ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⴰⵎ ⵓⵢⵍⵍⵉ ⴰⵙⵏ ⵉⴳⴰ, ⵙ ⵜⵓⴼⵔⴰ, ⵃⵎⵎⵓ ⵓⵎⵓⵃⴰⵏⴷ, ⴰⵙⵍⵎⴰⴷ ⴳ ⵓⵖⵔⴱⴰⵣ ⵓⵣⵔⵓ, ⴳⴰⵏ ⵉⵛⵉⵔⵔⴰⵏ ⴰⵇⵢⵢⵍ, ⴰⵙⵙ ⵏ 5 ⴱⵔⴰⵢⵔ 1944, ⵙ ⵜⵜⴱⴷⴰⴷⵏ ⵜⴰⵎⴰ ⵏ ⵉⵎⴷⴷⵓⴽⵡⴰⵍ ⵏⵙⵏ, ⴱⴷⴷⵉⵏ ⵅⴼ ⵎⴰⵙ ⵉⵍⴰ ⴰⴷ ⵜⴰⵎⵥ ⵜⵎⴰⵣⵉⵔⵜ ⵜⵉⵍⵉⵍⵍⵉ ⵏⵙ, ⵉⵏⵉⵏ ⵉⵙ ⴷⴰⴷ ⴷⴷⵓⵏ ⴳ ⵓⵖⴰⵔⴰⵙ ⵉⵅⴰⵜⴰⵔⵏ ⵏⵙⵏ ⵎⵎⵓⵜⵏ ⵅⴼ ⵜⵎⴰⵣⵉⵔⵜ, ⵏⵣⵖⵏ ⴷ ⵉⴷⴼⵔⵉⵔ ⵍⵍⵉ ⵜⵏⴱⴰ ⴼⵔⴰⵏⵙⴰ ⴳ ⵜⴰⴱⴰⴷⵓⵍⵜ, ⴳ ⵓⴱⵔⵉⴷ ⵓⵎⴽⵏⴰⵙ, ⵍⵍⵉⴳ ⴽⴽⴰⵏ ⵉⵔⵓⵎⵎⵉⵢⵏ ⴰⵔ ⵜⵜⴰⵡⵉⵏ ⵉⵛⵉⵔⵔⴰⵏ ⴰⴷ ⵎⵥⵥⵉⵏ ⴰⴷ ⴰⵎⵓⵏ ⴽⵓ ⴰⵙⴳⴳⵡⴰⵙ (11 ⵏⵡⴰⵏⴱⵉⵔ) ⵉ ⵜⵎⴽⵜⵉⵜ ⵜⴰⵔⴰⵙⴰⵍⵜ ⵎⵉ ⵜⵙⵖⵉⵎⴰ ⴼⵔⴰⵏⵙⴰ ⴳ ⵜⴱⴰⴷⵓⵍⵜ. ⵜⴰⵎⵥ ⴰⵙⵏ ⵜⴰⵡⵏⴳⵉⵎⵜ ⵜⵉⵡⵍⴰⴼⵉⵏ, ⵍⵍⵉⴳ ⵙⵓⵍⵍ ⵎⵥⵥⵉⵏ, ⵏ ⵜⵎⵖⵔⵉⵡⵉⵏ ⴰⵔ ⵉⵜⵜⵡⴰⴳⴳⴰⵏ ⵅⴼ ⵉⵙⵎⴹⴰⵍ ⵡⵉⵍⵍⵉ ⵜⵜⵓⵏⵖⵉⵏⵉⵏ ⴰⵙⴳⴳⵡⴰⵙ ⵏ 193 .
«ⵉⵔⵓⵎⵎⵉⵢⵏ ⴷ ⵉⴷⴷⴰⵏ ⵙ ⴰⴽⴰⵍ ⴰⴷ , ⵉⵙⵉⵏ ⴰⵜ, ⴽⵓ ⵜⵉⵢⴷⵔⵜ ⵜⵎⴷⵊⵔⵎ, ⵜⵛⵛⵓⵔ ⵙ ⵉⴷⴰⵎⵎⵏ ⵏ ⴰⵢⵜ ⵎⴰⵜ ⵏⵖ ». ⴳ ⵓⴷⵖⴰⵔ ⵏⵙⵏ, ⴰⵙⵓⵏ ⴰⵙⴰⴼⵓ , ⴷ ⵏⵉⵜⵏⵉ ⴰⵔⴰⵡ ⵉⵎⵙⵓⴱⵔⵔ ⴰⴷ ⵉⵏⵉⵏ : «ⵓⵀⵓ ⵉ ⵓⵙⴷⵓⵔⵔⵢ ⴰⵙⴷⵔⴰⵙ, ⵓⵀⵓ ⵉ ⵜⵎⴰⵍⵍⴰⵖⵜ, ⵓⵀⵓ ⵉ ⵡⵙⵎⵎⴳⵣⴰⵍ ». ⴰⵔ ⵜⵜⴰⵔⵉⵏ ⵅⴼ ⵉⴳⵓⴷⴰⵔ, ⵙⴽⴽⵔ ⴰⴷⵉⴷⴰ, ⵜⴼⴰⴼⴰ ⵜⵡⵏⴳⵉⵎⵜ ⵖⵓⵔⵙ ⵉⴼⵔⴰⵅ ⴰⴷ, ⵎⵥⵥⵉⵏ. ⵃⵎⴰ ⴰⴷ ⵎⵎⴳⵔⴰⵡⵏ, ⴳ ⵄⴰⵔⵉ ⴰⴷ ⴰⵔⵉⵏ ⵢⴰⵜ ⵜⴱⵔⴰⵜ ⵉ ⴳⴰⴱⵔⵢⵉⵍ ⵊⵉⵔⵎⴰⵏ, ⴰⵙⵍⵡⴰⵢ ⵓⵖⵔⴱⴰⵣ ⴰⵎⴰⵣⵉⴹ ⴳ ⵓⵣⵔⵓ, ⴳ ⵜⵓⴼⵓⵖⵜ ⵏⵙⵏ ⵓⵃⵟⵟⵓⵏ ⵉⵔⵓⵎⵎⵉⵢⵏ, ⵎⵜⴰⵡⴰⵏ ⴰⴷ ⴰⵎⵓⵏ ⴳ ⵜⵖⵏⵙⴰ ⵓⴳⴷⵓⴷ.
