ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵜⵜⵓⵙⵎⴰⴷ, ⴰⵙⵙ ⵏ ⵓⵙⵉⴹⵢⴰⵚ 25 ⵢⵓⵏⵢⵓ 2022, ⴳ ⵜⴷⴰⵍⴰ ⵏ ⵙⵙⵓⵍⵉⵎⴰ ⴷ ⵓⵎⵣⴳⵓⵏ ⵉⵚⴱⴰⵏⵢⵓⵍ, ⵜⵙⵓⵜⵍⵜ ⵜⵉⵙ ⴽⴽⵓⵥⵜ ⵏ ⵓⵏⵎⵓⵇⵇⴰⵔ ⵏ ⵔⵔⵉⴼ ⵉ ⵓⵙⴰⵔⵓ ⴰⵎⴰⵣⵉⵖ ⵍⵍⵉ ⵜⵙⵏⵎⴰⵍⴰ ⵜⵎⵙⵎⵓⵏⵜ ⵏ ⵜⵙⴰⵡⵓⵔⵜ ⵏ ⵙⵙⵓⵍⵉⵎⴰ ⵖ ⵜⵉⵟⵟⴰⵡⵉⵏ ⵙⴳ 22 ⴰⵔ 25 ⵢⵓⵏⵢⵓ 2022.
ⵉⵍⵍⴰ ⴳ ⵜⴼⴼⵓⴳⵍⴰ ⵏ ⵓⵙⵎⴰⴷ ⴰⵙⵎⵖⵔ ⵏ ⵜⵏⵖⵎⴰⵙⵜ ⴷ ⵜⵎⵖⵏⴰⵙⵜ ⵜⴰⵎⴰⵣⵉⵖⵜ ⴰⵎⵉⵏⴰ ⴱⵏⵛⵛⵉⵅ ⴷ ⵓⵎⴰⵔⴰ ⴷ ⵓⵏⴰⵥⵓⵕ ⵎⵓⵃⴰⵎⵎⴰⴷ ⵛⵛⵓⴱⵉ ⴷ ⵡⴰⵏⴰⴹ ⴳ ⵜⵓⴽⴽⵉⵎⵜ ⵎⵓⵃⴰⵎⵎⴰⴷ ⵍⵎⴰⵃⵊⵓⴱⵉ, ⵖⵎⴽ ⴰⵏⵏ ⴷ ⵓⵙⵎⵏⵉⴷ ⵏ ⵓⵥⴰⵡⴰⵏ.
ⴳ ⵜⴳⵉⵔ ⵏ ⵜⴼⴼⵓⴳⵍⴰ ⴰⴷ, ⵜⵉⵡⴹ ⵜⵙⵇⵇⵉⵎⵜ ⵏ ⵜⵏⴼⴳⵓⵔⵜ ⵍⵍⵉ ⵉⵙⵙⵉⵅⴼ ⵓⵎⵙⵓⴼⵖ ⵃⴰⵙⴰⵏ ⴱⵏⵊⵍⵍⵓⵏ ⵢⵉⵍⵉ ⴳⵉⵙ ⴰⵎⴼⴰⵔⴰⵏ ⵍⴰⵃⴱⵉⴱ ⵏⴰⵚⵉⵕⵉ ⴷ ⵜⵏⵖⵎⴰⵙⵜ ⵏⴰⴷⵢⴰ ⵙⵙⵓⵙⵉ ⴷ ⵜⵙⵎⴷⵢⴰⵜ ⵡⴰⴼⴰ ⵎⵔⵔⴰⵙ ⴷ ⵓⵙⵉⵏⴰⵔⵉⵙⵜ ⵎⵓⵃⴰⵎⴰⵎⴷ ⵎⵓⵊⴰⵀⵉⴷ ⴷ ⴱⴰⴱ ⵏ ⵓⵥⴰⵡⴰⵏ ⵢⵓⵏⵓⵙ ⵎⵉⴳⵔⵉ, ⵜⵉⵡⴹ ⵉⵙⴰⵔⵓⵜⵏ ⵉⵡⵉⵏⵉⵏ ⵜⵉⵙⵎⵖⵓⵔⵉⵏ ⵏ ⵓⵏⵎⵓⵇⵇⴰⵔ ⵖ ⵉⴷⵔⵓ 12 ⵏ ⵓⵙⴰⵔⵓ: ⵜⴰⵙⵎⵖⵓⵔⵜ ⵜⴰⵎⵣⵡⴰⵔⵓⵜ, ⵜⴰⵙⵎⵖⵓⵔⵜ ⵏ ⵔⵔⵉⴼ ⵜⴰⵅⴰⵜⴰⵔⵜ, ⵜⴰⵙⵎⵖⵓⵔⵜ ⵏ ⵓⵙⵉⵏⵔⴰⵢⵓ, ⵜⴰⵙⵎⵖⵓⵔⵜ ⵏ ⵓⵙⵓⴼⵖ.
ⵢⵉⵡⵉ ⵓⵙⴰⵔⵓ ⵏ « ⵇⴰⵍⴰⵎ » ⵜⴰⵙⵎⵖⵓⵔⵜ ⵏ ⵓⵙⵉⵏⴰⵔⵢⵓ ⵏ ⵊⴰⵎⴰⵍ ⵜⴰⵄⵎⵔⵜ, ⵢⴰⵡⵉ ⵜⴰⵙⵎⵓⵔⵜ ⵏ ⵓⵙⵓⴼⵖ ⴰⵙⴰⵔⵓ ⵏ « ⵇⴰⵍⴰⵇ » ⵏ ⵃⴰⵎⵣⴰ ⵣⵔⵢⵓⵃⵉ. ⵢⴰⵡⵉ ⵓⵙⴰⵔⵓ ⵏ « ⵎⵉⵜⴰⵇ » ⵏ ⵃⵓⵙⵉⵏ ⵃⴰⵏⵉⵏ ⵜⴰⵙⵎⵖⵓⵔⵜ ⵜⴰⵅⴰⵜⴰⵔⵜ ⵏⵔⵔⵉⴼ.
