ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵙ ⵓⵣⴷⴰⵢ ⴷ ⵜⵎⵀⵍⴰ ⵏ ⵡⴰⵢⴷⴰ ⴰⴷⵍⵙⴰⵏ ⵉⴹⴼⵕⵏ ⵉ ⵜⵎⴰⵡⵙⴰⵙⵜ ⵏ ⵉⵄⵔⵔⵉⵎⵏ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ, ⵢⵓⴼⴰ ⵓⵙⵉⵏⴰⴳ ⴰⵏⴰⵎⵓⵔ ⵉ ⵜⵎⴰⵙⵙⴰⵏⵉⵏ ⵏ ⵉⴷⵔⵉⵣⵏ ⴷ ⵡⴰⵢⴷⴰ ⵢⴰⵏ ⵓⵙⵎⴹⵍ ⴰⵇⴱⵓⵔ ⵉⴽⴽⴰⵏ ⵓⴳⴳⴰⵔ ⵏ 2000 ⵏ ⵓⵙⴳⴳⵯⴰⵙ ⴳ ⵓⴷⵖⴰⵔ ⵏ ⵍⵉⴽⵙⵓⵙ ⴳ ⵓⵙⵓⵏ ⵏ ⵇⵙⵉⵔⵉⵙⵉ ⴳ ⵜⵙⴳⴳⵉⵡⵉⵏ ⵏ ⵜⵖⵔⵎⵜ ⵏ ⵍⵄⵔⴰⵢⵛ, ⴳ ⵉⵔⵓⵣⵣⵓⵜⵏ ⵍⵍⵉ ⵉⵙⴽⵔ ⵓⵙⵉⵏⴰⴳ ⴰⴷ ⴳ 10 ⴰⵔ 17 ⴱⵕⴰⵢⵕ 2023.
ⵢⵉⵡⵉ ⴷ ⵢⴰⵏ ⵓⵙⵉⵡⴹ ⵍⵍⵉ ⴷ ⵉⵙⵙⴼⵓⵖ ⵓⵙⵉⵏⴰⴳ ⴰⵏⴰⵎⵓⵔ ⵎⴰⵙ ⵉⴳⴰ ⵓⵙⵎⴹⵍ ⴰⴷ ⵡⴰⴷ ⵉⵥⵍⵉⵏ, ⵜⵜⵓⴱⵏⴰⵏ ⵉⵖⵔⴱⴰⵏ ⵏⵏⵙ ⵜⵜⵓⵏⵊⴰⵕⵏⵉⵏ ⴷ ⵜⵜⵔⵙⵏⵉⵏ ⵙ ⵜⵙⵓⴳⵔⵜ ⵉⵙⵎⴷⵏ, ⵖⵎⴽ ⵍⵍⵉ ⵜⵍⵍⴰ ⵜⴷⵓⵍⵉ ⵏ ⵓⵙⵎⴹⵍ ⵙ ⵢⴰⵏ ⵓⵥⵕⵓ ⴰⵅⴰⵜⴰⵔ ⵎⵓ ⵜⴳⴰ ⵜⵖⵣⵉ ⵏⵏⵙ ⵙⵉⵏ ⵉⴷ ⵎⵉⵜⵔⵓ, ⵉⵜⵜⵔⵙ ⴼⵍⵍⴰⵙ ⵓⵍⴰ ⵢⴰⵏ ⵓⴳⵓⴷⵉ ⵉⴳⴳⵓⵜⵏ ⵏⵓⵎⵍⴰⵍ ⵉⵍⴽⵎ ⵖ ⵜⵓⵔⵔⵓⵜ ⴰⴳⵏⴰⵔ ⵏ ⵎⵉⵜⵔⵓ ⴷ ⵜⴰⵜⵜⵓⵢⵜ ⵏⵏⵙ ⵜⵍⴽⵎ ⴽⵕⴰⴹ ⵉⴷ ⵎⵉⵜⵔⵓ. ⴳ ⵓⴳⵏⵙ ⵏ ⵓⵙⵎⴹⵍ, ⵜⵜⵢⵓⴼⴰⵏ ⵉⴷⵔⵉⵣⵏ ⵏ ⵉⵅⵙⴰⵏ ⵏ ⵜⴼⴽⴽⴰ, ⵍⵍⵉ ⵎⵎⴰⵍⵏⵉⵏ ⵙ ⵜⴰⵏⵏⴰⵢⵢⵉⵏ ⵜⵉⵎⵣⵡⵓⵔⴰ, ⵎⴰⵙ ⵜⵜⵓⵃⵔⴰⴳ ⵜⴼⴽⴽⴰ ⴷⴰⵜ ⵏ ⵓⵎⴹⵍ ⵏⵏⵙ, ⴰⵢⵍⵍⵉ ⵉⴳⴰⵏ ⵜⴰⵎⵢⵓⵔⵜ ⵜⴰⵎⵣⵡⴰⵔⵓⵜ ⵉⵜⵜⵢⵓⴼⴰⵏ ⴳ ⵜⵉⴽⴽⵍⵉⵜ ⵜⴰⵎⵣⵡⴰⵔⵓⵜ ⴳ ⵜⵙⴳⴰ ⵏ ⵍⵄⴰⵔⴰⵢⵛ.
ⵉⵍⵍⴰ ⴳ ⵓⵙⵉⵡⴹ ⴰⴷ, ⵎⴰⵙ ⵜⵜⵢⵓⴼⴰⵏ ⴳ ⵓⵙⵎⴹⵍ ⴰⴷ ⴽⵔⴰ ⵏ ⵜⵖⴰⵡⵙⵉⵡⵉⵏ ⵥⵍⵉⵏⵉⵏ ⵙ ⵡⴰⴷ / ⵜⴰⴷ ⴳⵉⵙ ⵉⵜⵜⵓⵎⴹⴰⵍⵏ ⴳ ⵜⵍⵍⴰ ⵢⴰⵜ ⵜⴰⵍⵎⵓⵙⵜ ⵏ ⵓⵣⵣⴰⵍ ⴷ ⵢⴰⵜ ⵜⴳⵍⵣⵉⵎⵜ ⵉⵥⵍⵉⵏ ⵉⵜⵜⵓⵙⴽⴰⵔⵏ ⴳ ⵓⵣⵣⴰⵍ ⵏⵉⵜ.
ⵉⵜⵜⵓⵙⵙⴰⵏ ⵎⴰⵙ ⵔⴰⴷ ⴰⵡⵙⵏ ⵉⵔⵣⵣⵓⵜⵏ ⴰⴷ ⴳ ⵓⵙⵎⵖⵔ ⵏ ⵜⵓⵙⵙⵏⴰ ⵉⵥⵍⵉⵏ ⵙ ⵜⵎⵢⵓⵔⵉⵏ ⵏ ⵓⵙⵎⴹⵍ ⴷ ⵜⵎⵢⵓⵔⵉⵏ ⵏ ⵓⵙⴳⴷ ⵍⵍⴰⵏⵉⵏ ⴳ ⵡⴰⵎⵓⵏ ⴰⴼⴰⵔⴰⵏ ⴳ ⵜⵙⴳⴰ ⵏ ⵍⵉⴽⵙⵓⵙ ⴳ ⵜⴼⵔⴽⴰ ⵜⴰⵇⴱⵓⵔⵜ ⵜⴰⵎⴰⵣⵉⵖⵜ ⵙⴳ ⵜⴰⵙⵓⵜ ⵜⵉⵙ ⵜⴰⵎⵜ ⴷⴰⵜ ⵏ ⵜⵍⴰⵍⵉⵜ ⵏ ⵍⵎⴰⵙⵉⵃ ⴰⵔ ⵓⵙⴳⴳⵯⴰⵙ 40 ⴼ ⵜⵍⴰⵍⵉⵜ ⵏ ⵍⵎⴰⵙⵉⵃ.