ⴰⴷ ⵏⴼⵙⵔ ⵜⴰⴱⵔⴰ ⴰⴷ, ⵎⵖⴰⵔ ⵜⵍⴳⴳⵯⴰⵖ ⴳ ⵓⴳⵍⵉⵎ ⴷ ⵓⴳⵏⵙ ⵏⵙ .
«ⵉⵏⵍⵎⴰⴷⵏ ⵏ ⵓⵖⵔⴱⴰⵣ ⵓⵣⵔⵓ»
ⵉ ⵎⴰⵙⵙ ⴰⵙⵍⵡⴰⵢ ⵏ ⵓⵖⵔⴱⴰⵣ ⵓⵣⵔⵓ
ⵎⴰⵙⵙ ⴰⵙⵍⵡⴰⵢ
ⴰⵎ ⵓⵢⵍⵍⵉ ⴳ ⴷⴷⴰⵏ ⵉⵎⴷⴷⵓⴽⵡⴰⵍ ⵏⵙⵏ ⴳ ⵜⵉⵎⵙⴽⵉⵡⵉⵏ ⴹⵏⵉⵏ ⵏ ⵜⵖⵓⵔⵉ ⵊⴰⵊ ⵏ ⵜⵎⴷⵉⵏⵉⵏ, ⵉⵏⵍⵎⴰⴷⵏ ⵓⵖⵔⴱⴰⵣ ⵓⵣⵔⵓ, ⵉⵎⵎⴳⵔⴰⵡⵏ, ⵙⵙⵎⴷⵓⵏ ⵉ ⵜⴼⴳⴰⵏⵉⵜ , ⴰⴷ ⵇⵢⵢⵉⵍ, ⵙ ⵖⴰ ⴰⵎⵓⵏ ⴳ ⵜⵖⵏⵙⴰ ⵢⵜⵜⴳ ⵓⴳⴷⵓⴷ ⴰⵎⵔⵔⵓⴽⵉ, ⵃⵎⴰ ⴰⴷ ⵢⴰⵡⴹ ⵖⵔⵙ ⵉⵣⵔⴼⴰⵏ ⵉⵙⵔⵜⴰⵏ, ⵉⴷⴰⵎⵙⴰⵏⵏ ⴷ ⵉⵏⴰⵎⵓⵏⵏ.
ⵏⵔⴰ ⴼⵔⴰⵏⵙⴰ, ⵉⴷⴷⵖ ⵏⵜⵜⴰⵜ ⴷ ⵜⵎⵓⵔⵜ ⴰⵖ ⵉⵙⵙⵍⵎⴷⵏ ⴰⴷ ⵏⵉⵙⵉⵏ ⵜⵉⵎⵢⵓⵔⵉⵏ ⵏ 1789, ⵉⴳⴰⵏ ⵜⵉ ⵏⵙ, ⵉⵎⵉⵍ ⵏⵔⴰ ⴰⵍⵜⵓ, ⵎⵔⵔⵓⴽ, ⵉⴷⴷⴹ ⵏⵜⵜⴰ ⴰⵢⴷ ⵉⴳⴰⵏ ⵜⴰⵎⵓⵔⵜ ⴰⵖ ⴷ ⵢⵓⵔⵓⵏ, ⴷ ⵉⵍⴰ ⵖⵉⴼ ⵏⵖ ⴰⴷ ⵏⴰⴼⴼ, ⵍⵍⵉⴳ ⵖⴰ ⵏⴰⵎⵓ ⴳ ⵜⵙⴳⴰ ⵏ ⵜⵣⵎⴰⵔ ⵜⵉⴷⵔⴼⴰⵏⵉⵏ, ⵖⴰ ⵢⴳⵉⵏ ⵢⴰⵏ ⵓⵎⵓⵔ ⴳ ⵜⵍⵉⵍⵍⵉ.
ⵜⵓⴷⵔⵜ ⵉ ⴼⵔⴰⵏⵙⴰ ⵜⴰⴷⵔⴼⴰⵏⵜ, ⵜⵓⴷⵔⵜ ⵉ ⵎⵔⵔⵓⴽ ⴰⴷⵔⴼⴰⵏ ⵜⵓⴷⵔⵜ ⵉ ⵓⵎⵇⵔⴰⵏ ⴰⴳⵍⵍⵉⴷ, ⴰⴷ ⵉⴱⵓⴱÄ ⵉⵙⵙⵎⴹⵓⵔ ⵔⴱⴱⵉ ⴰⴷⴷⵓⵔ ⵏⵙ»
ⵜⴰⴱⵔⴰⵜ ⴰⴷ, ⵜⵍⴰ ⵖⵉⴼ ⵏⴹ ⴰⴷ ⵏⵙⵔⵙ ⵖⵉⴼⵙ ⵢⵉⵜⵙ ⵏ ⵜⴰⵏⵏⴰⵢⵉⵏ:
ⴳ ⵢⴰⵜ ⵜⵙⴳⴰ, ⴰⴷⴷⴰⵢ ⵏⵙⵏⵓⵛⵛⴳ ⴰⵎⵣⵔⵓⵢ ⴰⵏⴰⵎⵓⵏ ⵏ ⵜⵎⵉⵣⴰⵔ ⵉⵎⵙⴷⵓⵔⵔⵓⵢⵏ, ⵏⵖⴷ ⵜⴰⵍⵍⵉ ⵏ ⵓⵎⵍⴰⵏ ⵉⵣⵓⴳⴰⵣ, ⴷ ⵜⵉⵏ ⵜⵖⵓⵔⵉ ⵉⵙⵎⵓⵜⵜⵓⵢⵏ ⵜⴰⵏⴰⵎⵓⵏⵜ. ⴰⵄⵓⵜⵔⵉⵔ ⴷ ⵡⵏ ⵉⵙⵙⵏ ⴰⴷ ⵉⵙⵎⵓⴷⴷⵓ ⵜⵓⴷⵔⵜ ⵜⴰⵏⴰⵎⵓⵏⵜ, ⵉⵍⵉⵏ ⵜⵜ ⵖⵓⵔⵙ ⵜⵙⵓⵔⴰ ⵏ ⵜⵓⵙⵙⵏⴰ, ⵙ ⵉⵣⴹⴰⵔ ⴰⴷ ⵢⵉⵙⵉⵏ ⴰⵎⴰⴹⴰⵍ ⴷ ⵜⵎⵓⴽⵔⵉⵙⵉⵏ ⵏⵙ.
ⵣⴳ ⵜⵙⴳⴰ ⵢⴰⴹ, ⵙⵏⴰⵜ ⵏ ⵜⵏⴳⵎⴰ ⵜⵉⵔⴰⵙⴰⵍⵉⵏ, ⵜⴰⵎⵣⵡⴰⵔⵓⵜ, ⵜⴳⴰ ⵜⵉⵏ ⵜⴰⵍⵍⵉ ⴳ ⵜⵜⵡⴰⴳⴳ ⵜⴱⵔⴰⵜ ⴰⴷ, ⵍⵍⴰ ⴷⵉⴳⵙ ⵜⵜⵉⵏⵉⵏ ⵉⵎⵇⵢⵢⵉⵍ, ⵉⵙ ⴰⴷ ⴰⵎⵓⵏ ⴳ ⵓⵙⵙⵍⵎⴷ ⴷ ⵉⵙⵙⴳⵎⵉ ⴳ ⵉⵍⵎⵙⵉⴷⵏ ⴷ ⵙⴽⵡⵉⵍⴰⵜ ⵜⵓⵙⵍⴰⴳⵉⵏ, ⵃⵎⴰ ⴰⴷ ⵙⵙⵎⵖⵓⵔ ⴰⵎⵓⵙⵙⵓ ⴰⴳⴷⵓⴷⴰⵏ ⴳ ⵉⵏⵉⵖⵉ ⵏⵙ ⵅⴼ ⵉⵣⵔⴼⴰⵏ ⵉⵙⵔⵜⴰⵏⵏ.
ⵜⵉⵙⵙ ⵙⵏⴰⵜ, ⵜⴳⴰ ⵜⵉⵏ ⵜⴰⵍⵜⵜⴰⵖⵜ ⴳ ⵡⴰⵜⵉⴳⵏ ⵉⵎⴹⵍⴰⵏ ⴳ ⵙⴽⵡⵉⵍⴰⵜ ⵉⵔⵓⵎⵎⵉⵢⵏ, ⵉⴳⴰⵏ ⵜⴰⵢⵔⵉ ⵏ ⵜⵎⵓⵔⵜ ⴷ ⵜⵉⵏ ⵓⵎⵜⴰⵡⴰ ⴷ ⵜⴰⵢⵎⴰⵜ, ⵜⵙⵙⵖⵔⴰ ⵜⵖⵡⵡⴰⵖⵜ ⵏ 1789. ⵙ ⵢⵉⵙⵎ ⵏ ⴰⵜⵉⴳⵏ ⴰⴷ ⵉⵜⵜⵓⵣⵎⵎⵏ ⴳ ⵉⴱⵔⵉⵒⵏ ⵉⵎⴰⴹⵍⴰⵏ , ⵉⵣⵔⴼ ⵓⵎⴰⴷⴰⵏ ⴷ ⵡⵉⵏ ⵜⵎⴰⴷⴰⵏⵉⵜ, ⵉⵜⴳⴳⵉⵏ ⵜⵉⵎⵙⴱⵓⵏⴰ, ⵎⴰⵛⵉ ⵖⴰⵙ ⵅⴼ ⵓⵣⴷⴷⵓⵢ ⴷ ⵜⵎⴰⵣⵉⵔⵜ ⵏⵙⵏ, ⵎⴰⵛⴰ ⴰⵡⴷ ⵓⵣⴷⴷⵓⵢ ⴷ ⴼⵔⴰⵏⵙⴰ.
