ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵢⴰⵏ ⵓⴼⵙⴰⵔ ⴰⵏⵉⵎⴰⵏ ⵉⴱⴹⴰⵏ ⵅⴼ ⵙⵉⵏ ⵉⵎⵏⵔⵓⵜⵏ, ⵉⵥⵥⵏⵥⵕⵏ ⵢⴰⵏ ⵓⴽⴰⵎ ⴰⵎⴰⵢⵏⵓ ⴳ ⵜⵥⵓⵕⵉ ⵏ ⵎⵉⴷⵉⵔⵉⴽ ⵜⵓⵔⴰⵢ.
ⵢⵓⵎⵥ ⵎⵉⴷⵉⵔⵉⴽ ⵜⵓⵔⴰⵢ ⴰⴷⵉⴱⵍⵓⵎ ⵏⵏⵙ ⴳ ⵜⵉⵏⵎⵍ ⵏ ⵜⵥⵓⵕⵉⵡⵉⵏ ⵖⵓⴷⴰⵏⵉⵏ ⵏ ⴰⴱⵉⴷⵊⴰⵏ, ⵉⴳⴰ ⵢⴰⵏ ⵓⵏⴰⵥⵓⵕ ⴰⴽⵓⴷⴷⵉⴼⵡⴰⵔ ⵉⴷⴷⵔⵏ ⴳ ⵍⵎⵖⵔⵉⴱ ⵎⵏⵏⴰⵡ ⵉⵙⴳⴳⵯⴰⵙⵏ ⴰⵢⴰ. ⴳⴰⵏ ⵉⵣⴷⴷⵓⵢⵏ ⴷ ⵉⵎⵔⴰⵔⴰⵜⵏ ⴷ ⵡⴰⴽⴰⵍ ⴰⴷ ⵢⴰⵜ ⴳ ⵜⵔⵙⴰⵍ ⵏ ⵓⵖⴱⴰⵍⵓ ⵏ ⵓⵏⴼⵔⴰⵔ ⵏⵏⵙ. ⴳ 22 ⴽⵟⵓⴱⵕ 2022 ⴰⵔ 28 ⴱⵕⴰⵢⵕ 2023, ⵔⴰⴷ ⵉⵙⵙⵏⴽⴷ ⵢⴰⵏ ⵓⴼⵙⵔ ⴳ ⵙⵏⴰⵜ ⵜⴼⵔⴽⵉⵡⵉⵏ, ⴳ ⵓⵙⵏⵙⵓ ⵏ ⴼⵓⵔ ⵙⵉⵣⵓⵏⵣ ⴳ ⵎⵕⵕⴰⴽⵛ ⴷ ⵡⴰⵏⵙⴰ ⵏ ⵓⴽⴰⵢⵎⴷⵏ ⴳ ⵡⴰⵟⵟⵍⴰⵚ ⴰⵎⵇⵇⵔⴰⵏ.
ⵜⴰⵡⵓⵔⵉ ⵏ ⵎⵉⴷⵉⵔⵉⴽ ⵜⵓⵔⴰⵢ, ⵜⵣⵔⵉ ⵉⵡⵓⵜⵜⴰ. ⵉⴳⴰ ⵓⵏⵥⵓⵕ ⴰⴳⵏⵙⴰⵙ ⵏ ⵜⵓⴳⵜ ⵏ ⵉⴼⵙⴰⵔⵏ ⴳ ⴽⵉⴳⴰⵏ ⵏ ⵉⴷⵖⴰⵔⵏ ⴳ ⵓⵎⴰⴹⴰⵍ (ⵜⵛⴰⵔⵍⵣ ⵙⴰⵜⵛⵉ ⴳ ⵍⵓⵏⴷⵓⵏ, ⵉⵜⴰⵏ ⴽⵓⵀⵉⵏ ⴳ ⵏⵢⵓⵢⵓⵔⴽ), ⴰⵡⴷ ⴳ ⵉⴼⵙⴰⵔⵏ ⵉⴳⵔⴰⵖⵍⴰⵏⵏ (ⵕⴹⵍ ⵉⵢⵉ ⵜⴰⵡⴰⵔⴳⵉⵜ ⵏⵏⴽ). ⵜⵉⵍⵉⵜ ⵏⵏⵙ ⴳ ⵜⴳⵔⵓⵎⵎⴰ ⵜⵓⵙⵍⵉⴳⵉⵏ ⴷ ⵜⴳⴷⵓⴷⴰⵏⵉⵏ (ⴰⵙⴰⵍⴰⵢ ⵏ ⵎⵓⵔⵙⵢⴰ ⴳ ⴱⴰⵕⵛⴰⵍⵓⵏⴰ) ⴷⴰ ⴰⵙ ⵢⴰⴽⴽⴰ ⴰⵙⴰⵜⵉ ⵏ ⵓⵏⴰⵥⵓⵕ ⴰⴷⵙⵍⴰⵏ ⴳ ⵢⵉⴳⵔ ⵏ ⵜⵥⵓⵕⵉ ⵜⴰⵜⵔⴰⵔⵜ ⵏ ⵉⴼⵔⵉⵇⵢⴰ ⴷ ⵓⵙⵓⵜⵍ ⵏⵏⵙ.
