ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⴰⵙⵏⵜⵍ: ⴰⵙⵙⵍⵎⴷ ⵏ ⵜⵓⵜⵍⴰⵢⵜ ⵜⵓⵏⵚⵉⴱⵜ ⵉ ⵜⴰⵔⵡⴰ ⵏ ⵉⵎⵖⵔⵉⴱⵉⵢⵏ ⴳ ⵜⵎⵉⵣⴰⵔ ⵏ ⴱⵕⵕⴰ.
ⵎⴰⵙⵙ ⴰⵎⴰⵡⵙⴰⵙ
ⵜⵓⵣⵏⵎ ⵢⴰⵜ ⵜⴱⵔⴰⵜ ⵉ ⵜⵎⵀⵍⵉⵡⵉⵏ ⵜⵉⵏⵎⵏⴰⴹⵉⵏ ⵏ ⵜⵎⴰⵡⴰⵙⵜ ⵏⵏⵓⵏ ⵃⵎⴰ ⴰⴷ ⵉⵣⵔⵉ ⵉⵔⵉⵎ ⵏ ⵓⵙⵜⴰⵢ ⵏ ⵉⵙⵍⵎⴰⴷⵏ ⵏ ⵜⵓⵜⵍⴰⵢⵜ ⵜⴰⵄⵕⴰⴱⵜ ⴷ ⵜⴷⵍⵙⴰ ⵜⴰⵎⵖⵔⵉⴱⵉⵜ ⵉ ⵜⴰⵔⵡⴰ ⵏ ⵉⵎⵖⵔⵉⴱⵉⵢⵏ ⵍⵍⴰⵏⵉⵏ ⴳ ⵜⵎⵉⵣⴰⵔ ⵏ ⴱⵕⵕⴰ, ⵖ ⵡⴰⵢⵢⵓⵔ ⵏ ⵢⵓⵏⵢⵓ, ⴳⵉⵙⵏ 139 ⵉ ⴼⵕⴰⵏⵚⴰ, 60 ⵉ ⵚⴱⴰⵏⵢⴰ, 16 ⵉ ⴱⵉⵍⵊⵉⴽⴰ, 3 ⵉ ⴰⵍⵎⴰⵏⵢⴰ.
ⴰⵙⵉⵜⵜⵉ ⵏ ⵓⵙⵙⵍⵎⴷ ⵏ ⵜⵎⴰⵣⵉⵖⵜ ⴳ ⵓⵎⵏⵉⴷ ⴰⴷ ⵉⴳⴰ ⵜⵉⵎⵙⴽⵔⵜ ⵏ ⵓⵙⵏⵓⵃⵢⵓ ⵍⵍⵉ ⵉⴳⴰⵏ ⵎⴳⴰⵍ ⵏ ⵓⵎⵏⵏⵉ 5 ⵏ ⵓⴷⵓⵙⵜⵓⵔ ⵏ 2011 ⴷ ⵓⵙⵍⴳⵏ ⴰⵎⴰⴷⴷⴰⵙ ⵓⵟⵟⵓⵏ 26.16 ⴼ ⵓⵙⵎⵀⵍ ⵏ ⵓⴼⵔⵉⵙ ⴰⵎⴰⴷⴷⵓⴷ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ. ⵖⵎⴽ ⵍⵍⵉ ⵉⴳⴰ ⵎⴳⴰⵍ ⵏ ⵉⵎⵏⵏⵉⵜⵏ 7 ⴷ 8 ⵏ ⵜⵎⵢⴰⵇⵇⴰⵏⵜ ⵜⴰⴳⵔⴰⵖⵍⴰⵏⵜ ⵏ ⵉⵣⵔⴼⴰⵏ ⵏ ⵡⴰⵣⵣⴰⵏ ⴷ ⵉⵙⵖⵍⴰⴼ ⵏ ⵢⵓⵏⵉⵙⴽ ⴷ ⵍⴱⴰⵏⴽ ⴰⴳⵔⴰⵖⵍⴰⵏ ⴼ ⵎⴰⴷ ⵉⵥⵍⵉⵏ ⵙ ⵡⴰⵜⵉⴳ ⵏ ⵜⵓⵜⵍⴰⵢⵜ ⵜⴰⵢⵎⵎⴰⵜ ⴳ ⵓⵙⴳⵎⵉ ⵏ ⵜⴰⵣⵣⴰⵏⵉⵏ.
