ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⴳ ⵜⵉⴽⴽⵍⵉⵜ ⵜⴰⵎⵣⵡⴰⵔⵓⵜ ⴳ ⵓⵎⵣⵔⵓⵢ ⵏ ⵜⵎⵙⵙⵓⴳⵓⵔⵜ ⵏ ⵜⴷⵉⵡⴰⵏⵜ ⴷ ⵉⵔⴳⴰⵢⵏ ⵉⵔⵓⵙⵔⵉⴷⵏ, ⴷ ⴹⴰⵕⵜ ⵏ ⵓⴳⴳⴰⵔ ⵏ 10 ⵉⵙⴳⴳⵯⴰⵙⵏ ⴳ ⵓⵙⵓⴷⴻⴷ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ, ⵜⵍⵜⵖ ⵜⵎⵙⵙⵓⴳⵓⵔⵜ ⵏ ⵜⴷⵉⵡⴰⵏⵜ ⴳ ⵜⵎⵀⵍⵜ ⵏ ⵓⵙⵎⵀⵍ ⵏ ⵓⴼⵔⵉⵙ ⴰⵎⴰⴷⴷⵓⴷ ⵏ ⵜⵎⴰⵣⵉⵖⵜ, ⵙⴳ ⵓⴼⴰⵔⵙ ⵏ ⵢⴰⵏ ⵉⴼⵉⴷⵢⵓ ⵢⵓⵍⵙⵏ ⵙ ⵜⵎⴰⵣⵉⵖⵜ ⵉⵥⵍⵉⵏ ⵙ ⵓⵙⴱⵔⵔⴽ ⵙ ⵉⵎⵖⵔⴰⴱⵉⵢⵏ ⵉⵣⴷⵖⵏ ⴳ ⴱⵕⵕⴰ, ⵜⴳ ⵜⴰⴷ ⵜⴰⵙⵏⵜⴰⵢⵜ ⵜⴰⵎⵣⵡⴰⵔⵓⵜ ⵏⵏⴰ ⵜⵙⴽⵔ ⵜⵎⵙⵙⵓⴳⵓⵔⵜ ⵏ ⵜⴷⵉⵡⴰⵏⵜ, ⴰⴼⴰⴷ ⴰⴷ ⵣⵎⵔⵏ ⵉⵎⵖⵔⴰⴱⵉⵢⵏ ⵉⵣⴷⵖⵏ ⴳ ⴱⵕⵕⴰ ⴰⴷ ⵏⵢⴰⵍⴽⴰⵎⵏ ⵢⵉⵍⵉ ⵓⵎⵢⴰⵖ ⴰⴽⴷ ⵉⵎⵉⵍⵜⵉⵎⵉⴷⵢⴰⵜⵏ ⴷ ⵉⵎⴰⵙⴰⵢⵏ ⵉⵏⵢⴰⵍⴽⴰⵎⵏ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ, ⵙ ⵓⵣⵉⴳⵣ ⵏ ⵉⵙⴱⴷⴰⴷⵏ ⵏ ⵜⵎⵏⴹⴰⵡⵜ, ⴷ ⵓⵙⵎⴰⵜⴰ ⵏ ⵜⵏⵓⴼⴰ ⵏⵏⵙ ⵅⴼ ⵜⵓⴳⵜⵜ ⵏ ⵉⵡⴷⴰⵏ ⵏ ⴱⵕⵕⴰ ⵏⵏⴰ ⵓⵔ ⵉⵙⵙⵏⵏ ⵖⴰⵙ ⵜⴰⵎⴰⵣⵉⵖⵜ ⴷ ⵜⵓⵜⵍⴰⵢⵉⵏ ⵏ ⵜⵎⵉⵣⴰⵔ ⴷⴰ ⴰⵖ ⵣⴷⵖⵏ, ⵜⵓⴳⵜⵜ ⴳⵉⵙⵏ ⵡⴰⵍⴰⵏ ⵜⵉⵙⴳⴳⵉⵡⵉⵏ ⵜⵉⵎⵖⵔⴰⴱⵉⵢⵉⵏ ⵉⵙⴰⵡⴰⵍⵏ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ, ⴷ ⵏⵜⵜⴰⵜ ⵜⵓⵜⵍⴰⵢⵜ ⵏ ⵓⵏⵢⴰⵍⴽⴰⵎ ⴰⴽⵓⵢⴰⵙ ⴳ ⵓⵙⵡⵉⵔ ⴰⵡⵊⴰⵡⴰⵏ ⴳ ⴱⵕⵕⴰ, ⵙⵍⴰⵡⴰⵏ ⴰⴽⴽⵯ ⵜⴰⵙⵓⵜ ⵜⴰⵎⵣⵡⴰⵔⵓⵜ, ⴷ ⵜⵉⵙ ⵙⵏⴰⵜ, ⴷ ⵜⵉⵙ ⴽⵕⴰⴹⵜ ⵙⴳ ⵉⵎⵖⵔⴰⴱⵉⵢⵏ ⵏ ⵓⵎⴰⴹⴰⵍ.
