ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⴰⵙⵉⵡⴹ ⴰⵏⵙⵉⵙⴼⵉⵡ
ⴷⴰ ⵜⵙⵓⴳⵍⵓ ⵜⵎⵔⵙⵍⵜ ⵏ ⵄⵎⵎⵓⵕⵉ ⵎⴱⴰⵕⴽ ⵙ ⵜⵙⵓⵜⵍⵜ ⵜⴰⴷⵍⵙⴰⵏⵜ ⵜⴰⵙⴳⵯⵙⴰⵏⵜ ⴳ ⵜⴰⴷⴷⴰⵔⵜ ⵏ ⵓⵏⴰⵥⵓⵕ ⴰⵅⴰⵜⴰⵔ ⵄⵎⵎⵓⵕⵉ ⵎⴱⴰⵕⴽ ⴰⵙⵙ ⵏ 10 ⴱⵕⴰⵢⵕ 2024, ⵙ ⵓⵣⵎⵣⵣⵓ ⵏ ⵓⴽⵜⵜⵓⵢ ⴰⵙⴳⵯⵙⴰⵏ ⵏ ⵓⵏⴰⵥⵓⵕ ⴰⴷ ⵏⵏⴰ ⵉⵙⵙⵉⴷⵔⵏ ⵉⵙⵎ ⵏⵏⵙ ⴳ ⵉⴳⵏⵏⴰ ⵏ ⵜⵥⵓⵕⵉ ⵜⴰⵎⴰⵣⵉⵖⵜ. ⵜⵓⵛⴽⴰ ⴷ ⵜⵙⵓⵜⵍⵜ ⴰⴷ ⴷⴷⵓ ⵜⵎⴰⵜⴰⵔⵜ: » ⵜⴰⵖⵍⴰⵖⴰⵍⵜ ⵏ ⵡⴰⵏⵢⴰⵜⵏ ⵉⵎⴰⵣⵉⵖⵜⵏ ⴳ ⵉⵙⵏⴼⵍⵓⵍⵏ ⵏ ⵓⵏⴰⵥⵓⵕ ⵄⵎⵎⵓⵕⵉ ⵎⴱⴰⵕⴽ ». ⵙ ⵜⵓⵙⵏⵜ ⵙ ⵜⵉⵏⴷⵉ ⵜⴰⵅⴰⵜⴰⵔⵜ ⵏⵏⴰ ⵉⴼⴽⴰ ⵉⴳⵍⵍⵉⵏ ⵏ ⵓⵏⴰⵥⵓⵕ ⵉ ⵡⴰⵏⵢⴰⵜⵏ ⵉⵎⴰⵣⵉⵖⵏ ⵉⵣⴰⵢⴽⵓⵜⵏ ⴳ ⵓⵙⴰⴽⴰ ⵏⵏⵙ ⴰⵥⵓⵕⴰⵏ.
ⵓⵎⴰⵏ ⵉⵎⵓⵙⵙⵓⵜⵏ ⵉⵍⵍⴰⵏ ⴳ ⵡⴰⵀⵉⵍ ⵏ ⵜⵎⵙⴰⵔⵜ ⴰⴷ ⵢⴰⵏ ⵜⵙⵇⵇⴰⵢⵎⵓⵜ ⵉⵏⵏⵓⵕⵥⵎⵏ ⵅⴼ ⵡⴰⵏⵢⴰⵜⵏ ⵉⵎⴰⵣⵉⵖⵏ ⴳ ⵜⵙⴳⴰ ⵏ ⵙⵓⵙ, ⵔⴰⴷ ⵜⵙⵎⵓⵏ ⵉⵎⵣⵣⵓⵍⵏ ⴷ ⵉⵔⴰⵎⵙⵓⵜⵏ ⴳ ⵢⵉⴳⵔ ⴰⴷ ⵃⵎⴰ ⴰⴷ ⴷⵔⵓⵏ ⵜⵉⵡⵏⴳⵉⵎⵉⵏ ⴷ ⵉⵎⵏⴰⴷⵏ ⵏⵏⵙⵏ ⵅⴼ ⵜⵡⴰⵍⵉⵜⵉⵏ ⵏⵏⴰ ⵜⵥⵕⴰ ⵜⵥⵓⵕⵉ ⴰⴷ ⵜⴰⵇⴱⵓⵔⵜ ⴷ ⵜⵎⵍⴰⵍⵜ ⵏⵏⵙ ⴳ ⵓⵙⵙⵓⵏⵛⴽ ⵏ ⵜⵎⴰⴳⵉⵜ ⵜⴰⵎⴰⵣⵉⵖⵜ, ⵎⴽⵍⵍⵉ ⵢⵓⵎⴰ ⵡⴰⵀⵉⵍ ⴰⵔⵣⴰⴼ ⵉⵥⵍⵉⵏ ⵙ ⵜⵙⵏⵏⵉⵖⵜ ⵏ ⵄⵎⵎⵓⵕⵉ ⵎⴱⴰⵕⴽ, ⵏⵏⴰ ⵉⴳⴰⵏ ⵢⴰⵏ ⵓⴷⵖⴰⵔ ⵢⵓⴽⵍⴰⵍⵏ ⵜⴰⵏⴰⵣⵓⴼⵜ ⴷ ⵓⵙⵙⵉⵍⵎ ⴳ ⵓⵎⵣⵔⵓⵢ ⴷ ⵡⴰⵢⴷⴰ ⵏ ⵓⵏⴰⵥⵓⵕ, ⵔⴰⴷ ⵉⴳ ⵉ ⵉⵏⵔⵣⴰⴼ ⵢⴰⵏ ⵓⵣⵎⵣⵣⵓ ⵉⴳⴰⵏ ⵡⴰⵥ ⴰⴷ ⵕⵉⵕⴹⵏ ⵉⴳⵣⵣⵓⵎⵏ ⵉⵥⵓⵕⴰⵏⵏ ⴷ ⵜⵎⵙⵖⵉⵡⵉⵏ ⵏⵏⴰ ⵉⵙⵙⵉⵙⴼⵉⵡⵏ ⵜⵓⴷⵔⵜ ⵏ ⵓⵏⴰⵥⵓⵕ ⵉⵎⵎⵓⴷⴷⴰⵏ. ⴳ ⵜⴳⵉⵔⴰ ⵏ ⵜⵎⵙⴰⵔⵜ, ⵔⴰⴷ ⵉⴼⴰⵡ ⵉⴳⵏⵏⴰ ⵏ ⵢⵉⴹ ⵙ ⵡⴰⵏⵢⴰⵜⵏ ⵏ ⵓⵃⵡⴰⵛ ⵜⴰⵙⴽⵉⵡⵉⵏ ⴳ ⵢⴰⵏ ⵢⵉⵡⵉⵣ ⴰⵥⵓⵕⴰⵏ ⵏⵏⴰ ⵔⴰⴷ ⵉⵙⵎⵓⵏ ⵉⵎⵉⵔⵉⵜⵏ ⵏ ⵓⵙⴰⵢⵙ ⴰⴷ ⵙⵙⴼⵍⴷⵏ ⵉ ⵡⴰⵏⵢⴰⵜⵏ ⵉⵇⴱⵓⵔⵏ ⵏⵏⴰ ⵎⵉ ⵉⴼⴽⴰ ⵓⵏⴰⵥⵓⵕ ⵄⵎⵎⵓⵔⵉ ⵎⴱⴰⵔⴽ ⵙ ⵓⵙⵓⴼⵓ, ⴷ ⴰⵔ ⵜⴻⵜⵜⴰⵣⵏ ⵜⵎⵔⵙⵍⵜ ⵏ ⵄⵎⵎⵓⵕⵉ ⵎⴱⴰⵕⴽ ⵜⴰⵖⵓⵔⵉ ⵉ ⵓⴳⴷⵓⴷ ⴷ ⵉⵎⵉⵔⵉⵜⵏ ⵏ ⵜⵥⵓⵕⵉ ⵜⴰⵎⴰⵣⵉⵖⵜ ⴰⴷ ⴷⵉⵜⵏⵖ ⵎⵢⴰⵣⴰⵔⵏ ⴳ ⵡⴰⵙⵙ ⴰⴷ ⵉⵥⵍⵉⵏ ⵍⵍⵉ ⵖ ⵔⴰⴷ ⵜⴻⵜⵜⵓⵚⴽⴰⵏⵜ ⵜⵎⴽⵜⴰⵢ ⵏ ⵡⴰⵢⴷⴰ ⵓⵔ ⵉⵜⵜⴻⵜⵜⴰⵡⵏ.