ⴰ ⵏⴷⴷⵓ ⵖⵓⵔ ⴷⴰⵜ, ⵎⵛ ⵏⵙⵎⵓⵇⵍ ⴳ ⵜⴱⵔⴰⵜ, ⵉⵙ ⵣⵣⵉⴳⵙ ⵜⵜⵓⵙⴼⴹ ⵜⵎⴰⵡⴰⵍⵜ «ⴰⵎⴰⵣⵉⵖ», ⵙ-ⵓⵎⴰⵜⴰ ⵣⴳ ⵢⵉⵙⵎ ⵓⵖⵔⴱⴰⵣ ⴷ ⵡⵉⵏ ⵓⵙⵍⵡⴰⵢ ⵏⵙ, ⵓⵔ ⴳⵉⵏ «ⴰⵖⵔⴱⴰⵣ ⴰⵎⴰⵣⵉⴹ ⵓⵣⵔⵓ». ⵉⵙ ⴷ ⵙⵜⵉⵜ, ⵉⵙ ⵓⵔ ⵔⵉⵏ ⴰⴷ ⴳⵉⵏ ⵉⵙⵎ ⴰⴷ, ⵉⴷⴷⵖ ⵓⵔ ⵔⵉⵏ ⴰⴷ ⴳⵉⵏ ⴰⵣⵉⵍⴰⵍ ⴳⵔ ⵙⴽⵡⵉⵍⴰⵜ ⵜⵉⵎⵓⵙⵍⵎⵉⵏ ⴷ ⵜⵉⵍⵍⵉ ⵉⵎⴰⵣⵉⵖⵏ ?.
ⴰⵎ ⵓⵢⵍⵍⵉ ⴷ ⵢⵉⵡⵉ ⵎⵓⵃⴰⵎⴷ ⴱⵏⵀⵍⴰⵍ. ⴷⴰⴷ ⴰⵢⴷ ⵜⴽⵛⵛⵎ ⵜⴰⴷⵢⵓⵍⵓⵊⵉⵜ ⴰⵎⴰⵡⴰⵍ ⵉⵜⵡⴰⴳⴳⵏ, ⵢⵓⴷⵊⴰ ⵢⵉⵜⵙ ⴰⴷ ⴷⴷⵓⵏ, ⴰⵔ ⵖⴰⵍⵍⵏ, ⵉⵙ ⵓⵔ ⵔⵉⵏ ⵉⵎⴰⵣⵉⵖⵏ ⴰⴷ ⴳⵉⵏ ⵉⴷⴼⵔⵉⵔ ⵏ ⴳⵓⵎ, ⵉⵎⵉⵍ, ⵉⵡⵉⵏ ⴷ ⵣⴳ ⵓⵢⵍⵍⵉ ⵍⵎⴷⵏ ⴳ ⵓⵖⵔⴱⴰⵣ, ⴰⴷ ⵉⵙⵙ ⵡⵜⵏ ⵉⵔⵓⵎⵎⵉⵢⵏ, ⵣⵔⴽⵜⵉⵏ ⴼⵔⴰⵏⵙⴰ ⴰⵙⵏ ⵉⵙⵙⵍⵎⴷⵏ ⴰⵢⵏⵏⴰ ⵅⴼ ⵙⴽⵡⵉⵏ ⵜⴰⵖⵏⵙⴰ ⵏⵙⵏ, ⵉⵔⵉⵏ ⵉⵙⵙ ⵜⵉⵍⴻⵍⵍⵉ ⵉ ⵜⵎⴰⵣⵉⵔⵜ ⵏⵙⵏ ⵎⵔⵔⵓⴽ.
ⵜⴰⵎⵙⴱⴰⵏⵉ ⵢⴰ, ⵜⵓⵛⴰ ⵜⵉⵎⵉⵜⴰⵔ ⵉ ⵢⵔⵓⵎⵎⵉⵢⵏ, ⵉ ⵓⵢⵍⵍⵉ ⴰⵙⵏ ⵜⴳⴳⵉⵏ ⵉⵇⴱⴰⵢⵍⵉⵢⵏ.
