ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵜⵜⵓⵙⵜⴰⵢ ⵜⵔⴰⴱⴱⵓⵜ ⵜⴰⵎⴰⵣⵉⵖⵜ ⵜⴰⴳⵔⴰⵖⵍⴰⵏⵜ “ⵜⵉⵏⴰⵔⵉⵡⵉⵏ” ⵍⵍⵉ ⴱⴰⵀⵔⴰ ⵉⵜⵜⵓⵙⵙⴰⵏ ⵖ ⵓⵎⴰⴹⴰⵍ ⴰⴷ ⵜⴳ ⵜⴰⵎⵏⴽⴰⴷⵜ ⴰⴷ ⵜⴰⵡⵉ ⵜⴰⵙⵎⵖⵓⵔⵜ ⵜⴰⵎⴰⴹⵍⴰⵏⵜ “Grammy Awards“ⵉ ⵓⵙⴳⴳⵯⴰⵙ ⵏ 2021 ⴼ ⵓⵍⴱⵓⵎ ⵏⵏⵙ ⴰⵎⴳⴳⴰⵔ ⵉⵍⴰⵏ ⴰⵣⵡⵍ: ⴰⵎⴷⵊⴰⵔ. ⵜⴰⵙⵎⵖⵓⵔⵜ ⴰⴷ ⴰⵔ ⵜⵜⵓⴼⴽⵉ ⵉ ⵓⵍⴱⵓⵎ ⵏ ⵓⵥⴰⵡⴰⵏ ⵉⵥⵉⵍⵏ ⵖ ⴽⵔⴰⵢⴳⴰⵜ ⴰⵙⴳⴳⵯⴰⵙ.
ⵜⵣⵡⴰⵔ ⵜⵔⴰⴱⴱⵓⵜ ⵏ ⵜⵏⴰⵔⵉⵡⵉⵏ ⵉⵙ ⵢⴰⴷ ⵜⵉⵡⵉ ⵜⴰⵙⵎⵖⵓⵔⵜ ⴰⴷ ⵖ ⵓⵙⴳⴳⵯⴰⵙ ⵏ 2011 ⵙ ⵓⵍⴱⵓⵎ ⵏⵏⵙ ⵏ ⵓⵥⴰⵡⴰⵏ: ⵜⴰⵙⵉⵍⵉ.
ⵉⵜⵜⵓⵙⵙⴰⵏ ⵎⴰⵙ ⵜⴳⴰ ⵜⵔⴰⴱⴱⵓⵜ ⵏ ⵜⵏⴰⵔⵉⵡⵉⵏ ⵢⴰⵜ ⵜⵔⴰⴱⴱⵓⵜ ⵏ ⵓⵥⴰⵡⴰⵏ ⵉⵜⵜⵓⵙⴽⴰⵔⵏ ⵖ ⵓⵙⴳⴳⵯⴰⵙ ⵏ 1982 ⵖ ⵜⵙⴳⴰ ⵏ ⵜⴰⵙⵙⵉⵍⵉⵜ ⵉⵍⵍⴰⵏ ⵖ ⵓⴷⵔⴰⵔ ⵏ ⵉⴼⵓⵖⴰⵙ ⵖ ⵓⴳⴰⴼⴰⵢ ⵏ ⵎⴰⵍⵉ ⴷ ⵉⴼⴼⵓⵙ ⵏ ⴷⴷⵣⴰⵢⵔ, ⴰⵔ ⵜⵣⴷⴷⵉ ⵖ ⵓⵥⴰⵡⴰⵏ ⵏⵏⵙ ⵏⴳⵔ ⴰⵢⴷⴰ ⵏ ⵜⵡⴰⵔⴳ ⴷ ⵡⴰⵏⴰⵡ ⵏ ⵍⴱⵍⵓⵣ.
ⵜⵙⵙⴼⵓⵖ ⴷ ⵜⵔⴰⴱⴱⵓⵜ ⵏ ⵜⵏⴰⵔⵉⵡⵉⵏ ⴰⵔ ⵖⵉⵍⴰⴷ ⴽⵉⴳⴰⵏ ⵏ ⵡⴰⵍⴱⵓⵎⵏ ⴰⵎ: ⵜⵉⵏⵉⵔⵉ, ⴱⴰⵎⴰⴽⵓ, ⴰⵎⴰⵙⵙⴰⴽⵓⵍ, ⴰⵎⴰⵏ ⵉⵎⴰⵏ,…
