ⵜⵉⵏⴰⴼⵓⵖⵉⵏ ⵏ ⵡⴰⵙⵙ ⴰⵣⵔⴰⵡⴰⵏ ⵅⴼ ⵓⵙⵙⵍⵎⴷ ⵏ ⵜⵎⴰⵣⵉⵖⵜ

ⵉⴳⴰ ⴰⴷⴷⵓⵔ ⵉ ⵜⵎⵙⵎⵓⵏⵜ ⵉⵙⵙⵉⵎⵏ – ⵜⴰⴷⵍⵙⴰⵏⵜ ⵜⴰⵏⴰⵎⵓⵏⵜ, ⴰⴷ ⵜⵙⵙⵏⴽⴷ ⵉⴳⵣⵓⵍⵏ ⴷ ⵉⴳⵎⵓⴹⵏ ⵏ ⵜⵎⴷⵔⴰⵡⵉⵏ ⴷ ⵉⵎⴷⵔⴰⵡⵏ ⴳ ⵡⴰⵙⵙ ⴰⵣⵔⴰⵡⴰ ⵍⵍⵉ ⵜⵙⵏⵎⴰⵍⴰ ⴳ ⵓⵙⵉⴹⵢⴰⵙ 10 ⵛⵓⵜⴰⵏⴱⵉⵔ 2016-2966, ⴰⵙⵙ ⵎⵓ ⵉⵜⵜⵡⴰⵙⵜⴰⵢ ⵓⵣⵡⵍ « ⴰⵙⵙⵍⵎⴷ ⵏ ⵜⵎⴰⵣⵉⵖⵜ : ⵜⵉⵔⵎⵉⵜⵉⵏ, ⵜⵉⵖⵓⵔⵉⵡⵉⵏ ⴷ ⵉⴷⵉⵔⵏ », ⵙ ⵓⵣⵣⵉⴳⵣ ⴰⴽⴷ ⵜⵉⵙⵜⵕⴰⵜⵉⵊⵉⵏ ⵏⵏⵙ ⵜⵉⵖⵏⵙⴰⵏⵉⵏ ⴷ ⵉⵡⵜⵜⴰⵙⵏ ⵏⵏⵙ.
ⵜⴳ ⵜⴰⵎⵙⵎⵓⵏⵜ ⵜⴰⵏⴰⵙⵙⴰⵎⵜ ⵅⴼ ⵡⴰⴷⴷⴰⴷ ⵏ ⵜⵎⴰⵣⵉⵖⵜ ⴷ ⵓⴷⵖⴰⵔ ⵏⵏⵙ ⵊⴰⵊ ⵏ ⵉⴳⵔ ⵏ ⵓⵙⵙⵍⵎⴷ ⴳ ⵓⵎⵕⵕⵓⴽ ⵅⴼ ⵓⵙⵉⴷⴷ ⵏ ⵉⴳⵉⵔⵉⵜⵏ ⵉⵙⵙⵏ ⵉⴳⵔ ⴰⴷ, ⵜⴼⴼⵖ ⵙ ⵎⵏⵏⴰⵡⵜ ⵜⵏⴰⴼⵓⵖⵉⵏ ⴷ ⵢⵓⵛⴽⴰⵏ ⵙ ⵉⴽⴰⴷ :

1- ⵜⵓⵖⵓⵏⵜ ⵏ ⵓⵏⵎⵉⵍⵉ ⴷ ⵜⴰⵎⵓⵏⵜ ⵏ ⵓⵎⴰⴳⴳⴰⵢ ⴰⵎⴰⵣⵉⵖ ⴷ ⵓⵙⵍⵎⴰⴷ ⵏ ⵜⵎⴰⵣⵉⵖⵜ ⵙ ⵓⵏⴳⵎⴹ, ⴰⴼⴰⴷ ⴰⴷ ⵜⵓⵜⵜⵡⴰⴳ ⵢⴰⵜ ⵜⴷⵓⵙⵉ ⵉⵜⵜⴰⴷⴷⵏ, ⵜⵉⵍⵉ ⵙ ⵜⵙⵓⵎⴰⵔ ⵏⵏⵙ, ⵜⵟⵟⴼ ⵉⴹⵉⵙ ⵅⴼ ⵓⴱⵔⵉⴷ ⵏ ⵓⵙⵙⵍⵎⴷ ⵏ ⵜⵎⴰⵣⵉⵖⵜ, ⴷ ⵓⵙⵙⴱⵖⵙ ⵏ ⵜⵎⵍⵉⵍⵉⵏ ⵜⵉⵎⵇⵔⴰⵏⵉⵏ ⵉⵜⵜⵓⵔⴰⵔ ⵓⵙⵍⵎⴰⴷ ⵏ ⵜⵎⴰⵣⵉⵖⵜ ⴳ ⵜⵏⴽⵔⴰ ⵙ ⵓⵙⵙⵍⵎⴷ ⵏ ⵜⵎⴰⵣⵉⵖⵜ.

