ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵜⵉⵍⴰⵍⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴳ ⵓⵙⵡⵓⴷⴷⵓ ⵏ ⵓⵡⵏⵏⵉ ⴰⵙⵔⵜⴰⵏ ⴰⵎⴰⴳⵓⵜ ⴳ ⵜⵏⵣⵡⴰⵢⵉⵏ ⴷ ⵜⴷⴰⴱⵓⵜⵉⵏ ⵜⵉⵜⵍⴼⴰⵣⵉⵏ ⴳ ⵓⵣⵎⵣ ⵏ ⵉⵙⵜⴰⵢⵏ
1. ⴰⵙⵏⵎⵍ ⴷ ⵓⵡⵜⵜⴰⵙ
ⵎⴰⵜⵜⴰ ⵓⵔⵎⵎⵓⵙ ⵏ ⵓⵡⵏⵏⵉ ⴰⵎⴰⴳⵓⵜ ⴳ ⵓⵙⵏⵖⵎⵙ ⴰⵙⵍⵉⵥⵕ ?
ⴰⵡⵏⵏⵉ ⴰⵙⵎⴰⴳⵓⵜ ⵉⴳⴰ ⵜⴰⵏⴼⵔⵓⵜ ⵉ ⵉⵎⵣⴰⵣⵏ ⴰⴽⴽⵯ ⵏ ⵜⴰⵏⵏⴰⵢⵜ ⴷ ⵓⵙⵡⵉⵏⴳⵎ, ⴳⴰⵏ ⵉⵙⵔⵜⴰⵏⵏ ⵏⵖ ⵉⴷⵎⵙⴰⵏⵏ ⵏⵖ ⵉⵏⴰⵎⵓⵏⵏ ⵏⵖ ⵉⴷⵍⵙⴰⵏⵏ, ⵏ ⵓⴽⵛⵛⵓⵎ ⴰⵏⵙⵙⵓⵎⵓ ⴷ ⵓⵎⵢⴰⵙ ⵖⵔ ⵜⵏⵣⵡⴰⵢⵉⵏ ⴷ ⵜⴷⴰⴱⵓⵜⵉⵏ ⵜⵉⵜⵍⴼⴰⵣⵉⵏ ⴰⴼⴰⴷ ⴰⴷ ⵙⵙⵉⵡⴹⵏ ⴰⵙⵡⵉⵏⴳⵎ ⵏⵏⵙⵏ ⴷ ⵜⴰⵏⵏⴰⵢⵉⵏ ⵏⵏⵙⵏ ⴷ ⵡⴰⴷⴷⴰⴷ ⵏⵏⵙⵏ ⵉ ⵜⵏⵎⵓⵔⵉⵏ ⴷ ⵉⵏⵎⵓⵔⵉⵏ ⴳ ⵓⵢⵏⵏⴰ ⵉⵣⴷⵉⵏ ⴷ ⵜⵎⵙⴰⵔⵉⵏ ⵜⵉⵎⵉⵔⴰⵏⵉⵏ ⵏ ⵜⵖⴰⵡⵙⴰ ⵜⴰⵎⴰⵜⴰⵢⵜ. ⵙ ⵜⵓⴽⴽⵉ ⵏ ⵉⵣⵎⵣⵏ ⵏⵏⴰ ⴰⵙⵏ ⵉⵇⴹⴰⵏ ⴰⴼⴰⴷ ⴰⴷ ⵙⴰⵡⵍⵏ ⴷ ⵓⵙⵥⵍⵉ ⵏ ⵜⵉⵔⵎⵜ ⴳ ⵓⵣⵎⵣ ⵉ ⵓⵙⵏⵖⵎⵙ ⵅⴼ ⵜⵡⵓⵔⵉⵡⵉⵏ ⵏⵏⵙⵏ ⵙ ⵓⴱⵔⵉⴷ ⵏ ⵉⵍⵓⴳⵏⵏ ⵉⵜⵜⵓⵔⵛⵎⵏ ⵣⵡⴰⵔ.
ⵉⵇⵇⴰⵏ ⵏ ⴰⴷ ⵏⵥⵍⵉ ⴳⵔ ⵓⵣⵎⵣ ⵏ ⵢⵉⵎⵥ ⵏ ⵡⴰⵡⴰⵍ ⵉⴳⴰⵏ ⴰⵣⵎⵣ ⵏⵏⴰ ⴳ ⴷⴰ ⵉⵙⴰⵡⴰⵍ ⵓⵙⵎⴷⴰⵢ ⵏ ⵢⴰⵏ ⵓⴳⵔⴰⵡ ⴰⵙⵔⵜⴰⵏ ⵏⵖ ⵡⵉⵏ ⵓⵏⵎⴰⵍⵍⵓ ⵏⵖ ⵡⵉⵏ ⵜⵎⵙⵎⵓⵏⵜ ⴰⴳⵓⵏⵙ ⵏ ⵜⵏⴰⴼⵓⵜⵉⵏ ⵜⵉⵏⵣⵡⴰⵢⵉⵏ ⴷ ⵜⴻⵜⵍⴼⴰⵣⵉⵏ.
ⴷ ⵓⵣⵎⵣ ⵏ ⵓⵣⵓⵣⵣⵔ ⵉⴳⴰⵏ ⵜⵓⵎⴰⵢⵜ ⵏ ⵉⵣⵎⵣⵏ ⵉⵥⵍⵉⵏ ⵉ ⵢⴰⵏ ⵓⵙⴳⵓⵎ (ⵜⵉⵙⴳⵓⵔⵉⵏ ⵏ ⵉⵎⴳⴳⴰⵢⵏ, ⵉⵅⴼⴰⵡⴰⵍⵏ ⵉⵏⵖⵎⴰⵙⵏ, ⵜⵉⵡⵍⴰⴼⵉⵏ, ⵉⵎⵙⵍⵉⵢⵏ…).
ⵎⴰⵜⵜⴰ ⵓⵡⵜⵜⴰⵙ ⴳ ⵜⵏⴼⵔⵓⵜ ⵏ ⵓⵡⵏⵏⵉ ⴰⵎⴰⴳⵓⵜ ⴳ ⵓⵙⵏⵖⵎⵙ ⴰⵙⵍⵉⵥⵕ ⴳ ⵉⵣⵎⵣⵏ ⵏ ⵉⵙⵜⴰⵢⵏ
ⵉⵙⵔⵙ ⴷⴷⵓⵙⵜⵓⵕ ⵏ ⵜⴳⵍⴷⵉⵜ, ⵙ ⵡⴰⵜⵉⴳⵏ ⵏⵏⵙ ⴷ ⵉⵎⵏⵣⴰⵢ ⵏⵏⵙ ⴷ ⵉⵍⵓⴳⵏⵏ ⵏⵏⵙ ⴷ ⵜⵎⵔⵙⴰⵍ ⵏⵏⵙ ⵏⵏⴰ ⵉⵙⵍⵓⴳⵏⵏ ⵏⵏⴰ ⴷ ⵉⵙⵍⵓⵍⴰ, ⵜⵉⵔⵙⴰⵍ ⵉⵖⵉⵢⵏ ⴰⴷ ⵉⵙⴷⵓⵙ ⵜⴰⴷⵉⵎⵓⵇⵔⴰⵟⵉⵢⵜ ⵙ ⴽⵕⴰⴹⵜ ⵜⵔⵙⴰⵍ ⵏⵏⵙ, ⴰⵙⵎⴷⵢⴰ, ⴰⵏⵙⵙⵓⵎⵓ ⴷ ⵜⵎⴷⵔⴰⵢⵜ. ⵉⵙⵙⴽⵔ ⴳ ⵉⵙⵜⴰⵢⵏ ⵉⵍⴻⵍⵍⵉⵢⵏ ⵉⵣⴷⴷⵉⴳⵏ ⵜⴰⵔⵙⵍⵜ ⵏ ⵜⵏⵓⵎⵉ ⵏ ⵓⵙⵎⴷⵢⴰ ⴰⴷⵉⵎⵓⵇⵔⴰⵟⵉ.
ⴷ ⵙ ⵓⵙⴽⴰⵔ ⵙ ⵜⵎⴷⵔⴰⵡⵜ ⵜⴰⵢⵉⵡⴰⵏⵜ ⵏ ⵓⵙⵏⵖⵎⵙ ⴳ ⵜⵓⵚⴽⴰ ⵏ ⵓⵙⴰⵢⵔⴰⵔ ⴰⴳⴷⵓⴷⴰⵏ ⴷ ⵓⵙⵎⵓⵙⵙ ⵏ ⵜⵓⴷⵔⵜ ⵜⴰⴷⵉⵎⵓⵇⵔⴰⵟⵉⵢⵜ, ⵖⵓⵔⵙⵏⵜ ⵖⵓⵔ ⵜⵏⵣⵡⴰⵢⵉⵏ ⴷ ⵜⴷⴰⴱⵓⵜⵉⵏ ⵜⵉⵜⵍⴼⴰⵣⵉⵏ ⵢⴰⵜ ⵜⵉⵍⴰⵍⵜ ⵜⴰⴷⵙⵍⴰⵏⵜ ⴷ ⵓⵙⴷⵓⵙ ⵏ ⵜⴷⵍⵙⴰ ⵜⴰⴷⵉⵎⵓⵇⵔⴰⵟⵉⵢⵜ ⴷ ⵓⵣⵓⵣⵣⵔ ⵏ ⵢⵉⴽⵉ ⴰⵙⵔⵜⴰⵏ ⴷ ⵜⵎⴷⵔⴰⵡⵜ ⵜⴰⵎⵓⵔⵉⵜ, ⴷ ⴰⵔ ⵜⵜⴷⵔⵓ ⴳ ⵓⵙⵎⵓⵙⵙ ⵏ ⵓⵏⵎⵓⵔⵉ ⴳ ⵡⵓⵎⵓ ⴳ ⵜⵎⵙⵜⴰⵢⵉⵏ ⴰⴼⴰⴷ ⴰⴷ ⵉⵙⵜⵉ ⵡⵏⵏⴰ ⵖⵉⴼⵙ ⵉⵜⵜⵏⵓⴱⵏ ⴳ ⵓⵙⵡⵓⴷⴷⵓ ⵏ ⵜⵖⴰⵡⵙⴰ ⵜⴰⵎⴰⵜⴰⵢⵜ.
ⴳ ⵓⴱⵔⵉⴷ ⵏ ⵓⵙⵡⵓⵔⵉ ⵢⴰⴷ ⴰⴷⵓⵙⵜⵓⵔⵉ ⵏ ⵜⵉⴳⴰⵡⵜ ⵜⴰⴷⵉⵎⵓⵇⵔⴰⵟⵉⵢⵜ ⴷ ⵙ ⵜⴰⵏⵏⴰⵢⵜ ⵙ ⵜⵉⵍⴰⵍⵜ ⵏ ⵓⵙⵏⵖⵎⵙ ⴳ ⵓⵙⴷⵓⵙ ⵏ ⵉⵎⵏⵣⴰⵢ ⴷ ⵉⵎⴰⵙⵙⵏ ⵏ ⵜⵎⴷⵔⴰⵡⵜ ⵜⴰⵙⵔⵜⴰⵏⵜ, ⴷⴰ ⵜⵙⵙⴽⴰⵏ ⵜⵎⴰⵔⴰⵢⵜ ⵜⴰⵎⵔⵙⴰⵍⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⴰⵛⴽⵓ ⵉⴳⴰ ⴰⴳⵔⴰⵡ ⴰⴷⵓⵙⵜⵓⵔⵉ ⵉⵍⴻⵍⵍⵉ ⵏ ⵉⵜⵉⵇⵏⵉⵢⵏ, ⴳ ⵢⵉⴳⵔ ⵏ ⵡⴰⴳⴳⴰ ⵅⴼ ⵓⵣⵔⴰⴽ ⵏ ⵓⵡⵏⵏⵉ ⵉ ⵜⵎⵣⴰⵣⵉⵏ ⴰⴽⴽⵯ ⵏ ⵓⵙⵡⵉⵏⴳⵎ ⴷ ⵜⴰⵏⵏⴰⵢⵜ ⴳ ⵜⵏⴰⴼⵓⵜⵉⵏ ⵜⵉⵏⵣⵡⴰⵢⵉⵏ ⴷ ⵜⴻⵜⵍⴼⴰⵣⵉⵏ.
ⵙ ⵓⵢⴰ, ⵢⵓⵙⵉ ⴰⴳⴳⵯⴰ, ⴳ ⵉⵣⵎⵣⵏ ⵏ ⵉⵙⵜⴰⵢⵏ, ⴰⵛⴽⵓ ⵜⴳⴰ ⴰⵙⵔⵓⵙ ⴰⴷⵙⵍⴰⵏ ⴳ ⵜⵓⴷⵔⵜ ⵜⴰⴷⵉⵎⵓⵇⵔⴰⵟⵉⵢⵜ, ⴰⴷ ⵜⵏⵏⴼⵔⵓ ⴰⵣⵔⴼ ⵏ ⵓⵏⵎⵓⵔⵉ/ⴰⵎⵙⵜⴰⵢ ⴳ ⵓⵏⵖⵎⵉⵙ ⴳ ⵡⴰⴳⴳⴰ ⵅⴼ ⵜⵎⵣⴰⵣⵉⵏ ⴰⴽⴽⵯ ⵏ ⵜⴰⵏⵏⴰⵢⵜ ⵙ ⵜⵖⴰⵔⴰⵙⵜ ⵏⵏⴰ ⴰⵙ ⵉⵜⵜⴰⵡⵙⵏ ⵅⴼ ⵓⵙⵜⴰⵢ ⵉⵍⴻⵍⵍⵉ ⴷ ⵓⵙⵜⴰⵢ ⵙ ⵓⴼⵔⴰⴽ, ⵙ ⵓⵙⵙⵓⵊⴷ ⵏ ⵡⴰⴷⴰⴼ ⵏ ⵉⵎⵓⵍⵍⵉⵢⵏ ⵉⵙⵔⵜⴰⵏⵏ ⵏⵏⴰ ⵉⵎⴷⵔⴰⵡⵏ ⴳ ⵉⵙⵜⴰⵢⵏ ⵖⵔ ⵉⵖⴰⵡⴰⵙⵏ ⵉⵏⵣⵡⴰⵢⵏ ⴷ ⵉⵜⵍⴼⴰⵣⵏ ⴰⴼⴰⴷ ⴰⴷ ⵉⵏⵉⵏ ⵜⴰⵏⵏⴰⵢⵉⵏ ⵏⵏⵙⵏ ⴷ ⵉⵙⵡⵉⵏⴳⵉⵎⵏ ⵏⵏⵙⵏ ⴷ ⴰⴷ ⵙⵎⵏⴷⵏ ⵜⵉⵡⴰⵍⵉⵜⵉⵏ ⴷ ⵉⵙⵓⵖⵏⵏ ⵏⵏⵙⵏ.
ⵎⴰⵜⵜⴰ ⵓⵣⴷⴰⵢ ⵉⵍⵍⴰⵏ ⴳⵔ ⵓⴼⵔⴰⴳ ⵏ ⵓⵎⵏⵣⴰⵢ ⵏ ⵜⵍⴻⵍⵍⵉ ⴷ ⵜⵏⴼⵔⵓⵜ ⵏ ⵓⵡⵏⵏⵉ ⴰⵎⴰⴳⵓⵜ ?
