ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵉⵙⴽⵔ ⵓⵙⵉⵔⴰ ⴰⵏⴰⵎⵓⵔ ⵏ ⵜⵜⵔⵉⵙⵉⵏⵜⵉ ⴷ ⵡⴰⵎⴰⵏ ⵏ ⵜⵉⵙⵙⵉ, ⴳ ⵡⴰⵢⵢⵓⵔ ⴰⴷ ⵏ ⴷⵓⵊⴰⵏⴱⵉⵔ ⴳ ⵓⵙⵏⴼⴰⵕ ⵏ ⵜⵉⴽⴽⵉ ⵏ ⵡⴰⵎⴰⵏ ⵏ ⵜⵉⵙⵙⵉ ⵉ ⵜⵖⵔⵎⵜ ⵏ ⵜⴰⵕⵊⵉⵙⵜ ⴷ ⵡⴰⵎⵎⴰⵙⵏ ⵏⵏⴰ ⴰⵙ ⵢⴰⵣⴹⵏ ⴰⵙ ⵓⵙⴰⵜⵉ ⵏ ⵓⵙⵏⴼⴰⵕ ⵏ ⵡⴰⵎⴰⵏ ⵏ ⵜⵉⵙⵙⵉ ⴳ ⵜⵖⵔⵎⵜ ⴰⴷ .
ⴰⵢⵏⵏⴰ ⴷ ⵉⴷⴷⴰⵏ ⴳ ⵓⵙⵉⵡⴹ ⵏ ⵓⵙⵉⵔⴰ ⵎⴰⵙⴷ ⴰⵙⵏⵜⵉ ⴳ ⵓⵙⵏⴼⴰⵔ ⴰⴷ ⵉⵍⵍⴰ ⵙ ⵜⴷⵔⴰⵡⵜ ⴷ ⵜⵙⵏⵓⵔⴰⵢⵜ ⵏ ⵓⵙⴱⵓⵖⵍⵓ ⴷ ⵜⵏⴰⵍⵉⵜ ⵏ ⵉⵣⵣⵍⵎⴹ, ⵙ ⵜⵙⴷⵔⵉⵎⵜ ⵏⵏⴰ ⵉⵍⴽⵎⵏ 134.4 ⵎⵍⵢⵓⵏ ⵏ ⴷⵔⵀⵎ, ⵏⵏⴰ ⵢⵓⵎⴰⵏ ⴰⵙⵔⵓⵙ ⵏ 50 ⴽⵉⵍⵓⵎⵉⵟⵕ ⵏ ⵜⵙⵓⵔⴰ ⵏ ⵡⴰⵎⴰⵏ ⴷ ⵓⵙⴳⵉⴷⴷⵉ ⵏ 8 ⵏ ⵜⵙⵔⵓⵙⵉⵏ ⵏⵏⴰ ⵉⵍⴽⵎⵏ 50 ⴷ 100 ⵏ ⵍⵉⵜⵔⵓ ⴳ ⵜⵉⵙⵏⴰⵜ ⵏ ⵜⵔⴰⵜⵙⴰ ⵏ ⵡⴰⵙⵉⴷⴷ, ⴷ ⵓⵙⴽⴽⵉⵔ ⵏ ⵢⴰⵏ ⵓⵃⵟⵟⵓ ⵏ ⵡⴰⵎⴰⵏ ⵏⵏⴰ ⵉⵍⴽⵎ 400 ⵎⵉⵜⵔⵓ ⴳ ⵓⵎⴽⵕⴰⴹ .
ⵉⵏⵏⴰ ⵉⵏⴰⵡ ⴰⴷ ⵏⵉⵜ ⵎⴰⵙⴷ ⴰⵙⵏⵜⵉ ⴳ ⵓⵙⴽⴽⵉⵔ ⵏ ⵓⵙⵏⴼⴰⵕ ⴰⴷ ⵉⵖⵉ ⴰⴷ ⵉⵙⵙⵉⴳⵓⵜ ⵉⵙⵓⴳⴰⵎ ⵏ ⵡⴰⵎⴰⵏ ⴳ ⵜⵖⵔⵎⵜ ⵏ ⵜⴰⵕⵊⵉⵙⵜ ⵏⵏⴰ ⵜⵜ ⵉⵏⵏ ⵉⴽⴽⴰⵏ ⵉⴳⴰ ⵖⴰⵙ ⵓⴳⴳⵓⴳ ⵏ ⵊⵎⵄⴰ ⵍⵍⵉⵖ ⴷⵔⵓⵙⵏ ⵡⴰⵎⴰⵏ ⴳ ⵉⵙⴳⴳⵯⴰⵙⵏ ⴰⴷ ⵉⵣⵔⵉⵏ ⵙ ⵓⵙⵔⴰⴳ ⵍⵍⵉⵖ ⴱⴰⵀⵔⴰ ⵓⵔ ⵉⴹⵕ ⵓⵏⵥⴰⵕ .
ⵉⵣⴹⴰⵔ ⴰⴷ ⵢⵉⵍⵉ ⵓⵙⵎⵔⵙ ⴷ ⵓⵙⵡⵡⵓⵔⵉ ⵏ ⵓⵙⵏⴼⴰⵔ ⴰⴷ ⵏⵏⴰ ⵉⴳⴰⵏ ⵢⴰⵜ ⵜⴷⵔⴰⵡⵜ ⴳⵔ ⵡⴰⵀⵉⵍ ⴰⵏⴰⵎⵓⵔ ⵏ ⵜⵉⴽⴽⵉ ⵏ ⵡⴰⵎⴰⵏ ⵏ ⵜⵉⵙⵙⵉ ⴷ ⵡⴰⵎⴰⵏ ⵏ ⵜⵏⴳⴳⵯⴰⴼⵜ ⵏⵏⴰ ⵉⵜⵜⵓⵙⴳⵎⴷⵏ ⵎⵏⵉⴷ ⵏ ⴱⴰⴱ ⵏ ⵡⴰⴷⴷⵓⵔ ⴳ ⵎⴰⴷ ⵉⵥⵍⵉⵏ ⵙ ⵜⵉⴽⴽⵉ ⵏ ⵡⴰⵎⴰⵏ ⵏ ⵜⵉⵙⵉ ⵉ ⵜⵖⵔⵎⵜ ⵏ ⵜⴰⵕⵊⵉⵙⵜ ⴷ ⵓⵙⵓⵏⵏ ⵏⵏⴰ ⴰⵙ ⵉⵙⵙⵓⵜⵍⵏ ⴰⵔ ⴷⴼⴼⵉⵔ ⵏ ⵓⵙⴳⴳⵯⴰⵙ ⵏ 2030 .
ⵔⴰⴷ ⵢⴰⵡⵙ ⵓⵙⵏⴼⴰⵕ ⴰⴷ ⴳ ⵓⵙⴱⵓⵖⵍⵓ ⵏ ⵓⵙⵡⵉⵔ ⵏ ⵉⵎⵣⴷⴰⵖⴷ ⵡⴰⵏⵏⴰⵍ ⵏ ⵜⴷⵎⵙⴰ ⴷ ⵜⵏⴼⵍⵉⵜ ⵜⴰⵏⴰⵎⵓⵏⵜ ⴳ ⵜⵎⵏⴰⴹⵜ ⴰⴷ