ⵏⵇⵍ ⴰⴷⵍⵍⵉ ⴰⴷ ⵜⴳ ⵜⵎⴰⵡⴰⵙⵜ ⵏⵏⵓⵏ ⵜⴰⵎⵣⵡⴰⵔⵓⵜ ⵍⵍⵉ ⵔⴰⴷ ⵉⴼⴽ ⴰⵎⴷⵢⴰ ⵖ ⵓⵎⵏⵉⴷ ⵏ ⵜⵣⵡⵉⵔⵉ ⴳ ⵓⵙⵎⵀⵍ ⵏ ⵓⴼⵔⵉⵙ ⴰⵎⴰⴷⴷⵓⴷ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵓⴳⵏⵙ ⵏ ⵓⵙⴳⵎⵉ ⴰⵏⴰⵎⵓⵔ, ⵙ ⵓⵙⵎⴰⵜⴰ ⵏ ⵓⵙⵙⵍⵎⴷ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵜⵓⵜⵍⴰⵢⵜ ⵜⴰⵎⴰⴷⴷⵓⴷⵜ ⵏⵜⵜⴰⵜ ⴷ ⵜⴰⵄⵕⴰⴱⵜ ⴳ ⵉⵙⵡⵉⵔⵏ ⵏ ⵓⵙⵙⵍⵎⴷ, ⵃⵎⴰ ⴰⴷ ⵢⵉⵍⵉ ⵓⵡⵇⵇⵔ ⵏ ⵓⵙⵍⴳⵏ ⴰⵎⴰⵜⵜⵓⵢ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵉⵏⴰⵡⵏ ⵏ ⵓⴳⵍⵍⵉⴷ , ⵉⴳ ⵓⵍⴰ ⵉⵎⵉⵙⵙ ⵏ ⵓⵙⴱⴷⴷⵉ ⵏ ⵜⴰⵔⵡⵍⴰ ⵙⴳ ⵜⵉⵏⵎⵍ ⵉⴳⴰⵏ ⵜⴰⵎⵓⴽⵔⵉⵙⵜ ⵉⵀⵔⵛⵏ ⵍⵍⵉⵖ ⴰ ⵜⵜⴼⴰⵖⵏ ⵜⵉⵏⵎⵍ ⵎⴰⴷ ⵉⴳⴰⵏ 300.000 ⵏ ⵡⴰⵣⵣⴰⵏ ⴽⵔⴰⵢⴳⴰⵜ ⴰⵙⴳⴳⵯⴰⵙ.
ⵖⵉⵍⴰⴷ ⵜⴳⵉⵜ ⴰⵏⵙⵙⵉⵅⴼ ⵏ ⵜⵉⵏⴰⵡⵜ ⵏ ⵉⵎⴰⵡⵙⴰⵙⵏ ⵏ ⵉⵡⴰⵏⴽⵏ ⵉⴼⵕⴰⵏⴽⵓⴼⵓⵏⵉⵢⵉⵏ ⴳ ⵜⵙⵓⵜⵍⵜ ⵜⵉⵙ 59 ⵉⵜⵜⵓⵙⵏⵎⴰⵍⴰⵏ ⴳ ⵕⵕⴱⴰⵟ ⴳ ⴱⵕⴰⵢⵕ 2022, ⴳ ⵏⵉⵜ ⵉⵍⵍⴰ ⵓⵏⵎⵓⵇⵇⴰⵔ ⴼ: “ⵜⵓⵜⵍⴰⵢⵜ ⵜⴰⵎⵣⵡⴰⵔⵓⵜ ⴷ ⵜⵓⵜⵍⴰⵢⵜ ⵏ ⵓⵙⵙⵍⵎⴷ, ⴰⵎⵓⵔⵙ ⴰⵏⵎⵍⴰⵏ ⴷ ⵜⵎⵢⵉⴷⵉⵔⵜ ⴳ ⵜⴰⵙⵓⵜ ⵜⵉⵙ 21”.
ⴳ ⵓⵎⵏⵉⴷ ⴰⴷ, ⵉⵙⴰⵡⵍ ⵓⵎⴰⵙⵙⴰⵏ ⵏ ⵜⵙⵏⵉⵍⵙⵜ ⴰⴼⵕⴰⵏⵚⴰⵡⵉ ⴱⵏⵟⵓⵍⵉⵍⴰ ⴳ ⵏⵓⵡⴰⵏⴱⵉⵔ 2019 ⴼ ⵜⵣⴷⴰⵢⵜ ⵏ ⵜⵓⵜⵍⴰⵢⵜ ⵏ ⵓⵙⵙⵍⵎⴷ ⴷ ⵡⴰⵔⵓⵎⵓⵔⵙ ⴰⵏⵎⵍⴰⵏ ⴷ ⵜⵄⴰⵎⵉⵜ.