ⵜⵚⴽⴰ ⵜⵡⵓⵔⵉ ⵜⴰⵖⵎⵙⴰⵏⵜ ⵜⴰⵙⵍⵉⵥⵕⵜ ⵅⴼ ⵜⵍⴻⵍⵍⵉ ⵉⴳⴰⵏ ⴰⵎⵏⵣⴰⵢ ⴰⴷⵙⵍⴰⵏ. ⵓⵔ ⵉⵇⵇⵉⵏ ⵓⵎⵍⵓⴳⴰⵏ ⴰⵙⵡⵓⵔⵉ ⵏ ⵜⵍⴻⵍⵍⵉ ⵢⴰⴷ ⵖⴰⵙ ⴳ ⵓⵢⵏⵏⴰ ⵉⵣⴷⵉⵏ ⴷ ⵓⵣⵔⴰⴽ ⵏ ⵉⵎⵏⵣⴰⵢⵏ ⵢⴰⴹⵏ ⵏⵏⴰ ⵖⵓⵔ ⵉⵍⵍⴰ ⵡⴰⵜⵉⴳ ⴰⴼⵍⵙⴰⴼ ⴷ ⵉⵍⵓⴳⵏⵏ ⵉⵣⴷⵉⵏ ⴷ ⵜⵖⴰⵔⵉⵡⵉⵏ, ⴰⵎⵎ ⴰⵣⵔⴰⴽ ⵏ ⵡⴰⴷⴷⵓⵔ ⵏ ⵓⴼⴳⴰⵏ ⴷ ⵜⵓⴷⵔⵜ ⵉⵥⵍⵉⵏ ⵏ ⵉⵏⵎⵓⵔⵉⵏ, ⴰⵣⵔⴰⴽ ⵏ ⵉⵎⵏⵣⴰⵢ ⵏ ⵓⵙⵉⴽⵙⵍ ⴷ ⵓⵏⵙⵙⵓⵎⵓ ⴷ ⵡⴰⵔ ⴰⵙⵏⵓⵃⵢⵓ ⵎⴳⴰⵍ ⵜⵉⵎⵖⴰⵔⵉⵏ, ⴰⵣⵔⴰⴽ ⵏ ⵜⵎⵉⵜⴰⵔ ⵏ ⵜⵉⵣⵣⵉⴷⴳⴰ, ⵡⴰⵔ ⴰⵙⵃⵓⵔⵔⵛ ⵅⴼ ⵓⵙⵙⴰⵥⵓⵕ ⴷ ⵓⴽⵙⴰⵏ ⴷ ⵓⴽⵕⴰⴹ ⴷ ⵜⵏⴼⵔⵓⵜ ⵏ ⵓⵡⵏⵏⵉ ⴰⵎⴰⴳⵓⵜ ⵉ ⵉⵎⵣⴰⵣⵏ ⴰⴽⴽⵯ ⵏ ⵜⴰⵏⵏⴰⵢⵜ ⴷ ⵓⵙⵡⵉⵏⴳⵎ.
ⵉⵥⵉⵍ ⴷⵉⵖ ⴰⴷ ⵏⵉⵙⵉⵏ ⵉⵙ ⵜⵉⴹⴰⴼ ⵏ ⵓⵎⵍⵓⴳⵏ ⴷ ⵓⴳⵔⴰⵡ ⴰⵜⵉⵇⵏⵉ ⵅⴼ ⵓⴼⵔⴰⴳ ⵏ ⵜⵍⴻⵍⵍⵉ ⵏ ⵜⵏⵣⵡⴰⵢⵉⵏ ⴷ ⵜⴷⴰⴱⵓⵜⵉⵏ ⵜⵉⵜⵍⴼⴰⵣⵉⵏ, ⵜⵉⴳⴷⵓⴷⴰⵏⵉⵏ ⴷ ⵜⵎⵥⵍⵉⵢⵉⵏ, ⴳ ⵓⵙⵙⵓⵊⴷ ⵏ ⵉⵖⴰⵡⴰⵙⵏ, ⵓⵔ ⵉⵅⴰⵍⴼ ⴷ ⵓⵙⴷⵓⵙ ⵏ ⵜⵎⴰⵙⴰⵢⵜ ⵏ ⵓⴳⵔⴰⵡ ⴰⴷ ⴳ ⵓⵢⵏⵏⴰ ⵉⵣⴷⵉⵏ ⴷ ⵓⵣⵔⴰⴽ ⵏ ⵓⵡⵏⵏⵉ ⴰⵎⴰⴳⵓⵜ ⵏ ⵜⵎⵣⴰⵣⵉⵏ ⵏ ⵜⴰⵏⵏⴰⵢⵜ ⴷ ⵓⵙⵡⵉⵏⴳⵎ ; ⴰⵛⴽⵓ ⵙⵉⵏ ⴰⴷ (ⵜⵉⵍⴻⵍⵍⵉ ⵏ ⵜⵉⵔⵔⴰ / ⴰⵡⵏⵏⵉ ⴰⵎⴰⴳⵓⵜ) ⵔⴰⴷ ⵜⴼⵔⴳ ⵉ ⵓⵙⵡⵓⵔⵉ ⴰⵖⵎⵙⴰⵏ ⵜⵉⵍⴻⵍⵍⵉ ⵏⵏⵙ ⵡⴰⵔ ⵉⵙⴽⵔⴰⴼ ⵙ ⴰⵡⴷ ⵢⴰⵏ ⵡⴰⵏⴰⵡ ⵏ ⵓⵙⵍⴳⴰⵎⵓ ⵉⵣⵡⴰⵔⵏ, ⴰⵔ ⵜⵙⵙⵓⵀⴰⵏ ⴷⵉⵖ, ⵜⴰⵎⴰⵙⴰⵢⵜ ⵏⵏⵙ ⵜⴰⵏⴰⵎⵓⵏⵜ ⵜⴰⴷⵉⵎⵓⵇⵔⴰⵟⵉⵢⵜ, ⵙ ⵉⵎⵥⵍⵉ ⴰⵢⵏⵏⴰ ⵉⵣⴷⵉⵏ ⴷ ⵜⵎⵙⴰⵔⵉⵏ ⵏ ⵓⵎⵢⴰⵏⴰⵡ ⴷ ⵓⵏⵙⵙⵓⵎⵓ ⴷ ⵜⵎⴷⵔⴰⵡⵜ ⵜⴰⵎⵓⵔⵉⵜ.
ⵜⴳⴰ ⵜⵏⴼⵔⵓⵜ ⵏ ⵓⵡⵏⵏⵉ ⴰⵎⴰⴳⵓⵜ ⴷⵉⵖ ⴰⵙⴰⴷⴰⴼ ⵉ ⵓⴼⵔⴰⴳ ⵏ ⵜⵍⴻⵍⵍⵉ ⵙ ⵢⵉⵎⴰⵏ ⵏⵏⵙ ; ⴰⵛⴽⵓ ⵜⵉⴹⴰⴼ ⵏ ⵜⵏⵣⵡⴰⵢⵉⵏ ⴷ ⵜⴷⴰⴱⵓⵜⵉⵏ ⵜⵉⵜⵍⴼⴰⵣⵉⵏ ⵅⴼ ⵜⵏⴼⵔⵓⵜ ⵏ ⵓⵡⵏⵏⵉ ⴰⵎⴰⴳⵓⵜ ⵉ ⵜⵎⵣⴰⵣⵉⵏ ⴰⴽⴽⵯ ⵏ ⵜⴰⵏⵏⴰⵢⵜ ⴷ ⵓⵙⵡⵉⵏⴳⵎ, ⵡⴰⵔ ⵜⴰⵍⵖⴰ ⴷ ⵓⵙⵏⵓⵃⵢⵓ ⴷ ⵡⵓⴽⵓⵙ, ⴰⴷ ⵢⴰⵎⵓ ⴳ ⵓⵙⴷⵓⵙ ⵏ ⵜⵏⵉⵎⴰⵏⵜ ⵏⵏⵙ ⵏ ⵜⵉⵔⵔⴰ ⴱⵕⵕⴰ ⵏ ⵎⴰ ⵉⴳⴰⵏ ⵜⴰⵙⵙⴰⵙⵜ ⵜⵉⴷⵢⵓⵍⵓⵊⵉⵜ ⵏⵖ ⵜⴰⵙⵔⵜⴰⵏⵜ ⵏⵖ ⵜⴰⴷⵎⵙⴰⵏⵜ.
ⵉⵙⴷ ⵜⴰⵏⴼⵔⵓⵜ ⵏ ⵓⵡⵏⵏⵉ ⴰⵎⴰⴳⵓⵜ ⵉⴳⴰ ⴰⵣⵔⴼ ⵏ ⵓⵎⴳⴳⴰⵢ ⴰⴳⴷⵓⴷⴰⵏ ⵏⵖ ⵉⴳⴰ ⴰⵣⵔⴼ ⵏ ⵓⵏⵎⵓⵔⵉ/ⵜⴰⵏⵎⵓⵔⵉⵜ, ⵉⵎⵥⵕⵉ/ⵜⵉⵎⵥⵕⵉⵜ, ⴰⵎⵙⵙⴼⵍⴷ/ⵜⴰⵎⵙⵙⴼⵍⴷ ?
ⵎⴽ ⵜⴳⴰ ⵜⵏⴼⵔⵓⵜ ⵏ ⵓⵡⵏⵏⵉ ⴰⵎⴰⴳⵓⵜ ⴳ ⵜⵏⵣⵡⴰⵢⵉⵏ ⴷ ⵜⴷⴰⴱⵓⵜⵉⵏ ⴰⵣⵔⴼ ⵉ ⵉⵎⴳⴳⴰⵢⵏ ⵉⵙⵔⵜⴰⵏⵏ ⴷ ⵉⴷⵎⵙⴰⵏⵏ ⴷ ⵉⵏⴰⵎⵓⵏⵏ ⴷ ⵉⴷⵍⵙⴰⵏⵏ, ⴰⵢⴰⵏ ⵓⵔ ⵉⴳⵉ ⴰⵡⵜⵜⴰⵙ ⵙ ⵢⵉⵎⴰⵏ ⵏⵏⵙⵏ, ⵉⴳⴰ ⵖⴰⵙ ⵉⵎⴰⵙⵙⵏ ⵏⵏⴰ ⴷ ⵢⵉⵡⵉ ⵓⵎⵍⵓⴳⵏ ⴰⴼⴰⴷ ⴰⴷ ⵉⴹⵎⵏ ⴰⵣⵔⴼ ⵏ ⵓⵏⵎⵓⵔⵉ ⴷ ⵜⵏⵎⵓⵔⵉⵜ ⴳ ⵓⵏⵖⵎⵉⵙ ⴷ ⴰⴷ ⵉⴼⵔⴳ ⵉ ⵓⵣⵔⴼ ⵏⵏⵙ ⵏ ⴰⴷ ⵢⴰⴳⴳ ⵅⴼ ⵜⴰⵏⵏⴰⵢⵉⵏ ⴷ ⵡⴰⴷⴷⴰⴷⵏ ⵙ ⵜⵖⴰⵔⴰⵙⵜ ⵉⴽⵎⵎⵍⵏ ⵉⵀⵢⵢⴰⵏ, ⴰⴼⴰⴷ ⴰⴷ ⵉⵙⵙⴽⵔ ⵢⴰⵏ ⵓⵙⵡⵉⵏⴳⵎ ⵏⵏⴰ ⵙⵔⵙ ⵉⵥⵍⵉⵏ ⵙ ⵜⵍⴻⵍⵍⵉ, ⴰⵔ ⵜⵜⴰⵎⵓ ⴳ ⵓⵙⵙⵉⵍⵢ ⵏ ⵢⵉⴽⵉ ⵏⵏⵙ ⴰⵣⵖⴰⵏ ⴷⴰⵜ ⵏ ⵜⵎⵙⴰⵔⵉⵏ ⵏ ⵜⵖⴰⵡⵙⴰ ⵜⴰⵎⴰⵜⴰⵢⵜ.ⴰⴷ ⵢⴰⵎⵓ ⴳ ⵓⵙⴷⵓⵙ ⵏ ⵜⵏⵉⵎⴰⵏⵜ ⵏⵏⵙ ⵏ ⵜⵉⵔⵔⴰ ⴱⵕⵕⴰ ⵏ ⵎⴰ ⵉⴳⴰⵏ ⵜⴰⵙⵙⴰⵙⵜ ⵜⵉⴷⵢⵓⵍⵓⵊⵉⵜ ⵏⵖ ⵜⴰⵙⵔⵜⴰⵏⵜ ⵏⵖ ⵜⴰⴷⵎⵙⴰⵏⵜ.
ⴷⴰ ⵙⵙⵓⵊⴰⴷⵏ ⵉⵎⴷⵔⴰⵡⵏ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵉⵖⴰⵡⴰⵙⵏ ⵏⵏⵙⵏ ⵙ ⵜⵍⴻⵍⵍⵉ (…) ⵙ ⵓⵃⴹⴰⵡ ⵏ ⵡⴰⵏⴰⵡ ⴰⵎⴰⴳⵓⵜ ⵏ ⵜⵎⵣⴰⵣⵉⵏ ⵏ ⵜⴰⵏⵏⴰⵢⵜ ⴷ ⵓⵙⵡⵉⵏⴳⵎ (…) ⴰⵙⵉⵏ ⵜⴰⵎⴰⵙⴰⵢⵜ ⴰⴽⴽⵯ ⵏ ⵜⵉⵔⵔⴰ ⵏⵏⵙⵏ ⵅⴼ ⵉⵖⴰⵡⴰⵙⵏ ⴰⵏ.
ⵜⵉⵍⴻⵍⵍⵉ ⵏ ⵉⵎⴷⵔⴰⵡⵏ ⴳ ⵜⵉⵔⵔⴰ ⵏⵏⵙⵏ, ⵉⵇⵇⴰⵏ ⵜⵜ ⵏ ⵓⵥⵍⴰⵢ ⵏ ⵜⵓⵎⴰⵢⵉⵏ ⵏ ⵜⵉⵔⵔⴰ ⴱⵕⵕⴰ ⵏ ⵎⴰ ⵉⴳⴰⵏ ⵜⴰⵙⵙⴰⵙⵜ ⵙ ⵉⵎⵥⵍⵉ ⵙⴳ ⵜⵙⴳⴰ ⵏ ⵉⴳⵔⴰⵡⵏ ⵉⴷⵢⵓⵍⵓⵊⵉⵏ ⵏⵖ ⵉⵙⵔⵜⴰⵏⵏ ⵏⵖ
ⵉⴷⴰⵎⵙⴰⵏⵏ. ⵜⴰⵎⵜⵜⴰ ⵜⵉⵙⵙ 4 ⵙⴳ ⵓⵙⵍⴳⵏ ⵓⵟⵟⵓⵏ 77.03 ⵉⵣⴷⵉⵏ ⴷ ⵓⵎⵢⴰⵡⴰⴹ ⴰⵙⵍⵉⵥⵕ.
2. ⵜⴰⵙⵎⵉⴳⵍⵜ
ⵎⴰ ⵉⴳⴰⵏ ⵜⵉⵔⵙⴰⵍ ⵜⵉⵣⵔⴼⴰⵏⵉⵏ ⵉⵜⵜⵉⵏ ⵉ ⵓⵙⵡⵓⴷⴷⵓ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵢⴰⵡⴰⴹ ⴰⵙⵍⵉⵥⵕ ⵉ ⵓⵡⵏⵏⵉ ⴰⵎⴰⴳⵓⵜ ?
