ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵉⵙⴳⴳⵯⴰⵙⵏ ⴹⴰⵕⵜ ⵎⴰⴷ ⵉⴼⵍ ⵜⴰⵡⵊⵊⴰ, ⵉⵎⵎⴰⴳⴳⴰⵔ ⴱⵏ ⵎⴱⴰⵕⴽ ⴷ ⵓⵅⴰⵜⴰⵔ ⵏ ⵜⵡⵊⵊⴰ ⵏ ⵓⴹⴰⵕ ⴰⴱⵕⴰⵣⵉⵍⵉ ⴱⵉⵍⵉⵀ ⴳ ⵓⵔⵣⴰⴼ ⵏⵏⵙ ⵉ ⵍⵎⵖⵔⵉⴱ ⴰⵙⴳⴳⵯⴰⵙ ⵏ 1976, ⴳ ⵓⵏⵎⵓⵇⵇⴰⵔ ⴰⵏⵏ ⵉⵔⵣⴼ ⴱⵉⵍⵉⵀ ⴰⵔⵉⴽⵉ ⵏⵏⵙ ⵉ ⵓⵎⵓⵔⴰⵔ ⴰⵎⵖⵔⵉⴱⵉ, ⵙ ⴰⵢⵍⵍⵉ ⴷ ⵉⵡⵉⵏ ⵉⵎⴰⵙⵙⵏ ⵏ ⵓⵙⵏⵖⵎⵙ ⵉⴳⵔⴰⵖⵍⴰⵏⵏ ⵉⵏⵏⴰ ⵖⵉⴼⵙ ⴱⵉⵍⵉⵀ » ⵉⵖ ⴳⵉⵖ ⵏⴽⴽⵉ ⴰⴳⵍⵍⵉⴷ ⵏ ⵜⵡⵊⵊⴰ ⵏ ⵓⴹⴰⵕ, ⵀⴰ ⵏⵏ ⵍⵄⵕⴱⵉ ⴷ ⴰⴽⵓⵛ ⵏⵏⵙ »
ⵉⵍⵓⵍ ⵍⵄⵕⴱⵉ ⴱⵏ ⵎⴱⴰⵕⴽ ⴳ 16 ⵢⵓⵏⵢⵓ 1917 ⴳ ⵜⵖⵔⵎⵜ ⵏ ⵡⴰⵏⴼⴰ (ⵜⵉⴳⵎⵎⵉ ⵜⵓⵎⵍⵉⵍⵜ) ⵉⵎⵇⵇⵓⵔ ⴳⵉⵙ ⵉⴳ ⵉⴳⵉⴳⵍ ⴳ ⵡⴰⵎⵎⴰⵙ ⴰⵏⴰⵎⵓⵔ ⴰⵎⵥⵍⵓⴹ, ⵜⵉⵡⵉ ⵜⵜ ⴳⵉⵙ ⵉⵏⵏⴰⵙ ⵜⴰⵎⵇⵇⵔⴰⵏⵜ, ⵜⵙⵙⵉⵎⵖⵓⵔ ⵜ ⵉⴷ, ⵜⵉⵎⵙⵓⵜⴰⵍ ⵏ ⵜⵡⵊⴰ ⴰⴷ ⵜ ⵢⵓⵊⵊⴰⵏ ⴳ ⵓⵡⵜⴰⵢ ⴰⵎⵏⵣⵓ ⴰⴷ ⵉⴼⵍ ⵜⵉⵏⵎⵍ ⵉⴼⵜⵓ ⴰⴷ ⵉⵙⵡⵓⵔⵉ ⴳ ⴽⵔⴰ ⵏ ⵜⴰⵣⵣⵓⵍⵉⵏ ⵣⵓⵏ ⴷ ⵜⴰⵏⵙⵔⴰⵎⵜ.