ⵔⴰⴷ ⵜⵏⵏⵓⵕⵥⵎ ⵜⵙⵏⵜⴰⵢⵜ ⴰⴷ ⵢⴰⵏ ⵢⵉⴷⵉⵔ ⴰⵎⴰⵢⵏⵓ ⵏ ⵓⵏⵢⴰⵍⴽⴰⵎ ⴰⴽⴷ ⵜⵣⵎⵓⵏⵏⵣⵜ ⵜⴰⵎⵖⵔⴰⴱⵉⵢⵜ ⴳ ⴱⵕⵕⴰ, ⴳ ⵜⵎⵙⴰⵔⵉⵏ ⵉⵣⴷⵉⵏ ⵙ ⵓⵙⵡⵓⴷⴷⵓ ⵏ ⵓⴽⵛⵛⵓⵎ ⵏⵏⵙⵏ ⵙ ⵍⵎⵖⵔⵉⴱ, ⴷ ⵓⵔⵎⴰⵙ ⵏ ⵡⴰⵙⵙⴰⵔⵏ ⵓⵙⵍⵉⴳⵏ, ⴷ ⵜⵉⴽⴽⵉ ⵏⵏⵙⵏ ⵙ ⵓⵎⵍⴰⵏ ⵓⵛⵛⵉⵍⵏ, ⵉ ⵓⵙⴼⵍⵙ ⵏ ⵓⴱⵓⵢ ⵖⵔ ⵍⵎⵖⵔⵉⴱ ⴳ ⵜⵎⵙⵓⵜⴰⵍ ⵉⴼⵍⵙⵏ ⴷ ⵉⵙⴳⵓⵏⴼⴰⵏ. ⵜⴰⴷ ⴷ ⵢⴰⵜ ⵜⵏⵔⵏⵓⵜ ⵜⴰⵎⴰⵏⴰⵡⵜ ⵢⴰⴹⵏ ⵉⵏⵔⴰⵏ ⵉ ⵜⵓⴳⴳⴰⵙ ⵜⵉⵏⴰⵎⵓⵔⵉⵏ ⵏⵏⴰ ⵏⵏ ⵜⵜⴳⵏⵜ ⵜⵎⵔⵙⴰⵍ ⴰⴽⴽⵯ ⴷ ⵜⵎⵙⵙⵓⴳⴰⵔ ⵜⵉⵏⴰⵎⵓⵔⵉⵏ, ⴳ ⵓⴱⵔⵉⴷ ⵏ ⵓⵙⴷⵓⵙ ⴰⴷⵙⵜⴰⵔ ⵏ ⵓⴼⵔⵉⵙ ⴰⵏⵎⴰⴳⵓⵜ ⵏ ⵜⵎⴰⴳⵉⵜ ⵏⵏⵖ ⵜⴰⵎⵖⵔⴰⴱⵉⵜ, ⵖ ⵜⴳⴰ ⵜⵎⴰⵣⵉⵖⵜ ⵢⴰⵏ ⵖ ⵉⵎⵓⵖⴰⵍ ⵏⵏⵙ.
ⴰⵙⵓⵖⵍ: ⵄⴰⴱⴷⵍⵡⴰⵃⵉⴷ ⴱⵓⵜⴱⴰⵖⴰ
