ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵜⴻⵜⵜⵓⵙⵎⵖⵔ ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ, ⵜⴰⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴰⵙⵙ ⵏ 13 ⵎⴰⵕⵚ 2023 ⴳ ⴰⴱⵉⴷⵊⴰⵏ, ⵙ ⵜⵎⴰⵜⴰⵔⵜ ⵜⴰⵎⵇⵔⴰⵏⵜ ⵏ ⵓⵙⵓⴳⵔ ⵏ ⵓⵎⵢⴰⵡⴰⴹ ⵏ ⵙⴰⵃⵉⵍ ⵍⵄⴰⵊ ⵙ ⵢⵉⵙⵎ ⵏ ⵓⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵎⴰⵙⵙ ⴰⵍⵙⴰⵏ ⴷⴰⵔⵎⴰⵏ ⵡⴰⵟⴰⵕⴰ.
ⴳ ⵜⴳⵓⵔⵉ ⵏⵏⵙ ⵉⵜⵜⵓⵏⴰⵏ ⴳ ⵓⵕⵥⵥⵓⵎ ⵓⵏⵚⵉⴱ ⵏⵏⴰ ⵉⵙⵏⵉⵅⴼ ⵓⵎⴰⵡⵙⴰⵙ ⵏ ⵓⵎⵢⴰⵡⴰⴹ ⴷ ⵓⵎⴰⵡⴰⵢ ⵏ ⵡⴰⵡⴰⵍ ⵏ ⵜⵏⴱⴰⴹⵜ, ⵎⴰⵙⵙ ⴰⵎⴰⴷⵓ ⴽⵓⵍⵉⴱⴰⵍⵉ, ⵜⵏⵏⴰ ⵎⴰⵙⵙⴰ ⵍⴰⵟⵉⴼⴰ ⴰⵅⴰⵔⴱⴰⵛ ⵉⵙ ⵙ ⵡⵓⴷⴷⵓⵔ ⴰⵎⵇⵔⴰⵏ ⴰ ⵙ ⵜⵓⵎⵥ ⵜⴰⵙⵎⵖⵓⵔⵜ ⴰⴷ ⵜⴰⵅⴰⵜⴰⵔⵜ ⵏ ⵓⵙⵓⴳⵔ ⵏ ⵓⵎⵢⴰⵡⴰⴹ ⵏ ⵙⴰⵃⵉⵍ ⵍⵄⴰⵊ. ⴰⵔ ⵜⵜⵉⵏⵉ ⴰⵢⵢⵓⵣ ⵉ ⵜⵉⵍⴰⵡⵜ ⵜⴰⵎⴷⵔⴰⵡⵜ ⴳ ⵢⵉⴳⵔ ⵏ ⵓⵎⵢⴰⵡⴰⵙ ⵢⴼⴼⵓⵙ-ⵢⴼⴼⵓⵙ ⴷ ⵜⵡⵓⵔⵉ ⵜⴰⴼⵔⵉⵇⵜ ⴰⴽⴷ ⵎⵏⵉⴷ ⴰⵙ ⵎⴰⵙⵙ ⵔⵓⵏⵉ ⴱⵓⵔⴳⵡⴰⵏ, ⵏⵏⴰ ⵢⵓⵎⵥⵏ ⴰⴽⴷ ⵏⵜⵜⴰ ⵜⴰⵙⵎⵖⵓⵔⵜ ⴰⴷ, ⵜⵏⵏⴰ ⴷⵉⵖ ⵉⵙ « ⵉⵣⵎⵎⴻⵎ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵜⵉⴳⴰⵡⵜ ⵏⵏⵙ ⵏ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ ⴳ ⵢⴰⵜ ⵜⵎⵓⵖⵍⵉ ⵜⴰⴼⵔⵉⵇⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⴷ ⵡⵉⵙⵙ ⵙⴹⵉⵙ, ⵉⵜⵜⵡⴰⵍⴰⵏ, ⴷⴰⵜ ⴽⵉⴳⴰⵏ ⵏ ⵜⵏⵥⵕⵉⵏ ⵉⵍⵍⴰⵏ ⴷⴰⵜ ⵓⵎⵏⵥⴰⵡ, ⵜⴰⵎⵓⵏⵜ ⴷ ⵓⵔⵣⵣⵓ ⵏ ⵉⵕⵥⵥⵓⵎⵏ ⵉ ⵜⵎⵓⴽⵔⵉⵙⵉⵏ ⵜⵉⴼⵔⵉⵇⵉⵏ ⴷ ⵓⵙⵡⵓⵔⵉ ⵏ ⵓⴱⴰⵖⵓⵔ ⵏ ⵓⵏⵎⵓⵔⵉ ⴰⴼⵔⵉⵇ ».
