ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵜⵙⴽⵔ ⵜⵔⴰⴱⴱⵓⵜ ⵏ ⵜⴰⵙⴰⵡⴰⵢⵜ ⵏ ⵍⵎⵖⵔⵉⴱ ⵙ ⵜⴷⵔⴰⵡⵜ ⴷ ⵜⵙⵎⵉⵔⵉⵜ ⵜⴰⵎⴰⵜⴰⵢⵜ ⵏ ⵉⵎⵏⵣⴰⵖⵏ ⴷ ⵉⵙⵔⴷⴰⵙⵏ ⵉⵇⴱⵓⵕⵏ ⵢⴰⵏ ⵓⵙⴰⵡⴰⵢ ⵙ ⵜⵎⴽⵜⵉⵜ ⵏ ⵜⵎⵉⴹⴰⵏⵜ ⵏ ⵉⵎⵉⵖ ⵏ ⴰⵏⵡⴰⵍ 1921/2021 ⵜⵏⵏⴰ ⵜⵍⴰⵡⴰⵢⵜ ⵏ ⵍⵎⵖⵔⵉⴱ ⴳ ⵢⴰⵏ ⵓⵙⵉⵡⴹ ⵏⵏⵙ ⵎⴰⵙⴷ ⴰⵍⴰⵡⴰⵢ ⴰⴷ ⵉⵥⵍⵉⵏ ⴰⵔ ⵉⵙⵎⴰⵍ ⴰⵙⴰⵢⵙ ⵏ ⵉⵎⵉⵖ ⵏ ⴰⵏⵡⴰⵍ ⵙ ⵢⴰⵏ ⵓⵎⴷⵢⴰ ⴰⵥⵓⵕⴰⵏ ⵏⵏⴰ ⵉⴳⴰⵏ ⵡⵉⵏ ⵜⵙⵎⵉⵔⵉⵜ ⵜⴰⵎⴰⵜⴰⵢⵜ ⵏ ⵉⵎⵏⵣⴰⵖⵏ ⴷ ⵉⵙⵔⴷⴰⵙⵏ ⵉⵇⴱⵓⵕⵏ.
ⴰⵔ ⵉⵜⵜⴰⵡⵙ ⴳ ⵉⵙⵎⵖⵔ ⵙ ⵢⴰⵏ ⵓⵣⵎⵣ ⵉⵙⵜⴰⵡⵀⵎⵎⴰⵏ ⴳ ⵓⵎⵣⵔⵓⵢ ⵏ ⵍⵎⵖⵔⵉⴱ ⵉⴳ ⵉⵎⵉⵖ ⵏ ⴰⵏⵡⴰⵍ ⵏⵏⴰ ⵉⵍⵍⴰⵏ ⴳ ⵡⴰⵢⵢⵓⵔ ⵏ ⵢⵓⵍⵢⵓⵣ 1921 ⵏⵏⴰ ⵉⴳⴰⵏ ⵢⴰⵏ ⵓⵣⵎⵣ ⴰⴷⵙⵍⴰⵏ ⴳ ⵉⴳⵔ ⵉ ⵓⵏⵣⴰⵖ ⴰⵏⴰⵎⵓⵔ ⵙ ⵓⵜⵓⵢ ⵏ ⵜⵏⴱⴰⴹⵜ ⵜⴰⵄⴰⵍⴰⵡⵉⵜ ,ⵙ ⵓⵏⵣⴰⵖ ⵅⴼ ⵉⵙⵓⵜⴰⵔ ⵏ ⵉⵏⴰⵎⵓⵔⵏ ⵏⵏⴰ ⴷ ⵉⴷⴷⴰⵏ ⴳ ⵓⵙⵉⵡⴹ ⴰⴷ ⵏⵉⵜ .
ⵜⴳ ⵜⵥⵕⵉⴳⵜ ⴰⴷ ⵉⵥⵍⵉⵏ ⵜⴰⵍⵍⵉ ⵔⴰⴷ ⵉⵜⵜⵓⵙⵎⴰⴷ ⵉ ⵜⵙⴰⵡⴰⵢⵉⵏ ⵏⵏⴰ ⵉⵍⵍⴰⵏ ⵏⵏⴰ ⵉⵥⵍⵉⵏ ⵙ ⵉⵙⵏⵜⴰⵍ ⵏ ⵜⵏⵣⴱⴰⵢⵜ ,ⴷ ⵜⴳⵔⴰⵡⵍⴰ ⵏ ⵓⴳⵍⵍⵉⴷ ⴷ ⵓⵖⵔⴼ ⴷ ⵜⵙⵉⵎⴰⵏⵜ ⵙ ⵓⵙⴷⵓⵙ ⵏ ⵜⵎⴰⵣⵉⵔⵜ ⵏⵏⵖ ⵜⴰⵜⵔⴰⵔⵜ ⵉ ⵜⵙⵉⵎⴰⵏⵜ ⴷ ⵜⴰⵎⵓⵏⵜ ⵜⴰⵔⴰⴽⴰⵍⵜ.
ⴳ ⵍⵍⴰⵏ ⵜⵙⴰⵡⴰⵢⵉⵏ ⵏ ⵜⵎⴽⵜⵉⵜ ⵜⵉⵙⵙ 30 ⴷ 40 ⴷ 50 ⴷ 60 ⵏ ⵜⴳⵔⴰⵡⵍⴰ ⵏ ⵓⴳⵍⵍⵉⴷ ⴷ ⵓⵖⵔⴼ ⵏⵏⴰ ⴷ ⵉⴼⴼⴰⵖⵏ ⴳ ⵉⵙⴳⴳⵯⴰⵙⵏ 1983/1993 ⴷ 2013 ⴷ ⵜⵍⵍⵉ ⵉⵥⵍⵉⵏ ⵙ ⵜⵎⴽⵜⵉⵜ ⵜⴰⵎⴽⵣⵡⴰⵔⵓⵜ ⴷ ⵜⵉⵙⵙ 60 ⵏ ⵜⵙⵉⵎⴰⵏⵜ ⴳ ⵉⵙⴳⴳⵯⴰⵙⵏ ⵏ 1957 ⴷ 2015 ⴷ ⵡⴰⵍⵍⵉ ⵉⵥⵍⵉⵏ ⵙ ⵡⴰⵙⵙ ⴰⵏⴰⵎⵓⵔ ⵏ ⵜⵙⵉⵎⴰⵏⵜ ⵏⵏⴰ ⴷ ⵉⴼⴼⴰⵖⵏ ⴳ ⵓⵙⴳⴳⵯⴰⵙ ⵏ 2010.