ⵉⵙⵙⵏⵜⵉ ⵓⵎⵓⵔⴰⵔ ⴰⵄⵔⵔⵉⵎ ⴰⵙⴰⴽⴰ ⵏⵏⵙ ⵏ ⵜⵡⵊⵊⴰ ⴳ ⵉⵙⴳⵔⴰⵡⵏ ⵏ ⵜⵙⵡⴰⴽ, ⴷⴰⵜ ⴰⴷ ⵉⵎⵎⵓⵜⵜⵉ ⵙ ⵜⵔⴰⴱⴱⵓⵜ ⵏ ⵜⵎⵓⵏⵜ ⵜⴰⵎⵖⵔⵉⴱⵉⵜ ⴰⵙⴳⴳⵯⴰⵙ ⵏ 1934, ⵉⵣⵎⵔ ⴰⴷ ⵜ ⵢⴰⵡⵉ ⵙ ⵓⴳⵉⵔⴰⵏ ⵏ ⵓⴽⵔⵡⴰⵙ ⵏ ⵍⵎⵖⵔⵉⴱ ⵉ ⵜⵡⵊⵊⴰ ⵏ ⵓⴹⴰⵕ, ⴹⴰⵕⵏⵜ ⵏⵏⵙ ⵖⵔⴰⵏ ⴰⵙ ⵙ ⵉⵎⵙⵜⵉ ⴰⵏⴰⵎⵓⵔ ⴰⵙⴳⴳⵯⴰⵙ ⵏ 1937 ⵢⵓⵔⴰⵔ ⴰⵎⵏⴰⵍⴰ ⵏⵏⵙ ⴰⵎⵣⵡⴰⵔⵓ ⵎⴳⴰⵍ ⴼⵕⴰⵏⵙⴰ, ⵏⵔⵓⵏ ⵉⵎⵖⵔⴰⴱⵉⵢⵉⵏ ⵜⵉⵣⵉ ⴰⵏⵏ ⵙ ⴽⴽⵓⵥⵜ ⵜⵎⵙⵙⵡⵉⵜⵉⵏ ⵎⵏⵉⴷ ⵏ ⵙⵏⴰⵜ.
ⴰⵥⵥⵏⵥⵕ ⵏ ⴱⵏ ⵎⴱⴰⵕⴽ ⴳ ⵓⵎⵏⴰⵍⴰ ⴰⵏⵏ, ⵉⵍⴷⵉ ⴷ ⵙⵉⵙ ⵉⵎⵏⵉⴳⵏ ⵏ ⵜⵏⴼⴽⵉⵜⵉⵏ ⵉⴼⵕⴰⵏⵙⵉⵙⵏ ⴳ ⵍⵎⵖⵔⵉⴱ, ⵓⵔ ⵉⵣⵔⵉ ⵖⴰⵙ ⵢⴰⵏ ⵓⵙⴳⴳⵯⴰⵙ, ⵉⵜⵜⵓⵙⵙⵎⵉⵔ ⵡⴰⴷⴰⴼ ⵏⵏⵙ ⴰⵎⴰⴷⴷⵓⴷ ⵙ ⵜⵔⴰⴱⴱⵓⵜ ⵏ ⵎⴰⵕⵙⵉⵍⵢⴰ, ⵖⵉⴷ ⴰ ⵖ ⵔⴰⴷ ⵉⵙⵙⵏⵜⵉ ⵓⵙⴰⴽⴰ ⵏ ⵓⵎⵓⵔⴰⵔ ⵏⵏⵖ ⴳ ⵉⴱⴰⵔⴰⵣⵏ ⵉⵡⵕⵓⴱⴱⵉⵢⵏ ⴰⵎ ⴰⵎⵓⵔⴰⵔ ⴰⵎⵖⵔⵉⴱⵉ ⴰⴼⵔⵉⵇⵉ ⴰⵎⵣⵓⵣⵣⵍ.
