ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵉⵏⵏⴰ ⵎⴰⵙⵙ ⵎⵓⵚⵟⴰⴼⴰ ⴱⴰⵢⵜⴰⵙ, ⴰⵎⴰⵡⵙⴰⵙ ⴰⵎⴰⵔⵉ ⵖⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⴰⵎⵙⵙⵉⵡⵍ ⵙ ⵢⵉⵙⵎ ⵏ ⵜⵏⴱⴰⴹⵜ, ⴳ ⵜⵉⵏⵏⴰⵡⵜ ⵏⵏⵙ ⵜⴰⵏⵎⵍⴰⵙⵜ ⴳ ⵓⵙⵖⵉⵎ ⵏ ⵍⴰⵎⴰⴱ ⴰⵙⵙ ⵏ ⵓⴽⵕⴰⵙ 17 ⵏⵓⵡⵏⴱⵉⵔ 2021 ⵎⴰⵙ ⵔⴰⴷ ⵜⵉⵍⵉ ⵜⵓⵜⵍⴰⵢⵜ ⵜⵎⴰⵣⵉⵖⵜ ⴳ ⵜⵉⵏⵏⴰⵡⵉⵏⵜ ⵜⵉⵏⵎⵍⴰⵙⵙⵉⵏ ⵍⵍⵉ ⵜⵙⴽⴰⵔ ⵜⵏⴱⴰⴹⵜ.
ⵢⵉⵏⵉ ⵎⴰⵙⵙ ⴱⴰⵢⵜⴰⵙ:”ⵏⴽⴽⵉⵏ ⴷ ⴰⵎⴰⵣⵉⵖ ⵉⵔⵉⵖ ⴰⴷ ⵢⵉⵍⵉ ⵓⵙⵎⵀⵍ ⵓⵏⵚⵉⴱ ⵏ ⵜⵎⴰⵣⵉⵖⵜ”.
ⵉⵙⴷⴷⵉⴷ ⵎⴰⵙⵙ ⴰⵎⴰⵡⵙⴰⵙ ⵎⴰⵙ ⵉⴳⴰ ⵓⵙⵎⵀⵍ ⵏ ⵓⴼⵔⵉⵙ ⵓⵏⵚⵉⴱ ⵏ ⵜⵎⴰⵣⵉⵖⵜ ⴳ ⵜⵎⵔⵙⵉⵡⵉⵏ ⵏ ⵜⵙⵎⵓⵏⵉ ⵜⵓⵏⴱⵉⴹⵜ, ⵉⴳ ⵓⵍⴰ ⴰⵙⵖⵡⵏ ⵓⵏⴱⵉⴹ, ⵙⵍⴰⵡⴰⵏ ⴰⴽⴽⵯ ⴳ ⵢⵉⴳⵔ ⵏ ⵜⵣⵔⴼⵜ ⴷ ⵓⵙⴽⵔ ⵏ ⵓⵎⵢⴰⵡⴰⴹ, ⴷ ⵓⵙⵉⴷⴼ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵢⵉⴳⵔ ⵏ ⵓⵙⵙⵍⵎⴷ ⴷ ⵓⵙⴳⵎⵉ ⴷ ⵓⵙⵎⵓⵜⵜⴳ.
ⵢⵉⵏⵉ ⵓⵍⴰ ⵎⴰⵙ ⵔⴰⴷ ⵉⵜⵜⵔⵙ ⵢⴰⵏ ⵓⵏⵛⴽ ⴰⵥⵕⴼⴰⵏ ⵙⴳ ⵜⵏⴱⴰⴹⵜ ⵃⵎⴰ ⴰⴷ ⵜⴼⴼⵓⵖ ⵜⵎⴰⵣⵉⵖⵜ ⵙⴳ ⵓⴼⵓⵍⴽⵍⵓⵕ ⵙ ⵓⴼⵔⵉⵙ ⴷ ⵓⵙⵡⵉⵔ ⵍⵍⵉ ⴷ ⴷⵉⴷⵙ ⵢⵓⵙⴰⵏ, ⵖⵎⴽ ⴰ ⵏⵏ ⴰⵙ ⵔⴰⴷ ⵜⵙⴽⵔ ⵜⵏⴱⴰⴹⵜ ⵙ ⵎⴰⴷ ⵜⵏⵏⴰ ⴳ ⵓⵎⵏⵉⴷ ⴰⴷ.
