⵓⵔⵉⵡⵉⵏ ⵏⵏⵓⵏ ⴰⴽⴽⵯ ⵙⵍⴰⵡⴰⵏ ⴰⴽⴽⵯ ⴰⵏⵏⴰⵍ ⵏⵏⵓⵏ ⴰⴼⴰⴷ ⴰⴷ ⵜⴱⵓⵖⵍⵓ ⵜⵏⴼⵍⵉⵜ ⴳ ⵜⴳⵔⴰⵡⵜ ⵏ ⵜⵖⵊⵊⵉⵊⵜ .
ⵔⴰⴷ ⴰⴽⴽⵯ ⵏⵙⵏⵉⵎⵎⵔ ⵉⵏⴳⵎⴰⵎⵏ ⴷ ⵉⵎⵍⵜⴰⵖⵏ ⵏ ⵜⵎⵙⵎⵓⵏⵜ ⵏⵏⴰ ⵉⵍⵍⴰⵏ ⴳ ⴱⵕⵕⴰ ⴼ ⵜⵡⵡⵓⵔⵉⵡⵉⵏ ⵏⵏⵙⵏ ⵜⵉⵎⵇⵔⴰⵏⵉⵏ ⵏⵏⴰ ⴰⴽⴽⴰⵏ ⵉ ⵉⵎⵣⴷⴰⵖ ⴷ ⵜⴳⵔⴰⵡⵜ ⵏ ⵜⵖⵊⵊⵉⵊⵜ, ⵏⵙⵙⵓⵜⵔ ⴰⴷ ⵜⴱⵓⵖⵍⵓ ⵜⵣⴷⴰⵢⵜ ⴳⵔⴰⵖ ⴷⵉⴷⵓⵏ ⴳ ⵉⵎⴰⵍ .
ⴳ ⵜⴳⵉⵔⴰ ⴰⵔ ⴰⵡⵏ ⴰⴽⴽⵯ ⵏⵜⵜⴰⵣⵏ ⵢⴰⵏ ⵡⴰⵣⵓⵍ ⵉ ⴽⵓⵍⵍⵓ ⵉⵎⵍⵜⴰⵖⵏ ⴷ ⴰⵢⵜⵎⴰⵜⵏⵖ ⴰⴽⴽⵯ ⵏⵏⴰ ⵉⵍⵍⴰⵏ ⴳ ⴱⵕⵕⴰ ⵡⵉⵏⵏⴰ ⵢⵓⵙⵉⵏ ⴰⵏⵣⴳⵓⵎ ⵏ ⵜⵎⴰⵣⵉⵔⵜ ⵏⵏⵙⵏ .
ⴰⵥ ⴰⵜ ⵡⵓⵍ
ⴰⵙⴳⵎⴹ
ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⴰⴳⵔⴰⵡⴰⵏ
ⵊⴰⵎⵄ ⴰⵖⵔⴰⴱⵉ
