ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵜⵙⵙⵉⵅⴼ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵜⵉⴼⴰⵡⵜ ⵏ ⵉⴹⴳⴰⵎ, ⴰⴽⵡⴰⵙ 24 ⴱⵕⴰⵢⵕ 2022, ⵜⵉⵡⵓⵔⵉⵡⵉⵏ ⵏ ⵓⵙⵙⵏⵜⵉ ⵏ ⵜⵙⵓⵜⵍⵜ ⵜⵉⵙ ⵙⴰⵜ ⵏ ⵓⴳⵔⴰⵡ ⴰⵎⴰⵜⴰⵢ ⵏ ⵓⵙⵇⵇⵉⵎ, ⵏⵏⴰ ⵉⵜⵜⵓⵙⵏⵎⴰⵍⴰⵏ ⵅⴼ ⵙⵉⵏ ⵡⵓⵙⵙⴰⵏ (24 ⴷ 25 ⴱⵕⴰⵢⵕ) ⴳ ⵓⵙⵖⵉⵎ ⵏ ⵓⵙⵇⵇⵉⵎ ⴳ ⵕⵕⴱⴰⵟ.
ⵙⵙⵏⵏⵜ ⵜⵡⵓⵔⵉⵡⵉⵏ ⵏ ⵓⴳⵔⴰⵡ ⴰⵎⴰⵜⴰⵢ ⵡⵉⵙ ⵙⴰ, ⴳ ⵡⴰⵙⵙ ⵏⵏⵙ ⴰⵎⵣⵡⴰⵔⵓ, ⵜⴰⵙⵖⵣⵏⵜ ⵙ ⵓⵏⵎⵣⵍ ⵅⴼ ⴽⵕⴰⴹ ⵡⴰⵔⵔⴰⵜⵏ ⵉⴽⵙⵡⴰⵜⵏ ⵣⴷⵉⵏⵉⵏ ⵙ : ⵓⵙⵖⵏⵓ ⵏ ⵓⵎⵏⴰⴷ ⵅⴼ ⵓⵙⵖⵏⵓ ⵏ ⵓⵙⵍⴳⵏ ⵉⵏⴱⴹⵏ ⴰⵙⵏⴼⵍ ⴷ ⵓⵙⵎⴰⴷ ⵏ ⵓⵙⵍⴳⵏ ⵉⵣⴷⵉⵏ ⵙ ⵜⵏⵖⵎⴰⵙⵜ ⴷ ⵜⵥⵕⵉⴳⵜ ⵏⵏⴰ ⵢⵓⵎⴰⵏ ⵉⵙⵖⵍⴰⴼ ⴷ ⵜⵙⵓⵎⴰⵔ ⵅⴼ ⵓⵏⵖⴰⵍ ⵏ ⵜⴷⵔⴼⵉ ⵏ ⵜⵏⵖⵎⴰⵙⵜ ⴷ ⵜⴷⵔⴼⵉ ⵏ ⵓⵡⵏⵏⵉ ⴳ ⵍⵎⵖⵔⵉⴱ, ⵔⴰⴷ ⵉⵜⵜⵡⴰⴼⵙⴰⵔ ⴹⴰⵕⴰⵜ ⴰⵙⵉⴷⴼ ⵏ ⵜⵙⵓⵎⴰⵔ ⵏ ⵜⵙⵇⵇⵉⵎⵉⵏ ⵜⵉⵎⵖⵍⴰⵍⵉⵏ ⵏ ⵓⵙⵇⵇⵉⵎ ⵏⵏⴰ ⴳⴰⵏⵉⵏ ⵜⵉⵎⵏⵜⴰⵢⵉⵏ; ⴰⵙⵖⵏⵓ ⵏ ⵜⴰⵏⴰⴹⵜ ⵅⴼ ⵜⵎⵢⴰⴳⴰⵏⵜ ⵏ ⵓⵣⵔⴼ ⴳ ⵜⴷⵓⵙⵉ… ⵅⴼ ⵢⴰⵏ ⵓⵏⴳⵔⴰⵡ ⴰⴷⵓⵙⴰⵏ ⴰⵏⴰⵎⵓⵔ ⵉⴱⴷⴷⵏ ⵅⴼ ⵜⵎⵢⴰⴷⴰⵙⵜ ⵜⴰⵣⵔⴼⴰⵏⵜ… ⴷ ⵓⵙⵖⵏⵓ ⵏ ⵜⴰⵏⴰⴹⵜ ⵜⴰⵙⴳⵯⵙⴰⵏⵜ ⵅⴼ ⵓⵙⵓⵔⵙ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵍⵎⵖⵔⵉⴱ ⴳ ⵓⵙⴳⴳⵯⴰⵙ ⵏ 2021, ⵔⴰⴷ ⵉⵜⵜⵡⴰⴼⵙⴰⵔ ⴹⴰⵕⴰⵜ ⴰⵙⵉⴷⴼ ⵏ ⵜⵙⵓⵎⴰⵔ ⵏ ⵜⴳⵎⴰⵎⵉⵏ ⴷ ⵉⴳⵎⴰⵎⵏ.