ⴳ “ⵜⵉⴼⵙⵉ ⵏ ⵜⵎⴽⵜⵉⵜ” ⵉⵣⵓⵣⵣⵔ ⵎⵉⴷⵉⵔⵉⴽ ⵜⵓⵔⴰⵢ ⴰⵙⵏⵜⵍ ⵏⵏⵙ ⴰⵎⵓⴼⴰⵢ “ ⵉⵏⵣⵉ ⴰⴼⴰⴷ ⴰⴷ ⵜⵉⵍⵉⵜ…”, ⴷⴰ ⵉⴳⴰⵏ ⵜⴰⵡⵉⵏⴳⵎⵜ ⵜⴰⵏⴰⵎⵎⴰⵙⵜ ⵏ ⵓⵔⵣⵣⵓ ⵏⵏⵙ, ⵍⵍⵉ ⵉⵙⵙⵉⴷⴼ ⴳ ⵓⵙⵓⵎⵔ ⵏⵏⵙ ⴰⵎⴰⵢⵏⵓ ⵏⵏⴰ ⵢⵓⴳⵯⵉ ⵙ ⵎⵏⵏⴰⵡⵜ ⵜⵖⴰⵔⴰⵙⵉⵏ ⵃⵎⴰ ⴰⴷ ⵉⵙⵙⴷⵔⵓ ⵉⵙⵙⵔⵏⵓ ⴰⵖⵣⴰⵏ ⵏⵏⵙ ⴷ ⵓⵚⴰⴷⴼⴰ ⵏⵏⵙ ⴷ ⵡⴰⵏⵥⴰ ⵏⵏⵙ. ⵜⴳⴰ ⵢⴰⵜ ⵜⵉⵔⵎⵉⵜ ⵜⴰⵎⴰⵢⵏⵓⵜ ⵉⵥⵉⵍⵏ ⵍⵍⵉⴳ ⵔⴰⴷ ⵉⵥⵕ ⵓⵏⵔⵣⴰⴼ ⴳ ⵓⵎⵓⴷⴷⵓ ⵏⵏⵙ ⴳ ⵜⵡⵓⵔⵉⵡⵉⵏ ⵜⵜⵓⵙⵏⴽⴰⴷⵏⵉⵏ, ⴰⵢⵍⵍⵉ ⵓⵔ ⵏⵎⵢⴰⵔ ⴰⴷ ⵜ ⵏⵥⵕⵕⴰ! ⵙ ⵓⵢⴰ ⴷⴰ ⴰⵡⵡⵉⵏⴳⵉⵎ ⵏ ⵓⵎⴰⵏⵏⴰⵢ, ⴳ ⵜⵡⴰⵍⴰ ⵏⵏⵙ, ⴷⴰ ⵉⵥⵕⵕⴰ ⵜⴰⵡⵓⵔⵉ ⵢⴰⵔⵎ ⴰⴷ ⵏⵏ ⵢⴰⴽⵯⵣ ⴰⵔⵎⵎⵓⵙ. ⵓⵔ ⴷ ⴰⵙⵇⵙⵉ ⴰⵊⵢⵓⴳⵔⴰⴼⵉ ⴰⵏⴰⵎⵎⴰⵙ ⴰⴷ ⵉⴳⴰⵏ ⴰⵡⵜⵜⴰⵙ, ⴰⵏⴰⵥⵓⵕ ⴷⴰ ⵉⵜⵜⵖⴰⵍ ⵢⴰⵏ ⵓⵎⴰⴹⴰⵍ ⵏⴱⴹⵏⵜ ⵜⵣⵎⵎⴰⵔ ⴷⴷⵔⵏⵉⵏ ⵉⵙⵓⴳⵔⵏ ⴰⴼⴳⴰⵏ, ⴳ ⵉⵎⵏⴰⵍⴰⵏ ⵏⵏⵙ, ⴷ ⵜⵖⵏⵙⴰ ⵏⵏⵙ ⵜⴰⵎⵏⴰⵡⴰⵢⵜ ⵅⴼ ⵜⵉⵍⵉⵜ. ⵔⴰⴷ ⵜⵉⵍⵉ ⵜⴼⵔⴽⵜ ⵜⴰⵎⵣⵡⴰⵔⵓⵜ ⵏ ⵓⴼⵙⴰⵔ ⴳ ⵓⵙⵏⵙⵓ ⵏ ⴼⵓⵔ ⵙⵉⵣⵓⵏⵣ ⴳ ⵎⵕⵕⴰⴽⵛ ⵍⵍⵉⴳ ⵔⴰⴷ ⵉⵙⵙⵏⴽⴷ ⵢⴰⵜ ⵜⴳⵔⵓⵎⵎⴰ ⵏ ⵜⴼⵉⵍⵉⵏ ⵜⵉⴽⴽⵍⵜ ⵜⴰⵎⵣⵡⴰⵔⵓⵜ ⴳ ⵓⵙⴰⵜⵉ ⵏ ⵓⵙⵏⴼⴰⵔ ⴰⴷ. ⵓⵏⵓⵖⵏ ⵅⴼ ⵜⴼⵔⴰⵡⵉⵏ ⴰⵡⴷ ⵓⵏⵓⵖⵏ ⵉⵙⵎⴰⵜⵜⴰⴳⵏ ⵏⵏⴰ ⵔⴰⴷ ⵉⵎⵍ ⵜⴰⴱⵔⵉⴷⵜ ⵏ ⵓⵏⵓⵖ ⵏ ⵓⵏⴰⵥⵓⵕ ⴳ ⵢⴰⵏ ⵓⴼⵙⴰⵔ ⵏ ⵜⴷⴷⵓⴽⴽⵍⴰ ⵉ ⵜⵡⵓⵔⵉ ⵏⵏⵙ.
ⴳ ⵡⵓⵍ ⵏ ⵓⴳⴰⵎⴰ, ⵔⴰⴷ ⵉⵙⵙⵏⴽⴷ ⵎⵉⴷⵉⵔⵉⴽ ⵜⵓⵔⴰⵢ ⵜⵉⴼⵔⴽⵜ ⵜⵉⵙⵙ ⵙⵏⴰⵜ ⵏ ⵓⵙⵏⴼⴰⵔ ⵏⵏⵙ ⴷⴷⴰⵡ ⵏ ⵢⴰⵏ ⵓⵣⴰⵣⵓ ⴳ ⵓⴷⵖⴰⵔ ⴰⴱⵕⵕⴰⵏ, ⵢⴰⴳⴳⵓⴳⵏ ⵉ ⵜⵎⵚⵕⴰⵢ ⵇⵇⵏⵏⵉⵏ. ⵉⵙⵎⵔⵙ ⵉⵙⴱⴷⴰⴷⵏ ⵏ ⵜⵥⵓⵕⵉ ⵏ ⵡⴰⴽⴰⵍ, ⵉⵡⵛⴰ ⴰⵖ ⴰⴷ ⵏⵥⵕ, ⴰⴷ ⵏⴰⵔⵎ, ⴰⴷ ⵏⴷⵔⵓ ⴰⴽⵓⴷ ⵏ ⵓⴱⵓⵢ, ⵜⴰⵎⵢⴰⴷⴰⵙⵜ ⵏⵏⵙ ⵜⴰⵏⴰⵥⵓⵕⵜ, ⵙⴳ ⵜⵓⵚⴽⵉⵡⵉⵏ ⵜⵉⵅⴰⵜⴰⵔⵉⵏ, ⵉⴱⴹⴰⵏ ⵅⴼ ⵉⵎⵉⵔⵏ ⵉⵎⵏⴰⵡⴰⵢⵏ ⴳ ⵢⴰⵏ ⵡⴰⵏⵙⴰ ⴰⵎⵏⵖⵓⴷ ⴳ ⵓⴷⵖⴰⵔ ⵏ ⵓⴽⴰⵢⵎⴷⵏ ⵉⵍⵍⴰⵏ ⴳ ⵡⴰⵟⵟⵍⴰⵚ ⴰⵎⵇⵇⵔⴰⵏ, ⵢⴰⴳⴳⵓⴳⵏ 