ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵜⴻⵜⵜⵢⵓⵙⴽⴰⵔ ⵜⵎⵙⵉⵔⵜ ⵜⵉⵙ ⴽⴽⵓⵥⵜ ⵙⴳ ⵜⵙⴰⵡⵔⵜ ⵏ ⵜⵉⵔⵔⴰ ⵏ ⵜⵎⵣⴳⵓⵏⵜ ⵏⵏⵉ ⵜⵓⵖⴰ ⵉⵙⵙⵓⵜⵉ ⵓⵙⵍⵎⴰⴷ ⵎⵓⵃⵎⵎⴰⴷ ⴱⵍⵇⵇⴰⵢⴷ ⴰⵎⴰⵢⵢⵓⵔ, ⴰⵙⵙ ⵏ ⵓⵙⴰⵎⴰⵙ 26 ⴷⵓⵊⴰⵏⴱⵉⵔ 2021 ⵖ ⵓⵙⴰⵢⵔⵓⵔ ⵏ ⵡⴰⵢⵢⴰⵡ ⴳ ⵜⵣⵏⵉⵜ, ⵏⵏⴰ ⵉⴽⵛⵎⵏ ⴳ ⵜⵅⵔⴰⵙⵉⵏ ⵏ ⵓⵙⵎⵓⵜⵜⴳ ⵥⵍⵉⵏⵉⵏ ⵙ ⵓⵍⵎⵓⵇⵇⴰⵔ ⵏ ⵉⵄⵔⵔⵉⵎⵏ ⵉⵎⵙⵏⴼⵍⴰⵍ ⵉⵎⴰⵣⵉⵖⵏ ⴳ ⵜⵙⵓⵜⵍⵜ ⵏⵏⵙ ⵜⵉⵙ ⴽⵕⴰⴹⵜ, ⵍⵍⵉ ⵉⵜⵜⵓⵙⵏⵎⴰⵍⴰⵏ ⴳ ⵓⵙⴰⵜⵉ ⵏ ⵓⵖⴰⵡⴰⵙ »ⵉⵍⵍ ⵓⵎⵍⵉⵍ ⴰⵏⴰⵎⵎⴰⵙ ⴳ ⵜⵙⴳⴰ ⵙ ⵜⴰⵢⵢⴰⴹ » ⵙⴳ ⵖⵓⵔ ⵜⵎⴰⴳⵔⴰⵡⵜ ⵜⴰⵎⴰⵢⵏⵓⵜ ⴰⵢⵢⴰⵡ ⵏ ⵜⵣⵏⵉⵜ, ⵙ ⵓⵙⵙⵥⵕⴼ ⵏ ⵜⵎⵔⵙⵍⵜ ⴼⵕⴰⵏⵙⴰ ⴷ ⵜⵎⴰⴷⴷⴰⵙⵜ ⵏ ⵜⵣⵡⴰⴳⵜ ⴷ ⵜⵏⴼⴰⵍⵉⵜ.
ⵍⵍⵉ ⵎⵓ ⴳⴰⵏ ⵉⵣⵡⵉⵍⵏ ⵎⴽⴰⴷ ⴳ ⵓⴳⵣⵣⵓⵎ ⵏⵏⵙ ⴰⵎⵣⵡⴰⵔⵓ, ⵜⴰⵡⵓⵔⵉ ⵏ ⵜⵎⴰⵜⴰⵔⵉⵏ ⴳ ⵓⵎⵣⴳⵓⵏ ⴷ ⵡⴰⵏⴰⵡⵏ ⵏⵏⵙ ⴷ ⵜⵖⴰⵔⴰⵙⵉⵏ ⵏ ⵓⵙⵡⵓⵔⵉ ⵃⵎⴰ ⴰⴷ ⵜⵜⵓⵣⵣⵓⴳⴰⵣⵏ ⴰⴷⴷⴰⵢ ⵜⴻⵜⵜⵢⴰⵔⴰ ⵜⵎⵣⴳⵓⵏⵜ, ⵎⴽⵍⵍⵉ ⴷⴰⵖ ⵉⵥⵍⵉ ⵓⴳⵣⵣⵓⵎ ⵡⵉⵙ ⵙⵉⵏ ⵙ ⵓⵙⵡⵓⵔⵉ ⵖⴼ ⵉⴹⵕⵉⵚⵏ ⵉⵙⴽⵍⴰⵏⵏ ⴷ ⵡⵉⵏⵏⴰ ⵜⵏ ⴰⴽⴽⵯ ⵓⵔ ⴳⵉⵏⵉⵏ ⴼⴰⴷ ⴰⴷ ⵜⴻⵜⵜⵡⴰⵛⵟⴰⵏ ⵜⵏⵏⵍⵉⵜ ⵏ ⵓⵎⵙⵏⴼⵍⵓⵍ ⵃⵎⴰ ⴰⴷ ⵢⴰⵔⴰ ⴽⵔⴰ ⵏ ⵜⵎⵥⵕⵉⵜ ⵏⵖ ⵜⵉⵎⵥⵕⵉⵜⵉⵏ ⵎⵙⴰⵙⴰⵏⵉⵏ ⴷ ⵓⵙⵏⴼⴰⵔ ⵏ ⵓⴹⵕⵉⵚ ⵏⵏⴰ ⵅⴼ ⵉⵙⵡⵓⵔⵉ ⴽⵔⴰⵢⴳⴰⵜ ⴰⵎⵙⵢⴰⴼⵓ.