2- ⵉⵍⵍⴰ ⵅⴼ ⵓⵙⵏⴰⵢ ⴰⵎⴰⵅⵣⴰⵏⵉ ⴰⵙⵓⵖⵏ ⵙ ⵉⴳⴰⵎⵎⵏ ⵉⴳⵔⴰⵖⵍⴰⵏⵏ ⵙ ⵜⵉⵎⵎⴰⴷ ⵏⵏⵙⵏ ⵉⵎⵏⴰⴷⵏ ⵜⵎⴰⵣⵉⵖⵜⵜⵓⵜⵍⴰⵢⵜ ⴷ ⵜⴷⵍⵙⴰ , ⴷ ⵜⵓⵖⵓⵏⵜ ⴰⴷ ⵙⵉⵙ ⵉⵙⵙⵉⴽⵣ ⵜⵓⵜⵍⴰⵢⵜ, ⴰⴽⴰⵍ ⴷ ⵓⴼⴳⴰⵏ.

3- ⴰⵙⵢⴰⴼⵓⵜ ⵙⴳ ⵡⴰⵔⵔⴰⵎⵏ ⵏ ⵜⵎⵙⵎⵓⵏⵉⵏ ⵜⵉⵎⴰⵣⵉⵖⵉⵏ ⴳ ⵉⴳⵔ ⵏ ⵓⵙⵙⵍⵎⴷ ⵏ ⵜⵎⴰⵣⵉⵖⵜ, ⴷ ⵜⵓⵖⵓⵏⵜ ⵏ ⵓⵣⵓⴱⴷⵓ ⴳ ⵉⴳⵔ ⵏ ⵓⵔⵣⵣⵓ ⴰⴽⴰⴷⵉⵎⵉ.

4- ⴰⵙⵏⴰⵢ ⴰⴷ ⵢⵓⵙⵉⵏ ⵜⴰⵎⴰⵙⴰⵢⵜ ⵏ ⵜⵓⵖⴰⵍⵉⵏ ⵏ ⵓⵎⵉⵊⴰ ⵏⵏ ⵓⵣⴷⴷⴰⵏ ⵙ ⵓⵙⵙⵍⵎⴷ ⵏ ⵜⵎⴰⵣⵉⵖⵜ ⴳ ⵜⵉⵏⵎⵍ ⵏ ⵓⵎⵕⵕⵓⴽ ⵅⴼ ⵎⵏⵏⴰⵡ ⵉⵙⵡⵉⵔⵏ, ⴳ ⵓⵎⴰⵍⴰ ⵏ ⵜⵉⴱⴰⵡⵜ ⵏ ⵜⵉⵔⴰ ⵜⴰⵙⵔⵜⴰⵏⵜ ⵏ ⵓⵙⵏⴰⵢ ⵉ ⵓⵙⵓⵎⵓ ⵏ ⵜⵎⴰⵣⵉⵖⵜ, ⴷ ⵡⴰⵔ ⴰⵣⵔⴰⴽ ⵙ ⵉⴳⴰⵎⵎⵏ ⵏⵏⵙ.

5- ⴰⵙⵙⵉⴷⴼ ⵏ ⵜⴷⵍⵙ ⵜⴰⵎⴰⵣⵉⵖⵜ ⴳ ⵉⴳⵔ ⵏ ⵓⵙⵙⵍⵎⴷ ⵉ ⵡⴰⵏⵏⴰⵍ ⵏ ⵓⵙⵙⵍⵎⴷ ⵏ ⵜⵎⴰⵣⵉⵖⵜ ⵙ ⵉⵎⵢⴰⴳⴳⵓⴳⵏ ⵏⵏⵙ : ⴰⵙⵏⵉⵍⵙ, ⴰⴷⵍⵙⴰⵏ ⴷ ⵓⵎⴰⵣⵔⴰⵢ.

6- ⵜⴰⵖⵓⵔⵉ ⵉ ⵜⵎⵙⵎⵓⵏⵉⵏ ⵜⵉⵎⴰⵣⵉⵖⵉⵏ ⵜⵉⵏⴰⵙⵙⴰⵎⵉⵏ ⵅⴼ ⵜⵓⴳⵜ ⵏ ⵓⵙⴳⵓⴷⵉ ⴳ ⵜⵙⴳⴰ ⵏ ⵜⵉⵍⴰⵍ ⵉ ⵓⵙⵙⵍⵎⴷ ⴷ ⵓⵎⵢⴰⵏⵏⴰⵢ ⵅⴼ ⵜⵎⴰⵣⵉⵖⵜ ⴰⴽⴷ ⵜⵓⴳⵜ ⵏ ⵉⵙⵍⴳⵏⵏ ⵙⵉⵙ ⵉⵥⵍⵉⵏ, ⴰⴼⴰⴷ ⴰⴷ ⵢⵉⵍⵉ ⵓⴼⵓⵖ ⵙ ⴽⵔⴰ ⵏ ⵜⴰⵏⵏⴰⵢⵉⵏ ⵜⵉⴼⴰⵡⴰⵏⵉⵏ ⵉ ⵉⴷⵉⵔⵏ ⵏ ⵓⵙⵙⵍⵎⴷ ⵏ ⵜⵎⴰⵣⵉⵖⵜ ⴳ ⵜⵉⵏⵎⵍ ⵜⴰⵏⴱⵉⵣⵜ ⵏ ⵓⵎⵕⵕⵓⴽ.

خلاصات اليوم الدراسي حول تدريس الأمازيغية لجمعية إسَيمن-الثقافية الاجتماعية