ⴷⴰⵔⵜ ⵉ ⵜⴱⵔⴰⵜ ⵍⵍⵉ ⵓⵣⵏ ⵉⵛⵉⵔⵔⴰⵏ ⵉ ⴳⴰⴱⵔⵢⵍ ⵊⵉⵔⵎⴰⵏ, ⵜⵡⴰⴳⴳⵏ ⵉⵛⵉⵔⵔⴰⵏ ⵍⵄⵓⵔⵏⵏ, ⵉⴽⵛⵛⵎ ⵓⴷⴼⵔⵉⵔ ⵖⵓⵔⵙ ⴰⵖⵔⴱⴰⵣ, ⵃⵎⴰ ⴰⴷ ⵉⵜⵜⵓⵔⴳⵍ ⴰⵙⴳⴹⴰⵙ ⵎⴰⴳⵍ ⴰ, ⵜⵜⵓⴳⵔⵉⵏ ⵉⵛⵉⵔⵔⴰⵏ ⵏ 14 ⴰⵔ 16 ⵓⵙⴳⴹⴰⵙ ⴳ ⵜⴱⵏⵉⵇⵉⵏ ⵜⵉⵃⴱⵛⴰⵏⵉⵏ, ⵉⴱⵍⵓⴱⵍⵍ ⵙ ⵡⴰⵎⴰⵏ.ⴰⵔ ⵏⵣⵣⵖⵏ ⵣⴳ ⵜⴱⵏⵉⵇⵉⵏ ⴹⵔ ⵜⵉⵢⴰⴹ ⵅⴼ ⵉⴷⴰⵔⵔ. ⵍⵍⴰⵏ ⴷⵉⴳⵙⵏ ⵡⵉⵙⵙ ⵉⴷⴷⴰⵏ ⵓⴳⴰⵔ ⵏ 80 ⴽⵎ ⵖⴰⵙ ⵅⴼ ⵓⴷⴰⵔ, ⵃⴹⵓⵏ ⵜⵏ ⵉⵎⵏⴰⵢⵏ. ⵣⴳ ⵉⵛⵉⵔⵔⴰⵏ ⵉⵜⵜⵓⵏⵣⴹⵏ ⵅⴼ ⵉⵄⴷⴷⵉⵙⵏ, ⴰⴷ ⴽⴽⵉⵏ ⴷⴰⵜ ⵓⵏⵣⵣⴰⵔⴼⵓ, ⵜⵜⵓⵅⴱⴹⵏ ⵙ ⴽⵉⴳⴰⵏ ⵉⵢⵓⵔⵏ ⵓⴽⵔⴰⴼ (ⵉⵏⵢⵔ 8 ⴷ 12 ⵓⵢⵓⵔ), ⵟⴰⵍⵉ ⵎⵓⵃⴰⵎⴷ ⵓⵃⴷⴷⵓ, ⵉⴳⴰ ⴷⴰⵔⵜ ⵓⵢⵏ ⴰⵏⴼⵍⵓⵙ ⴳ ⵓⵖⴰⵍⵉⴼ ⵓⴳⵏⵙ ⴳ ⵓⵣⵎⵣ ⵏ ⵜⵏⴱⴰⵟ ⵏ ⵃⴰⵙⴰⵏ ⵡⵉⵙⵙ-ⵙⵉⵏ, ⵍⵄⵢⴰⵛⵉ ⵎⵓⵍⵓⴷ ⵓⵍⵃⵙⵏ, ⵖⴰ ⵢⴳⵉⵏ ⴰⵏⵣⵣⴰⵔⴼⵓ ⴷⴰⵔⵜ ⵓⵢⵏ ⴳ ⵜⴰⵀⵍⴰ, ⴱⵔⵟⴰⵍⵉ ⴱⵏⵃⴷⴷⵓ ⵓⵍⵃⵙⵏ, ⵍⵇⴰⵢⴷ ⵏ ⵅⵏⵉⴼⵔⴰ ⴷⴰⵔⵜ ⵓⵢⵏ, ⴷⵡⵉⵔⵉ ⵍⵃⴱⵉⴱ ⴱⵏⵃⵎⵎⵓ ⵓⵢⵉⴷⵣⵔ, ⴰⵏⵣⵣⴰⵔⴼⵓ ⵏ ⴱⵏⵃⵎⴰⴷ ⴷⴰⵔⵜ ⵓⵢⵏ.ⵓⵛⵢⴰ ⵄⵍⵍⴰ ⵓⵎⴱⴰⵔⵛ, ⴰⵏⵣⵣⴰⵔⴼⵓ ⴷⴰⵔⵜ ⵓⵢⵏ ⴳ ⴱⵏⵉⵍⵏⵜ, ⵃⴰⵙⴰⵏ ⴱⵏ ⵎⵓⵃⴰⵎⴷ ⴰⵣⵎⵎⵓⵔⵉ, ⴰⵎⵣⵎⵎⵉⵎ ⴰⵇⴱⵓⵔ ⵏ ⵓⵡⴰⵏⴰⴽ ⵓⴳⵏⵙ, ⴷ ⵓⵏⴹⵍⴰⴼ ⴰⵇⴱⵓⵔ ⵏ ⵜⴽⵔⵣⴰ, ⴷ ⵃⵓⵙⴰⵢⵏ ⵃⴰⴷⵊ ⵃⵎⵎⵓ.
