ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵜⵙⵜⵉ ⵜⵎⵙⵇⵇⴰⴷⵜ ⵏ ⵜⴳⵍⴷⵉⵜ ⵏ ⴱⵉⵍⵊⵉⴽ ⴳ ⵕⵕⴱⴰⵟ ⴰⴷ ⵜⴰⵔⴰ ⵓⴷⵎ ⵏⵏⵙ ⴰⴷⵙⵍⴰⵏ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ. ⵜⴳ ⵜⵡⵡⵓⵔⵉ ⴰⴷ ⵜⵉⵙ ⵙⵏⴰⵜ ⴷⴼⴼⵉⵔ ⵏ ⵜⵎⵙⵇⵇⴰⴷⵜ ⵏ ⴰⵍⵎⴰⵏⵢⴰ ⴳ ⵕⵕⴱⴰⵟ.
ⵉⴽⴽⴰ ⵜⵜ ⵏⵏ ⵓⴳⵔⴰⵡ ⴰⵎⴰⴹⵍⴰⵏ ⴰⵎⴰⵣⵉⵖ ⵢⴰⵣⵏ ⴽⵉⴳⴰⵏ ⵏ ⵜⴱⵔⴰⵜⵉⵏ ⵉ ⵜⴳⵔⴰⵡⵉⵏ ⵜⵉⴷⵓⴱⵍⴰⵎⴰⵙⵉⵢⵉⵏ ⵍⵍⴰⵏⵉⵏ ⴳ ⵍⵍⴰⵏⵉⵏ ⴳ ⵍⵎⵖⵔⵉⴱ ⵃⵎⴰ ⴰⴷ ⴰⵔⴰⵏⵜ ⵉⵙⵎⴰⵡⵏ ⵏⵏⵙⵏⵜ ⵙ ⵓⵙⵎⵔⵙ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵙ ⵓⵙⴽⴽⵉⵍ ⴰⵎⴰⵣⵉⵖ ⴰⵇⴱⵓⵔ ⵜⵉⴼⵉⵏⴰⵖ ⵍⵍⵉ ⵉⴳⴰⵏ ⴰⵙⴽⴽⵉⵍ ⵓⵏⵚⵉⴱ ⵏ ⵜⵉⵔⵔⴰ ⵙ ⵜⵎⴰⵣⵉⵖⵜ.
ⵉⵙⵎⵏⵉⴷ ⵓⵍⴰ ⵎⴰⵙⵙ ⵕⴰⵛⵉⴷ ⵕⴰⵅⴰ ⴰⵎⵖⴰⵔ ⵏ ⵓⴳⵔⴰⵡ ⴰⵎⴰⵣⵉⵖ ⵢⴰⵏ ⵓⵙⴷⴰⵡ ⵉⵙⴰⵡⴰⵍⵏ ⴼ ⵉⵣⵔⴼⴰⵏ ⵏ ⵉⵎⴰⵣⵉⵖⵏ ⴳ ⵉⴳⵔⴰⵏ ⵏ ⵓⵙⵙⵍⵎⴷ ⴷ ⵓⵙⵏⵖⵎⵙ ⴷ ⵜⴷⵍⵙⴰ ⴷ ⵉⴳⵔⴰⵏ ⵏ ⵜⵓⴷⵔⵜ ⵜⴰⵎⴰⵜⴰⵢⵜ, ⵉ ⴽⵉⴳⴰⵏ ⵏ ⵜⵎⵙⵇⵇⴰⴷⵉⵏ ⵏ ⵉⵡⴰⵏⴽⵏ ⵏ ⵓⵕⴱⴱⴰ ⴳ ⵕⵕⴱⴰⵟ ⴰⵎ ⵜⵉⵏ: ⴰⵍⵎⴰⵏⵢⴰ, ⴼⵕⴰⵏⵚⴰ, ⵚⴱⴰⵏⵢⴰ, ⵉⵟⴰⵍⵢⴰ, ⴱⵉⵍⵊⵉⴽⴰ, ⵀⵓⵍⴰⵏⴷⴰ, ⴷⴷⴰⵏⵉⵎⴰⵔⴽ, ⵏⵏⴰⵡⵔⵡⵉⵊ…