ⴽⵯⵏⵏⵉ ⵏⵉⵜ, ⵜⵙⴰⵡⵍⵎ ⵖ ⵜⵡⵉⵜⵔ ⴼ ⵓⵎⵓⵔⵙ ⵏ ⵜⵉⵔⵎⵉⵜ ⵜⴰⵎⵖⵔⵉⴱⵉⵜ ⵏ ⵜⵉⵏⵎⴰⵍ ⵏ ⵎⴷⵔⴰⵙⵜⴽⵓⵎ ⵉⴹⴼⵕⵏ ⵜⵉⵎⵔⵙⵍⵜ ⵏ ⴱⵎⵙⴻ ⴱⴰⵏⴽ ⵏ ⴰⴼⵔⵉⵇⵢⴰ, ⵍⵍⵉ ⵎⵓ ⵜⵙⴽⵔⵎ ⴰⵔⵣⴰⴼ ⴳ ⴱⵓⵙⴽⵓⵔⴰ (ⵜⵉⴳⵎⵎⵉ ⵜⵓⵎⵍⵉⵍⵜ) ⴷ ⴱⵏⵉ ⵏⵚⴰⵕ (ⵏⵏⴰⴹⵓⵕ), ⵍⵍⵉ ⵙⵙⴽⵛⵎⵏⵉⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵜⴰⵢⵎⵎⴰⵜ ⴳ ⵓⵖⴰⵡⴰⵙ ⵏⵏⵙⵏ ⴰⵏⵎⵍⴰⵏ. ⵎⴰⵖ ⵉⵍⵍⴰ ⵓⵎⵓⴽⵔⵉⵙ ⵉⵖ ⵓⵔ ⵜⵙⵎⴰⵜⴰ ⵜⵎⴰⵡⴰⵙⵜ ⵜⵉⵔⵎⵉⵜ ⴰⴷ ⴳ ⵜⵉⵏⵎⵍ ⵜⴰⴳⴷⵓⴷⴰⵏⵜ ⴷ ⵉⵚⴰⵃⴰ ⵉ ⵜⴰⵣⵣⴰⵏⵉⵏ ⵜⴰⵔⵡⴰ ⵏ ⵉⵎⵖⵔⵉⴱⵉⵢⵏ ⵏ ⵜⵎⵉⵣⴰⵔ ⵏ ⴱⵕⵕⴰ ?
ⴳ ⴽⵟⵓⴱⵕ 2015, ⵜⵏⵏⴰ ⵜⵙⵇⵇⵉⵎⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵏ ⵜⵎⵜⵜⴰ ⵎⵓⵏⵏⵉⵏ, ⵎⴰⵙ ⵜⵙⴽⵔ ⵜⴳⵍⴷⵉⵜ ⵜⴰⵙⵔⵜⵉⵜ ⵏ ⵓⵙⵏⵓⵃⵢⴰ ⵎⵏⵉⴷ ⵏ ⵉⵎⴰⵣⵉⵖⵏ ⴳ ⵢⵉⴳⵔ ⵏ ⵓⵙⴳⵎ. ⵜⴻⵜⵜⵔ ⵉ ⵜⵏⴱⴰⴹⵜ ⵜⴰⵎⵖⵔⵉⴱⵉⵜ ⴰⴷ ⵜⵙⴽⵔ ⵢⴰⵜ ⵜⵙⵔⵜⵉⵜ ⵏ ⵓⵙⵖⵓⴷⵓ ⵏ ⵓⵙⵙⵍⵎⴷ ⵉⴱⴷⴷⵏ ⴼ ⵓⵙⵎⵔⵙ ⵏ ⵜⵓⵜⵍⴰⵢⵜ ⵜⴰⵢⵎⵎⴰⵜ ⴳ ⵓⵎⵏⵉⴷ ⵏ ⵓⵙⵙⵍⵎⴷ ⴰⵎⵣⵡⴰⵔⵓ ⴷ ⵓⵙⵉⵜⵜⵉ ⵏ ⵜⵄⴰⵎⵉⵜ ⴷ ⵓⵙⵉⵍⵖ ⴰⵣⵣⵓⵍⴰⵏ.
ⴳ ⵓⵎⵏⵉⴷ ⵏⵏⵙ, ⵍⵍⵉⵖ ⵏⵏ ⵜⴽⴽⴰ ⵎⴰⵙⵙⴰ ⵜⵉⵏⴷⴰⵢ ⴰⵛⵢⵓⵎ ⵜⵎⵏⴰⵇⵇⴰⵙⵜ ⵉⵥⵍⵉⵏ ⵏ ⵜⵎⵜⵜⴰ ⵎⵓⵏⵏⵉⵏ ⴼ ⵡⴰⵏⴰⵡⵏ ⵉⵎⴰⵢⵏⵓⵜⵏ ⵏ ⵓⵙⵏⵓⵃⵢⵓ ⴷ ⵓⵙⵏⵓⵃⵢⵓ ⴰⵥⵓⵕⴰⵏ ⴷ ⵜⴳⵣⵉⵏⵓⴼⵓⴱⵉⵜ ⴷ ⵡⴰⵔⴰⵎⵙⵓⵔⵓⴼ, ⵜⴰⴳⵍⴷⵉⵜ ⵏ ⵍⵎⵖⵔⵉⴱ ⴳ ⴷⵓⵊⴰⵏⴱⵉⵔ 2018, ⵜⵏⵏⴰ ⵎⴰⵙ ⵉⵍⵍⴰ ⵓⵙⵏⵓⵃⵢⵓ ⵎⵏⵉⴷ ⵏ ⵜⵓⵜⵍⴰⵢⵜ ⴷ ⵜⴷⵍⵙⴰ ⵜⴰⵎⴰⵣⵉⵖⵜ, ⵜⵖⵔ ⵉ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⵃⵎⴰ ⴰⵏⵏ ⵜⴳ ⴽⵉⴳⴰⵏ ⵏ ⵜⵓⴳⴳⴰⵙ ⴰⴼⴰⴷ ⴰⴷ ⵜⴻⵟⵟⵉⴼⵏ ⵉⵎⴰⵣⵉⵖⵏ ⴳⴰⵏⵉⵏ ⵓⵏⴳⵉⵙⵏ ⵏ ⵓⵙⵏⵓⵃⵢⵓ, ⴰⴷ ⵍⴽⵎⵏ ⵉⵣⵔⴼⴰⵏ ⵏⵏⵙⵏ ⵉⴷⵙⵍⴰⵏⵏ ⴳ ⵓⵎⵏⵉⴷ ⵏ ⵓⵙⴳⵎⵉ.
ⵏⴼⵔⴽ ⵎⴰⵙ ⴷ ⵜⵉⵏⴱⴰⴹⵉⵏ ⵍⵍⵉ ⵣⵔⵉⵏⵉⵏ ⴼ ⵉⵍⵍⴰ ⵓⴽⴰⴱⴰⵕ ⵏ ⵜⵣⵔⴼⵜ ⴷ ⵜⴳⵎⵉ ⵓⵔ ⵜⵜ ⵉⵡⵉⵏ ⵖ ⵉⵙⵖⵍⴰⴼ ⵏ ⵜⵎⵜⵜⴰ ⵎⵓⵏⵏⵉⵏ. ⵎⴰⵅⵅ ⵜⴹⴼⵕⵎ ⵜⴰⴱⵔⵉⴷⵜ ⵏⵏⵙⵏ ⵖ ⵓⵣⵎⵣ ⵖ ⵉⴱⴷⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴰⵎⵖⴰⵔ ⵄⴰⵣⵉⵣ ⴰⵅⵏⵓⵛ ⴼ ⵓⵙⵎⵀⵍ ⵏ ⵓⵙⵍⴳⵏ ⴰⵎⴰⴷⴷⴰⵙ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ?
ⵎⴰⵅⵅ ⵜⵙⵉⵜⵜⵉⵎ ⴰⵙⵙⵍⵎⴷ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵓⵖⴰⵡⴰⵙ ⵉⵥⵍⵉⵏ ⵙ ⵜⴰⵔⵡⴰ ⵏ ⵉⵎⵖⵔⵉⴱⵉⵢⵏ ⵏ ⵜⵎⵉⵣⴰⵔ ⵏ ⴱⵕⵕⴰ?