ⵢⵉⵜⵙ ⴹⵏⵉⵏ ⴳ ⵉⵏⵍⵎⴰⴷⵏ ⵉⵇⴱⵓⵔⵔ ⵓⵣⵔⵓ, ⴽⴽⴰⵏ ⴳ ⵓⵣⵎⵣ ⵍⵍⵉ, ⴳⴰⵏ ⵉⵅⴷⴷⴰⵎⵏ ⴳ ⵜⴷⴱⵓⵍⴰ ⵏ ⴼⵔⴰⵏⵙⴰ, ⵜⵡⴰⵎⵥⵏⵏ ⴰⵡⴷ ⵏⵉⵜⵏⵉ, ⵉⴷⴷⵖ ⴰⵎⵓⵏ ⴳ ⵉⴳⵔⴰⵡⵏ ⴰⵔ ⵉⵜⵜⵡⴰⴳⴳⴰⵏ ⵅⴼ ⵓⵣⴰⵔⵓⴳ ⵏ ⵜⵎⴰⵣⵉⵔⵜ, ⵣⵣⵉⴳⵙⵏ ⵃⵎⵎⵓ ⴱⵏⵎⵓⵃⴰⵎⴷ ⵓⵟⵉⴼⵍⵜ, ⴰⵙⵍⵎⴰⴷ ⴰⵇⴱⵓⵔ ⴳ ⴰⵏⴼⴰ, ⵄⴱⴷ ⵍⵃⴰⵎⵉⴷ ⴰⵣⵎⵎⵓⵔⵉ, ⴰⵏⴼⵍⵓⵙ ⴰⵇⴱⵓⵔ ⵏ ⴰⵏⴼⴰ ⴷ ⵔⴱⴰⴹ ⴷ ⵓⵏⵖⵍⴰⴼ ⴰⵇⴱⵓⵔ ⵏ ⵜⵙⴱⴱⴰⴱⵜ ⴷ ⵓⵎⵎⵓⴽⵏ, ⵏⵜⵜⴰ ⴷ ⵔⵔⴰⵃⵎⴰⵏⵉ ⴰⴱⴷ ⵍⵍⴰⵀ ⴱⵏⵄⵓⵎⴰⵔ, ⴷ ⴱⵏⵓⵣⴽⵔⵉ ⴱⵏⵏⴰⵙⵔ, ⴽⵔⴰⴹ ⴰⴷ ⵙⵔⵙⵉⵏ ⵉⴽⵎⵣ ⵅⴼ ⵡⴰⵔⵔⴰ ⵏ 11 ⵏⴰⵢⵔ 1944.
ⴰ ⵏⵙⴷⴼⵓ ⵉ ⵜⵍⴳⴳⴰⵏⵜ ⴰⴷ ⵉⵏⴽⵔⴰⴼ, ⵓⵔ ⵏⵜⴻⵜⵜⵓ ⵙⵉⵏ ⵉⵇⴱⵓⵔⵏ ⵓⵖⵔⴱⴰⵣ, ⵓⵔ ⵜⴰⵎⵎⴰⵏ ⴳⴹⵏⵙⵏ, ⴳ ⵓⵖⵔⴱⴰⵣ ⵏ ⵎⵓⵍⴰⵢ ⵢⵓⵙⴼ ⴳ ⵔⴱⴰⴹ , ⵖⴰⵙ ⵙ ⵎⵅⵏⵛⵓ, ⵣⵣⵉⴳ-ⵙⵏ ⵎⵓⵃⴰⵎⴷ ⵛⴰⴼⵉⵇ ⵓⴱⵏoⵍⵉ ⵓⵙⴰⴷⴷⵏ, ⴰⵎⴳⴳⴰⵡⵙ ⴰⵇⴱⵓⵔ ⵏ ⵜⵖⵓⵔⵉ ⵜⴰⵎⴰⵜⵜⵓⵢⵜ ⴳ ⴰⵏⴼⴰ, ⴷ ⵓⵙⵍⵡⴰⵢ ⴰⵇⴱⵓⵔ ⵓⵖⵔⴱⴰⵣ ⴰⴳⵍⴷⴰⵏ, ⵉⵏⵏⴰ ⵉⵙ ⵉⵜⵜⵓⵔⴰⵔ ⴳ ⵉⴷⵉⵙ, ⵣⴳ ⵎⵛⵜⵉⴷⴰ ⴰⵢⴰ, ⵣⴳ ⴰⵇⵢⵢⵉⵍ ⵏ 29 ⵏⴰⵢⵔ 1944, ⵏⵜⵜⴰ ⴷ ⵣⴳⴹⴰⵖ ⵎⴽⴽⵉ ⵓⴱⵏⵄⵍⵉ, ⵍⵢⵓⵟⵏⵓ ⴽⵓⵍⵓⵏⵉⵍ ⴰⵇⴱⵓⵔ ⵉⵎⵅⵣⵏⵉⵢⵏ, ⵉⵜⵜⵓⵔⴰⵔⵏ ⴰⵡⴷ ⵏⵜⵜⴰ ⴳ ⵉⴷⵉⵙ, ⵣⴳⵓⵙ ⴰⵔ ⵉⵙⵙⵍⵎⴰⴷ ⴳ ⵙⴽⵡⵉⵍⴰⵜ ⵜⵓⵙⵍⴰⴳⵉⵏ, ⵜⵜⵡⴰⴳⴳ ⵖⵉⴼⵙ ⵜⵉⵟ, ⵣⴳ ⵓⵣⵔⵓ ⴰⵔ ⴰⵎⴽⵏⴰⵙ. ⵏⵉⵜⵏⵉ ⴷ ⵍⵃⵓⵙⴰⵢⵏ ⴰⴱⴷ ⵍⵎⴰⵍⴽ ⵓⵙⴰⴷⴷⵏ, ⵉⵜⵜⵡⴰⵣoⵏ ⵣⴳ ⵜⵖⵓⵔⵉ ⴳ ⵓⵖⵔⴱⴰⵣ ⴰⵎⴰⵣⵉⵖ ⵓⵣⵔⵓ, ⵉⵎⵎⵓⵜⵢ ⴰⴷ ⵉⴼⴷⴷⴰ ⵜⴰⵖⵓⵔⵉ ⵏⵙ ⴳ ⵓⵖⵔⴱⴰⵣ ⵏ ⵎⵓⵍⴰⵢ ⴷⵔⵉⵙ ⴳ ⴼⴰⵙ, ⵃⵎⴰ ⴰⴷ ⵉⴳⴳ ⵉⵛⵉⵔⵔⵉ ⴰⵎⵣⵡⴰⵔⵓ ⵢⵓⵎⵥⵏ ⴱⴰⴽⴰⵍⵓⵔⵢⴰ ⴰⵙⴳⴹⴰⵙ ⵏ 1949.
