ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵜⴰⵔⴰⴱⴱⵓⵜ ⵏ ⵜⴰⵢⵎⴰⵜ ⴷ ⵢⴰⵜ ⵜⵔⴰⴱⴱⵓⵜ ⵏ ⵓⵥⴰⵡⴰⵏ ⵙⴳ ⵓⴼⴰⵔⴰ ⵏ ⵜⵉⵎⵀⴰⵕ ⵜⴰⴳⵔⴰⵡⵜ ⵏ ⴰⵢⵜ ⵡⴰⵍⵍⴰⵍ ⵜⴰⵎⵓⵣⵔⵜ ⵏ ⵏⵏⵇⵓⴱ ⵜⴰⵙⴳⴰ ⵏ ⵜⵣⴰⴳⵓⵔⵜ, ⵜⵓⵎⴰ ⵙⵎⵎⵓⵙ ⵏ ⵉⴳⵎⴰⵎⵏ, ⵉⵙⴱⴷⴷ ⵜⴰⵔⴰⴱⴱⵓⵜ ⵙⵉⵏ ⴰⵢⵜⵎⴰⵜⵏ ⵙⴰⵄⵉⴷ ⵓⵄⴱⵉⴷ ⴷ ⴱⵕⴰⵀⵉⵎ ⵓⵄⴱⵉⴷ, ⵙⴳ ⵖⵉⴷ ⴰ ⴳ ⴷ ⵜⴷⴷⴰ ⵜⴳⵓⵔⵉ ⵏ ⵜⴰⵢⵎⴰⵜ, ⵜⴰⵢⵎⴰⵜ ⵏ ⴱⵕⴰⵀⵉⵎ ⴷ ⵙⴰⵄⵉⴷ.
ⵜⵙⵙⵏⵜⵉ ⵜⵔⴰⴱⴱⵓⵜ ⵜⵉⵣⵡⵉⵔⵉ ⵏ ⵓⵙⴳⴳⵯⴰⵙ 2014, ⵜⵏⵏⴰⵍ ⵅⴼ ⵜⵎⴰⵎⴽⵜ ⵏ ⵍⴱⵍⵓⵣ ⴰⵎⴰⵣⵉⵖ ⵉⵎⵎⵔⴽⵙⵏ ⴷ ⵓⵃⵉⴷⵓⵙ ⴷ ⵡⴰⵏⴰⵡⵏ ⵢⴰⴹⵏ ⵏ ⵓⵥⴰⵡⴰⵏ ⵉⴷⵖⵔⴰⵏⵏ. ⴰⵔ ⵉⵙⵎⴽⴰⵍ ⵓⵥⴰⵡⴰⵏ ⵏ ⵜⴰⵢⵎⴰⵜ ⵜⵓⴳⵜⵜ ⵏ ⵉⵎⵔⵙⴰⵏ (ⵉⵙⵏⵜⴰⵍ) ⵎⵣⴰⵔⴰⵢⵏⵉⵏ ⵣⵓⵏ ⴷ (ⵜⵓⴷⵔⵜ ⵜⴰⴼⴰⵔⴰⵏⵜ, ⵜⴰⵢⵔⵉ, ⵜⴰⵎⵖⴰⵔⵜ ⴷ ⵓⵎⵣⵔⵓⵢ…)
ⵎⴰⴷ ⵉⵥⵍⵉⵏ ⵙ ⵜⵙⴽⵔⴰⵡⵉⵏ, ⵉⵍⵍⴰ ⵖⵓⵔ ⵜⴰⵢⵎⴰⵜ ⵢⴰⵏ ⵓⵍⴱⵓⵎ ⵢⵓⵎⴰⵏ 5 ⵜⵓⵔⴰⵔⵉⵏ ⴷ 7 ⵜⵓⵔⴰⵔⵉⵏ ⵙ ⵜⵓⵜⵍⴰⵢⵉⵏ ⵢⴰⴹⵏ ⵎⵣⴰⵔⴰⵢⵏⵉⵏ ⵣⵓⵏ ⴷ ⵜⴰⵄⵕⴰⴱⵜ ⴷ ⵜⵎⴰⵣⵉⵖⵜ. ⵜⵣⵎⵔ ⵜⵔⴰⴱⴱⵓⵜ ⵏ ⵜⴰⵢⵎⴰⵜ ⴰⴷ ⵜⴳ ⵜⴰⵎⵜⵜⴰ ⵜⴰⵎⵣⵡⴰⵔⵓⵜ ⵏ ⵜⵓⴳⵜⵜ ⵏ ⵡⴰⵏⵙⵉⵡⵏ ⵏ ⵉⵏⵖⵎⵉⵙⵏ ⵉⵍⵉⴽⵟⵕⵓⵏⵉⵢⵏ ⴷ ⵜⵥⵕⵉⴳⵉⵏ ⴹⴰⵕⵜ ⵎⴰⴷ ⴷ ⵜⵙⵙⴼⵖ ⵜⵓⵔⴰⵔⵜ ⵏⵏⵙ ⵉⵜⵜⵡⴰⵙⵙⵏⵏ ⵙ (ⵃⴰⵍⵓ hallu).
ⵎⴽⵍⵍⵉ ⵜⵥⴹⴰⵕ ⵜⵔⴰⴱⴱⵓⵜ ⴰⴷ ⴷ ⵜⴰⴳⴳⵯ ⴳ ⵜⵓⴳⵜⵜ ⵏ ⵉⵏⵎⵓⵇⵇⴰⵔ ⵉⵏⴰⵎⵓⵔⵏ ⴷ ⵉⴳⵔⴰⵖⵍⴰⵏⵏ.
ⵜⵏⵏⵓⵔⵣ ⵜⵔⴰⴱⴱⵓⵜ ⴰⴷ ⵜⵙⵙⵉⵡⴹ ⵢⴰⵜ ⵜⴱⵔⴰⵜ ⵏ ⵓⴼⵔⴰ ⴷ ⵜⵉⴷⵜ ⵉ ⵜⵙⴳⴳⵉⵡⵉⵏ ⴰⴽⴽⵯ ⵏ ⵓⵎⴰⴹⴰⵍ ⵙⴳ ⵓⵥⴰⵡⴰⵏ.
ⴷ ⵎⴽⵍⵍⵉ ⵜⵙⵏⵎⴰⵍⴰ ⵜⵔⴰⴱⴱⵓⵜ ⵜⵉⵍⴰⵍ ⵢⴰⴹⵏ ⵣⵓⵏ ⴷ ⵜⵉⵍⴰⵍ ⵜⵉⵡⵏⴹⴰⵏⵉⵏ ⴷ ⵜⵎⴰⵏⵓⵏⵉⵏ ⵙⴳ ⵓⵙⴰⵜⵉ ⵏ ⵜⵉⵍⴰⵍ ⵏ ⵜⵎⵙⵎⵓⵏⵜ ⵏ ⵜⴰⵢⵎⴰⵜ ⵏ ⵜⵥⵓⵕⵉ ⴷ ⵓⵥⴰⵡⴰⵏ.
ⵄⴱⴷⵍⵡⴰⵃⴷ ⴱⵓⵜⴱⴰⵖⴰ
