ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵙ ⵓⵣⵣⴳⵉⵔ ⵏ ⵉⵙⵖⵍⴰⴼ ⵉⴳⵍⴷⴰⵏⵏ ⵢⴰⵜⵜⵓⵢⵏ, ⴰⵡⴷ ⴳ ⵓⵙⴰⵜⵉ ⵏ ⵜⵣⵎⵎⴰⵔ ⵜⵉⵏⴰⵎⵓⵔⵉⵏ ⵉⵜⵜⴰⵡⵙⴽⴰⵔⵏ ⵉ ⵓⵙⴱⴷⴷⵉ ⵏ ⵉⴹⵉⵚⵏ ⵉⵣⴷⵉⵏ ⴷ ⵓⵏⴷⵓⴷⵉ ⵉⴽⴽⴰⵏ ⵅⴼ ⵜⴳⵍⴷⵉⵜ ⵏ ⵍⵎⵖⵔⵉⴱ, ⵉⵜⵜⵡⴰⴳ ⵢⴰⵏ ⵓⴼⵏⵉⵇ ⴰⵎⵥⵍⵉ ⵙ ⵡⵓⵟⵟⵓⵏ “126”.
ⴳ ⵓⵙⴰⵜⵉ ⴰⴷ, ⵉⵅⵚⵚⴰ ⵉ ⵉⵏⵎⵓⵔⴰⵏ ⴷ ⵉⵏⴳⵎⴰⵎⵏ ⵓⵙⵍⵉⴳⵏ ⴷ ⵉⴳⴷⵓⴷⴰⵏⵏ ⵏⵏⴰ ⵉⵔⴰⵏ ⴰⴷ ⵓⵛⵏ ⵜⵉⴱⵣⴰⵔⵉⵏ ⵏⵏⵙⵏ ⵉ ⵓⴼⵏⵉⵇ ⵉⵜⵜⴰⵡⴱⴷⴰⵔⵏ ⵙ ⵜⵖⴰⵔⴰⵙⵜ ⵏ ⵓⵙⵏⴼⵍ ⵏ ⵍⴱⴰⵏⴽ ⵙ ⵓⵎⵙⴰⵙⴰ ⴷ ⵓⵢⴰ:
1 – ⴳ ⵎⴰⴷ ⵉⵣⴷⵉⵏ ⴷ ⵉⵙⵏⴼⵍⵏ ⴳ ⵓⵙⵡⵉⵔ ⴰⵏⴰⵎⵓⵔ:
ⴰⵙⵉⴹⵏ ⵏ ⵓⵙⵏⴼⵍ ⵏ ⵓⴷⵔⵉⵎ ⴰⴳⵔⴰⵖⵍⴰⵏ ⵏ ⵓⵏⴱⵖⵓⵔ: 001 810 00 780 002 011 062 03 18
ⵉⵙⵎ ⵏ ⵓⵏⴱⵖⵓⵔ: ⴰⵏⵙⴱⴰⵢⵏⵓ ⴰⵎⴰⵡⵙⴰⵙ ⴷⴰⵔ ⵜⵎⴰⵡⴰⵙⵜ ⵏ ⵜⴷⴰⵎⵙⴰ ⴷ ⵓⵥⵕⴼ
ⴰⵡⵜⵜⴰⵙ ⵏ ⵓⵙⵏⴼⵍ: ⴰⴱⵣⴰⵔ ⴳ ⵓⴼⵏⵉⵇ ⴰⵎⵥⵍⵉ ⵓⵟⵟⵓⵏ 126
2 – ⴳ ⵎⴰⴷ ⵉⵣⴷⵉⵏ ⴷ ⵉⵙⵏⴼⵍⵏ ⵙⴳ ⴱⵕⵕⴰ:
ⴰⵙⵉⴹⵏ ⵏ ⵓⵙⵏⴼⵍ ⵏ ⵓⴷⵔⵉⵎ ⴰⴳⵔⴰⵖⵍⴰⵏ ⵏ ⵓⵏⴱⵖⵓⵔ: MA64 001 810 00 780 002 011 062 03 18
ⵉⵙⵎ ⵏ ⵓⵏⴱⵖⵓⵔ: ⴰⵏⵙⴱⴰⵢⵏⵓ ⴰⵎⴰⵡⵙⴰⵙ ⴷⴰⵔ ⵜⵎⴰⵡⴰⵙⵜ ⵏ ⵜⴷⴰⵎⵙⴰ ⴷ ⵓⵥⵕⴼ
ⵍⴱⴰⵏⴽ ⵏ ⵓⵏⴱⵖⵓⵔ: ⵍⴱⴰⵏⴽ ⵏ ⵍⵎⵖⵔⵉⴱ.