ⵎⵖⴰⵔ ⵔⵥⵎⵏ ⵉⵔⵓⵎⵎⵉⵢⵏ ⴰⵖⵔⴱⴰⵣ ⴳ ⴽⵜⵓⴱⵔ 1944, ⵜⵜⵓⵙⴼⵔ ⵜⵙⵍⵡⴰⵢⵜ ⵜⴰⴷⴱⵍⴰⵏⵜ, ⵉⴽⵛⵛⵎ ⵜⵜ ⵉⴷ ⵓⴷⴼⵔⵉⵔ.ⴰⵔ ⵜⵣⵄⵏ ⵉⵏⵍⵎⴰⴷⵏ ⵔⴰⵏⵉⵏ ⴰⴷ ⴼⴷⴷⴰⵏ ⵜⴰⴹⵓⵔⵉ ⵏⵙⵏ, ⵢⵉⵜⵙ ⵎⵎⵓⵜⵉⵏ ⵖⵓⵔⵙ ⵉⵖⵔⴱⴰⵣⵏ ⵢⴰⴹ.ⴰⴷ ⵉⵙ ⵜⵔⵥⴰ ⵜⵙⵔⵜⵉⵜ ⵏ ⴼⵔⴰⵏⵙⴰ ⵎⴳⴰⵍ ⵉⵎⴰⵣⵉⵖⵏ ?
ⴳⴰⴱⵔⵢⵉⵍ ⵊⵉⵔⵎⴰⵏ, ⴰⵙⵍⵡⴰⵢ ⵓⵖⵔⴱⴰⵣ, ⵙ ⵉⵅⴼ ⵏⵙ, ⵜⴽⴽⴰⵙ ⴰⴹⴰⵔ, ⵜⴳⴰⵙ ⵜⵎⵙⵖⵉⵎⵜ ⵜⴰⵎⴰⵜⵓⵜ ⴱⵓⵎⵛⵉ, , ⵜⴰⵡⵉⴷ ⴳ ⵓⴷⵖⴰⵔ ⵏⵙ ⵢⴰⵏ ⵓⵙⴷⵔⴰⵙ, ⴰⴷ ⵉⵙⴱⵉⴷⴷ ⵉⵛⵉⵔⵔⴰⵏ ⵉⵙⴽⴽⵔ ⴰⴷⵉⴷⴰ, ⵉⵥⵢⵢⵔ ⵡⵉⵢⴰⴹ ⴰⴷ ⴽⴽⵉⵏ ⵉⴷⵉⵙ ⵉ ⵜⵙⵔⵜⵉⵜ, ⵏⵖⴷ ⴰⴷ ⵜⵡⴰⵣoⵏ ⴰⵡⴷ ⵏⵉⵜⵏⵉ ⵣⴳ ⵜⵖⵓⵔⵉ. ⴽⵉⴳⴰⵏ ⵣⴳ ⵉⵛⵉⵔⵔⴰⵏ ⵍⵍⵉ ⵎⵉ ⵜⵏⵏⴰ ⴼⵔⴰⵏⵙⴰ, ⵉⵙ ⴰⵙ ⵙⴽⴽⵔ ⴰⴷⵉⴷⴰ, ⵜⵓⵎⵥ ⵜⵏ, ⵏⵖⴷ ⵜⵓⴷⵔ ⴷⵉⴳⵙⵏ, ⴰⴷ ⴰⴷⵔⵔ ⵣⴳ ⵜⵙⴳⴰ ⵏⵙⵏ, ⵅⴼ ⵡⴰⵔⴰⵡ ⵏⵙⵏ.