ⵉⵡⵉⵔⵔⵉ ⴷ ⵓⵎⵓⵔⴰⵔ ⵏⵏⵖ ⵙ ⵜⵎⵙⵓⵜⴰⵍ ⵏ ⵉⵎⵏⵖⵉ ⴰⵎⴰⴹⵍⴰⵏ ⵡⵉⵙ ⵙⵉⵏ ⴰⴷ ⴷ ⵉⵡⵉⵔⵔⵉ, ⵉⵍⵙ ⴷⴰⵖ ⵉⵔⵉⴽⵉ ⵏ ⵜⵔⴰⴱⴱⵓⵜ ⵏⵏⵙ ⵜⴰⵣⴰⵢⴽⵓⵜ, ⴹⴰⵕⵜ ⵏⵏⵙ ⵉⵖⵔⴰ ⴰⵙ ⵓⵎⵙⵙⴰⵏⵓⵏ ⵏ ⵉⵎⵙⵜⵉ ⵏ ⴼⵕⴰⵏⵙⴰ ⵏ ⵜⵡⵊⵊⴰ ⵏ ⵓⴹⴰⵕ, ⴽⴰⵚⵟⵓⵏ ⴱⴰⵕⵓ, ⵉⴽⵛⵎ ⴷ ⵉⴼⵓⵍⵍⵓⵙⵏ (ⴼⵕⴰⵏⵙⴰ) ⵎⴰⵛⴰ ⵓⵔ ⵉⵔⵉ ⵜⴰⵖⵍⴰⵏⵜ ⵏⵏⵙⵏ.
ⵜⵉⵣⵉ ⵍⵍⵉ ⵖ ⵉⵏⵙⴰ ⵉⵎⵏⵙⵉ, ⵉⵡⵉⵔⵔⵉ ⵓⵎⵓⵔⴰⵔ ⴰⵎⵖⵔⵉⴱⵉ ⵙ ⴼⵕⴰⵏⵙⴰ, ⴷⴰⵔ ⵜⵔⴰⴱⴱⵓⵜ ⵏ » ⵙⵜⴰⴷ ⴰⴼⵕⴰⵏⵙⵉ » ⵖⵉⵏⵏ ⴰ ⵖ ⵉⵙⴳⵓⴷⵉ ⴰⵙⵙⵓⵙⵎ ⵉⵎⵓⵏⵏ ⴷ ⵓⵣⴰⵢⵍⴰⵍ ⵙ ⵓⵙⵡⵉⵔ ⵏⵏⵙ ⴱⴰⵀⵔⴰ ⵉⵎⵇⵇⵓⵔⵏ, ⵉⵣⵎⵔ ⴰⴷ ⵉⵙⵙⵓ 50 ⵏ ⵜⵎⵙⵙⵡⵉⵜ ⴳ 90 ⵏ ⵓⵎⵏⴰⵍⴰ, ⴰⵢⵍⵍⵉ ⵢⵓⵊⵊⴰⵏ ⵜⴰⵏⵖⵎⴰⵙⵜ ⵏ ⴼⵕⴰⵏⵙⴰ ⴰⴷ ⴰⵙ ⵜⴳ ⵉⵙⵎ ⵏ » ⵜⵎⵓⵣⵓⵏⵜ ⵜⴰⴱⵔⴽⴰⵏⵜ ».
ⵉⵎⵎⴰⵜⵜⵉ ⴱⵏ ⵎⴱⴰⵕⴽ ⵙ ⴰⵜⵍⵉⵜⵉⴽⵓ ⵎⴰⴷⵔⵉⴷ ⴰⵙⴳⴳⵯⴰⵙ ⵏ 1948 ⵎⵏⵉⴷ ⵏ 17 ⵎⵍⵢⵓⵏ ⴼⵕⴰⵏⴽ ⴰⴼⵕⴰⵏⵙⴰⵡⵉ.
ⵉⵎⵎⵓⵜ ⴱⵏ ⵎⴱⴰⵕⴽ ⵜⴰⵎⵍⵍⴰ ⵏ ⵕⴱⴱⵉ ⴼⵍⵍⴰⵙ 16 ⵛⵓⵜⴰⵏⴱⵉⵔ 1992 ⴳ ⵜⴳⵎⵎⵉ ⵏⵏⵙ ⴳ ⵡⴰⵏⴼⴰ.
ⴰⵙⵓⵖⵍ: ⵄⴱⴷⵍⵡⴰⵃⴷ ⴱⵓⵜⴱⴰⵖⴰ