ⵜⵙⵎⵏⵉⴷ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴳ ⵓⵕⵥⵥⵓⵎ ⵏ ⵜⵡⵓⵔⵉⵡⵉⵏ ⵏ ⵜⵙⵓⵜⵍⵜ , ⵢⴰⵏ ⵓⴼⵙⵔ ⵅⴼ ⵜⵉⵍⴰⵍ ⵜⵉⴽⵙⵡⴰⵜⵉⵏ ⵏ ⵓⵙⵇⵇⵉⵎ ⴳ ⵓⵣⵎⵣ ⵉⴱⴹⴰⵏ ⵉⵏⴳⵔ ⵜⵙⵓⵜⵍⵉⵏ ⵏ ⵓⴳⵔⴰⵡ ⴰⵎⴰⵜⴰⵡ ⵜⵉⵙ ⵚⴹⵉⵚⵜ ⴷ ⵜⵉⵙ ⵙⴰⵜ, ⵏⵏⴰ ⵉⵜⵜⵡⴰⵙⵙⴰⵏⵏ ⵙ ⵓⴹⴼⴼⵓⵕ ⵏ ⵓⵙⵇⵇⵉⵎ ⵜⵉⵎⵙⴰⵔⵉⵏ ⵏ ⵓⵎⵏⴰⴷ ⴰⵎⴰⵜⴰⵢ, ⵜⵜⵓⵙⵎⵏⵉⴷⵏ ⴼⵍⵍⴰⵙ, ⵉⵙⵖⵍⴰⴼ ⵉ ⵜⵏⴱⴰⴹⵜ ⴷ ⵉⵎⵢⴰⵖⵏ ⴳ ⵉⵙⵡⵉⵔⵏ ⵎⵣⴰⵔⴰⵢⵏⵉⵏ ⵏ ⵜⵙⵎⵉⴳⴰⵍ ⵏⵏⵙ ⵜⵉⴼⵔⴳⴰⵏⵉⵏ, ⵙ ⵓⵙⵎⴽⵍ ⵏ ⵜⵏⵓⵔⵣⵉⵏ ⴷ ⵡⴰⵏⵏⴰⵍ ⵏ ⵓⵏⴳⵉⵙⵏ ⴷ ⵉⴳⵉ ⵏ ⵉⵔⵣⴰⴼⵏ ⵉ ⵉⴷⵖⴰⵔⵏ ⵏ ⵓⵙⴳⴷⵍ ⵙⴳ ⵜⴷⵔⴼⵉ ⴷ ⵓⵙⵏⵎⴰⵍⴰ ⵏ ⵜⵖⵉⵎⵉⵜⵉⵏ ⵏ ⵓⵙⵙⴼⵍⴷ, ⴷ ⵓⵍⴰ ⴰⴹⴼⴼⵓⵕ ⵏ ⵓⵣⵣⴳⵉⵔ ⵏ ⵉⵙⵖⵍⴰⴼ ⵏ ⵓⵏⴳⵎⴰⵎ ⵏ ⵓⵙⵓⵎⵓ ⴷ ⵓⵎⵙⴼⵔⵓ, ⵙⵓⵍ ⴷ ⵓⴳⴳⴰⵔ ».
ⴳ ⵎⴰⴷ ⵉⵥⵍⵉⵏ ⵙ ⵉⴽⵛⵛⵓⵎⵏ ⵉⴼⵔⴳⴰⵏⵏ ⵏ ⵓⵙⵇⵇⵉⵎ, ⵜⵙⵙⴽⵜⵉ ⵎⴰⵙⵙⴰ ⴱⵓⵄⵢⵢⴰⵛ, ⵙ ⵓⵎⴷⵢⴰ, ⵙ ⵓⵙⵎⵏⵉⴷ ⵏ ⵓⵙⵇⵇⵉⵎ ⵉ ⵉⵙⵖⵍⴰⴼ ⵅⴼ ⵓⵙⵏⴼⵍ ⵏ ⵓⵎⵣⵣⵔⵉ ⵏ ⵜⴳⵣⵣⴰⵢⵜ ⵙ ⵓⵎⵣⵣⵔⵉ ⴰⴷⵓⵙⴰⵏ; ⴰⵙⵏⵎⴰⵍⴰ ⵏ ⵉⵏⵎⵓⵇⵇⴰⵔⵏ ⵉⴳⵯⵏⵙⴰⵏⵏ ⴷ ⵉⵏⵎⵏⴰⴹⵏ ⵏ ⵓⵙⵙⴼⵍⴷ ⵉ ⵓⵏⴳⵉⵙⵏ ⴷ ⵡⵉⵢⵢⴰⴹ ⴰⴽⴷ ⵉⵎⵙⵜⴳⴳⴰⵔⵏ ⴷ ⵉⵎⴳⴳⴰⵢⵏ ⴰⵔⵓⵏⴱⵉⴹⵏ ⴷ ⵉⴳⵏⵙⴰⵙ ⵏ ⵓⵏⵎⴰⵍⵍⵓ ⴰⵏⴰⵎⵓⵔ ⵏ ⵓⵙⵍⵎⴷ ⴰⵏⴰⴼⵍⵍⴰ ⵅⴼ ⵓⵙⴷⴰⵡ ⵏ ⵜⴷⴱⴰⵔⵜ ⵜⴰⵡⵙⵢⴰⵏⵜ ⴷ ⵜⴽⵕⴹⵉ ⵉⴱⴷⴷⵏ ⵅⴼ ⵡⴰⵏⴰⵡ ⴳ ⵜⵙⴷⴰⵡⵉⵏ ; ⴰⵏⵖⴰⵍ ⵏ ⵓⵙⴰⵜⵉ ⵏ ⵉⵏⵥⵉ ⵏ ⵉⵎⵚⵉⵕⵉⴹⵏ, ⵙⵓⵍ ⴷ ⵓⴳⴳⴰⵔ.