ⵉⵖⵔ ⵎⴰⵙⵙ ⵕⴰⵅⴰ ⵉ ⵜⵎⵙⵇⵇⴰⴷⵉⵏ ⴰⴷ ⵏ ⵓⵕⵓⴱⴱⴰ ⵃⵎⴰ ⴰⴷ ⵢⵉⵍⵉ ⵓⵅⵎⵎⴻⵎ ⴳ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵉⴳⴰⵏ ⵜⵓⵜⵍⴰⵢⵜ ⵜⵓⵏⵚⵉⴱⵜ ⴳ ⵓⴷⵓⵙⵜⵓⵔ ⵏ ⵜⴳⵍⴷⵉⵜ ⴷ ⵓⵙⵍⴳⵏ ⴰⵎⵖⵔⵉⴱⵉ, ⵜⴻⵟⵟⴻⴼ ⵓⵍⴰ ⴰⴷⵖⴰⵔ ⵏⵏⵙ ⴳ ⵜⵡⵡⵓⵔⵉ ⵏⵏⵙⵏ ⵜⴰⴷⵉⴱⵍⵓⵎⴰⵙⵉⵜ, ⵙ ⵓⵙⵙⵍⵎⴷ ⵏⵏⵙ ⴳ ⵜⵉⵏⵎⴰⵍ ⵏ ⵜⵎⴰⵣⴰⵏⵉⵏ ⴷ ⵉⵙⵉⵏⴰⴳⵏ ⵏ ⵓⵕⵓⴱⴱⴰ ⵍⵍⴰⵏⵉⵏ ⴳ ⵍⵎⵖⵔⵉⴱ.
ⵖⵎⴽ ⵉⵍⵍⴰ ⵉⵖⵔⴰ ⵎⴰⵙⵙ ⵕⴰⵅⴰ ⵉ ⵜⵎⵙⵇⵇⴰⴷⵉⵏ ⴰⴷ ⵃⵎⴰ ⴰⴷ ⵙⵉⴷⴼⵏⵜ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵜⵉⵍⴰⵍ ⴷ ⵉⵖⴰⵡⴰⵙⵣⵏ ⵉⴷⵍⵙⴰⵏⵏ ⴷ ⵉⵏⴰⵎⵓⵏⵏ ⵍⵍⵉ ⵙⵏⴰⵎⴰⵍⴰⵏⵜ ⴳ ⵜⵎⵓⵔⵜ ⵏ ⵍⵎⵖⵔⵉⴱ, ⵖⵎⴽ ⴰⵏⵏ ⵓⵍⴰ ⴳ ⵜⵎⵢⴰⵇⵇⴰⵏⵉⵏ ⵏ ⵜⵎⴰⴷⵔⴰⵡⵜ ⵍⵍⵉ ⵜⵜⵓⵣⵎⵎⴰⵎⵏⵉⵏ ⴷ ⵍⵎⵖⵔⵉⴱ ⴰⵎ ⴰⵙⵙⵍⵎⴷ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵉ ⵜⴰⵔⵡⴰ ⵏ ⵉⵎⵖⵔⵉⴱⵉⵢⵏ ⵍⵍⴰⵏⵉⵏ ⴳ ⵜⵎⵉⵣⴰⵔ ⵏ ⵓⵕⵓⴱⴱⴰ ⴷ ⵉⵖⴰⵡⴰⵙⵏ ⵏ ⵓⵙⵉⵜⵜⵉ ⵏ ⵜⵄⴰⵎⴰⵉⵜ.
ⵜⵉⵍⵉ ⵓⵍⴰ ⵖ ⵜⴱⵔⴰⵜⵉⵏ ⴰⴷ, ⵜⵓⵜⵔⴰ ⵉ ⵜⵎⵙⵇⵇⴰⴷⵉⵏ ⴰⴷ ⵃⵎⴰ ⴰⴷ ⴰⵔⴰⵏⵜ ⵉⵙⵎⴰⵡⵏ ⵏⵏⵙⵏⵜ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵜⴰⵎⴰ ⵏ ⵜⴰⵄⵕⴰⴱⵜ.