ⵜⵏⵏⴰ ⴷⵉⵖ ⵉⵙ ⴰⵙⴷⵓⵙ ⵏ ⵓⵎⵢⴰⵡⴰⵙ ⴳⵔ ⵜⵎⵔⵙⴰⵍ ⵏ ⵓⵙⵏⴰⵎ ⵙⵙⵎⵖⵓⵔⵏ ⵜ ⵉⵣⴷⴰⵢⵏ ⵉⵕⵡⴰⵏ ⵉⵍⵍⴰⵏ ⴳⵔ ⵜⵎⵓⵔⵜ ⵏ ⵙⴰⵃⵉⵍ ⵍⵄⴰⵊ ⴷ ⵜⵎⵓⵔⵜ ⵏ ⵍⵎⵖⵔⵉⴱ « ⵉⵣⴷⴰⵢⵏ ⵉⵜⵜⵓⵚⴽⴰⵏ ⵅⴼ ⵜⴰⵢⵎⴰⵜ ⴷ ⵓⵡⵇⵇⵔ ⴰⵔ ⵜⴷⵓⵙⵏ ⴰⵀ ⵙ ⵜⵖⵜⵙⵜ ⴷ ⵜⵎⵖⵓⵍⵉ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵎⴰⵎⴷ ⵡⵉⵙⵙ ⵙⴹⵉⵙ ⴷ ⵎⴰⵙⵙ ⴰⵅⴰⵜⵔ ⴰⵏⵙⵙⵉⵅⴼ ⴰⵍⴰⵙⴰⵏ ⵡⴰⵟⴰⵕⴰ ».
ⵜⵏⵏⴰ ⴷⵉⵖ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵉⴳⴰⵏ ⴰⵡⴷ ⵜⴰⵏⵙⵙⵉⵅⴼⵜ ⵏ ⵓⵥⵟⵟⴰ ⵏ ⵜⵎⵔⵙⴰⵍ ⵜⵉⴼⵔⵉⵇⵉⵏ ⵏ ⵓⵙⵏⴰⵎ ⵏ ⵓⵎⵢⴰⵡⴰⴹ ⵉ ⵙⵉⵏ ⵉⵙⴳⴳⵯⴰⵙⵏ, « ⵜⴰⵙⵎⵖⵓⵔⵜ ⴰⴷ ⴷⴰ ⵜⵎⵎⴰⵍ ⵢⴰⵏ ⵡⴰⵜⵜⴰⴳ ⵉ ⵜⵡⵓⵔⵉ, ⵉ ⵓⴱⴰⵖⵓⵔ ⴰⵎⴰⵜⴰⵢ, ⵏⵏⴰ ⵓⵙⵉⵏ ⵉⵏⵙⵏⴰⵎⵏ . ⴰⵛⴽⵓ ⴰⵙⵏⴰⵎ ⵏ ⵓⵙⵏⵖⵎⵙ ⵉⴳⴰ ⵓⵡⵜⵜⴰⵙ ⵏⵏⵙ ⴰⴷⵙⵍⴰⵏ ⴰⴷ ⵉⴹⵎⵏ ⵉⵣⵔⴼⴰⵏ ⵏ ⵉⵏⵎⵓⵔⵉⵏ ⴳ ⵜⵓⵎⴰⵢⵉⵏ ⵜⵉⵏⵖⵎⴰⵙⵉⵏ ⵜⵉⵎⴰⴳⵓⵜⵉⵏ, ⵙ ⵓⵣⵔⴰⴽ ⵏ ⵉⵎⵏⵣⴰⵢ ⵏ ⵉⵣⵔⴼⴰⵏ ⵉⵏⴼⴳⴰⵏⵏ ⴷ ⵡⴰⵜⵉⴳⵏ ⵉⴷⵉⵎⵓⵇⵔⴰⵟⵉⵢⵏ ⵏ ⵜⴳⵎⵉ ⵏ ⵓⵎⵢⴰⵏⴰⵡ ⵏ ⵓⵡⵏⵏⵉ, ⵏ ⵜⴷⵓⵙⵉ ⵜⴰⵏⴰⵎⵓⵏⵜ ⴷ ⵜⵓⴷⵔⵜ ⵜⴰⵎⴰⴳⵔⴰⵡⵜ ».
ⴰⵎⵓⵏ ⴳ ⵜⴼⵓⴳⵍⴰ ⵢⴰⴷ ⴽⵉⴳⴰⵏ ⵏ ⵎⴷⴷⵏ ⵏ ⵙⴰⵃⵉⵍ ⵍⵄⴰⵊ, ⵉⴷⵉⴱⵍⵓⵎⴰⵙⵉⵢⵏ, ⵉⴳⵏⵙⴰⵙ ⵏ ⵜⵎⵔⵙⴰⵍ ⵜⵉⵙⵏⵖⵎⴰⵙⵉⵏ ⴷ ⵉⵙⴰⵜⵉⵏ ⵉⵎⵇⵔⴰⵏⵏ ⵏ ⵙⴰⵃⵉⵍ ⵍⵄⴰⵊ ⴷ ⵎⴰⵙⵙ ⵟⴰⵍⴰⵍ ⵚⴰⵍⴰⵃⴷⴷⵉⵏ, ⴰⵎⵙⵙⵓⴷⵓ ⵏ ⵜⵖⴰⵡⵙⵉⵡⵉⵏ ⵜⵉⴼⵔⵉⵇⵉⵏ ⴷ ⵜⴳⵔⴰⵖⵍⴰⵏⵉⵏ ⴰⴳⵓⵏⵙ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ.