ⵙⵡⵉⴼⵜ: BKAMMAMR
ⴰⵡⵜⵜⴰⵙ ⵏ ⵓⵙⵏⴼⵍ: ⴰⴱⵣⴰⵔ ⴳ ⵓⴼⵏⵉⵇ ⴰⵎⵥⵍⵉ ⵓⵟⵟⵓⵏ 126
ⵣⵎⵔⵏ ⵉⵎⵅⴰⵙⵏ ⴰⴷ ⵓⵛⵏ ⵜⵉⴱⵣⴰⵔⵉⵏ ⵏⵏⵙⵏ ⵙ ⵜⵖⴰⵔⴰⵙⵜ ⵏ ⵜⴽⴰⵕⴹⴰ ⵏ ⵍⴱⴰⵏⴽ ⴳ ⵜⵡⵡⵓⵔⵜ ⵜⴰⵍⵉⴽⵟⵕⵓⵏⵉⵜ ⵏ ⵓⵙⴱⴰⵢⵏⵓ ⴰⵎⴰⵜⴰⵢ ⵏ ⵜⴳⵍⴷⵉⵜ (www.tgr.gov.ma)
ⵖⵉⴽⵍⵍⵉ ⵥⴹⴰⵕⵏ ⵉⵎⵅⴰⵙⵏ ⴰⴷ ⴼⴽⵉⵏ ⵜⵉⴱⵣⴰⵔⵉⵏ ⵏⵏⵙⵏ ⵏⵏⴰ ⵉⴳⴰⵏ ⵉⴷⵔⵉⵎⵏ ⵏⵉⵖ ⵙ ⵜⵖⴰⵔⴰⵙⵜ ⵏ ⵉⵛⵉⴽⵏ ⵏ ⵓⵙⵏⴼⵍ ⵏ ⵓⴷⵔⵉⵎ ⵉ ⵉⵎⵙⵙⵉⴹⵏⵏ ⵉⴳⴷⵓⴷⴰⵏⵏ ⵍⵍⵉ ⵉⴹⴼⵓⵕⵏ ⵉ ⵓⵙⴱⴰⵢⵏⵓ ⴰⵎⴰⵜⴰⵢ ⵏ ⵜⴳⵍⴷⵉⵜ, ⵍⵍⵉ ⵉⵙⵡⵓⵔⵓⵢⵏ ⴳ ⵓⵙⵡⵉⵔ ⴰⵏⴰⵎⵓⵔ, ⴰⴷ ⵜⵏ ⵉⴳⴰⵏ ⴷ ⵉⵏⵙⴱⴰⵢⵏⵓⵜⵏ ⵉⵎⴰⵡⵙⴰⵙⵏ ⴷ ⵉⵏⵙⴱⴰⵢⵏⵓⵜⵏ ⵉⵏⵎⵏⴰⴹⵏ ⴷ ⵉⵙⴱⴰⵢⵏⵓⵜⵏ ⵏ ⵜⵎⵏⴱⴰⴹⵉⵏ ⴷ ⵜⵙⴳⵉⵡⵉⵏ ⴷ ⵉⴳⵓⵎⵔⴰⴷⵏ, ⵓⵍⴰ ⴳ ⵓⵙⵡⵉⵔ ⵏ ⵉⵎⵙⵙⵉⴹⵏⵏ ⵉⵜⵜⵓⵙⵎⴰⴳⵍⵏ ⵙ ⵜⴼⵔⵉ ⵖⵓⵔ ⵉⴽⴰⴱⴰⵕⵏ ⵉⴷⵉⴱⵍⵓⵎⴰⵙⵉⵢⵏ ⴷ ⵜⵙⵇⵓⵏⵙⵓⵜⵉⵏ ⵏ ⵍⵎⵖⵔⵉⴱ ⴳ ⴱⵕⵕⴰ.
ⵉⵇⵇⴰⵏ ⴷ ⴰⴷ ⵏⴱⴷⵔ ⵎⴰⵙ ⴷ ⵉⵛⵉⴽⵏ ⵏ ⵓⵙⵏⴼⵍ ⵏ ⵓⴷⵔⵉⵎ ⵉⵅⵚⵚⴰ ⴰⴷ ⵜⵜⵢⴰⵔⴰⵏ ⵙ ⵢⵉⵙⵎ ⵏ ⵓⵎⵙⵙⵉⴹⵏ ⴰⴳⴷⵓⴷⴰⵏ ⴰⵎⵏⵜⴰⵢ (ⴰⵏⵙⴱⴰⵢⵏⵓ ⴰⵎⴰⵡⵙⴰⵙ ⵏⵉⵖ ⴰⵏⵙⴱⴰⵢⵏⵓ ⴰⵏⵎⵏⴰⴹ ⵏⵉⵖ ⴰⵏⵙⴱⴰⵢⵏⵓ ⵏ ⵜⵎⵏⴱⴰⴹⵜ ⵏⵉⵖ ⵜⴰⵙⴳⴰ ⵏⵉⵖ ⴰⴳⵓⵎⵔⴰⴷ), ⴰⵔ ⴼⵍⵍⴰⵙⵏ ⵉⵜⵜⴰⵡⴼⴽⴰ ⵢⴰⵏ ⵓⵙⵉⵡⴹ ⵏ ⵜⴼⵔⵉ ⵉⵥⵍⵉⵏ ⵙ ⵜⴱⵣⴰⵔⵉⵏ ⵍⵍⵉ ⵉⴳⴰⵏ ⵉⴷⵔⵉⵎⵏ ⵏⵉⵖ ⵙ ⵜⵖⴰⵔⴰⵙⵜ ⵏ ⵉⵛⵉⴽⵏ ⵏ ⵓⵙⵏⴼⵍ ⵏ ⵓⴷⵔⵉⵎ.
