ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵉⵏⵏⴰ ⵓⵚⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ ⵎⴰⵙ ⴷ ⵜⵍⴽⵎ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⵢⴰⵜ ⵜⴱⵔⴰⵜ ⵙⴳ ⵓⵏⵙⵙⵉⵅⴼ ⵏ ⵜⵎⴰⵣⵉⵔⵜ ⵏ ⵍⴰⵍⵎⴰⵏ ⴼⵕⴰⵏⴽ ⵛⵜⵉⵏⵎⴰⵢⵔ, ⵜⴰⴱⵔⴰⵜ ⵖ ⵉⵙⴷⴷⵉⴷ ⴼ ⵉⵎⵓⴽⵏⵏ ⵅⴰⵜⵔⵏⵉⵏ ⵍⵍⴰⵏⵉⵏ ⴳ ⵍⵎⵖⵔⵉⴱ ⴷⴷⵓ ⵜⵏⴰⵔⴰ ⵏ ⵓⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ, ⵉⵙⵙⴽⵯⵜⵉ ⴷ ⴳⵉⵙ ⵓⵍⴰ ⴰⵙⵏⴰⵍ ⵏ ⵍⵎⵖⵔⵉⴱ ⵉⵙⵓⵍⵏ ⴷ ⵉⴷⵓⵙⵏ ⵏ ⵜⵣⵣⵉⴳⵣⵜ ⵉⵥⵉⵍⵏ ⵉⵍⵍⴰⵏ ⴳ ⵍⵎⵖⵔⵉⴱ.
ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵍⴰⵍⵎⴰⵏ ⵓⵍⴰ ⴳ ⵜⴱⵔⴰⵜ ⵏⵏⵙ ⵎⴰⵙ ⴰ ⵜⵥⵕⵕⴰ ⵍⴰⵍⵎⴰⵏ ⴰⵖⴰⵡⴰⵙ ⵏ ⵓⴱⴰⴹ ⴰⵏⵉⵎⴰⵏ ⵍⵍⵉ ⴷ ⵜⵉⵡⵉ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⵙⴳ 2007 ⴷ ⵜⵓⴳⴳⴰⵙ ⵉⵟⵟⴰⴼⵏ ⴰⵙⵖⵣⵏ ⵙⴳ ⵜⵙⴳⴰ ⵏ ⵍⵎⵖⵔⵉⴱ, ⵉⴳ ⵓⵍⴰ ⵜⴰⵔⵙⵍⵜ ⵃⵎⴰ ⴰⴷ ⵢⵉⵍⵉ ⵢⴰⵏ ⵓⵎⵙⴰⵙⴰ ⴼ ⵓⵎⵣⴰⵖ ⴰⴷ ⴰⵙⴳⴰⵡⴰⵏ.
ⵉⵙⴰⵡⴰⵍ ⵓⵏⵙⵙⵉⵅⴼ ⵏ ⵍⴰⵍⴰⵎⵏ ⵓⵍⴰ ⴼ ⵜⵓⴳⴳⴰⵙ ⵍⵍⵉ ⵜⵙⴽⴰⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵓⵎⵏⵉⴷ ⵏ ⵓⴼⵔⴰⴳ ⵏ ⵜⵏⴼⵔⵓⵜ ⴷ ⵓⴼⵔⴰ ⴳ ⵓⵙⵡⵉⵔ ⴰⵎⴰⴹⵍⴰⵏ.
ⴳ ⵜⴳⵉⵔⴰ, ⵉⵏⵏⴰ ⵓⵏⵙⵙⵉⵅⴼ ⴼⵕⴰⵏⴽ ⵛⵜⵉⵏⵎⴰⵢⵔ ⵉ ⵓⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵉⵙⴽⵔ ⵢⴰⵏ ⵓⵔⵣⴰⴼ ⵉ ⵜⵎⴰⵣⵉⵔⵜ ⵏ ⵍⴰⵍⵎⴰⵏ, ⵃⵎⴰ ⴰⴷ ⵢⵉⵍⵉ ⵓⵙⵕⵚⵓ ⵏ ⵜⵎⴷⵔⴰⵡⵜ ⵜⴰⵎⴰⵢⵏⵓⵜ ⵊⴰⵔ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴷ ⵍⴰⵍⵎⴰⵏ ⵜⴰⴼⵉⴷⵉⵕⴰⵍⵉⵜ.
