ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵢⵉⵡⵉⴷ ⵓⵏⵇⵉⵙ ⵏ ⵜⴰⴼⵉⴷⵉⵔⴰⵍⵉⵜ ⵜⴰⵎⵖⵔⴰⴱⵉⵜ ⵏ ⵓⵙⴼⵍⵙ ⵎⴰⵙⴷ ⵜⵙⵙⵎⵀⵍ ⴰⵏⴳⵔⴰⵡ ⵏ ⵓⵙⴼⵍⵙ ⵉ ⵓⵏⴳⵉⵙⵏ ⵏ ⵓⵏⴷⵉⴷⵉ ⴰⴷ ⵏⵏⴰ ⵎⵉ ⵖⵓⵔ ⵍⵍⴰⵏⵜ ⵜⵎⵖⵓⵏⵉⵏ ⵏ ⵓⵙⴼⵍⵙ ⵏⵏⴰ ⴷⵉⴽⵙⵏⵜ ⵉⴽⵛⵏ ⵓⵙⵎⴷⵍ ⴷⴰⵜ ⵏ ⵜⵍⴽⴰⵎⵉⵏ ⵏ ⵜⵎⵙⴰⵔⵉⵏ ⵜⵉⵡⴰⵖⵉⵜⵉⵏ, ⵜⵉⴳⵉⵔⴰ ⵏ ⵓⵎⴷⵓⴷⵉ ⵏ ⵍⵃⵓⵡⵣ ⵏⵏⴰ ⵢⵓⵜⵏ ⴰⵙⵙ ⵏ ⵓⵙⵉⵎⵡⴰⵙ 8 ⵛⵓⵜⴰⵏⴱⵉⵔ 2023.
ⵖⵎⴽⵍⵉ ⴷ ⵜⵉⵡⵉ ⴼ ⵜⴰⵍⴳⴰⵎⵜ ⵏ ⵜⵎⵖⵓⵏⵉⵏ ⵏⵏⴰ ⵢⴰⴽⴽⴰⵏ ⵉ ⵉⴷ ⴱⴰⴱⵏ ⵏⵏⵙ ⴰⵣⵔⴼ ⴳ ⵡⴰⵔⵔⴰⵣ ⴼ ⵉⵎⴰⵍⴰⴷⵏ ⵉⵎⴰⵜⵜⵉⵡⵏ ⴷ ⵉⵏⴼⴳⴳⴰⵏⵏ ⵏⵖⴷⴷ ⵙ ⵙⵙⵉⵏ, ⵙ ⵢⴰⵏ ⵓⵙⴽⴽⵉⵏ, ⴰⴷ ⵉⵍⵉⵏ ⴳ ⵢⴰⵜ ⴳ ⵜⵎⵏⴰⴹⵉⵏ ⵏⵏⴰ ⵉⵜⵜⵓⵙⵎⵀⵍⵏ ⵜⵉⵎⵏⴰⴹⵉⵏ ⵜⵉⵏⵎⵎⵏⴳⴰⵙⵉⵏ:
- ⵜⵉⵎⵖⵓⵏⵉⵏ ⵏ ⵓⵙⴼⵍⵙ ⵏⵏⴰ ⵉⴷⴷⴰⵍⵏ ⵉⵎⴰⵍⴰⴷⵏ ⴼ ⵡⴰⵢⴷⴰⵜⵏ, ⴰⵎ ⵓⵙⴼⵍⵙ ⴰⵎⵏⵏⴰⵡ ⵉⵎⵉⵣⵉⵜⵏ ⴼ ⵓⵣⴷⴷⵓⵖ, ⴰⵙⴼⵍⵙ ⴰⵎⵏⵏⴰⵡ ⵉⵎⵉⵣⵉⵜⵏ ⴼ ⵜⵎⴳⵓⵔⵉ ⴷ ⵓⵙⴼⵍⵙ ⴰⵎⵏⵏⴰⵡ ⵉⵎⵉⵣⵉⵜⵏ ⴼ ⵜⵙⴱⴱⴰⴱⵜ.
- ⵜⵉⵎⵖⵓⵏⵉⵏ ⵏ ⵓⵙⴼⵍⵙ ⴼ ⵜⵀⵉⵔⴰ ⵉ ⵉⵎⴰⵍⴰⴷⵏ ⵏⵏⴰ ⵉⵡⵜⵏ ⵜⵉⵀⵉⵔⴰ ⴷ ⵓⵍⴰ ⵉⵎⴰⵍⴰⴷⵏ ⵉⵏⴼⴳⴳⴰⵏⵏ ⵏⵏⴰ ⵉⵡⵜⵏ ⴱⴰⴱ ⵏ ⵜⵀⵉⵔⵉⵜ, ⴰⵔⴳⴰⵣ, ⵜⴰⵎⵟⵟⵓⵜ ⴷ ⵉⵛⵉⵔⵔⴰⵏ( ⴷ ⴰⵡⴷ ⵎⵛ ⵜⵍⵍⴰ ⵜⵎⵜⵜⴰⵏⵜ).
- ⵜⵉⵎⵖⵓⵏⵉⵏ ⵏ ⵓⵙⴼⵍⵙ ⵏⵏⴰ ⵉⴷⴷⴰⵍⵏ ⵜⴰⵎⵙⵜⴳⴳⴰⵔⵜ ⵜⵓⵖⵔⵉⵎⵜ ⴰⵎ ⵜⴰⵎⵙⵜⴳⴳⴰⵔⵜ ⵜⴰⵏⵎⵙⵡⵓⵔⵉⵜ ⵉ ⵉⵎⴰⵍⴰⴷⵏ ⵉⵏⴼⴳⴳⴰⵏⵏ ⵏⵏⴰ ⵉⵡⵜⵜⵏ ⵎⵉⴷⴷⵏ ⵢⴰⴹⵏⵉⵏ ⵉⵍⵍⴰⵏ ⴳ ⵡⴰⵎⵎⴰⵙ ⵏ ⵉⵏⵙⵉⵡⵏ ⵏ ⵜⵡⵓⵔⵉ ⵏⵏⴰ ⵉⴽⵛⵏ ⴳ ⵜⵎⵖⵓⵏⵉⵏ ⵏ ⵓⵙⴼⵍⵙ.
ⵜⵣⴰⵢⴷ ⵜⵜⴱⵔⵔⴰⵃ ⵜⴼⵉⴷⵉⵔⴰⵍⵉⵜ ⵜⴰⵎⵖⵔⴰⴱⵉⵜ ⵏ ⵓⵙⴼⵍⵙ ⵉ ⵉⵎⵙⵙⴼⵍⵙⵏ ⵏⵏⵙ ⴷ ⵎⵉⴷⴷⵏ ⵏⵏⴰ ⵖⵔⴰ ⵉⵙⴼⴰⵢⴷⵏ ⵣⵉ ⵜⵏⵓⴼⴰ ⵏ ⵡⴰⵔⵔⴰⵣ, ⵙⵎⵉ ⵉⵇⵇⴰⵏ ⴰⴷ ⴳⵏ ⵜⵉⵙⴳⵓⵔⵉⵡⵉⵏ ⵏⵏⵙⵏ ⴷ ⴰⴷ ⵙⵔⵙⵏ ⵜⵓⵜⵜⵔⴰⵜⵉⵏ ⵏ ⵡⴰⵔⵔⴰⵣ ⴳ ⵎⴰⴷ ⵓⵔ ⵉⵣⵔⵉⵏ 7 ⵏⵓⵡⴰⵏⴱⵉⵔ 2023.
ⵜⵙⵙⵉⵙⴼⵉⵡ ⵜⵏⴰ ⵎⴰⵙⴷ “ⵉⵎⵙⵙⴼⵍⵙⵏ ⴷ ⵎⵉⴷⴷⵏ ⵏⵏⴰ ⵖⵔⴰ ⵉⵙⴼⴰⵢⴷⵏ ⵏⵏⴰ ⵉⵙⵔⵙⵏ ⵢⴰⴷ ⵜⵉⵙⴳⵓⵔⵉⵡⵉⵏ ⵏⵏⵙⵏ ⴷ ⵜⵓⵜⵜⵔⴰⵜⵉⵏ ⵏⵏⵙⵏ, ⵓⵔ ⵖⵉⴼⵙⵏ ⵉⵍⵍⵉ ⴰⴷ ⵙⴽⵔⵏ ⴰⵡⴷ ⴽⵔⴰ ⵜⵖⴰⵡⵙⴰ ⵢⴰⴹⵏⵉⵏ”.
ⴰⵎⴰ ⵜⵉⵎⵙⵙⵏⵜⵉⵢⵉⵏ ⵏ ⵓⵙⴼⵍⵙ ⵔⴰⴷ ⵣⵎⵎⴻⵎⵏⵜ ⵏⵉⵛⴰⵏ ⵓⵏⴳⵉⵙⵏ ⵉⵎⵙⵙⴼⵍⵙⵏ ⵏⵏⴰ ⵉⵙⵔⵙⵏ ⵜⵓⵜⵜⵔⴰⵜⵉⵏ ⵏⵏⵙⵏ ⵏ ⵡⴰⵔⵔⴰⵣ ⴳ ⵡⴰⵔⵔⴰ ⴰⵏⴰⵎⵓⵔ ⵏ ⵓⵙⵉⴹⵏ, ⵜⵉⵎⵙⵙⵏⵜⵉⵢⵉⵏ ⴰⴷ ⴷ ⵉⵣⴹⵡⴰⵏ ⵏ ⵓⴱⵟⵟⵓ ⵏⵏⵙⵏⵜ ⴱⴷⴷⴰⵏⵜ ⴰⴼⴰⴷ ⵔⴰⵔⵏⵜ ⴼ ⵉⵙⵇⵙⵉⵏⵜ ⵏⵏⵓⵏ.