ⵉⴳⴰ ⵓⵎⵓⵢⵢⴷ ⵅⴼ ⵓⵣⵔⴰⴽ ⵏ ⵓⵡⵏⵏⵉ ⴰⵎⴰⴳⵓⵜ ⵉ ⵜⵎⵣⴰⵣⵉⵏ ⵏ ⵜⴰⵏⵏⴰⵢⵜ ⴷ ⵓⵙⵡⵉⵏⴳⵎ ⴳ ⵜⵏⵣⵡⴰⵢⵉⵏ ⴷ ⵜⴷⴰⴱⵓⵜⵉⵏ ⵜⵉⵜⵍⴼⴰⵣⵉⵏ ⵢⴰⵜ ⵜⵙⵎⵉⴳⵍⵜ ⵜⴰⴷⵓⵙⵜⵓⵔⵉⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ.
ⵢⵓⴳⴳⴰ ⵓⵙⵇⵇⵉⵎ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵙ ⵓⵢⵏⵏⴰ ⴷ ⵢⵉⵡⵉ ⵓⵙⵍⵓⴳⵏ ⴳ ⵜⵎⵜⵜⵉ ⵉⵙⵙ 4 ⵜⴰⴳⵣⵣⵓⵎⵜ 6 ⵙⴳ ⵓⵙⵍⴳⵏ ⵓⵟⵟⵓⵏ 11.15 ⵉⵣⴷⵉⵏ ⴷ ⵡⴰⵍⵍⴰⵙ ⵏ ⵓⵙⵏⵎⴰⵍⴰ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ « ⵜⵉⴹⴰⴼ ⵏ ⵓⵣⵔⴰⴽ ⵏ ⵉⵍⵓⴳⵏⵏ ⵏ ⵓⵡⵏⵏⵉ ⴰⵎⴰⴳⵓⵜ ⵉ ⵜⵎⵣⴰⵣⵉⵏ ⵏ ⵜⴰⵏⵏⴰⵢⵜ ⴷ ⵓⵙⵡⵉⵏⴳⵎ, ⴳⴰⵏ ⵉⵙⵔⵜⴰⵏⵏ ⵏⵖ ⵉⵏⴰⵎⵓⵏⵏ ⵏⵖ ⵉⴷⵎⵙⴰⵏⵏ ⵏⵖ ⵉⴷⵍⵙⴰⵏⵏ, ⴳ ⵉⵎⴰⵙⵙⵏ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴳ ⵓⵙⴰⵜⵉ ⵏ ⵓⵣⵔⴰⴽ ⵏ ⵓⵙⵓⵎⵓ ⴰⵎⵓⵔⴰⵏ ⴷ ⵓⵙⵉⴽⵙⵍ ⵏ ⵓⵙⵎⴷⵢⴰ ⴷ ⵓⵎⵢⴰⵏⴰⵡ ⴷ ⵡⴰⵔ ⴰⴽⵡⴰⵛ ⴳ ⵓⵙⵡⵉⵔ ⴰⵎⵓⵍⵍⵉ ⴷ ⵓⵏⵎⴰⵍⵍⴰⵏ ⴷ ⵡⵉⵏ ⵜⵎⵙⵎⵓⵏⵉⵏ ⵉⵙⵡⵓⵔⵉⵏ ⴳ ⵜⵖⴰⵡⵙⴰ ⵜⴰⵎⴰⵜⴰⵢⵜ ».
ⵜⵉⵡⵉ ⴷ ⴷⵉⵖ ⵜⵎⴻⵜⵜⴰ 28 ⵙⴳ ⵓⵙⵍⴳⵏ ⵓⵟⵟⵓⵏ 11.15 ⵉⵣⴷⵉⵏ ⴷ ⵡⴰⵍⵍⴰⵙ ⵏ ⵓⵙⵏⵎⴰⵍⴰ ⵏ ⵓⴳⵔⴰⵡ ⴰⵎⴰⵜⵜⴰⵢ ⵉⵙⴷ « ⴰⴷⴷⴰⵢ ⵓⵔ ⵍⵍⵉⵏ ⵉⵎⴳⵔⴰⴷⵏ ⵉⵍⵓⴳⴰⵏⵏ ⵏⵖ ⵉⵙⵏⵎⴰⵍⴰⵢⵏ ⵉⵣⵣⵉⴳⵉⵣⵏ, ⵉⵖⵉⵢ ⵓⴳⵔⴰⵡ ⴰⵎⴰⵜⵜⴰⵢ ⴰⴷ ⵢⴰⵙⵉ ⵜⴰⵎⴰⵙⴰⵢⵜ ⵏⵏⴰ ⵏ ⵉⵇⵇⴰⵏⵏ ⴰⴼⴰⴷ ⴰⴷ ⵉⵜⵜⵓⵣⵔⴽ ⵓⵡⵏⵏⵉ ⴰⵎⴰⴳⵓⵜ ⵏ ⵉⵎⵣⴰⵣⵏ ⵏ ⵜⴰⵏⵏⴰⵢⵜ ⴷ ⵓⵙⵡⵉⵏⴳⵎ, ⵙ ⵓⵎⴰⵜⴰ ⴳ ⵢⵉⴳⵔ ⵏ ⵓⵙⵏⵖⵎⵙ ⴰⵙⵔⵜⴰⵏ, ⴰⴼⴰⴷ ⴰⴷ ⵉⵖⵉⵢⵏ ⵉⵎⵓⵍⵍⴰ ⵉⵙⵔⵜⴰⵏⵏ ⴷ ⵜⵎⵙⴷⵓⵙⵉⵏ ⵜⵉⵏⵎⴰⵍⵍⴰⵏⵉⵏ ⴷ ⵜⵎⵚⵕⵉⵢⵉⵏ ⵜⵉⵣⵣⵓⵍⴰⵏⵉⵏ ⴷ ⵜⵉⵙⵎⴷⴰⵜⵉⵏ ⴳ ⵢⵉⴳⵔ ⴰⴷⵎⵙⴰⵏ ⴷ ⵜⵎⵙⵎⵓⵏⵉⵏ ⵏ ⵡⴰⵎⵓⵏ ⴰⵖⵔⵎⴰⵏ ⵉⵙⵡⵓⵔⵉⵏ ⴳ ⵜⵖⴰⵡⵙⴰ ⵜⴰⵎⴰⵜⴰⵢⵜ ⴷ ⵜⵎⵙⴰⵔⵉⵏ ⵏ ⵉⵎⵖⵔⴰⴱⵉⵢⵏ ⵏ ⴱⵕⵕⴰ ⴷ ⵜⵎⵙⴷⵓⵙⵉⵏ ⵜⵉⵏⴰⵎⵓⵔⵉⵏ ⵜⴰⵔⴰⵏⴱⴰⴹⵉⵏ, ⴳ ⵓⵙⴱⵓⵖⵔ ⵙⴳ ⵓⵣⵎⵣ ⵏ ⵡⴰⵡⴰⵍ ⴳ ⵓⵙⴰⵢⵔⴰⵔ ⴰⵎⴰⵜⴰⵢ ⵏ ⵜⵏⵣⵡⴰⵢⵉⵏ ⴷ ⵉⵜⵉⵍⵉⴼⵉⵣⵢⵓⵏⵏ ⴰⵛⴽⵓ ⵜⵍⴰ ⴰⵜⵉⴳ ⵎⵇⵇⵓⵔⵏ ⵙ ⵉⵙⴱⴷⴰⴷⵏ ⵉⵎⵙⵖⵓⵔⴰ ».
ⵉⵥⵍⵉ ⵓⵙⵍⴳⵏ ⵉⵍⵓⴳⵏⵏ ⵏ ⵓⵙⵏⵎⴰⵍⴰ ⵏ ⵉⵎⴰⵙⵙⵏ ⵏ ⵓⵙⵏⵖⵎⵙ ⴰⴳⴷⵓⴷⴰⵏ ⴷ ⵜⵉⴹⴰⴼ ⵏⵏⵙ, ⴰⵔ ⵉⵜⵜⴹⵎⴰⵏ ⴰⵙⴱⵓⵖⵔ ⵙⴳ ⵉⵎⴰⵙⵙⵏ ⴰⴷ ⵙ ⵓⵣⵔⴰⴽ ⵏ ⵓⵎⵢⴰⵏⴰⵡ ⵓⵜⵍⴰⵢ ⴷ ⵓⴷⵍⵙⴰⵏ ⴷ ⵓⵙⵔⵜⴰⵏ ⵏ ⵡⴰⵎⵓⵏ ⴰⵎⵖⵔⴰⴱⵉ.
ⵢⵓⴳⴳⴰ ⵓⴳⵔⴰⵡ ⴰⵎⴰⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵅⴼ ⵓⵣⵔⴰⴽ ⵏ ⵓⵎⵢⴰⵏⴰⵡ ⵙ ⵓⵢⵏⵏⴰ ⴷ ⵢⵉⵡⵉ ⵓⵙⵍⴳⵏ 165 ⵏ ⴷⴷⵓⵙⵜⵓⵔ ». ⴰⵎⴳⵔⴰⴷ 28 ⵏ ⴷⴷⵓⵙⵜⵓⵔ.
« ⵢⵓⴳⴳⴰ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵅⴼ ⵓⵣⵔⴰⴽ ⵏ ⵓⵡⵏⵏⵉ ⴰⵎⴰⴳⵓⵜ ⵏ ⵉⵎⵣⴰⵣⵏ ⵏ ⵜⴰⵏⵏⴰⵢⵜ ⴷ ⵓⵙⵡⵉⵏⴳⵎ, ⴷ ⵓⵣⵔⴼ ⴳ ⵓⵏⵖⵎⵉⵙ ⴳ ⵢⵉⴳⵔ ⴰⵙⵍⵉⵥⵕ, ⴳ ⵓⵙⴰⵜⵉ ⵏ ⵓⵣⵔⴰⴽ ⵏ ⵡⴰⵜⵉⴳⵏ ⵉⵖⵔⵎⴰⵏⵏ ⵉⴷⵙⵍⴰⵏⵏ ⴷ ⵉⵙⵍⴳⵏⵏ ⵏ ⵜⴳⵍⴷⵜ »
ⴰⵎⴳⵔⴰⴷ ⵡⵉⵙⵙ 165 ⵏ ⴷⴷⵓⵙⵜⵓⵔ.
ⵎⴰⵜⵜⴰ ⵓⵎⵣⴰⵔⴰⵢ ⵉⵍⵍⴰⵏ ⴳⵔ ⵓⵣⵎⵣ ⵓⵏⵣⵉⵍ ⴷ ⵉⵣⵎⴰⵣ ⵏ ⵉⵙⵜⴰⵢⵏ ⴳ ⵓⵙⵡⵓⴷⴷⵓ ⵏ ⵓⵡⵏⵏⵉ ⴰⵎⴰⴳⵓⵜ ?
ⵜⵍⵍⴰ ⵜⵙⵎⵉⴳⵍⵜ ⵜⴰⵎⵔⵙⴰⵍⵜ ⵖⵓⵔ ⵓⴳⵔⴰⵡ ⴰⵎⴰⵜⵜⴰⵢ ⴳ ⵓⵙⵡⵓⴷⴷⵓ ⵏ ⵓⵡⵏⵏⵉ ⴰⵎⴰⴳⵓⵜ ⵏ ⵉⵎⵣⴰⵣⵏ ⵏ ⵓⵙⵡⵉⵏⴳⵎ ⴷ ⵜⴰⵏⵏⴰⵢⵜ ⴳ ⵜⵏⵣⵡⴰⵢⵉⵏ ⴷ ⵜⴷⴰⴱⵓⵜⵉⵏ ⵜⵉⵜⵍⴼⴰⵣⵉⵏ, ⴰⴳⵓⵏⵙ ⵏⵖ ⴱⵕⵕⴰ ⵏ ⵉⵣⵎⵣⵏ ⵏ ⵓⵙⵜⴰⵢ.
ⴳ ⴱⵕⵕⴰ ⵏ ⵓⵣⵎⵣ ⵏ ⵉⵙⵜⴰⵢⵏ, ⴷⴰ ⵉⵙⵙⵓⵊⴰⴷ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⵙ ⵓⴱⵔⵉⴷ ⵏ ⵓⵙⵍⴳⵏ, ⵢⴰⵜ ⵜⴰⵏⴰⴹⵜ ⵜⴰⴽⵕⴰⴹⵢⵓⵔⵜ ⵉⴳⵣⵉⵏ ⵅⴼ ⵓⵣⵎⵣ ⵏ ⵉⴽⵛⵛⵓⵎⵏ ⵏ ⵎⴷⴷⵏ ⵉⵙⵔⵜⴰⵏⵏ ⴷ ⵉⵏⵎⴰⵍⵍⴰⵏ ⴷ ⵉⵣⵣⵓⵍⴰⵏⵏ ⴷ ⵉⵎⵙⵎⵓⵏⵏ ⴰⴳⵓⵏⵙ ⵏ ⵉⵖⵎⵉⵙⵏ ⵏ ⵉⵏⵖⵎⵉⵙⵏ ⴷ ⵜⵙⵖⵓⵏⵉⵏ ⵏ ⵓⵎⵙⴰⵡⴰⵍ ⵉⵣⴷⵉⵏ ⴷ ⵜⵎⵙⴰⵔⵉⵏ ⵏ ⵜⵖⴰⵡⵙⴰ ⵜⴰⵎⴰⵜⴰⵢⵜ, ⴳ ⵜⵏⵣⵡⴰⵢⵉⵏ ⴷ ⵜⴷⴰⴱⵓⵜⵉⵏ ⵜⵉⵜⵍⴼⴰⵣⵉⵏ ⵜⵉⴳⴷⵓⴷⴰⵏⵉⵏ ⵏⵖ ⵜⵉⵎⵥⵍⵉⵢⵉⵏ.