ⵜⴳ ⵏⵉⵜ ⵉⵍⵏⵏⴰ ⵜⵉⵣⵉ ⵍⵍⵉ ⵉⵣⵡⴰⵔⵏ ⵢⴰⵜ ⵜⵎⵍⴷⴰ ⴼⴰⴷ ⴰⴷ ⵙⵙⵏⵏ ⵜⵉⵎⴰⵎⴽⵉⵏ ⵏ ⵓⵙⵡⵓⵔⵔⵉ ⴼ ⴽⵔⴰ ⵏ ⵢⵉⴼⵉⵍ ⴰⵎⵙⵉⵍⵖ ⴷ ⴽⵔⴰ ⵏ ⵜⵖⴰⵔⴰⵙⵉⵏ ⵏ ⵓⵙⵡⵓⵔⵉ ⵅⴼ ⴽⴰ ⵏ ⵜⵓⵍⵍⵉⵙⵜ ⵎⵥⵥⵉⵢⵏ.
ⵖⵉⴽⵍⵍⵉ ⴷⵉⵖ ⵥⵕⴰⵏ ⵉⵎⵙⵢⴰⴼⵓⵜⵏ ⴽⵔⴰ ⵜⵎⴰⵎⴽⵉⵏ ⵍⵍⵉ ⵔⴰⴷ ⵉⵜⵜⵢⵓⵙⴽⴰⵔ ⵉⴳ ⵔⴰⴷ ⵜⵏⵜⵉⵜ ⵙⴳ ⴽⵔⴰ ⵏ ⵓⴹⵕⵉⵚ ⴰⵎⴰⵍⵍⴰⵙ (ⵜⵓⵍⵍⵉⵙⵜ ⵜⵓⴳⵣⵉⵍⵜ) ⴷ ⵣⵖ ⴽⵔⴰ ⵏ ⵢⵉⴼⵉⵍ ⴰⵎⵙⵉⵍⵖ ⴼⴰⴷ ⴰⴷ ⵜⴰⵔⴰⵜ ⴽⵔⴰ ⵏ ⵜⵎⵥⵕⵉⵜ ⵏⵖ ⵜⵉⵎⵥⵕⵉⵜⵉⵏ ⵜⵉⵏⵎⵣⴳⵓⵏⵉⵏ, ⵜⴳⴳⵔⵓ ⵉⵍⵎⵎⴰⴷⵉⵏⵜ ⵜⵙⴰⵡⵔⵜ ⵙ ⵓⵙⴽⴰⵙⵉ ⵏ ⵜⵢⴰⴼⵓⵜ ⵏ ⵉⵍⵓⵖⵎⴰ ⵓⵙⵏⵉⵙⵏ ⵏⵏⴰ ⴷ ⵙⵙⵓⵊⴰⴷⵏ ⵉⵎⵙⵢⴰⴼⵓⵜⵏ ⵉⵜⵜⵡⴰⴳⴳ ⴰⵙⵏ ⵉⵍⵎⵎⴰ ⵓⵙⵉⵜⴳ ⵉ ⵡⵓⵎⵄⵉⵏⵏ ⵏⵏⴰ ⵓⵎⵥⵏ ⴳ ⵜⵎⵙⵉⵔⵜ ⴰⴷ.
ⵙⴳ: ⵜⴰⵙⵏⴰ ⵏ ⵜⵎⴰⵢⵏⵓⵜ ⴳ ⵓⴼⴰⵢⵙⴱⵓⴽ
