![](https://i0.wp.com/www.amadalamazigh.press.ma/tamazight/wp-content/uploads/2022/02/274543645_4797576313642595_8815020907896350978_n.jpg?resize=400%2C300&ssl=1)
ⵍⵍⴰⵏ ⵏⵏ ⵉⵄⵔⵔⵉⵎⵏ ⵓⵎⵓⵏⵉⵏ ⴳ ⵜⵙⴰⵡⵔⵜ ⵏ ⵜⵉⵔⵔⴰ ⵜⴰⵙⴽⵍⴰⵏⵜ (ⵜⵓⵍⵍⵉⵙⵜ ⴷ ⵡⵓⵏⴳⴰⵍ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ) ⴰⵙⵙ ⵏ ⵓⵙⴰⵎⴰⵙ 06 ⴱⵕⴰⵢⵕ, ⴷ ⵜⵎⵙⵉⵔⵜ ⵜⵉⵙ ⵙⵎⵎⵓⵙⵜ ⴳ ⵜⵙⴰⵡⵔⵜ ⴰⴷ, ⵍⵍⵉ ⵉⵍⵍⴰⵏ ⴳ ⵓⵙⴰⵜⵉ ⵏ ⵜⵙⵓⵜⵍⵜ ⵜⵉⵙ ⵚⴹⵉⵚⵜ ⵏ ⵓⵍⵎⵓⵇⵇⴰⵔ ⵏ ⵉⵄⵔⵔⵉⵎⵏ ⵉⵎⵙⵏⴼⵍⴰⵍ ⵉⵎⴰⵣⵉⵖⵏ, ⵏⵏⴰ ⵜⵙⵏⵎⴰⵍⴰ ⵜⵎⴰⴷⵔⴰⵡⵜ ⵜⴰⵎⴰⵢⵏⵓⵜ ⴰⵢⵢⴰⵡ ⵏ ⵜⵣⵏⵉⵜ ⵙ ⵜⴷⵔⴰⵡⵜ ⴷ ⵜⵎⵔⵙⵍⵜ ⴼⵕⴰⵏⵙⴰ ⴷ ⵜⵎⴰⴷⴷⴰⵙⵜ ⵏ ⵜⵣⵡⴰⴳⵜ ⴷ ⵜⵏⴼⴰⵍⵉⵜ, ⵉⴽⵛⵎⵏ ⵖ ⵓⵖⴰⵡⴰⵙ ⵏ ⵢⵉⵍⵍ ⵓⵎⵍⵉⵍ ⴰⵏⴰⵎⵎⴰⵙ « ⴳ ⵜⵙⴳⴰ ⵙ ⵜⴰⵢⵢⴰⴹ ».
ⵏⵜⵉⵏ ⵉⵙⵡⵓⵔⵉⵜⵏ ⵏ ⵜⵙⴰⵡⵔⵜ ⴰⴷ ⵙⴳ ⵜⵉⵙ ⵎⵔⴰⵡⵜ ⵏ ⵜⵉⴼⴰⵡⵜ ⴰⵔ ⵜⵉⵙ ⴽⴽⵓⵥⵜ ⵏ ⵜⴷⴳⴳⵯⴰⵜ ⴳ ⵓⵙⴰⵢⵔⵓⵔ ⵏ ⵡⴰⵢⵢⴰⵡ ⴳ ⵜⵣⵏⵉⵜ.
ⵍⵍⵉ ⵎⵓ ⴳⴰⵏ ⵉⵙⵏⵜⴰⵍ ⵏⵏⵙ ⵎⴽⴰⴷ:
– ⴰⵙⵉⵙⵙⵏ ⵏ ⵓⵎⵙⴰⵡⴰⵍ, ⴰⵏⴰⵡⵏ ⵏⵏⵙ, ⵜⵉⵥⵍⴰⵢⵉⵏ, ⴷ ⴽⵔⴰ ⵏ ⵜⵎⴰⵎⴽⵓⵏ ⵏ ⵓⵙⵙⴰⵔⵓ ⵏⵏⵙ ⴳ ⵓⴹⵕⵉⵚ ⴰⵙⴽⵍⴰⵏ.
– ⵜⴰⵣⵔⴰⵡⵜ ⵏ ⵉⴳⵣⵣⵓⵎⵏ ⵏ ⵓⵎⵙⴰⵡⴰⵍ ⵙⴳ ⵜⵡⵓⵔⵉⵡⵉⵏ ⵜⵉⵙⴽⵍⴰⵏⵉⵏ ⵏⵏⴰ ⵜⵜⵢⵓⵔⴰⵏⵉⵏ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴷ ⵜⴼⵕⴰⵏⵙⵉⵙⵜ.
– ⵜⵓⵍⵍⵉⵙⵜ ⴱⴰⵀⵔⴰ ⵎⵥⵥⵉⵢⵏ, ⴰⵙⵉⵙⵙⵏ ⵏⵏⵙ, ⵜⵉⵥⵍⴰⵢⵉⵏ ⵏⵏⵙ ⴷ ⵜⵎⴰⵎⴽⵉⵏ ⵍⵍⵉ ⵙ ⴰⵙ ⵜⵜ ⵜⵜⴰⵔⴰⵏ.
– ⵉⵍⴰⵖⵎⵓⵜⵏ ⵓⵙⵏⵉⵙⵏ ⵏ ⵓⵙⵙⵕⵚⵓ ⵏ ⵉⵙⵏⵜⴰⵍ ⵏ ⵜⵙⴰⵡⵔⵜ.
ⵜⴳⴳⵔⵓ ⵏⵉⵜ ⵉⵍⵎⵎⴰ ⵜⵙⴰⵡⵔⵜ ⴰⴷ ⵙ ⵓⵣⵣⵔⴰⵢ ⴼ ⵉⵙⵏⴰⵙ ⵏⵏⴰ ⵜⵜⵢⵓⵙⴽⴰⵔⵏⵉⵏ ⵙⴳ ⵖⵓⵔ ⵉⵎⴰⴷⵔⴰⵡⵏ ⴷ ⵜⵎⴰⴷⵔⴰⵡⵉⵏ.
ⵙⴳ ⵜⴰⵏⵙⴰ ⵏ ⵜⵎⴰⵢⵏⵓⵜ ⴳ ⵓⴼⴰⵢⵙⴱⵓⴽ