ⴷⴰ ⵜⴻⵜⵜⵓⵢⴰⵣⴰⵏ ⵜⴰⵏⴰⴹⵜ ⴰⴷ ⵉ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⴷ ⵓⵏⵙⵙⵉⵅⴼ ⵏ ⵜⵎⵚⵕⵉⵢⵉⵏ ⵏ ⵓⴱⵕⵍⴰⵎⴰⵏ, ⴷ ⵉⵎⴰⵙⴰⵢⵏ ⵏ ⵉⴽⴰⴱⴰⵔⵏ ⵉⵙⵔⵜⴰⵏⵏ, ⴷ ⵜⵎⵙⴷⵓⵙⵉⵏ ⵜⵉⵏⵎⴰⵍⵍⴰⵢⵉⵏ, ⴷ ⵜⵎⵚⵕⵉⵢⵉⵏ ⵜⵉⵣⵣⵓⵍⴰⵏⵉⵏ, ⴷ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⵎⴷⴰⵏ, ⴷ ⵓⵙⵇⵇⵉⵎ ⴰⴷⴰⵎⵙⴰⵏ ⴷ ⵓⵏⴰⵎⵓⵏ ⴷ ⵓⵡⵏⵏⴰⴹ, ⴰⵔ ⵉⵜⵜⵓⵥⵕⴰⴳ ⴳ ⵉⴷⴳⴳ ⴰⵍⵉⴽⵟⵕⵓⵏⵉ ⵏ ⵓⴳⵔⴰⵡ ⴰⵎⴰⵜⵜⴰⵢ www.haca.ma
ⴷⴰ ⵜⴻⵜⵜⵓⵙⵓⵊⴰⴷ ⵜⴰⵏⴰⴹⵜ ⴰⴷ ⵙ ⵓⴱⵔⵉⴷ ⵏ ⵉⵍⵓⴳⵏⵏ ⵏ ⵜⵖⵜⴰⵙⵉⵏ ⵏ ⵓⵙⵇⵇⵉⵎ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵓⵟⵟⵓⵏ 20.18 ⴷ ⵉⴼⴼⵖⵏ ⴰⵙⴳⴳⵯⴰⵙ ⵏ 2018 ⴳ ⵓⵢⵏⵏⴰ ⵉⵣⴷⵉⵏ ⵙ ⵓⴹⵎⴰⵏ ⵏ ⵓⵡⵏⵏⵉ ⴰⵎⴰⴳⵓⵜ ⵉ ⵉⵎⵣⴰⵣⵏ ⵏ ⵓⵙⵡⵉⵏⴳⵎ ⴷ ⵜⴰⵏⵏⴰⵢⵜ ⴳ ⵜⵏⴰⴼⵓⵜⵉⵏ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴱⵕⵕⴰ ⵏ ⵉⵣⵎⵣⵏ ⵏ ⵉⵙⵜⴰⵢⵏ ⵉⵎⴰⵜⴰⵢⵏ ⴷ ⵓⵙⵖⴰⵍ ⵏ ⵜⴰⵏⵏⴰⵢⵉⵏ, ⵏⵏⴰ ⵉⴹⵕⴰⵏ ⴰⴷⵖⴰⵔ ⵏ ⵜⵖⵜⵙⵜ 46.06 ⴷ ⵉⴼⴼⵖⵏ ⴰⵙⴳⴳⵯⴰⵙ ⵏ 2006 ⴳ ⵓⵢⵏⵏⴰ ⵉⵣⴷⵉⵏ ⴷ ⵓⵙⴳⵓⵎ ⴰⴷ ⵙ ⵢⵉⵎⴰⵏ ⵏⵏⵙ, ⵙ ⵓⴱⵔⵉⴷ ⵏ ⵓⵙⵡⵓⵔⵉ ⵏ ⵓⵢⵏⵏⴰ ⴷ ⵢⵉⵡⵉ ⵓⴷⵓⵙⵜⵓⵔ ⵙ ⵉⵎⵥⵍⵉ ⴰⵢⵏⵏⴰ ⵉⵣⴷⵉⵏ ⴷ ⵓⵍⵓⴳⵏ ⴰⵙⵎⴷⵢⴰⵏ ⴳ ⵓⵙⴱⵓⵖⵔ ⵏ ⵜⵓⵣⵍⵜ ⴳ ⵜⵉⵔⵎⵜ ⵏ ⵓⵣⵎⵣ ⴳ ⵓⵙⵏⵖⵎⵙ ⴰⴳⴷⵓⴷⴰⵏ, ⴷ ⵓⴼⵔⴰⴳ ⵏ ⵓⵎⵏⵣⴰⵢ ⵏ ⵓⵏⵙⵙⵓⵎⵓ, ⴰⴼⵔⴰⴳ ⵏ ⵓⵎⵢⴰⵏⴰⵡ ⴰⴷⵍⵙⴰⵏ ⴷ ⵡⵓⵜⵍⴰⵢ, ⵜⴰⵎⴷⵔⴰⵡⵜ ⵏ ⵜⵎⵙⵎⵓⵏⵉⵏ ⵏ ⵡⴰⵎⵓⵏ ⴰⵖⵔⵎⴰⵏ ⴷ ⵜⵉⵄⵄⵓⵔⵎⴰ ⴷ ⵉⵎⵖⵔⴰⴱⵉⵢⵏ ⵉⵣⴷⵖⵏ ⴱⵕⵕⴰ ⴷ ⵉⴼⴳⴰⵏⵏ ⵉⵍⵍⴰⵏ ⴳ ⵡⴰⴷⴷⴰⴷ ⴰⵎⵄⴹⵓⵕ ⴳ ⵓⵙⵇⵙⵉ ⴷ ⵓⵎⵙⴰⵡⴰⵍ ⴳ ⵜⵎⵙⴰⵔⵉⵏ ⵉⵣⴷⵉⵏ ⴷ ⵜⵖⴰⵡⵙⴰ ⵜⴰⵎⴰⵜⴰⵢⵜ.
ⵎⴰ ⴳ ⵉⵣⵎⵣⵏ ⵏ ⵉⵙⵜⴰⵢⵏ, ⵉⵖⵜⵙ ⵓⵙⵇⵇⵉⵎ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵉⵍⵓⴳⵏⵏ ⵉ ⵜⵏⵣⵡⴰⵢⵉⵏ ⴷ ⵜⴷⴰⴱⵓⵜⵉⵏ ⵜⵉⵜⵍⴼⴰⵣⵉⵏ ⵉ ⵓⵙⵡⵓⴷⴷⵓ ⵏ ⵓⵡⵏⵏⵉ ⴰⵎⴰⴳⵓⵜ ⴰⵙⵔⵜⴰⵏ, ⵉⵣⴷⵉⵏ ⴷ ⴽⵓ ⴰⵙⵜⴰⵢ (ⵉⵍⵓⴳⵏⵏ ⵏ 2007, 2011, 2016 ⴷ ⵜⵉⵏ ⵜⵎⵏⴰⴹⵉⵏ ⴷ ⵜⵉⵏ ⵜⴳⵔⴰⵡⵉⵏ 2015) ⵜⵉⵡⵉ ⴷ ⵙ ⵉⵎⵥⵍⵉ :
- ⴰⵣⵎⵣ ⵏ ⵜⵉⵔⵎⵜ ⵏ ⵉⵙⵜⴰⵢⵏ ;
- ⴰⵏⴰⵡ ⵏ ⵉⵖⴰⵡⴰⵙⵏ ⵉⵎⵓⵏⵏ ⴷ ⵜⵉⵔⵎⵜ ⵏ ⵉⵙⵜⴰⵢⵏ ⵏⵏⴰ ⴷⴰ ⵉⴹⴼⴼⵓⵕ ⵓⴳⵔⴰⵡ ⴰⵎⴰⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ (ⵉⵖⵎⵉⵙⵏ ⵏ ⵉⵏⵖⵎⵉⵙⵏ, ⵜⵉⵙⵖⵓⵏⵉⵏ ⵏ ⵓⵎⵙⴰⵡⴰⵍ, ⵉⵖⴰⵡⴰⵙⵏ ⵉⵎⵢⴰⵖⵏ…). ⵜⴰⵎⵔⵉⵙⵜ ⵏ ⵜⵏⵣⵡⴰⵢⵉⵏ ⴷ ⵜⴷⴰⴱⵓⵜⵉⵏ ⵜⵉⴳⴷⵓⴷⴰⵏⵉⵏ ⵏ ⴰⴷ ⵣⵓⵣⵣⵔⵏⵜ ⵉⵖⴰⵡⴰⵙⵏ ⴰⴷ ⵉⵥⵍⵉⵏ ⵙ ⵓⵙⵎⵓⵙⵙ ⵏ ⵜⵉⵔⵎⵜ ⵏ ⵉⵙⵜⴰⵢⵏ ⴳ ⵓⵙⴰⵜⵉ ⵏ ⵜⵡⵓⵔⵉⵡⵉⵏ ⵏⵏⵙ ⵍⵍⵉⴳ ⵜⴳⴰ ⵜⴰⵎⵔⵙⵍⵜ ⵜⴰⵎⴰⵜⴰⵢⵜ.
ⵎⴰⵛⴰ ⵖⵉⵢⵏⵜ ⵜⵏⵣⵡⴰⵢⵉⵏ ⴷ ⵜⴷⴰⴱⵓⵜⵉⵏ ⵜⵉⵜⵍⴼⴰⵣⵉⵏ ⵜⵉⵎⵥⵍⵉⵢⵉⵏ ⴰⴷ ⵙⵜⵉⵏⵜ ⵓⵎⵓ ⵏⵖ ⴳⴰⵔ ⵓⵎⵓ ⴳ ⵓⵙⵎⵓⵙⵙ ⵏ ⵜⵉⵔⵎⵜ ⴰⴷ, ⴰⴷ ⵏⴰⴽⵣ ⵉⵙ ⵎⴽ ⴰⵎⵓⵏⵜ ⴳ ⵓⵢⴰⴷ, ⵉⵇⵇⴰⵏ ⵜⵜ ⵏ ⴰⴷ ⵜⵣⵔⴽ ⵉⵍⵓⴳⵏⵏ ⵏⵏⴰ ⵉⵣⵣⵔⵉ ⵓⵙⵇⵇⵉⵎ ⴰⵎⴰⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ) ; - ⵉⵍⵓⴳⵏⵏ ⴷ ⵜⵎⵉⵔⵉⵙⵉⵏ ⵉⵙⵙⴰⵜⵉⵏ ⵉ ⵉⵖⴰⵡⴰⵙⵏ ⵏ ⵜⵉⵔⵎⵜ ⵏ ⵉⵙⵜⴰⵢⵏ ;
- ⵉⵍⵓⴳⵏⵏ ⴷ ⵜⵎⵔⵉⵙⵉⵏ ⵉⵙⵙⴰⵜⵉⵏ ⵉ ⵉⵖⴰⵡⴰⵙⵏ ⴰⵙⵙ ⵏ ⵓⵙⵜⴰⵢ ;
- ⵉⵍⵓⴳⵏⵏ ⵉⵜⵜⵓⴳⴰⵏ ⵅⴼ ⵉⵖⴰⵡⴰⵙⵏ ⵏ ⵓⵏⴳⵉ ⵓⵏⵚⵉⴱ ⵏ ⵉⵙⵜⴰⵢⵏ ⴳ ⵜⵏⵣⵡⴰⵢⵉⵏ ⴷ ⵜⴷⴰⴱⵓⵜⵉⵏ ⵜ
ⵎⴰⵖ ⴷ ⴰⵎⴽ ⵔⴰⴷ ⵏⵥⵍⵉ ⵜⵉⵔⵎⵜ ⵏ ⵉⵙⵜⴰⵢⵏ ⵙ ⵓⵙⵡⵓⴷⴷⵓ ⵏ ⵡⴰⵏⵏⴰⵢ ⴰⵎⴰⴳⵓⵜ ⴳ ⵜⵏⵣⵡⴰⵢⵉⵏ ⴷ ⵜⴷⴰⴱⵓⵜⵉⵏ ⵜⵉⵜⵍⴼⴰⵣⵉⵏ ?
ⴰⵛⴽⵓ ⴷⴰ ⵙⵙⵏⵜⴰⵢⵏⵜ ⵜⵏⵣⵡⴰⵢⵉⵏ ⴷ ⵜⴷⴰⴱⵓⵜⵉⵏ ⵜⵉⵜⵍⴼⴰⵣⵉⵏ ⵜⵉⴳⴷⵓⴷⴰⵏⵉⵏ ⵏⵖ ⵜⵉⵎⵥⵍⵉⵢⵉⵏ ⴷⴰⵜ ⵏ ⴽⵓ ⵓⵏⴳⵉ ⵓⵏⵚⵉⴱ ⵏ ⵉⵙⵜⴰⵢⵏ ⵉ ⴳ ⵓⵙⵡⵏⵏⴹ ⵏ ⵓⵙⵎⵏⵉⴷ ⵏⵏⵙ ⴰⵖⵎⵙⴰⵏ ⴷ ⵓⵙⵎⵓⵙⵙ ⵏ ⵓⵎⵙⴰⵡⴰⵍ ⴰⴳⴷⵓⴷⴰⵏ ⵉⵣⴷⵉⵏ ⴷ ⵉⵙⵜⴰⵢⵏ, ⴷⴰ ⵉⵜⵜⴰⴳⴳⴰ ⵓⵙⵇⵇⵉⵎ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵙ ⵉⵎⵥⵍⵉ ⵅⴼ ⵜⵉⵔⵎⵜ ⵏ ⴷⴰⵜ ⵓⵕⵥⵥⵓⵎ ⵓⵏⵚⵉⴱ ⵏ ⵓⵏⴳⵉ ⵏ ⵉⵙⵜⴰⵢⵏ, ⴰⴼⴰⴷ ⴰⴷ ⵉⴹⵎⵏ ⴰⴷⴰⴼ ⵓⵣⵔⵉⴼ ⵉ ⵉⵎⵓⵍⵍⵉⵢⵏ ⵉⵙⵔⵜⴰⵏⵏ ⵉⵜⵎⵣⴰⵣⵣⴰⵍⵏ ⴳ ⵜⵏⵣⵡⴰⵢⵉⵏ ⴷ ⵜⴷⴰⴱⵓⵜⵉⵏ ⵜⵉⵜⵍⴼⴰⵣⵉⵏ. ⵙ ⵓⵢⴰ, ⵜⵉⵔⵎⵜ ⵏ ⵓⵣⵎⵣ ⵏ ⵉⵙⵜⴰⵢⵏ ⴷⴰ ⵜⵜⵉⵍⵉ ⴷⴷⴰⵡ ⵜⵉⵥⵕⵉ ⴷ ⵓⴹⴼⴼⵓⵕ ⵏ ⵓⴳⵔⴰⵡ ⴰⵎⴰⵜⵜⴰⵢ, ⴷⵉⴳⵙ ⵜⵉⵔⵎⵜ ⵏ ⴷⴰⵜ ⴰⵏⴳⵢ ⵓⵏⵚⵉⴱ ⵏ ⵉⵙⵜⴰⵢⵏ ⴷ ⵓⵣⵎⵣ ⵏ ⵓⵏⴳⴰⵢ ⵓⵏⵚⵉⴱ ⵏ ⵉⵙⵜⴰⵢⵏ.
ⴰⵣⵎⵣ ⵏ ⴷⴰⵜ ⵓⵏⴳⵢ ⵏ ⵉⵙⵜⴰⵢⵏ : ⴷⴰ ⵜ ⵉⵥⵍⵍⵉ ⵓⵖⵜⴰⵙ ⵏ ⵓⵙⵇⵇⵉⵎ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⴰⵔ ⵉⵙⵙⵏⵜⴰⵢ ⴽⵔⴰ ⵏ ⵉⵎⴰⵍⴰⵙⵏ ⴷⴰⵜ ⵓⵕⵥⵥⵓⵎ ⵏ ⵓⵏⴳⵢ ⵏ ⵉⵙⵜⴰⵢⵏ ⴰⵔ ⵜⵜⵎⴷⵓ ⴳ ⵓⵣⴳⵏ ⵏ ⵡⴰⵙⵙ ⵏⵏⴰ ⵉⵣⵡⴰⵔⵏ ⴰⵙⵙⵏⵜⵉ ⵏ ⵓⵏⴳⵢ ⴰⴷ.
ⴷⴰ ⵉⴹⴼⴼⵓⵕ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵜⵓⵎⴰⵢⵉⵏ ⴰⴽⴽⵯ ⵏⵏⴰ ⴷⴰ ⵜⵜⴷⵢⵢⴰⵣⵏⵜ ⵜⵏⵣⵡⴰⵢⵉⵏ ⴷ ⵜⴷⴰⴱⵓⵜⵉⵏ ⵜⵉⵜⵍⴼⴰⵣⵉⵏ, ⵜⵉⴳⴷⵓⴷⴰⵏⵉⵏ ⴳ ⵓⵣⵎⵣ ⵏ ⵉⵙⵜⴰⵢⵏ, ⵙ ⵓⵢⵏⵏⴰ ⵜⵥⵕⴰ ⵙ ⵜⵎⴰⵙⴰⵢⵜ ⵏⵏⵙ ⵉⵙⵎⴷⵏ, ⴷ ⵜⵏⵏⴰ ⵉⵙⴰⵡⴰⵍⵏ ⵙ ⵓⵎⴰⵜⴰ ⵅⴼ ⵉⵙⴳⵓⵎⵏ ⵉⵣⴷⵉⵏ ⴷ ⵉⵙⵜⴰⵢⵏ.
