ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵉⵙⵙⵉⵅⴼ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⴰⴽⵕⴰⵙ 3 ⵏⵓⵡⴰⵏⴱⵉⵔ ⴳ ⵕⵕⴱⴰⵟ ⵜⴰⵙⵎⵓⵏⵉ ⵉⵥⵍⵉⵏ ⵙ ⵓⵙⴰⵡⵓⵔ ⵏ ⵓⵙⵎⴰⵜⴰ ⵏ ⵓⴼⵔⴰⴳ ⴰⵏⴰⵎⵓⵏ.
ⵢⵉⵏⵉ ⵢⴰⵏ ⵓⵙⵉⵡⴹ ⵏ ⵜⵏⵙⵙⵉⵅⴼⵜ ⵏ ⵜⵏⴱⴰⴹⵜ ⵎⴰⵙ ⵜⵥⵍⵉ ⵜⵙⵎⵓⵏⵉ ⴰⴷ ⵉ ⵓⵙⵔⵓⵙ ⵏ ⵜⵖⴰⵔⴰⵙⵉⵏ ⵍⵍⵉ ⵔⴰⴷ ⵢⴰⵡⵙ ⴳ ⵓⵣⵓⵛⵛⵍ ⵏ ⵉⵙⴰⵡⵓⵔⵏ ⵉⵏⴰⵎⵓⵏⵏ ⵉⵅⴰⵜⴰⵔⵏ ⵍⵍⵉ ⵜⵙⵙⵏⵜⵉ ⵜⴳⵍⴷⵉⵜ ⵏ ⵍⵎⵖⵔⵉⴱ, ⴷ ⵓⵙⴽⵔ ⵏ ⵎⴰⴷ ⵉⵍⵍⴰⵏ ⴳ ⵓⵖⴰⵡⴰⵙ ⵓⵏⴱⵉⴹ ⵖ ⵎⴰⴷ ⵉⵥⵍⵉⵏ ⵙ ⵓⴼⵔⴰⴳ ⴰⵏⴰⵎⵓⵏ.
ⵢⵉⵏⵉ ⵓⵙⵉⵡⴹ ⴰⴷ, ⵎⴰⵙ ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴼ ⵡⴰⵜⵉⴳ ⴰⵅⴰⵜⴰⵔ ⵍⵍⵉ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉ ⵓⵙⵎⵖⵔ ⵏ ⵉⴳⵔ ⴰⵏⴰⵎⵓⵏ ⴷ ⵜⵓⴳⴳⴰⵙ ⵏ ⵓⵙⴽⵔ ⵏ ⵜⴳⵎⵉ ⵜⴰⴷⵎⵙⴰⵏⵜ, ⵍⵍⵉⵖ ⵉⵖⵔⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵉⵏⴰⵡ ⵏ ⵓⴷⴰⴱⵓ ⵏ ⵓⵙⴳⴳⵯⴰⵙ ⵏ 2018 ⵉ ⵓⵣⵣⵔⴰⵢ ⵉⴷⵔⴰⵏ ⵏ ⵓⵏⴳⵔⴰⵡ ⵏ ⵓⴼⵔⴰⴳ ⴰⵏⴰⵎⵓⵏ ⵙ ⵓⵖⴰⵡⴰⵙ ⵉⴼⴰⵡⵏ ⵉⵍⵍⴰⵏ ⴰⵔ ⴰⵙⴳⴳⵯⴰⵙ 2025.
ⵉⵖⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉ ⵉⵎⴰⵡⵙⴰⵙⵏ ⵉⵎⵏⵜⴰⵢⵏ ⵃⵎⴰ ⴰⴷ ⵙⵡⵓⵔⵉⵏ ⵙ ⵉⵙⵡⴰⵍⴰⵢⵏ ⵉⴳⵍⴷⴰⵏⵏ ⴰⵜⵜⵓⵢⵏⵉⵏ, ⵖⵎⴽ ⴰⵏⵏ ⴷ ⵉⵙⵖⴰⵡⵏⵏ ⵜⵜⴰⵡⴱⴷⴰⵔⵏⵉⵏ ⴳ ⵓⵖⴰⵡⴰⵙ ⵓⵏⴱⵉⴹ ⵍⵍⵉ ⵣⴷⵉⵏⵉⵏ ⴷ ⵓⵙⵎⴰⵜⴰ ⵏ ⵓⴼⵔⴰⴳ ⴰⵏⴰⵎⵓⵏ ⴷ ⵓⵙⵔⵓⵙ ⵏ ⵜⵔⵙⴰⵍ ⵏ ⵓⵡⴰⵏⴽ ⴰⵏⴰⵎⵓⵏ, ⴷ ⵓⵙⵡⵉⵏⴳⵎ ⴳ ⵜⵖⴰⵔⴰⵙⵉⵏ ⴳ ⵉⵙⵏⴼⴰⵔⵏ ⵍⵍⵉ ⵔⴰⴷ ⵢⴰⵡⵙ ⴳ ⵓⵙⴰⵡⵓⵔ ⵏ ⵓⵙⵎⴰⵜⴰ ⵏ ⵓⴼⵔⴰⴳ ⴰⵏⴰⵎⵓⵏ.
ⵃⴰⴹⵕⵏ ⴳ ⵜⵙⵎⵓⵏⵉ ⴰⴷ ⵉⵎⴰⵡⵙⴰⵙⵏ ⵏ ⵜⴷⵎⵙⴰ ⴷ ⵓⵥⵕⴼ, ⴰⴷⵡⴰⵙ ⴷ ⵓⴼⵔⴰⴳ ⴰⵏⴰⵎⵓⵏ, ⵜⴰⴼⵍⵍⴰⵃⵜ ⴷ ⵜⴳⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ, ⴼ ⵜⵎⴳⵓⵔⵉ ⴷ ⵓⵙⵖⵏⵣⵉ, ⵜⴰⵎⴰⵍⵍⴰⵢⵜ ⴷ ⵜⵉⵏⴷⵉ ⴷ ⵜⴷⵎⵙⴰ ⵜⴰⵏⴰⵎⵓⵏⵜ, ⴰⵎⴰⵡⵙⴰⵙ ⵉⵜⵜⵓⵙⵎⴰⴳⴰⵍⵏ ⵙ ⵜⵎⵙⴰⵙⵜⵍⵜ, ⴰⵎⴰⵡⵙⴰⵙ ⵉⵜⵜⵓⵙⵎⴰⴳⴰⵍⵏ ⵙ ⵓⵙⵙⴰⵔⵓ ⴷ ⵜⵎⵏⴰⴳⴰⵔⵜ ⴷ ⵓⵣⵣⵔⴰⵢ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ, ⴰⵏⵎⵀⴰⵍ ⴰⵎⴰⵜⴰⵢ ⵏ ⵓⴼⵏⵉⵇ ⴰⵏⴰⵎⵓⵔ ⵉ ⵜⵏⴼⵔⵓⵜ ⵜⴰⵏⴰⵎⵓⵏⵜ.
