ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵉⵙⴷⴷⵉⴷ ⵓⵎⴰⵡⵙⴰⵙ ⵏ ⵜⵣⴷⴰⵢⵉⵏ ⵏ ⴱⵕⵕⴰ ⴳ ⵜⴳⴷⵓⴷⴰⵏⵜ ⵏ ⴷⴷⵓⵎⵉⵏⵉⴽⴰⵏ, ⵀⵓⴳⵓ ⴼⵕⴰⵏⵙⵉⵙⴽⵓ ⵔⵉⴼⵉⵔⴰ ⴼⵉⵔⵏⴰⵏⴷⵉⵣ, ⴰⵙⵙ ⴰⴷ ⵏ ⵓⵙⵉⵏⴰⵙ ⴳ ⵕⵕⴱⴰⵟ, ⵎⴰⵙ ⴷ ⵜⴰⵎⴰⵣⵉⵔⵜ ⵏⵏⵙ ⵜⵙⵎⴰⵢⵏⵓ ⴰⵏⵏⴰⵍ ⵏⵏⵙ ⵉ ⵜⴰⵎⵓⵏⵜ ⵜⴰⴽⴰⵍⴰⵏⵜ ⵏ ⵍⵎⵖⵔⵉⴱ.
ⵉⵙⵎⴰⵢⵏⵓ ⵎⴰⵙⵙ ⴼⵉⵔⵏⴰⵏⴷⵉⵣ, ⴳ ⵢⴰⵜ ⵜⵙⴳⵓⵔⵉ ⵉ ⵜⵏⵖⵎⴰⵙⵜ ⴹⴰⵕⵜ ⵏ ⵉⵎⴹⴰⴽⴰⵕⵏ ⵏⵏⵙ ⴷ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⴰⴱⵉⵢⵏ ⵣⴷⵖⵏⵉⵏ ⴳ ⴱⵕⵕⴰ, ⵏⴰⵚⵉⵕ ⴱⵓⵕⵉⵟⴰ, ⴳ ⵜⵎⵔⴰ ⵏ ⵓⴳⵔⴰⵡ ⴰⵎⴰⵡⵙⴰⵙ ⵎⵉ ⵢⴰⵜⵜⵓⵢ ⵓⵙⵡⵉⵔ ⵅⴼ ⵜⵎⵉⵣⴰⵔ ⵖⵓⵔ ⵜⵉⵏⵓⴷⴰⴼ ⵜⵉⵏⴰⵎⵎⴰⵙⵉⵏ, ⴰⵙⴷⴷⵉⴷ ⵏ ⵜⵉⵔⵉⵜ ⵏ ⵜⵎⴰⵣⵉⵔⵜ ⵏⵏⵙ ⴳ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴷⵉⵏⵔⴰⵏ ⴷ ⵜⴳⵍⴷⵉⵜ ⴳ ⵢⵉⴳⵔⴰⵏ ⴰⴽⴽⵯ.
ⴹⴰⵕⵜ ⵎⴰⴷ ⵉⵙⵏⵎⵓⵎⵎⵍ ⵉⵎⴹⴰⴽⴰⵕⵏ ⵏⵏⵙ ⴷ ⵎⴰⵙⵙ ⴱⵓⵕⵉⵟⴰ ⵙ ⵡⵉⴷ ⵉⴼⴽⴰⵏ ⵜⴰⵢⴰⴼⵓⵜ, ⵉⵙⴷⴷⵉⴷ ⵓⵍⴰ ⵓⵎⴰⵔⵉ ⵏ ⵓⵎⴰⵡⵙⴰⵙ ⵏ ⵜⵣⴷⴰⵢⵉⵏ ⵏ ⴱⵕⵕⴰ ⴳ ⵜⴳⴷⵓⴷⴰⵏⵜ ⵏ ⴷⴷⵓⵎⵉⵏⵉⴽⴰⵏ ⵅⴼ ⵜⵉⵏⴷⵉ ⵏ ⵜⵡⵓⵔⵉ ⴷ ⵍⵎⵖⵔⵉⴱ ⵉ ⵓⵙⵙⵉⵏⴼ ⵏ ⵉⵏⴰⵥⴰⵕⵏ ⵏⵏⴰ ⵉⵜⵜⵎⵏⴰⵍⴰⵏ ⴷ ⵜⴼⵔⵉⵇⵜ ⴷ ⵓⴽⴰⵕⴰⵢⴱⵉ ⴷ ⵎⵉⵔⵉⴽⴰⵏ ⵏ ⵢⵉⴼⴼⵓⵙ, ⵙⵍⴰⵡⴰⵏ ⴰⴽⴽⵯ ⴳ ⵢⵉⴳⵔⴰⵏ ⵏ ⵓⵙⵖⵍⵍⴰ ⴷ ⵓⵙⴳⵎⵉ ⴷ ⵜⵙⴱⴱⴰⴱⵜ.
ⵉⴽⵛⵎ ⵓⴳⵔⴰⵡ ⴰⴷ ⴰⵎⴰⵡⵙⴰⵙ ⵎⵉ ⵢⴰⵜⵜⵓⵢ ⵓⵙⵡⵉⵔ, ⵉⵏⵎⴰⵍⴰⵏ ⴷⴷⵓ ⵜⵎⴰⵜⴰⵔⵜ: « ⵉⴼⵙⵙⴰⵢⵏ ⵏ ⵉⵏⴰⵥⴰⵕⵏ ⵉⵏⴳⵎⴰ ⵏ ⵜⵎⵉⵣⴰⵔ ⵖⵓⵔ ⵜⵉⵏⵓⴷⴰⴼ ⵜⵉⵏⴰⵎⵎⴰⵙⵉⵏ ⴳ ⵓⵎⴰⴹⴰⵍ ⵉⵜⵜⵏⴼⴰⵍⵏ », ⴳ ⵓⵙⴰⵜⵉ ⵏ ⵜⵏⵙⵙⵉⵅⴼⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵉ ⵜⴳⵔⵓⵎⵎⴰ ⵏ ⵉⵎⴷⴷⵓⴽⴽⵯⴰⵍ ⵏ ⵜⵎⵉⵣⴰⵔ ⵖⵓⵔ ⵜⵉⵏⵓⴷⴰⴼ ⵜⵉⵏⴰⵎⵎⴰⵙⵉⵏ ⴳ ⵜⵎⵜⵜⴰ ⵉⵎⵓⵏⵏ, ⵏⵏⴰ ⵜⴼⵍⵙ ⵙⴳ 2023, ⴳ ⵓⵙⴰⵜⵉ ⵏ ⵜⵙⵓⵍⴰⵏⵜ ⵏ ⵓⵏⵄⴰⵕ ⵏⵏⵙ ⵅⴼ ⵜⵏⵓⴼⴰ ⵏ ⵜⵎⵉⵣⴰⵔ ⵜⵉⵎⵉⴳⵎⵉⵜⵉⵏ, ⵙ ⵓⵎⵙⴰⵙⴰ ⴷ ⵉⵥⵕⵉ ⵉⴼⴰⵡⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ, ⵉ ⵜⵡⵓⵔⵉ ⵜⴰⴳⵜⵉⵔⴰⵏⵜ ⵉⵎⵕⵡⵉ ⴷ ⵓⵎⵢⴰⵡⵙⴰⵏ.
ⴰⵙⵓⵖⵍ: ⵄⴱⴷⵍⵡⴰⵃⴷ ⴱⵓⵜⴱⴰⵖⴰ