ⴰⵣⵎⵣ ⵏ ⵓⵏⴳⵢ ⵓⵏⵚⵉⴱ ⵏ ⵉⵙⵜⴰⵢⵏ : ⴷⴰ ⵜ ⵉⵥⵍⵍⵉ ⵓⵍⵖⵓ ⴰⵏⴰⴱⴰⴹ, ⴷⵉⴳⵙ ⵉⵖⴰⵡⴰⵙⵏ ⵏ ⵓⵣⵎⵣ ⴰⴷ ⵏⵏⴰ ⴷⴰ ⵜⴷⵢⵢⴰⵣⵏⵜ ⵜⵏⵣⵡⴰⵢⵉⵏ ⴷ ⵜⴷⴰⴱⵓⵜⵉⵏ ⵜⵉⵜⵍⴼⴰⵣⵉⵏ ⵜⵉⴳⴷⵓⴷⴰⵏⵉⵏ ⵏⵏⴰ ⵖⵓⵔ ⴰⵙⵖⵉⵡⵙ ⴰⵎⴰⵜⴰⵢ ;
- ⴰⴷⴰⴼⵏ ⵉⵜⵜⵓⴷⵢⵢⵣⵏ ⴷ ⵜⵜⵓⵜⵍⴼⵣⵏ ⵉⵥⵍⵉⵏ ⵙ ⵉⴽⴰⴱⴰⵔⵏ ⵉⵙⵔⵜⴰⵏⵏ ⵢⴰⵎⵓⵏ ⴳ ⵉⵙⵜⴰⵢⵏ ;
- ⴰⵙⵏⵓⴱⴳ ⵏ ⵉⵙⵎⴷⵢⴰⵜⵏ ⵏ ⵉⴽⴰⴱⴰⵔⵏ ⴳⵔ ⵉⵖⵎⵉⵙⵏ ⵏ ⵉⵏⵖⵎⵉⵙⵏ ;
- ⵜⴰⴷⵓⵍⵉ ⵏ ⵉⵏⵎⵓⴳⴳⴰⵔ ⵏ ⵉⵙⵜⴰⵢⵏ ⵏ ⵉⴽⴰⴱⴰⵔⵏ ⵉⵙⵔⵜⴰⵏⵏ.
ⴷⴰ ⵜⵜⵓⴱⴹⴰⵡⵏⵜ ⵜⵉⵔⴰⵎ ⴰⴷ ⵜⵉⵣⵎⵣⴰⵏⵉⵏ ⵉⵜⵜⵓⵥⵍⵉⵏ ⵣⵡⴰⵔ ⵙ ⵓⵙⵍⴳⵏ ⴰⵏⴰⴱⴰⴹ, ⵅⴼ ⵉⴽⴰⴱⴰⵔⵏ ⵢⴰⵎⵓⵏ ⴳ ⵉⵙⵜⴰⵢⵏ ⵙ ⵓⵢⵏⵏⴰ ⵜⵙⵙⵎⴷⵢⴰ ⴳ ⵜⵎⵚⵕⵉⵢⵉⵏ ⵏ ⵓⴱⵕⵍⴰⵎⴰⵏ. ⴷⴰ ⵜⵜⵓⴳⴰⵏ ⵢⵉⵍⴰⵏ ⴰⴼⴰⴷ ⴰⴷ ⵜⵜⵓⵙⵏⵎⴰⵍⴰⵏ ⵉⵖⴰⵡⴰⵙⵏ ⵏⵏⵙⵏ ⴳ ⴽⵓ ⵜⴰⵏⵣⵡⴰⵢⵜ ⴷ ⴽⵓ ⵜⴰⴷⴰⴱⵓⵜ ⵜⴰⵜⵍⴼⴰⵣⵜ. ⴷⴰ ⵉⵏⵙⵙⵉⵅⴼ ⵅⴼ ⵢⵉⵍⴰⵏ ⴰⴷ ⵢⴰⵏ ⵓⵙⵎⴷⴰⵢ ⵏ ⵜⵏⴱⴰⴹⵜ ⵙ ⵓⵃⵉⴹⵕ ⵏ ⵉⵙⵎⴷⴰⵢⵏ ⵏ ⵉⴽⴰⴱⴰⵔⵏ ⵉⵙⵔⵜⴰⵏⵏ ⵢⴰⵎⵓⵏ ⴳ ⵉⵙⵜⴰⵢⵏ ⴷ ⵉⵙⵎⴷⴰⵢⵏ ⵏ ⵜⵏⵣⵡⴰⵢⵉⵏ ⴷ ⵜⴷⴰⴱⵓⵜⵉⵏ ⵜⵉⵜⵍⴼⴰⵣⵉⵏ.
ⵖⵉⵢⵏⵜ ⵜⵏⵣⵡⴰⵢⵉⵏ ⴷ ⵜⴷⴰⴱⵓⵜⵉⵏ ⵜⵉⵜⵍⴼⴰⵣⵉⵏ ⵜⵉⴳⴷⵓⴷⴰⵏⵉⵏ ⴷ ⵜⵎⵥⵍⵉⵢⵉⵏ, ⴰⴷ ⵔⵏⵓⵏⵜ ⴳ ⵓⵙⵎⵓⵙⵙ ⵏ ⵜⵉⵔⵎⵜ ⵏ ⵉⵙⵜⴰⵢⵏ ⴰⵔ ⵉⴹ ⵏ ⵡⴰⵙⵙ ⵏ ⵓⵙⵜⴰⵢ.
ⵜⵉⵏⵣⵡⴰⵢⵉⵏ ⴷ ⵜⴷⴰⴱⵓⵜⵉⵏ ⵜⵉⵜⵍⴼⴰⵣⵉⵏ ⵉⵥⵍⵉⵏ ⵓⵔ ⴰⵙⵏⵜ ⵉⴳⵉ ⵛⵛⵉⵍ ⴰⴷ ⵙⵎⵓⵙⵙⵏⵜ ⵜⵉⵔⵎⵜ ⵏ ⵉⵙⵜⴰⵢⵏ. ⵎⴰⵛⴰ ⵎⴽ ⵙⵙⴽⵔⵏⵜ ⴽⵔⴰ ⵏ ⵜⴷⵓⵍⵉ ⵏⵖ ⵎⵓⵏⵏⵜ ⴷ ⵓⵙⵎⵓⵙⵙ ⵏⵖ ⵜⴰⵎⵙⴰⵔⵜ ⵉⵣⴷⵉⵏ ⴷ ⵉⵙⵜⴰⵢⵏ, ⵉⵇⵇⴰⵏ ⵏ ⴰⴷ ⵜⵣⵔⴽ ⴰⵙⴰⵜⵉ ⴰⵙⵍⴳⴰⵏ ⵏⵏⴰ ⵉⵥⵍⵉⵏ ⵙ ⵜⵖⵜⵙⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕⵔ.
ⵜⴰⵙⵎⵉⴳⵍⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵜⴳⴰ ⴳ ⵓⵢⵏⵏⴰ ⵉⵣⴷⵉⵏ ⴷ ⵜⵉⵔⵎⵜ ⵏ ⵉⵙⵜⴰⵢⵏ, ⵜⵉⴹⴰⴼ ⵏ ⵓⵣⵔⴰⴽ ⵏ ⵜⵏⵣⵡⴰⵢⵉⵏ ⴷ ⵜⴷⴰⴱⵓⵜⵉⵏ ⵜⵉⵜⵍⴼⴰⵣⵉⵏ ⵏ ⵜⵎⴰⵙⴰⵢⵉⵏ ⵏⵏⴰ ⵉⵜⵜⵓⵙⵔⵙⵏ ⴳ ⵜⵖⵜⵙⵜ ⵜⴰⵏⴰⴱⴰⴹⵜ ⵉⵣⴷⵉⵏ ⴷ ⵉⵖⴰⵡⴰⵙⵏ ⵏ ⵓⵏⴳⵢ ⵓⵏⵚⵉⴱ ⵏ ⵉⵙⵜⴰⵢⵏ .
ⴷⵉⵖ, ⴷⴰ ⵉⵜⵜⵎⵓⵢⵢⵓⴷ ⵓⴳⵔⴰⵡ ⴰⵎⴰⵜⵜⴰⵢ ⵅⴼ ⴰⴷ ⵓⵔ ⵉⵍⵉⵏ ⴳ ⵉⵖⴰⵡⴰⵙⵏ ⵏ ⵓⵏⴳⵢ ⵓⵏⵚⵉⴱ ⵏ ⵉⵙⵜⴰⵢⵏ ⴽⵔⴰ ⵏ ⵜⵓⵎⴰⵢⵉⵏ ⵣⵓⵏⴷ :
- ⴰⵙⵡⵓⵔⵉ ⵏ ⵉⵏⵉⴳⵍⵏ ⵉⵏⴰⵎⵓⵔⵏ ;
- ⴰⵣⵔⵔⵓⵢ ⴳ ⵜⵎⵣⴳⵉⴷⵉⵡⵉⵏ ⵏⵖ ⴰⵙⵡⵓⵔⵉ ⵉⵎⵥⵥⵉⵢⵏ ⵏⵖ ⵉⵅⴰⵜⵔ ⵏ ⵉⴷⵖⴰⵔⵏ ⴰⴷ ;
- ⴰⵣⵔⵔⵓⵢ ⵉⴱⴰⵢⵏⵏ ⴰⴳⵓⵏⵙ ⵏ ⵉⵣⴷⵓⵖⵏ ⵓⵏⵚⵉⴱⵏ, ⴳⴰⵏ ⵉⴷⵖⵔⴰⵏⵏ ⵏⵖ ⵉⵏⵏⵎⴰⴹⵏ ⵏⵖ ⵉⵏⴰⵎⵓⵔⵏ ;
- ⴰⵙⵙⴽⵏ ⵏ ⵉⴼⵔⴷⵉⵙⵏ ⵏⵖ ⵉⴷⵖⴰⵔⵏ ⵏⵖ ⵜⴰⵣⴷⵓⵖⵉⵏ ⵏⵏⴰ ⵉⵖⵉⵢⵏ ⴰⴷ ⴳⵏⵜ ⵜⵉⵎⵉⵜⴰⵔ ⵜⵉⵙⵖⵏⵣⵉⵢⵉⵏ.
ⴱⵍⴰ ⴰⴷ ⵏⵜⵜⵓ ⵉⵙⴷ ⴰⵍⵓⴳⵏ ⵓⵟⵟⵓⵏ 57-11 ⵉⵣⴷⵉⵏ ⴷ ⵜⴼⵍⵡⵉⵏ ⵏ ⵉⵙⵜⴰⵢⵏ ⵉⵎⴰⵜⴰⵢⵏ ⴷ ⵜⵡⵓⵔⵉⵡⵉⵏ ⵏ ⵓⵙⵖⴰⵍ ⵏ ⵜⴰⵏⵏⴰⵢⵜ ⴷ ⵓⵙⵡⵓⵔⵉ ⵏ ⵉⵎⴰⵙⵙⵏ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴰⴳⴷⵓⴷⴰⵏ ⴳ ⵉⵏⴳⵢⴰⵏ ⵏ ⵉⵙⵜⴰⵢⵏ ⴷ ⵉⵙⵖⴰⵍⵏ ⵏ ⵜⴰⵏⵏⴰⵢⵉⵏ, ⵙ ⵓⵢⵏⵏⴰ ⵉⵜⵜⵓⵙⵏⴼⵍⵏ ⴳ ⵓⵙⵍⴳⵏ ⵓⵟⵟⵓⵏ 10.21, ⵉⵣⵣⵔⵉ ⴰⵙⵡⵓⵔⵉ ⵏ ⵓⵛⵏⵢⴰⵍ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵥⵓⴳⴰⵢⵜ ⵜⴰⵏⴰⵎⵓⵔⵜ ⴷ ⵜⵡⵍⴰⴼⵜ ⵜⵓⵏⵚⵉⴱⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵍⵍⴰⵏ ⴳ ⵜⵎⵚⵕⵉⵢⵉⵏ ⵏⵏⴰ ⴳ ⵜⵜⵉⵍⵉⵏ ⵉⴳⵔⴰⵡⵏ ⵉⵣⴷⵉⵏ ⴷ ⵉⵏⴳⵢⴰⵏ ⵏ ⵉⵙⵜⴰⵢⵏ.
ⵎⴰⵎⴽ ⴷⴰ ⵉⵜⵜⵓⵙⵜⴰⴳ ⵓⵎⵏⵣⴰⵢ ⵏ ⵓⵙⵓⵎⵓ ⴳ ⵓⵙⵡⵓⴷⴷⵓ ⴰⵎⴰⴳⵓⵜ ⴳ ⵉⵖⴰⵡⴰⵙⵏ ⵉⵏⵣⵡⴰⵢⵏ ⴷ ⵉⵜⵍⴼⴰⵣⵏ ⵉⵥⵍⵉⵏ ⵙ ⵓⵣⵎⵣ ⵏ ⵉⵙⵜⴰⵢⵏ ?