ⴰⵔ ⵜⵓⵔⵣⵣⵓ ⵜⵎⵙⵖⵉⵎⵜ ⴰⴷ ⵜⵙⵙⵉⵍⵉⵍ ⵜⵉⵎⵓⴽⵔⵉⵙⵉⵏ ⴳⵔ ⵉⵛⵉⵔⵔⴰⵏ ⵏ ⴰⵢⵜ ⵎⴳⵉⵍ ⴷ ⵡⵉⵏ ⴰⵢⵜ ⵉⵣⵎⵎⵓⵔⵉⵢⵏ, ⴷ ⵡⵉⵢⴰⴹ ⴷ ⵉⵜⴷⴷⵓⵏ ⵣⴳ ⵜⵙⴳⴳⵉⵡⵉⵏ ⵉⵄⵔⵇⵏ. ⵍⵍⴰⵏ ⵉⵛⵉⵔⵔⴰⵏ, ⵎⵉ ⵢⵜⵜⵡⴰⴷⵔ ⵅⴼ ⵡⴰⵔⵔⴰⵡ ⵏⵙⵏ, ⴰⵍⵍⵉⴳ ⵓⵔⵉⵏ ⵜⵉⴱⵔⴰⵜⵉⵏ ⵢⴰⴹ ⵍⵍⴰ ⵜⵜⵔⵏ ⴷⵉⴳⵙⵏ ⵜⵜ ⴰⴷ ⴰⵙⵏ ⵜⵙⵙⵓⵔⴼ ⵜⵙⵍⵡⴰⵢⵜ ⵓⵖⵔⴱⴰⵣ, ⴰⵔ ⴳⴳⴰⵔ ⵉⵎⵓⵜⵜⵉⵍ ⵅⴼ ⵉⵛⵉⵔⵔⴰⵏ ⵉⵇⴱⵓⵔⵏ ⵉⵜⵏ ⵢⵓⴳⵔⵔ. ⴰⵙⵙ ⵏ 13 ⵎⴰⵔⵙ 1944, ⵉⵡⴹⵏ ⴷ 4 ⵏ ⵜⴱⵔⴰⵜⵉⵏ ⵖⵓⵔⵙ ⴰⵙⵍⵡⴰⵢ ⵓⵖⵔⴱⴰⵣ, ⵣⴳ ⵉⵛⵉⵔⵔⴰⵏ ⵉⵜⵡⴰⵣoⵏ, ⵣⴳ ⵜⵖⵓⵔⵉ, ⵙⵉⵏ ⵣⴳ ⴰⵢⵜ ⵙⴰⴷⴷⵏ, ⵢⴰⵏ ⵣⴳ ⴱⵔⴽⴰⵏ, ⵜⵏⵏⴹⵏⵉⵏ ⵣⴳ ⴼⵉⴳⵉⴳ.
ⴳⴰⵏⵏⵉⵏ ⵜⵜ ⵜⴱⵔⴰⵜⵉⵏ ⵏⵏⴰ ⴰⵔ 19 ⵢⵓⵏⵢⵓ 1945, ⵍⵍⵉⴳ ⵜⵙⵙⵎⵓⴷⵓ ⴷⴰⴱ, ⴰⴷ ⵜⴳ ⵜⴰⵖⴰⵡⵙⴰ ⵓⵖⵔⴱⴰⵣ ⴳⵔ ⵉⴼⴰⵙⵙⵏ ⵏ ⴽⵎⴰⵏⴷⴰⵔ ⴽⵓⴷⵉⵏⵓ ⴰⵎⴹⴰⴼ ⴰⵙⴳⴳⴰⵡ ⵉⵣⵔⴼⴰⵏ ⵓⴳⴰⴼⵉ ⴳ ⴰⵎⴽⵏⴰⵙ. ⵉⴳⴰⵏ ⵜⴰⵙⵙⵜⴰⵏⵜ ⵏⵙ ⴳ ⵉⴷⵖⴰⵔⵔ ⵍⵍⵉⴳ ⵣⴷⴳⵖⵏ ⵡⴰⵔⵔⴰⵡ ⵉⵛⵉⵔⵔⴰⵏ ⵉⴽⴽⴰⵏ ⵜⵉⴱⵏⵉⵇⵉⵏ ⵅⴼ ⵜⵖⴰⵡⵙⴰ ⵏ ⴰⵇⵢⵢⵉⵍ ⵓⵣⵔⵓ. ⵉⵍⴰ ⴰⴷ ⵏⴽⵜⵉ ⵉⵙ ⴰⵔ ⴷ ⵜⴷⴷⵓⵏ ⵉⵛⵉⵔⵔⴰⵏ ⴰⴷ ⵍⵎⴷⵏ, ⵣⴳ ⴱⵔⴽⴰⵏ, ⵟⴰⵡⵙ, ⴷⵎⵏⴰⵜ, ⵟⴷⴷⵉⵔⵙ, ⴰⴽⵏⵓⵍ, ⵉⵎⵜⵖⵔⵏ, ⴱⵓⴷⵏⵉⴱ.
ⵢⵉⵜⵙ ⵏ ⵜⵙⴳⴳⵉⵡⵉⵏ ⴳ ⵍⵃⵓⵙⵉⵎⴰ, ⵏⴰⴷⵓⵔ ⴷ ⵟⵉⵟⵡⴰⵏ, ⵉⵍⵍⴰⵏ ⴷⴷⴰⵡ ⵉ ⵜⵏⴱⴰⵟ ⵏ ⵙⴱⴰⵏⵢⴰ, ⵓⵔ ⵉⴽⵛⵛⵉⵎⵏ ⴷⴷⴰⵡ ⵏ ⵜⵏⴱⴰⵟ ⵏ ⴼⵔⴰⵏⵙⴰ.
ⵙⴰⵄⵉⴷ ⴱⴰⵊⵊⵉ