80 ⵏ ⴽⵉⵍⵓⵎⵉⵜⵔ ⵅⴼ ⵎⵕⵕⴰⴽⵛ. ⴰⴼⵙⴰⵔ ⴰⴷ ⵜⵙⵏⴰⵍⵜ ⵜⵎⵏⴰⴹⵜ ⵏ ⵎⵕⵕⴰⴽⵛ ⴰⵙⴼⵉ ⴷ ⵜⵙⴳⴰ ⵏ ⵍⵃⴰⵡⵣ, ⵉⴳ ⵓⵍⴰ ⴳ ⵢⴰⵜ ⵜⵙⴳⴰ ⵢⴰⵜ ⵜⵎⵔⴰⵔⵓⵜ ⵅⴼ ⵜⴰⵡⵉⵜ ⵏ ⵓⵏⴰⵥⵓⵕ ⴷ ⵉⵎⵔⴰⵔⴰⵜⵏ ⵏⵏⵙ ⴳ ⵓⴷⵖⴰⵔ ⴰⴷ. ⴳ ⵜⵙⴳⴰ ⵢⴰⴹⵏ, ⵉⴷⴷⵖ ⵜⵉⵏⴷⵉ ⵏ ⵜⵥⵓⵕⵉ ⴳ ⵜⵓⴷⵔⵜ ⵏ ⵓⴼⴳⴰⵏ, ⴷ ⵜⵣⵎⵔⵜ ⵏⵏⵙ ⴳ ⵜⵓⴳⵉ ⵏ ⵓⵣⴷⴷⵓⵢ ⴷ ⵓⴷⵔⴰⵡ, ⵃⵢⵢⵍⵏⵜ ⵜⵏⴱⴰⴹⵉⵏ ⵙ ⵜⵓⵎⵔⵜ ⵉ ⵎⵉⴷⵉⵔⵉⴽ ⵜⵓⵔⴰⵢ ⴰⴽⴰⵍ ⴷ ⵉⵇⵇⴰⵏ ⴰⴼⴰⴷ ⴰⴷ ⵉⴳⴳ ⴰⵙⵏⴼⴰⵔ ⵏⵏⵙ ⴷⴰ ⵎⵉ ⵉⴳⴰ ⵓⴼⵓⵖⵍ ⵏⵏⵙ ⴰⵏⴼⴳⴰⵏ.
ⵜⵉⴼⵙⵉ ⵏ ⵜⵎⴽⵜⵉⵜ, ⴳⵉⵙ ⵢⴰⵏ ⵡⴰⵎⵎⴰⵙ ⵏ ⵓⴼⵓⵍⴽⵉ. ⵔⴰⴷ ⵉⵜⵜⵓⵙⵏⵎⴰⵍⴰ ⵢⴰⵏ ⵓⴷⵍⵍⴰⵍ ⴳ ⵜⵓⵥⵥⵓⵎⵜ ⵏ ⴱⵕⴰⵢⵕ 2023, ⵔⴰⴷ ⵜⵜⵡⵓⴼⴽⴰⵏ ⵡⴰⵔⵔⴰⵣⵏ ⵏⵏⵙ ⵉ ⵜⵎⵙⵎⵓⵏⵉⵏ ⵜⵉⴷⵖⵔⴰⵏⵉⵏ ⴷⴰ ⵉⵜⵜⴰⵡⵙⵏ ⵉ ⵉⵡⴷⴰⵏ ⵉⴷⴷⵔⵏ ⴳ ⵡⴰⴷⴷⴰⴷ ⵉⵍⵎⴹⵏ.
ⴰⵙⵏⵙⵓ ⵏ ⴼⵓⵔ ⵙⵉⵣⵓⵏⵣ / ⵎⵕⵕⴰⴽⵛ
1, ⴰⵙⵓⴽ ⵏ ⵎⵉⵏⴰⵔⴰ ⵎⵕⵕⴰⴽⵖ 40000