ⴷⴰ ⵉⵜⵜⵓⵙⵜⴰⴳ ⵡⴰⴷⴰⴼ ⴰⵏⵙⵙⵓⵎⵓ ⵏ ⵉⴽⴰⴱⴰⵔⵏ ⵉⵙⵔⵜⴰⵏⵏ ⴳ ⵜⵏⵣⵡⴰⵢⵉⵏ ⴷ ⵜⴷⴰⴱⵓⵜⵉⵏ ⵜⵉⵜⵍⴼⴰⵣⵉⵏ ⴳ ⵓⵣⵎⵣ ⵏ ⵉⵙⵜⴰⵢⵏ ⵅⴼ ⵜⵔⵙⴰⵍ ⵏ ⵓⵙⵎⴷⵢⴰ ⵏⵏⵙⵏ ⴳ ⵓⴱⵕⵍⴰⵎⴰⵏ ; ⴷⴰ ⵉⵜⵜⵓⴱⴹⴰ ⵓⵣⵎⵣ ⴰⵎⴰⵜⴰⵢ ⵅⴼ ⵡⴰⴽⵓⴷⵏ ⵏ ⵓⴷⵢⵢⵣ ⴳ ⵉⵖⴰⵡⴰⵙⵏ ⵏ ⵓⵣⵎⵣ ⵏ ⵉⵙⵜⴰⵢⵏ ⴳⵔ ⵉⴽⴰⴱⴰⵔⵏ ⵉⵙⵔⵜⴰⵏⵏ ⵙ ⴽⵕⴰⴹ ⵉⴳⵣⵣⵓⵎⵏ ⴰⴷ :
- ⴰⴳⵣⵣⵓⵎ ⴰⵎⵣⵡⴰⵔⵓ : ⴷⵉⴳⵙ ⵉⴽⴰⴱⴰⵔⵏ ⵉⵙⵔⵜⴰⵏⵏ ⵏⵏⴰ ⵖⵓⵔ ⵉⵍⵍⴰ ⵓⴳⵔⴰⵡ ⴰⴱⵕⵍⴰⵎⴰⵏⵉ ⴳ ⴽⵔⴰ ⵏ ⵉⵎⵚⵕⵉⵢⵏ ⵏ ⵓⴱⵕⵍⴰⵎⴰⵏ (50% ⵙⴳ ⵡⴰⵜⵉⴳ ⴰⵣⵎⵣⴰⵏ ⴰⵎⴰⵜⴰⵢ ⵉ ⵉⵖⴰⵡⴰⵙⵏ ⵏ ⵓⵣⵎⵣ ⵏ ⵉⵣⵜⴰⵢⵏ, ⴷⴰ ⵜⵜⵓⴱⴹⴰ ⴳⵔⴰⵙⵏ ⵙ ⵓⵙⵉⴽⵙⵍ) ;
- ⴰⴳⵣⵣⵓⵎ ⵡⵉⵙⵙ ⵙⵉⵏ : ⴷⵉⴳⵙ ⵉⴽⴰⴱⴰⵔⵏ ⵉⵙⵔⵜⴰⵏⵏ ⵉⵜⵜⵓⵙⵎⴷⵢⴰⵏ ⴳ ⵓⴱⵕⵍⴰⵎⴰⵏ ⵏⵏⴰ ⵖⵓⵔ ⵓⵔ ⵉⵍⵍⵉ ⵓⴳⵔⴰⵡ ⴰⴱⵕⵍⴰⵎⴰⵏⵉ ⴳ ⴽⵔⴰ ⵏ ⵉⵙⵇⵇⵉⵎⵏ ⵏ ⵓⴱⵕⵍⴰⵎⴰⵏ (30% ⵙⴳ ⵡⴰⵜⵉⴳ ⴰⵣⵎⵣⴰⵏ ⴰⵎⴰⵜⴰⵢ ⵏ ⵉⵖⴰⵡⴰⵙⵏ ⴳ ⵓⵣⵎⵣ ⵏ ⵉⵙⵜⴰⵢⵏ, ⴷⴰ ⵜⵜⵓⴱⴹⴰ ⴳⵔⴰⵙⵏ ⵙ ⵓⵙⵉⴽⵙⵍ) ;
- ⴰⴳⵣⵣⵓⵎ ⵡⵉⵙⵙ ⴽⵕⴰⴹ : ⴷⵉⴳⵙ ⵉⴽⴰⴱⴰⵔⵏ ⵉⵙⵔⵜⴰⵏⵏ ⵏⵏⴰ ⵓⵔ ⵉⵜⵜⵓⵙⵎⴷⵢⴰⵏ ⴳ ⵓⴱⵕⵍⴰⵎⴰⵏ (20% ⵙⴳ ⵓⵣⵎⵣ ⴰⵎⴰⵜⴰⵢ ⵏ ⵉⵖⴰⵡⴰⵙⵏ ⴳ ⵓⵣⵎⵣ ⵏ ⵉⵙⵜⴰⵢⵏ, ⴷⴰ ⵜⵜⵓⴱⴹⴰ ⴳⵔⴰⵙⵏ ⵙ ⵓⵙⵉⴽⵙⵍ).
ⴷⵉⵖ, ⴷⴰ ⵉⵜⵜⴳⴳⴰ ⵛⵛⵉⵍ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵉ ⵜⵏⵣⵡⴰⵢⵉⵏ ⴷ ⵜⴷⴰⴱⵓⵜⵉⵏ ⵜⵉⵜⵍⴼⴰⵣⵉⵏ ⴰⴷ ⴹⵎⵏⵏ ⵜⵉⴼⴰⴷⵉⵡⵉⵏ ⵏ ⵓⵙⵖⵉⵡⵙ ⵢⴰⴽⵙⵓⵍⵏ ⴳ ⵉⵖⴰⵡⴰⵙⵏ ⵏ ⵓⵣⵎⵣ ⵏ ⵉⵙⵜⴰⵢⵏ ⵉ ⵉⴽⴰⴱⴰⵔⵏ ⴰⴽⴽⵯ ⵉⵙⵔⵜⴰⵏⵏ.
ⴰⵎⴽ ⴷⴰ ⵉⵙⴷⵓⵙ ⵓⴹⵎⴰⵏ ⵏ ⵓⵏⵙⵙⵓⵎⵓ ⴷ ⵜⵎⴷⵔⴰⵡⵜ ⵉⵡⵜⵜⴰⵙⵏ ⵉⵎⵇⵔⴰⵏⵏ ⵉ ⵓⵡⵏⵏⵉ ⴰⵎⴰⴳⵓⵜ ⴳ ⵜⵏⵣⵡⴰⵢⵉⵏ ⴷ ⵜⴷⴰⴱⵓⵜⵉⵏ ⵜⵉⵜⵍⴼⴰⵣⵉⵏ ⴳ ⵓⵣⵎⵣ ⵏ ⵉⵙⵜⴰⵢⵏ ?
ⵉⵍⵍⴰ ⵡⴰⵜⵉⴳ ⵎⵇⵇⵓⵔⵏ ⵖⵔ ⵓⵏⵙⵙⵓⵎⵓ ⴳ ⵢⵉⴳⵔ ⴰⵙⵔⵜⴰⵏ ⴰⵛⴽⵓ ⵉⴳⴰ ⵛⵛⵉⵍ ⴳ ⵓⵙⵉⴽⵙⵍ ⴳⵔ ⵜⵎⵖⴰⵔⵉⵏ ⴷ ⵉⵔⴳⴰⵣⵏ, ⴷⴰ ⵉⵜⵜⴰⴳⴳⴰ ⵓⵙⵇⵇⵉⵎ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴳ ⵜⵖⵜⴰⵙⵉⵏ ⵏⵏⵙ ⴳ ⴽⵓ ⴰⵙⵔⵓⵙ ⵏ ⵉⵙⵜⴰⵢⵏ, ⵅⴼ ⴰⴷ ⵉⴳ ⵜⵉⵣⵎⵎⴰⵔ ⵏⵏⵙ ⴰⴼⴰⴷ ⴰⴷ ⵉⵙⴽⴽⵔ ⵙ ⵡⴰⵜⵉⴳ ⵏ ⵢⵉⵍⵉ ⴷ ⵓⵙⵎⴷⵢⴰ ⴰⵏⵖⵎⴰⵙ ⵉ ⵜⵎⵖⴰⵔⵜ ⴳ ⵉⵙⴰⵢⵔⴰⵔⵏ ⵉⴳⴷⵓⴷⴰⵏⵏ ⴷ ⴰⴷ ⵉⴳ ⵜⵉⴼⴰⵡⵜ ⵅⴼ ⵡⵓⵎⵓ ⵏ ⵜⵎⵖⴰⵔⵉⵏ ⴳ ⵢⵉⴳⵉ ⴰⴳⴷⵓⴷⴰⵏ.
ⴰⴼⴰⴷ ⴰⴷ ⵉⵙⵎⵓⵙⵙ ⵜⴰⵏⵏⴰⵢⵜ ⴰⴷ, ⴷⴰ ⵜⵜⵛⵛⵉⵍⵏ ⵉⵍⵓⴳⵏⵏ ⵏⵏⴰ ⵉⵙⵔⵙ ⵓⵙⵇⵇⵉⵎ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵙ ⵜⴰⵎⵓⵏⵜ ⴰⴽⴷ ⵜⵏⵣⵡⴰⵢⵉⵏ ⴷ ⵜⴷⴰⴱⵓⵜⵉⵏ ⵜⵉⵜⵍⴼⴰⵣⵉⵏ ⴳ ⵢⵉⵡⴹ ⵖⵔ ⵓⵙⵉⴽⵙⵍ ⴳⵔ ⵡⴰⵏⴰⵡⵏ ⴳ ⵓⵙⵡⵉⵔ ⵏ ⵓⵙⵎⴷⵢⴰ ⴳ ⵉⵖⴰⵡⴰⵙⵏ ⵉⵏⵖⵎⴰⵙⵏ ⵉⵥⵍⵉⵏ ⵙ ⵓⵣⵎⵣ ⵏ ⵉⵙⵜⴰⵢⵏ, ⴷⵉⵖ, ⴷⴰ ⴷⵉⴳⵙⵏ ⵉⵙⵙⵓⵜⵓⵔ ⴰⴷ ⵙⵙⵓⵎⵓⵏ ⵜⵉⵎⵖⴰⵔⵉⵏ ⴳ ⵓⵙⵔⵔⵓⵙ ⵏ ⵉⵙⵇⵙⵉⵜⵏ ⴷ ⵓⵎⵛⴰⵡⴰⵕ ⴳ ⵜⵎⵙⴰⵔⵉⵏ ⴰⴽⴽⵯ ⵏ ⵜⵖⴰⵡⵙⴰ ⵜⴰⴳⴷⵓⴷⴰⵏⵜ ⵉⵣⴷⵉⵏ ⴷ ⵉⵙⵜⴰⵢⵏ ⵓⵔ ⵉⴷ ⵖⴰⵙ ⴳ ⵉⵖⴰⵡⴰⵙⵏ ⵏⵏⴰ ⵉⵙⴰⵡⴰⵍⵏ ⵅⴼ ⵜⵎⵙⴰⵔⵉⵏ ⴷ ⵉⵣⵔⴼⴰⵏ ⵏ ⵜⵎⵖⴰⵔⵉⵏ.
ⴳ ⵜⵙⴳⴰ ⵢⴰⴹⵏ, ⵍⵍⵉⴳ ⵉⵎⵇⵇⵓⵔ ⵡⴰⵜⵉⴳ ⵏⵏⴰ ⵙⵉⴼⴽⴰ ⴷⴷⵓⵙⵜⵓⵔ ⵏ ⵜⴳⵍⴷⵉⵜ ⵉ ⵜⴷⵉⵎⵓⵇⵔⴰⵟⵉⵜ ⵜⴰⵎⴷⵔⴰⵡⵜ, ⵢⵓⴳⴳⴰ ⵓⵙⵇⵇⵉⵎ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵅⴼ ⵢⵉⵍⵉ ⵏ ⵉⴳⵣⵣⵓⵎⵏ ⵉⵥⵍⵉⵏ ⵙ ⵓⵙⵡⵓⴷⴷⵓ ⵓⵡⵏⵏⵉ ⴰⵎⵢⴰⵏⴰⵡ ⴳ ⵓⵣⵎⵣ ⵏ ⵉⵙⵜⴰⵢⵏ ⴰⴳⵓⵏⵙ ⵏ ⵜⵖⵜⴰⵙⵉⵏ ⵏⵏⵙ, ⵉⵍⵓⴳⵏⵏ ⵉⵛⵛⵉⵍⵏ ⵜⵉⵏⵣⵡⴰⵢⵉⵏ ⴷ ⵜⴷⴰⴱⵓⵜⵉⵏ ⵜⵉⵏⵜⵍⴼⴰⵣⵉⵏ ⴳ ⵓⵙⵙⵓⵎⵓ ⵏ ⵉⵎⵖⵔⴰⴱⵉⵢⵏ ⵉⵣⴷⵖⵏ ⴱⵕⵕⴰ ⴷ ⵎⴷⴷⵏ ⵉⵎⵄⴹⴰⵕ ⴳ ⵉⵖⴰⵡⴰⵙⵏ ⵏ ⵓⵣⵎⵣ ⵏ ⵉⵙⵜⴰⵢⵏ ⴷ ⵓⵙⴰⵡⵍ ⵖⴼ ⵜⵎⵙⴰⵔⵉⵏ ⵏⵏⴰ ⵙⵔⵙⵏ ⵉⵥⵍⵉⵏ ⴳ ⵓⵎⵛⴰⵡⴰⵕ ⴰⴳⴷⵓⴷⴰⵏ.
ⵎⴰⵜⵜⴰ ⵉⵍⵓⴳⵏⵏ ⵉⵣⵣⵓⵍⴰⵏⵏ ⵉ ⵓⴹⵎⴰⵏ ⵏ ⵜⵔⴰⵡⵙⴰⵏⵜ ⴷ ⵜⵣⴷⴳⵉ ⵏ ⵉⵖⴰⵡⴰⵙⵏ ⵉⵏⵣⵡⴰⵢⵏ ⴷ ⵉⵜⴼⴰⵣⵏ ⵉⵥⵍⵉⵏ ⵙ ⵓⵣⵎⵣ ⵏ ⵉⵙⵜⴰⵢⵏ ?
ⵙ ⵓⴹⵎⴰⵏ ⵏ ⵓⵣⵔⴼ ⴳ ⵓⵏⵖⵎⵉⵙ ⵉ ⵜⵏⵎⵓⵔⵉⵏ ⴷ ⵉⵏⵎⵓⵔⵉⵏ ⴷ ⵓⴹⵎⴰⵏ ⵏ ⵓⵣⵔⴼ ⴳ ⵓⵡⵏⵏⵉ ⵅⴼ ⵜⴰⵏⵏⴰⵢⵜ ⵉ ⵉⴽⴰⴱⴰⵔⵏ ⵉⵙⵔⵜⴰⵏⵏ ⵢⴰⵎⵓⵏ ⴳ ⵉⵙⵜⴰⵢⵏ, ⵢⵓⴳⴳⴰ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵅⴼ ⵓⵙⵓⵖⵏ ⵏ ⵜⵏⵣⵡⴰⵢⵉⵏ ⴷ ⵜⴷⴰⴱⵓⵜⵉⵏ ⵜⵉⵜⵍⴼⴰⵣⵉⵏ ⴳ ⵉⵖⴰⵡⴰⵙⵏ ⵏ ⵓⵣⵎⵣ ⵏ ⵉⵙⵜⴰⵢⵏ ⵏ ⴰⴷ ⵣⵔⴽⵏⵜ ⵉⵍⵓⴳⵏⵏ ⵏ ⵓⵙⵡⵓⵔⵉ ⴰⵣⵣⵓⵍⴰⵏ ⴷ ⵉⵏⵣⵡⴰⵢⵏ ⵏ ⵜⵔⴰⵡⵙⴰⵏⵜ ⴷ ⵜⵣⴷⴳⵉ, ⴷⵉⴳⵙ :
- ⴱⵟⵟⵓ ⴳⵔ ⵓⵏⵖⵎⵉⵙ ⴷ ⵓⵅⴼⴰⵡⴰⵍ ;
- ⵡⴰⵔ ⴱⵟⵟⵓ ⵏ ⵡⴰⵡⴰⵍ ⵏ ⵉⵎⴳⴳⴰⵢⵏ ⵉⵙⵔⵜⴰⵏⵏ ⴷ ⵉⵏⴽⵛⴰⵎⵏ ⵢⴰⴹⵏ ⵅⴼ ⵓⵎⵏⴰⴹ ⵏⵏⵙ ;
- ⵡⴰⵔ ⴰⵙⵢⴰⴼⴰ ⵏ ⵉⵏⵖⵎⴰⵙⵏ ⴳ ⵉⵎⵙⵎⵓⵙⵙⵏ ⵏ ⵉⵖⴰⵡⴰⵙⵏ ⵉ ⵉⴷⵖⴰⵔⵏ ⵏⵏⵙⵏ ⴳ ⵡⴰⵡⴰⵍ ⵏⵏⵙⵏ, ⴰⴼⴰⴷ ⴰⴷ ⵉⵏⵉⵏ ⴽⵔⴰ ⵏ ⵉⵙⵡⵉⵏⴳⵎⵏ ⵙ ⵜⵓⴷⵎⴰⵡⵉⵏ ;
- ⴰⵙⴱⴰⵖⵓⵔ ⵏ ⵜⵎⵏⴽⴰⴷⵉⵏ ⴷ ⵉⵎⵏⴽⴰⴷⵏ ⵏ ⴽⵔⴰ ⵏ ⵜⴳⵔⴰⵡⵜ ⴳ ⵜⴼⴰⴷⵉⵡⵉⵏ ⵜⵉⵏⵙⵙⵓⵎⵓⵜⵉⵏ ⵢⴰⴽⵙⵓⵍⵏ ;
- ⵡⴰⵔ ⴰⵙⵏⵓⴱⴳ ⵏ ⵉⴼⴳⴰⵏⵏ ⵉⴳⴷⵓⴷⴰⵏⵏ ⴰⵢⵜ ⵜⵎⵓⵙⵜ ⵜⴰⵙⵔⵜⴰⵏⵜ ⴳ ⵉⵖⴰⵡⴰⵙⵏ ⵓⵔ ⵉⵣⴷⵉⵏ ⴷ ⵉⵙⵜⴰⵢⵏ ⴰⵎⵎ ⵉⵖⴰⵡⴰⵙⵏ ⵏ ⵜⵓⵏⵏⵓⵏⵜ ⴷ ⵡⵓⵡⵔⴰⵔ ⴷ ⵡⵉⵏ ⵜⵥⵓⵕⵉ ⵏⵖ ⵉⵖⴰⵡⴰⵙⵏ ⵏ ⵡⵓⵔⴰⵔ ⴷ ⵡⵉⵢⴰⴹ ;
- ⵡⴰⵔ ⴰⵙⵓⵔⴼ ⵙ ⵓⵙⵙⴽⴰⵏ ⵏⵖ ⴰⴷⴰⴼ ⵏ ⵉⵏⵖⵎⴰⵙⵏ ⴷ ⵉⵎⵙⵎⵓⵙⵙⵏ ⴷ ⵉⵎⵙⵎⵏⵉⴷⵏ ⵏ ⵉⵖⴰⵡⴰⵙⵏ ⵎⴽ ⴳⴰⵏ ⵉⵎⵏⴽⴰⴷⵏ ⴳ ⵉⵙⵜⴰⵢⵏ ;
- ⴰⵎⵓⵢⴷ ⵅⴼ ⵡⴰⵔ ⴰⵙⵏⵓⴱⴳ ⵏ ⵉⵎⵓⵙⵏⴰⵡⵏ ⴰⵢⵜ ⵜⵎⵓⵙⵜ ⵜⴰⵙⵔⵜⴰⵏⵜ ⴳ ⵉⵖⴰⵡⴰⵙⵏ ⴰⵣⵎⵣ ⵏ ⵉⵙⵜⴰⵢⵏ.