ⵔⴰⴷ ⵉⵙⴱⵔⵔⴽ ⵍⵎⵖⵔⵉⴱ ⴰⵏⵎⵓⵇⵇⴰⵔ ⴰⴳⵔⴰⵖⵍⴰⵏ ⵙ ⵓⵙⴳⵎⵉ ⵏ ⵉⵅⴰⵜⴰⵔⵏ ⵍⵍⵉ ⵔⴰⴷ ⵉⵜⵜⵓⵙⴽⵉⵔ ⵙ ⵜⵡⵉⵣⵉ ⵏ ⵢⵓⵏⵉⵙⴽⵓ ⵙⴳ 15 ⴰⵔ 17 ⵢⵓⵏⵢⵓ 2022 ⴳ ⵡⴰⵎⵓⵔ ⵏ ⵡⴰⴽⵓⵛ, ⵉⵇⵇⴰⵏ ⴷ ⴰⴷ ⵢⵉⵍⵉ ⵓⵎⴹⴰⴽⴰⵕ ⴼ ⵜⵉⵍⴰⵍⵜ ⵏ ⵜⵓⵜⵍⴰⵢⵜ ⵜⴰⵢⵎⵎⴰⵜ ⴳ ⵓⵙⵉⵜⵜⵉ ⵏ ⵜⵄⴰⵎⵉⵉⵜ.
ⵎⴰⵙⵙ ⴰⵎⴰⵡⵙⴰⵙ
ⵉⵖ ⵜⵔⴰⵎ ⴰⵎⵓⵔⵙ ⵏ ⵓⵖⴰⵡⴰⵙ ⵓⵏⴱⵉⴹ ⵉⵥⵍⵉⵏ ⵙ ⵓⵙⵙⵍⵎⴷ, ⵉⵇⵇⴰⵏ ⴷ ⵓⵙⵉⴷⴼ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵖ ⴽⵓ ⵉⵙⵡⵉⵔⵏ ⵏ ⵓⵙⴳⵎⵉ ⴰⵏⴰⵎⵓⵔ ⵙⴳ ⵓⵙⵙⵍⵎⴷ ⴰⵎⵏⵣⵓ ⴰⵔ ⵜⵙⴷⴰⵡⵉⵜ, ⵖⵎⴽ ⴰⵏⵏ ⵓⵍⴰ ⵖ ⵉⵖⴰⵡⴰⵙⵏ ⵥⵍⵉⵏⵉ ⵉ ⵉⵎⵖⵔⵉⴱⵉⵢⵏ ⵏ ⵜⵎⵉⵣⴰⵔ ⵏ ⴱⵕⵕⴰ ⴷ ⵉⵖⴰⵡⴰⵙⵏ ⵏ ⵓⵙⵉⵜⵜⵉ ⵏ ⵜⵄⴰⵎⵉⵜ ⵙ ⵓⵡⵇⵇⵔ ⵏ ⵉⵙⵖⵍⴰⵖ ⵏ ⵜⵎⵔⴰⵡⵜ ⵜⴰⴳⵔⴰⵖⵍⴰⵏⵜ ⵏ ⵜⵓⵜⵍⴰⵢⵉⵏ ⵜⵉⵎⵣⵡⵓⵔⴰ2022-2032 ⵍⵍⵉ ⵜⵕⵥⵎ ⵜⵎⴰⴷⴷⴰⵙⵜ ⵏ ⵢⵓⵏⵉⵙⴽⵓ ⵙ ⵜⵎⴷⵔⴰⵡⵜ ⵏ ⵜⴳⵎⴰⵎⵜ ⵏ ⵜⵎⵜⵜⴰ ⵎⵓⵏⵏⵉⵏ ⵄⵥⵍⵉⵏ ⵙ ⵜⵎⵙⴰⵔⵉⵏ ⵏ ⵉⵎⴰⴷⴰⵏⵏ ⵉⵎⵣⵡⵓⵔⴰ.
ⵎⴰⵙⵙ ⴰⵎⴰⵡⵙⴰⵙ
ⵏⵇⵍ ⵙⴳ ⴷⴰⵔⵓⵏ ⵙ ⵢⴰⵜ ⵜⵎⵔⴰⵔⵓⵜ ⴼ ⵉⵙⵇⵙⵉⵜⵏ ⵜⵜⴰⵡⵙⵎⵏⴰⴷⵏⵉⵏ, ⵏⴻⵏⵏⵓⵔⵣ ⴰⴷ ⵜⵙⴽⵔⵎ ⵢⴰⵜ ⵜⵙⵔⵜⵉⵜ ⴷ ⵢⵓⵙⴰⵏ ⵏ ⵓⵙⴱⴷⴷⵉ ⵏ ⵓⵙⵏⵓⵃⵢⵓ ⵎⵏⵉⴷ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵉⴳⴰⵏ ⵜⵓⵜⵍⴰⵢⵜ ⵜⵓⵏⵚⵉⴱⵜ. ⴰⵔ ⴰⵡⵏ ⵏⵙⵎⵏⵉⴷ ⵜⵉⵡⵏⵏⵉⵜⵉⵏ ⵏ ⵓⵣⵓⵍ ⴷ ⵓⵡⵇⵇⵔ.