ⵎⴽⴷⴰ ⵜⵙⵔⵙ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵉⵥⵕⵉ ⵏⵏⵙ ⵅⴼ ⵜⵓⴳⴳⴰⵙ ⵏ ⵜⵙⵓⵍⴰⵏⵜ ⵏ ⵜⵙⵇⵇⵉⵎⵜ ⵏ ⵓⴹⴼⴼⵓⵕ ⵏ ⵓⵙⵎⵀⵍ ⵏ ⵉⵙⵖⵍⴰⴼ ⵏ ⵓⵏⴳⵎⴰⵎ ⵏ ⵓⵙⵓⵎⵓ ⴷ ⵓⵎⵙⴼⵔⵓ ⴳ ⵉⴳⵉ ⵏ ⵜⵙⵎⵉⴳⴰⵍ ⵏⵏⵙ « ⵙ ⴰⵎ ⵜⴱⵔⵉⴷⵜ ⴷ ⵓⵙⴷⴷⵔⴼ ⵏⵏⴰ ⵉⵜⵜⵓⴳⴰⵏ ⵙⴳ 2019, ⵃⵎⴰ ⴰⴷ ⵉⵜⵜⵡⴰⵣⵔⴰⵢ ⵓⵎⴰⵟⵍ ⵏⵏⴰ ⵉⵍⵍⴰⵏ ⴳ ⵓⵣⵣⴳⵉⵔ ⴷ ⵜⵡⵓⵔⵉ ⵅⴼ ⵓⵙⴷⴷⵔⴼ ⵏⵏⵙ ». ⴳ ⵓⵙⴰⵜⵉ ⴰⴷ, ⵜⵣⵎⵎⴻⵎ ⵉⵍⵉⵢ ⵉⴼⴰⵡⵏ ⴳ ⵓⵙⵖⴰⵍ ⵏ ⵉⴳⵉ ⵏ ⵓⵖⴰⵡⴰⵙ ⵏ ⵓⵙⵎⵙⴰⵙⴰ ⵏ ⵓⵙⴰⵢⵔⴰⵔ ⵏ ⵜⵣⵎⴰⵎⵎⴰⵔⵜ ⴷ ⵜⵙⵓⵍⴰⵏⵜ ⵏ ⵜⵓⴳⴳⴰⵙ ⵅⴼ ⵓⵙⵎⵙⴰⵙⴰ ⵏ ⵜⵙⵏⵏⵉⵖⵜ ⵏ ⵍⵃⵓⵙⵉⵎⴰ ⴷ ⵜⵖⵔⵎⵜ ⵏ ⵓⴳⴷⵣ ⴷ ⵜⵎⵢⴰⵣⴰⵏⵜ ⵉ ⵍⴰⵕⵛⵉⴼ ⴰⴷⵉⴱⵍⵓⵎⴰⵙⵉ ⴰⴼⵕⴰⵏⵚⵉ ⵉⴹⴼⵕⵏ ⵉ ⵜⵎⴰⵡⴰⵙⵜ ⵏ ⴱⵕⵕⴰ ⵅⴼ ⵓⵙⵡⵔⵔⵉ ⵏ ⵍⴰⵕⵛⵉⴼ ⵏ ⵎⵓⵃⵎⵎⴰⴷ ⴱⵏ ⵄⴱⴷ ⵍⴽⵔⵉⵎ ⵍⵅⵟⵟⴰⴱⵉ ⵉⵍⵎⵎⴰ ⵜⴰⵙⵓⵍⴰⵏⵜ ⵏ ⵓⵖⴰⵡⴰⵙ ⵏ ⵓⵙⴳⴳⴷ ⵏ ⵉⵎⴰⵍⴰⴷⵏ ⵓⴼⵔⵉⴷⵏ ⴷ ⵡⴰⵏⵏⴰⵍ ⴰⵏⴰⵎⵓⵏ ⵏ ⵓⵏⴳⵉⵙⵏ ⵏ ⵓⵎⵣⵔⵓⵢ ⵏ ⵜⵕⵥⵉⵢⵉⵏ, ⵙⵓⵍ ⴷ ⵓⴳⴳⴰⵔ.
ⵙⴳ ⵜⴰⵙⵏⴰ ⵏ ⵓⵇⵇⵉⵎ ⴳ ⵓⴼⴰⵢⵙⴱⵓⴽ