ⵎⴰⵜⵜⴰ ⵓⵙⴰⵜⵉ ⵉ ⵉⵖⴰⵡⴰⵙⵏ ⵉⵜⵜⵓⵣⵓⵣⵣⵓⵔⵏ ⴰⵙⵙ ⵏ ⵓⵙⵜⴰⵢ ?
ⴰⵛⴽⵓ ⵉⵥⵍⵉ ⵡⴰⵙⵙ ⵏ ⵓⵙⵜⴰⵢ, ⴷⴰ ⵉⵜⵜⴳⴳⴰ ⵛⵛⵉⵍ ⵙ ⵜⵖⵜⴰⵙⵉⵏ ⵏ ⵓⵙⵇⵇⵉⵎ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ, ⴳ ⵓⵢⵏⵏⴰ ⵉⵣⴷⵉⵏ ⴷ ⵓⵙⵡⵓⴷⴷⵓ ⵏ ⵓⵡⵏⵏⵉ ⴰⵎⴰⴳⵓⵜ ⵓⵙⵙⴰⵏ ⵏ ⵉⵙⵜⴰⵢⵏ, ⵙ ⵉⵍⵓⴳⵏⵏ ⵉⵥⵍⵉⵏ ⵙ ⵓⵙⴰⵜⵉ ⵏ ⵉⵖⴰⵡⴰⵙⵏ ⵉⵜⵜⵓⵣⵓⵣⵣⵓⵔⵏ ⴰⵙⵙ ⵏ ⵓⵙⵜⴰⵢ, ⵙ ⵡⴰⵜⵜⴰⴳ ⵅⴼ ⵉⵍⵓⴳⵏⵏ ⵉⵙⵏⵎⴰⵍⴰⵢⵏ ⴰⵖⴰⵡⴰⵙ ⵏ ⵉⵙⵜⴰⵢⵏ ⴷ ⵓⵍⵓⴳⵏ ⵏ ⵓⵎⵢⴰⵡⴰⴹ ⴰⵙⵍⵉⵥⵕ. ⴳⵔ ⴰⵢⵏⵏⴰ ⵉⵍⵍⴰⵏ ⴳ ⵉⵍⵓⴳⵏⵏ ⴰⴷ, ⴰⴳⵉ ⵏ ⵜⵏⵣⵡⴰⵢⵉⵏ ⴷ ⵜⴷⴰⴱⵓⵜⵉⵏ ⵜⵉⵜⵍⴼⴰⵣⵉⵏ ⵏ :
- ⴰⵣⵓⵣⵣⵔ ⵏ ⵜⵢⴰⴼⵓⵜⵉⵏ ⵏ ⵓⵙⵖⴰⵍ ⵏ ⵜⴰⵏⵏⴰⵢⵜ ⵉⵚⴽⴰⵏ ⵅⴼ ⵉⵙⴼⴽⴰ ⵏⵏⴰ ⵜⵓⵙⵉ ⴳ ⵜⴰⵏⵏⴰⵢⵜ ⵏ ⵉⵎⵙⵜⴰⵢⵏ ⴰⴷⴷⴰⵢ ⴷ ⴼⴼⵖⵏ ⴳ ⵓⵙⵉⵔⴰ ⵏ ⵓⵙⵜⴰⵢ ⴷ ⵓⵙⵖⴰⵍ ⵏ ⵜⵢⴰⴼⵓⵜⵉⵏ ⵏⵖ ⵉⵙⵏⵉⵎⴰⵍⵏ ⵙ ⵜⵖⴰⵔⴰⵙⵉⵏ ⴰⴽⴽⵯ, ⴰⵔ ⴰⴷⴷⴰⵢ ⵉⵇⵇⵏ ⵓⵙⵉⵔⴰ ⴰⵎⴳⴳⴰⵔⵓ ⵏ ⵓⵙⵜⴰⵢ ;
- ⴰⵣⵓⵣⵣⵔ ⵏ ⵜⵓⵎⴰⵢⵜ ⵉⵣⴷⵉⵏ ⴷ ⵉⵙⵜⴰⵢⵏ ⴳ ⵓⴱⴰⵖⵓⵔ ⵏ ⵉⴽⴰⴱⴰⵔⵏ ⵉⵙⵔⵜⴰⵏⵏ ;
- ⴰⵣⵓⵣⵣⵔ ⵏ ⵜⵢⴰⴼⵓⵜ ⴷⴰⵜ ⵓⵙⴰⵍⴰ ⵙⴳ ⵓⵙⵜⴰⵢ ⵅⴼ ⵡⴰⴽⴰⵍ ⴰⴽⴽⵯ ⴰⵏⴰⵎⵓⵔ ;
- ⴰⵣⵓⵣⵣⵔ ⵏ ⴽⵔⴰ ⵏ ⵜⵏⵎⵎⴰⵍⵜ ⵏⵖ ⴽⵔⴰ ⵏ ⵓⵙⵉⵡⴹ ⵏⵖ ⴽⵔⴰ ⵏ ⵉⵅⴼⴰⵡⴰⵍ ⵏⵖ ⴽⵔⴰ ⵏ ⵜⵙⴳⵓⵔⵉ ⵙⴳ ⵖⵓⵔ ⵉⵎⵏⵥⴰ ⵏ ⵉⵙⵜⴰⵢⵏ ⴷⴰⵜ ⵏ ⴰⴷ ⵜⵎⴷⵓ ⵜⵎⵀⵍⵜ ⵏ ⵓⵙⵜⴰⵢ.
4. ⴰⴹⴼⴼⵓⵕ
ⵎⴰⵜⵜⴰ ⵓⵙⵡⵓⴷⴷⵓ ⴰⴳⵓⵏⵙⴰⵏ ⵉ ⵓⵙⴼⵍⵙ ⵏ ⵓⴹⴼⴼⵓⵕ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵉ ⵉⵖⴰⵡⴰⵙⵏ ⵉⵏⵣⵡⴰⵢⵏ ⴷ ⵉⵜⵍⴼⴰⵣⵏ ⵉⵥⵍⵉⵏ ⵙ ⵜⵉⵔⵎⵜ ⵏ ⵉⵙⵜⴰⵢⵏ ?
ⴰⵙⵏⵎⴰⵍⴰ ⵏ ⵜⵙⵎⵓⵏⵉ ⵉⵏⵏⵓⵕⵥⵎⵏ ⵏ ⵓⵙⵇⵇⵉⵎ ⴰⵎⴰⵜⵜⴰⵢ
ⵜⴰⵙⴳⴰ ⵏ ⵡⴰⴳⴳⴰ ⵅⴼ ⵜⵙⵎⵉⴳⴰⵍ ⵏⵏⵙ ⵜⵓⵏⵣⵉⵍⵉⵏ, ⴷⴰ ⵉⵙⵙⴽⴰⵔ ⵓⵙⵇⵇⵉⵎ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵢⴰⵏ ⵓⵙⴳⵔⴰⵡ ⵉⵏⵏⵓⵕⵥⵎⵏ ⴳ ⵓⵣⵎⵣ ⴰⴽⴽⵯ ⵏ ⵉⵙⵜⴰⵢⵏ ⴰⴼⴰⴷ ⴰⴷ ⵉⵥⵕ ⴳ ⵜⵎⵙⴰⵔⵉⵏ ⵜⵉⵎⵖⴰⵡⵍⵉⵏ ⵏⵏⴰ ⵢⴰⵙ ⴷ ⵉⵜⵜⵓⴷⴷⵓⵏ ⴳ ⵓⵙⴰⵜⵉ ⵢⴰⴷ.
ⴷⴰ ⵉⵔⵣⵣⵓ ⴳ ⵜⵎⵙⴰⵔⵉⵏ ⴰⴷ ⵙ ⵜⵓⵚⴽⴰ ⵅⴼ ⵜⵏⵓⵔⵣⵉⵜⵉⵏ ⵏⵖ ⵜⵉⵎⵉⵜⴰⵔ ⵜⵉⵏⵉⵎⴰⵏⵉⵏ, ⵙ ⵉⵎⵥⵍⵉ ⵜⵉⵏⵏⴰ ⵉⵣⴷⵉⵏ ⴷ ⴽⵔⴰ ⵏ ⵜⵉⵕⵥⵉ. ⴷⴰ ⵉⵜⵜⵎⵛⴰⵡⴰⵕ ⵓⵙⵇⵇⵉⵎ ⴰⵎⴰⵜⵜⴰⵢ ⵢⴰⵙⵉ ⵜⵉⵖⵜⴰⵙ ⴷⴼⴼⵉⵔ ⵏ ⴰⴷ ⵉⵙⵙⵓⵜⵔ ⵉⵙⴼⴰⵡⵏ ⵉ ⵜⵏⵣⵡⴰⵢⵜ ⵏⵖ ⵜⴰⴷⴰⴱⵓⵜ ⴰⴼⴰⴷ ⴰⴷ ⵜⵙⵇⵙⴰ ⵅⴼ ⵓⵙⴽⴽⵉⵏ ⵏⵏⴰ ⵜⴹⴰⴼ.
ⴰⵙⴽⵔ ⵏ ⵓⴳⵔⴰⵡ ⴰⴳⵓⵏⵙⴰⵏ ⵉⵥⵍⵉⵏ ⵙ ⵓⴹⴼⴼⵓⵕ ⵏ ⵓⵣⵉⵣⵣⵍ ⵏ ⵉⵙⵜⴰⵢⵏ
ⴷⴰ ⵜⵜⵓⵙⴽⴰⵔ ⵢⴰⵜ ⵜⵖⵔⴰⵙⵜ ⵉ ⵡⴰⴽⴰⵢ ⴷ ⵜⴰⵎⵓⵏⵜ ⴷⵉⴳⵙ ⴽⵉⴳⴰⵏ ⵏ ⵜⵏⴰⴼⵓⵜⵉⵏ ⵉⵣⴷⵉⵏ ⴷ ⵜⵏⵎⵀⴰⵍⵜ ⵜⴰⵎⴰⵜⴰⵢⵜ ⵏ ⵓⴳⵔⴰⵡ ⴰⵎⴰⵜⵜⴰⵢ, ⴳ ⵓⵡⵜⵜⴰⵙ ⵏ ⵓⵙⴼⵍⵙ ⵏ ⵓⴹⴼⴼⵓⵕ ⵉⴳⵣⵉⵏ ⵉ ⵓⵣⵣⵉⴳⵣ ⵏ ⵓⵣⵉⵣⵣⵍ ⵏ ⵉⵙⵜⴰⵢⵏ ⴳ ⵉⵖⴰⵡⴰⵙⵏ ⵉⵏⵣⵡⴰⵢⵏ ⴷ ⵉⵜⵍⴼⴰⵣⵏ. ⵜⴰⵙⵎⵉⴳⵍⵜ ⵏ ⵜⵖⵔⴰⵙⵜ ⴰⴷ ⵉⴳⴰ ⴰⴷⵓⵕ ⵏ ⵓⵙⵡⵓⵔⵉ ⵏ ⵜⵖⵜⴰⵙⵜ ⵏ ⵓⵙⵇⵇⵉⵎ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴳ ⵓⵢⵏⵏⴰ ⵉⵣⴷⵉⵏ ⴷ ⵓⵙⵡⵓⴷⴷⵓ ⵏ ⵓⵡⵏⵏⵉ ⴰⵎⴰⴳⵓⵜ ⴳ ⵓⵣⵎⵣ ⵏ ⵉⵙⵜⴰⵢⵏ ⴷ ⵓⵙⴼⵍⵙ ⵏ ⵓⵎⵢⴰⵡⴰⴹ ⵉⴷⵓⵎⵏ ⴷ ⵉⵎⴷⵔⴰⵢⵏ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴷ ⵓⵙⵏⵓⵍⴼⵓ ⵏ ⵜⴰⵏⴰⴹⵉⵏ ⵏⵏⴰ ⵔⴰⴷ ⵜⴰⵣⵏ ⵉ ⵓⵙⵇⵇⵉⵎ ⴰⵎⴰⵜⵜⴰⵢ.
ⴰⵙⵎⵓⵙⵙⵓ ⵏ ⵉⵙⴳⵎⵏ ⵉⵏⴼⴳⴰⵏⵏ ⵉⵎⵖⵔⴰⵜⵏ ⵉⵎⵥⵍⴰⵢⵏ
ⴷⴰ ⵜⵙⵎⵓⵙⵙⵓ ⵜⵏⵎⵀⴰⵍⵜ ⵜⴰⵎⴰⵜⴰⵢⵜ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴳ ⵜⵉⵔⵎⵜ ⵏ ⵉⵙⵜⴰⵢⵏ ⵓⴳⴰⵔ ⵏ ⴽⵕⴰⴹⵜ ⵜⵎⵔⴰⵡⵉⵏ ⵏ ⵉⵙⴰⵜⵉⵢⵏ ⴷ ⵉⵜⵉⵇⵏⵉⵢⵏ ⵏⵏⴰ ⴷⴰ ⵉⵙⵡⵓⵔⵉⵏ ⵓⵙⵙⴰⵏ ⴰⴽⴽⵯ ⵏ ⵉⵎⴰⵍⴰⵙⵙ ⵙ ⵜⵔⵏⵉ ⵏ ⵜⵙⴰⵔⴰⴳⵉⵏ ⵏ ⵜⵡⵓⵔⵉ ⴽⵓ ⵢⴰⵙⵙ, ⴰⴼⴰⴷ ⴰⴷ ⵜⵙⴼⵍⵙ ⴰⴷⴹⴹⵓⵕ ⵏ ⵉⵖⴰⵡⴰⵙⵏ ⵉⵎⵏⵜⴰⵢⵏ, ⴷ ⵜⵡⵓⵔⵉ ⵅⴼ ⵓⵙⴷⵖⵉ ⵏ ⵜⵍⴳⴰⵎⵜ ⴽⵓ ⵜⵉⴽⴽⵍⵜ, ⴷ ⵓⵙⵎⵓⵜⵜⵔ ⵉⴳⵣⵉⵏ ⵙ ⵜⵖⴰⵔⴰⵙⵜ ⵉⵥⵍⵉⵏ ⵉ ⵉⵙⴼⴽⴰ ⵉⵙⵎⴽⵜⴰⵢⵏ (ⴰⵎⴹⴰⵏ ⴷ ⵓⵣⵎⵣ ⵏ ⵉⵖⴰⵡⴰⵙⵏ, ⴰⵎⴹⴰⵏ ⵏ ⵉⵏⴽⵛⴰⵎⵏ, ⴰⵣⵎⵣ ⵏ ⵉⴽⵛⵛⵓⵎⵏ…) ⴷ ⵡⴰⵏⴰⵡⵏ (ⵉⵙⴳⵓⵎⵏ ⵉⵜⵜⵓⵙⵔⵙⵏ, ⵜⵓⵜⵍⴰⵢⵜ ⵉⵜⵜⵓⵙⵡⵓⵔⵉⵏ…) ⵏⵏⴰ ⵉⴳⴰⵏ ⵜⴰⵢⴰⴼⵓⵜ ⵏ ⵜⵡⵓⵔⵉ ⵏ ⵓⴹⴼⴼⵓⵕ, ⵙ ⵓⵙⴼⴰⵡ ⵏ ⵉⵎⴰⵙⵙⵏ ⵏ ⵉⵔⵎⵎⵓⵙⵏ ⴷ ⵓⵙⴰⵜⵢ ⴰⵏⴰⵡⴰⵢ ⵉⵍⵍⴰⵏ ⴳ ⵜⵖⵜⵙⵜ ⵏ ⵓⵙⵇⵇⵉⵎ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ.
ⵉⵡⵙ ⵙ ⵓⵏⴳⵔⴰⵡ ⴰⵎⵓⵟⵟⵓⵏ ⵉⵥⵍⵉⵏ
ⴷⴰ ⵉⵜⵜⴰⵡⵙ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵙ ⵓⵏⴳⵔⴰⵡ ⴰⵜⵉⵇⵏⵉ ⴷ ⵓⵎⵓⵟⵟⵓⵏ ⵏⵏⴰ ⵎⵉ ⵇⵇⴰⵔⵏ HMS Pluralisme, ⴳ ⵓⵙⵉⴹⵏ ⴷ ⵓⵙⵏⵎⴰⵍⴰ ⵏ ⵜⵓⵎⴰⵢⵜ ⵜⴰⵣⵎⵣⴰⵏⵜ ⵏ ⵡⴰⴽⵓⴷ ⵏ ⵓⵣⵓⵣⵣⵔ ⵏⵏⴰ ⴳ ⵉⵙⴱⴰⵖⵔ ⴽⵓ ⴰⴽⴰⴱⴰⵔ ⴰⵙⵔⵜⴰⵏ ⵢⴰⵎⵓⵏ ⴳ ⵉⵙⵜⴰⵢⵏ. ⴰⵏⴳⵔⴰⵡ ⴰⵏ ⵉⴳⴰ ⵢⴰⵏ ⵓⵏⴳⵔⴰⵡ ⵙⴳ ⵡⴰⵢⴰⵡ ⵏ ⵓⵏⴳⵔⴰⵡ HMS (Haca Media Solutions), ⵉⵥⵍⵉⵏ ⵙ ⵢⵉⵎⵥ ⴷ ⵓⵅⵣⴰⵏ ⴷ ⵓⵙⵎⴽⵍ ⵏ ⵉⵖⴰⵡⴰⵙⵏ ⵉⵏⵣⵡⴰⵢⵏ ⴷ ⵜⴷⴰⴱⵓⵜⵉⵏ ⵜⵉⵜⵍⴼⴰⵣⵉⵏ ⵜⵉⴳⴷⵓⴷⴰⵏⵉⵏ ⴷ ⵜⵎⵥⵍⵉⵢⵉⵏ, ⴰⵏⴳⵔⴰⵡ ⴰⴷ ⵙⵙⴽⵔⵏ ⵜ ⴳ ⵓⴳⵓⵏⵙ ⵉⵎⵓⵙⵏⴰⵡⵏ ⵉⵎⵓⵟⵟⵓⵏⵏ ⵏ ⵜⵎⵔⵙⵍⵜ ⴷ ⵜⵜⵓⵣⵎⵎⴻⵎ ⵜⵏⴼⵓⵍⵜ ⵏ ⵓⵙⵏⵓⵍⴼⵓ ⵏⵏⵙ ⵖⵓⵔ ⵓⵙⵉⵔⴰ ⴰⵎⵖⵔⴰⴱⵉ ⵏ ⵡⴰⵢⵍⴰ ⴰⵎⴳⵓⵔⵉ ⴷ ⵓⵙⵖⵣⵏ ⴰⵙⴳⴳⵯⴰⵙ ⵏ 2007 ⵖⵓⵔ ⵜⵎⵙⴷⵓⵙⵜ ⵜⴰⴳⵔⴰⵖⵍⴰⵏⵜ ⵏ ⵡⴰⵢⵍⴰ ⴰⵡⵏⴳⵉⵎ ⴰⵙⴳⴳⵯⴰⵙ ⵏ 2008.
ⴰⵎⴽ ⵔⴰⴷ ⵉⵣⵣⵉⴳⵣ ⵓⴹⴼⴼⵓⵕ ⵏ ⵓⵡⵏⵏⵉ ⴰⵎⴰⴳⵓⵜ ⴳ ⵉⵖⴰⵡⴰⵙⵏ ⵉⵖⵎⵙⴰⵏⵏ ⵢⴰⴹⵏ ⵓⵔ ⵉⵣⴷⵉⵏ ⴷ ⵉⵙⵜⴰⵢⵏ ?
ⵙ ⵓⴼⵔⴰⴳ ⵏ ⵓⵣⵣⵉⴳⵣ ⵏⵏⵙ ⴳ ⵡⴰⴳⴳⴰⵢ ⵅⴼ ⵜⵎⴰⵙⴰⵢⵜ ⵏⵏⵙ ⵜⴰⵎⵔⵙⴰⵏⵜ ⵉⴷⵓⵎⵏ ⴳ ⵓⵙⵡⵓⴷⴷⵓ ⵏ ⵓⵡⵏⵏⵉ ⴰⵎⴰⴳⵓⵜ ⴳ ⵜⵏⵣⵡⴰⵢⵉⵏ ⴷ ⵜⴷⴰⴱⵓⵜⵉⵏ ⵜⵉⵜⵍⴼⴰⵣⵉⵏ, ⴷⴰ ⵉⵙⵎⵣⴰⵔⴰⵢ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴳ ⵓⵣⵎⵣ ⵏ ⵉⵙⵜⴰⵢⵏ ⴳⵔ ⵡⴰⵏⴰⵡ ⵏ ⵉⵖⴰⵡⴰⵙⵏ ⵉⵏⵣⵡⴰⵢⵏ ⴷ ⵉⵜⵍⴼⴰⵣⵏ ⵉⵣⴷⵉⵏ ⴷ ⵉⵙⵜⴰⵢⵏ ⴷ ⵡⴰⵏⴰⵡⵏ ⵏ ⵉⵖⴰⵡⴰⵙⵏ ⵢⴰⴹⵏ ⵏⵏⴰ ⴷⴰ ⵉⵙⵎⴽⴰⵍⵏ ⵜⵉⵖⴰⵡⵙⵉⵡⵉⵏ ⵜⵉⵎⴰⵜⴰⵢⵉⵏ ⵏⵏⴰ ⵓⵔ ⵉⵣⴷⵉⵏ ⴷ ⵉⵙⵜⴰⵢⵏ. ⵅⴼ ⵓⵢⴰⴷ, ⴷⴰ ⵉⵜⵜⵎⵓⵢⵢⵓⴷ ⵓⴳⵔⴰⵡ ⵅⴼ ⵓⴹⴼⴼⵓⵕ ⵏ ⵡⴰⵏⴰⵡ ⴰⵎⵣⵡⴰⵔⵓ ⵏ ⵉⵖⴰⵡⴰⵙⵏ ⵙ ⵓⵢⵏⵏⴰ ⴷ ⵢⵉⵡⵉ ⵓⵙⵍⴳⵏ ⵉⵥⵍⵉⵏ ⵙ ⵜⵖⵜⵙⵜ ⵏ ⵓⵙⵇⵇⵉⵎ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵉⵣⴷⵉⵏ ⴷ ⵓⵡⵏⵏⵉ ⴰⵎⴰⴳⵓⵜ ⴳ ⵜⵉⵔⵎⵜ ⵏ ⵉⵙⵜⴰⵢⵏ, ⵜⴰⵙⴳⴰ ⵏ ⵓⵣⵣⵉⴳⵣ ⵏⵏⵙ ⴳ ⵓⵙⵙⵓⵊⴷ ⵏ ⵜⴰⵏⴰⴹⵜ ⵜⴰⴽⵕⴰⴹⵢⵓⵔⴰⵏⵜ ⵏ ⵉⵣⵎⵣⵏ ⵏ ⵓⴽⵛⵛⵓⵎ ⵏ ⵉⴼⴳⴰⵏⵏ ⵉⵙⵔⵜⴰⵏⵏ ⴷ ⵉⵏⵎⵓⵍⵍⵉⵏ ⴷ ⵉⵣⵣⵓⵍⴰⵏⵏ ⴷ ⵉⵎⵙⵎⵓⵏⵏ ⴳ ⵡⴰⵏⴰⵡ ⵡⵉⵙⵙ ⵙⵉⵏ ⵏ ⵉⵖⴰⵡⴰⵙⵏ.
5. ⴰⵙⵓⴼⵖ ⵏ ⵜⴰⵏⴰⴹⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵉⵣⴷⵉⵏ ⴷ ⵓⵡⵏⵏⵉ ⴰⵙⵔⵜⴰⵏ ⴰⵎⵢⴰⴳⵓⵜ ⴳ ⵜⵏⵣⵡⴰⵢⵉⵏ ⴷ ⵜⴷⴰⴱⵓⵜⵉⵏ ⵜⵉⵜⵍⴼⴰⵣⵉⵏ ⴳ ⵓⵣⵎⵣ ⵏ ⵉⵙⵜⴰⵢⵏ
ⵎⴰⵏⵜⵓⵔ ⴷ ⵎⴰⵎⴽ ⴷⴰ ⴷ ⵜⴻⵜⵜⴼⴼⵖ ⵏ ⵓⴳⵔⴰⵡ ⴰⵎⴰⵜⵜⴰⵢ ⵉⵣⴷⵉⵏ ⴷ ⵓⵡⵏⵏⵉ ⴰⵙⵔⵜⴰⵏ ⴰⵎⵢⴰⴳⵓⵜ ⴳ ⵜⵏⵣⵡⴰⵢⵉⵏ ⴷ ⵜⴷⴰⴱⵓⵜⵉⵏ ⵜⵉⵜⵍⴼⴰⵣⵉⵏ ⴳ ⵓⵣ ⵎⵣ ⵏ ⵉⵙⵜⴰⵢⵏ ?
ⴰⴷⴷⴰⵢ ⵏ ⵉⵇⵇⴰⵏ, ⴷⴰ ⵉⵙⵡⵓⵔⵉ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⴱⵟⵟⵓ ⵏ ⵜⵢⴰⴼⵓⵜⵉⵏ ⵜⵉⵎⵣⵡⵓⵔⴰ ⵏ ⵓⴹⴼⴼⵓⵕ ⴰⵎⵖⵉⵡⵍ ⴷ ⵓⵣⵎⵣⴰⵏ ⴳ ⵜⵉⵔⵎⵜ ⵏ ⵉⵙⵜⴰⵢⵏ ⵏⵜⵜⴰ ⴷ ⵜⵏⵣⵡⴰⵢⵉⵏ ⴷ ⵜⴷⴰⴱⵓⵜⵉⵏ ⵜⵉⵜⵍⴼⴰⵣⵉⵏ ⴰⴼⴰⴷ ⴰⴷ ⵜⵏ ⵢⴰⴷⵊ ⴰⴷ ⵙⵙⴽⵔⵏ ⴽⵓ ⵜⵉⴽⴽⵍⵜ ⵉⵙⵓⵖⴷⵏ ⵏ ⵉⵇⵇⴰⵏ, ⵙ ⵓⵎⴰⵜⴰ ⴳ ⵓⵢⵏⵏⴰ ⵉⵣⴷⵉⵏ ⵙ ⵓⵙⵡⵓⵔⵉ ⵏ ⵓⵙⵍⵓⴳⵏ ⵏ ⵓⵙⵓⵎⵓ ⴳ ⴱⵟⵟⵓ ⵏ ⵜⵓⵎⴰⵢⵜ ⵜⴰⵣⵎⵣⴰⵏⵜ ⵅⴼ ⵜⵉⵔⴰⵎ ⵏ ⵓⵣⵓⵣⵣⵔ ⴳⵔ ⵉⴽⴰⴱⴰⵔⵏ ⵉⵙⵔⵜⴰⵏⵏ ⵢⴰⵎⵓⵏ ⴳ ⵉⵙⵜⴰⵢⵏ.
ⴷⴼⴼⵉⵔ ⵏ ⵓⵍⵖⵓ ⵓⵏⵚⵉⴱ ⵏ ⵜⵢⴰⴼⵓⵜⵉⵏ ⵜⵉⵎⴳⴳⵓⵔⴰ ⵏ ⵉⵙⵜⴰⵢⵏ, ⴷⴰ ⵉⵙⵙⵓⴼⵓⵖ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵜⴰⵏⴰⴹⵜ ⵏⵏⵙ ⵜⴰⵎⴰⵜⴰⵢⵜ ⵅⴼ ⵜⴷⵓⵍⵉ ⵏ ⵜⵏⵣⵡⴰⵢⵉⵏ ⴷ ⵜⴷⴰⴱⵓⵜⵉⵏ ⵜⵉⵜⵍⴼⴰⵣⵉⵏ ⴳ ⵓⵢⵏⵏⴰ ⵉⵣⴷⵉⵏ ⴷ ⵜⵉⵔⵎⵜ ⵜⴰⵎⴰⵜⴰⵢⵜ ⵏ ⵉⵙⵜⴰⵢⵏ, ⴰⵢⴰ ⴷⴼⴼⵉⵔ ⴰⵎⵛⴰⵡⴰⵕ ⴷ ⵓⵎⵙⴰⵙⴰ ⵖⵉⴼⵙ ⵙⴳ ⵖⵓⵔ ⵓⵙⵇⵇⵉⵎ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ.
